Onosa Clinic : Dr Ehab Nabil Salama

31/12/2021

03/05/2021

Happy Easter 🏞️💐
عيد شم نسيم سعيد 🏞️💐

05/01/2021

حامل و عايزه مناعه قويه 🤰🤰

عليكى بالتالى :
- كوب ليمون يعادل قرص فيتامين سي فوار. 💯
- طبق سلطة يحتوى على فلفل رومي هذا غني بفيتامين سي.💯

- بيضة واحدة يوميا او جبنه قريش أو كوب لبن او كبده ، فيهم فيتامين د .💯

كوب زبادي وعليه ملعقه صغيره عسل نحل وملعقه صغيرة شوفان تحتوى على معدن الزنك .💯

- النوم لا يقل عن ٨ ساعات 💯
_تناول الفواكه والخضار والبروتين والسمك وشرب الماء 💯
_ الأمتناع عن السكريات والدهون والنشويات المصنعة والمشروبات الغازية 💯

جميعها اشياء ننصح بها الحوامل بعيدا عن الكورونا😷😷

تمنياتي لكم جميعا بالصحه و العافيه ...

د ايهاب نبيل
استشارى أمراض النساء والتوليد
علاج تأخر الحمل و الحقن المجهري

23/12/2020

اكرر فى ما يخص الأم المصابه بالكورونا ☣️☣️🤱🤱
اذا كانت حالتك الصحيه تسمح لكى بالرضاعة ... لا تتوقفى عن إرضاع طفلك و انتى مرتديه الكمامه .. لبن الأم يوفر مناعه هامه جدا للطفل فى هذه الفتره ... بعدك عن طفلك فى هذه الفتره قد يضره أكثر من حمايته من الكورونا

08/12/2020

كورونا و الرضاعه 🤱🤱🤱

26/11/2020

الحمل و الكورونا 😷💉🧬🧫

شويه حقائق وتصحيح لمعتقدات خاطئه :

* الحامل مش عرضه للعدوى اكثر من غيرها لو التزمت مش هيحصل حاجه ولو ملتزمتش هتتعدى.

* مش كل حامل تصاب بالكورونا بتموت ومش كل حامل تصاب بالكورونا بتمر بمرحله صعبه من المرض النسب بتختلف وبتكون اعلى شويه مقارنه بغيرها من غير الحوامل لكن المؤكد ان الغالبية العظمى بتخف بدون أدنى مشكله

*الكورونا مش مثبت علميا انها بتسبب الاجهاض لكن فى حاله حدوث مضاعفات خطيره ممكن الحامل تولد بدرى عن ميعادها وفى الغالب الطفل بيتولد فى وقت يسمح انه يعيش بعد فتره بيقضيها فى الحضانه

* الكورونا مبتتنقلش للجنين عن طريق المشيمه

* الكورونا مش مثبت علميا انها بتعمل عيوب خلقيه للاجنه استخدام ادويه غلط بدون الرجوع للطبيب هى اللى ممكن تضر

* الام المصابه بالكورونا فى حاله انها ولدت وحالتها اتحسنت تقدر ترضع الطفل لان الرضاعه بعد الولاده مهمه جدا جدا للطفل بس هتاخد بعض الاجراءات البسيطه زى غسيل الايدى و تلبس كمامه وتهتم بالنظافه الشخصيه.

السؤال الاهم ايه المطلوب مننا ؟؟ 😷🌡️💉🧬🧫

اولا : تنسي الحامل الخوف خالص وتركز فى انها تختار اسم للضيف القادم ودى حاجه صعبه جدا جدا على فكره وهستاذنهم ناخد رأى الاب يعنى نخليه يشارك 😂

ثانيا : محاوله انها متتصابش وتقدر تعمل كده عن طريق تقليل الزيارات العائليه والبعد عن التجمعات والالتزام بالكمامه والتباعد المجتمعى والمداومة على النظافه الشخصيه وخصوصا فى الاشهر الاخيره من الحمل او لو عندها مرض مزمن زى الضغط او السكر يكون الحذر اكثر

ثالثا : المتابعه مع طبيب نساء بانتظام علشان لو فى مشكله ظهرت تتعالج بدرى زى ضغط الحمل او سكر الحمل او غيره من المشاكل اللى بتقابلها الحامل اللى هى للعلم احيانا بتكون اخطر من الكورونا بكتييير فرجاءا المتابعه للحامل مهمه جدا
ممكن تحتاج علاج و لكن تحت إشراف طبيب نساء وتوليد علشان متاخدش حاجه تاذيها

رابعا : الاهتمام بالاكل الصحى وتنوع العناصر الغذائيه من خضروات وفاكهه

اخيرا الخوف مش هيفيد .... المفروض نكون فرحانين علشان ربنا هيرزقنا بطفل خلال اشهر فبلاش رعب وخوف لان ده هيضعف جهازك المناعى اكثر ومش هيفيد.
تلتزمى وبس وتاخدى حذرك أكثر مش مطلوب منك حاجه تانيه نهائى.
مع تمنياتي بالصحه و العافيه ....

د ايهاب نبيل
استشارى أمراض النساء والتوليد
علاج تأخر الحمل و الحقن المجهري

30/10/2020

معلومات تهمنا في نظام الاكل👇👇👇

1_اكل رز ولا مكرونه؟
- الارز افضل..المكرونه يعني دقيق.
2_ اشرب قهوه ولا نسكافيه؟
- القهوه افضل وافيد
3_ استعمل سكر ابيض ولا سكر دايت؟
- ولا ده ولا ده استعملى عسل نحل
4_كورن فليكس ولا شوفان؟
- مفيش مقارنه اصلا ...شوفان طبعا
5_ اكل فاكهه ولا اعملها عصير؟
- كلى فاكهه افضل و سعرات اقل والياف اكثر.
6 لبن خالي الدسم ولا كامل الدسم؟
- كامل الدسم ونشيل الوش عشان نستفيد بالفيتامينات اللي فيه.
7_ زيت ذره ولا زيت زيتون؟
- زيت الزيتون اكيييييد (على البارد)
8_ افضل نوع فيتامينات اشتريه من الصيدليه؟
- كلى سلطه وخضار طازج بكل الالوان كل يوم مش هتحتاج اي شي .
9_ اشتري (كبسولات اوميجا 3)؟
- كلى اسماك (مشويه)مرتين في الاسبوع مش هتحتاجيها ان شاء الله
10_ كانز دايت ولا عصير من غير سكر؟؟؟
- ولا ده ولا ده اشربى ماء كتيييير
11_ مكسرات نيه ولا محمصه؟
- نيه بس اتاكدى انها مش متخزنه
12_ اشتري صن بايت ولا فورنو؟
- اعملى فشار في البيت.
13_ ممكن اكل قطعه شيكولاته؟؟؟
- الغامقه ممتازه وتكون فوق70%

دمتم سالمين

د ايهاب نبيل
استشارى أمراض النساء والتوليد
علاج تأخر الحمل و الحقن المجهري

19/09/2020

متوفر حاليا بجميع فروع المصل و اللقاح