Dr Saleh El-Baqary

04/06/2025

كل عام وانتم بخير
عيد مبارك عليكم وعلى الأمة الإسلامية
تقبل الله منا ومنكم صالح الأعمال

05/03/2025

عملت عملية الغضروف ولسه بتشتكي من الم الفقرات ومن عرق النسا؟
حاسس انك زي قبل العملية ومفيش اي تحسن ؟
ياترى المشكلة في العملية ولا من الدكتور ولا من ايه ؟
تعالى اقولك ايه اللي ممكن يكون مسبب لك الأعراض دي بعد العملية.
السبب الأول:
ممكن تكون الأعراض اللي عندك من الاول (قبل العملية) كانت بسبب مشكلة اخرى غير الغضروف (حتى لو الأشعة والتقارير قبل العلمية بتقول ان عندك مشكلة في الغضروف او الفقرات)
هل ده ممكن يحصل ؟
اه بيحصل (وكتير كمان)
احيانا بيكون المريض بيشتكي من الم اسفل الظهر مثلا و الم في رجله (عرق النسا) و أشعة الرنين موضحة ان في انزلاق غضروفي بين الرابعة والخامسة(على سبيل المثال) ، فالدكتور يعتمد على التقرير ويدخل المريض العمليات ويعمل له عملية الغضروف والمريض ما يتحسن بعد العملية (لان الغضروف مش هو السبب)
وتكون الأعراض اللي كانت قبل العملية كانت بسبب اخر غير الغضروف (اللي اكتشفناه صدفة في الاشعات ومش هوا اللي تاعب المريض).
الأمراض اللي ممكن تتلغبط مع الغضروف كتير ، اشهرها عل سبيل المثال لا الحصر:
تقلصات عضلات الضهر نتيجة إجهاد او ضعف بالعضلات .
مشاكل المفصل الحرقفي
خشونة متقدمة بمفصل الحوض ( ودي شوفتها كتير مع مرضى جاين لي اعلمهم عملية تثبيت فقرات وهوا في الأساس محتاج تغيير مفصل حوض )
وأسباب اخرى كتير يطول شرحها .
طيب ايه الحل عشان مانقعش في الفخ ده؟
بص يا سيدي ، الحل ان الدكتور اللي هيعالجك يفحصك كويس اوي في العيادة ، ويفحص افلام الأشعة كويس اوي ( مش يعتمد على تقرير الأشعة فقط) ولازم يتأكد ان الأعراض بتاعتك ماشية بالظبط مع اللي موجود في الأشعة، ولو شاف ان الأعراض مش متماشية مع اللي موجود في الأشعة يبقى ما تدخلش عمليات. (مثلا لو الغضروف اللي عندك ضاغط على العصب اليمين وحضرتك بتشتكي من الناحية الشمال، ساعتها يبقى في حاجة غلط ولازم نراجع نفسنا تاني)

السبب التاني:
ان يكون حضرتك بالفعل عندك غضروف وهوا اللي مسبب الأعراض ، بس في سبب تاني مشارك مع الغضروف في حدوث هذه الأعراض.
يعني ايه الكلام ده ؟
يعني مثلا أشهر مثال للكلام ده ، لو مريض بيشتكي من الم في الكتف اليمين نتيجة انزلاق غضروفي عنقي (في الرقبة) ، والأشعة بتقول ان الغضروف ضاغط على الناحية اليمين فعلا ، والفحص الطبي بيقول ان الأعراض دي نتيجة الانزلاق اللي موجود في الأشعة، وأن المريض فعلا يلزمه عملية للغضروف ده، لكن برده في نفس الوقت المريض عنده مشكلة في مفضل الكتف نفسه ( زي التهاب او قطع في الاوتار) ، فدي مشكلة مصاحبة للمشكلة الاساسية ، ساعتها المريض ده بعد عملية الغضروف، الم العصب هيختفي ولكن سيبقى الم الكتف موجود نتيجة التهاب او قطع اوتار الكتف اللي موجود من قبل العملية ( وبرده العكس ممكن يحصل لو ام علاج اوتار الكتف الأول سيظل الم الكتف الناتج عن الغضروف موجود برده)
طيب ايه الحل؟
الحل اننا لازم نفحص المريض كله على بعضه ، ونعرف ايه سبب (او أسباب ) المشكلة، ولازم المريض يبقى عارف ايه مشكلته بالظبط ، وبعد العملية ايه الي هيتحسن وايه اللي هيكمل معاه من الأعراض ، ويعرف ان دي مشكلتين منفصلتين وكل مشكلة لها حلها سواء بالعلاج او الجراحة.

السبب التالت:
ان العلمية ماتعملتش كاملة
ازاي الكلام ده ؟
اديك مثال للتوضيح ، لو مريض عنده غضروف منزلق ومعاه زحرحة او انزلاق في الفقرات، ساعتها لو المريض ده عمل استئصال للغضروف بدون تثبيت فقرات فالمريض ده هيستمر في الشكوى بعد العلمية، لأن مشكلة انزلاق الفقرات ما زالت موجودة واللي اتعمل فقط هوا الانزلاق الغضروفي
طيب ايه الحل عشان ما نوقعش في للمشكلة دي ؟
الحل يا سيدي ان لازم تعمل أشعة بسيطة قبل العملية ، اسمعها أشعة ديناميكة ، الهدف منها تظهر لنا أي خلب في ثبات الفقرات ، عشان لو ظهر اي مشكلة يبقى عاملين حسابنا اننا نصلحها في العلمية. (التفاصيل مهمة)

السبب الرابع :
وده الحقيقة مجموعة أسباب مع بعض بس بيدوروا حوالين نفس المبدأ، وهو مضاعفات الجراحة
يعني ايه الكلام ده
يعني العلمية بتاعتك زي الفل والجراح عامل شغل كويس في العلمية لكن لسه ربنا ما ارادش تمام الشفاء.
ايوه برده يعني ايه ، دي دروشة يعني ولا ايه؟
لا مش دروشة ولا حاجة ، واحنا مأمورين ناخد بالاسباب ، عشان كده هقولك اهم الاسباب اللي ممكن تؤجل تمام الشفاء
اهمها حدوث التهابات مكان العلمية ، ده بدوره بيعمل تقلصات في العضلات المحيطة وده بيسبب الم
احيانا بيكون عدم اتباع للتعليمات بعد العملية من جانب المريض زي انه يعمل مجهود زايد في الايام الأولى بعد العلمية
عدم إلتزام بالأدوية المقررة بعد العملية
احيانا بيكون مستوى السكر عالي في الدم (في مرضى السكر ، وخلي بالك ممكن المريض يكون عنده سكر ومايعرفش ، والتحليل الروتيني قبل العملية ممكن كا يظهرش فيه بالمناسبة)
والحمد لله معظم المضاعفات دي بتكون بسيطة وبيكون لها حل ، المهم انها تتشخص بدري وتتعالج بدري (عشان كده اي مريض بعمل له العلمية ويجي بشكوى غريبة عن المعتاد ، علطول بطلب له أشعة رنين جديده وتحاليل التهاب ، في الغالب بيطلع الرنين كوبس وبتكون المشكلة إجهاد عضلي ، لكن لازم نكون متأكدين ومطمئنين للعملية عن طريق أشعة رنين جديدة)
اتمنى في البوست ده(عارف انه طويل شوية) إن اكون افدتك بمعلومة مفيدة .

د صالح البقري
استشاري العمود الفقري

14/12/2024

🌟 **فرصة عمل مميزة!** 🌟

تعلن عياداتنا في **فيصل** و**مدينة نصر** عن حاجتها إلى تعيين **سكرتارية استقبال** من الجنسين للعمل في بيئة احترافية.

✨ **المتطلبات**:
- إجادة استخدام الكمبيوتر.
- خبرة سابقة في العمل بالمؤسسات الطبية.

📩 إذا كنت ترى نفسك مؤهلًا لهذه الفرصة، أرسل سيرتك الذاتية الآن على الرقم: **01069637751**.
https://wa.me/201069637751

⏳ **انضم لفريقنا وكن جزءًا من نجاحنا!** 💼

28/11/2024

الثقة بداية النجاح، والابتسامة دليل الاطمئنان!

الحمد لله، السيدة أمينة من دولة الصومال دخلت عيادتنا بابتسامة وثقة كبيرة قبل عملية جراحية دقيقة في الفقرات. اليوم، بنحتفل بخروجها بالسلامة ونجاح العملية بفضل الله.

💡 هدفنا دائمًا أن نكون مصدر أمان وراحة لمرضانا مهما كانت التحديات.
نسأل الله لها دوام الصحة والعافية! 🌟

⭕ د/ صالح البقري
👈 دكتوراة جراحة العظام ، كلية الطب جامعة القاهرة
👈 استشاري جراحة العظام والعمود الفقري
العيادة 📌:
♦️عيادة فيصل :481 ش الملك فيصل (أول فيصل) ، برج السلام بجوار برج الاطباء ، فوق ماستر للأشعة.
تليفون 📱: 01152333244 , 01069637751
♦️عيادة مدينة نصر : تقاطع طريق النصر مع يوسف عباس(أمام نادي الزهور)، برج دار الفؤاد الطبي (العيادات الخاصة)، الدور الرابع، عيادة ٤٠٨
تليفون 📱: 01503399817 ، 01206312253

15/10/2024

"سعداء إننا قدرنا نكون جزء من رحلة الشفاء للوالدة الكريمة السيدة "حرة عيسى" من تشاد، اللي خضعت لعملية مراجعة تثبيت الفقرات (بعد عملية سابقة خارج مصر) بنجاح في عيادتنا. 💪🌍
رغم بعد المسافات، أحمد وثق فينا وشاركنا رحلته مع والدته اللي كانت بتعاني من فشل بتثبيت سابق بالفقرات الصدرية والقطنية، والحمد لله دلوقتي بخير وفي طريقها للتعافي التام.

في عيادتنا، بنقدم أفضل رعاية طبية مش بس لمرضانا في مصر، لكن لكل اللي بيجونا من خارج الحدود، عشان نحقق معاهم حلم الحياة بدون ألم.

نتمنى للوالدة الشفاء العاجل، ولكل مرضانا الصحة والعافية. 🙏

⭕ د/ صالح البقري
👈 دكتوراة جراحة العظام ، كلية الطب جامعة القاهرة
👈 استشاري جراحة العظام والعمود الفقري
العيادة 📌:
♦️عيادة فيصل :481 ش الملك فيصل (أول فيصل) ، برج السلام بجوار برج الاطباء ، فوق ماستر للأشعة.
تليفون 📱: 01152333244 , 01069637751
♦️عيادة مدينة نصر : تقاطع طريق النصر مع يوسف عباس(أمام نادي الزهور)، برج دار الفؤاد الطبي (العيادات الخاصة)، الدور الرابع، عيادة ٤٠٨
تليفون 📱: 01503399817 ، 01206312253


#الجنف

15/10/2024

🎓 حضوري لمؤتمر مستشفى الهلال لجراحة العظام 2024 🎓
سعيد جدًا بالمشاركة في هذا الحدث العلمي الكبير، حيث اجتمع كبار الأطباء والخبراء لمناقشة أحدث التطورات في جراحة العظام والعمود الفقري. 💼✨

العلوم تتجدد باستمرار، ومع كل مؤتمر، بنكبر خبرتنا وبنقدر نوفر للمرضى أحدث العلاجات بأفضل النتائج.

27/09/2024

امبارح لاقيت مقطع ع السوشيال ميديا، دكتور بيعالج الفقرات بالشد والطرقعة (مشهور بالسجع)، بينتقد دكتور تاني بيكتب روشتات جاهزة للحالات (روشتة بتاع كله من غير فحص ودي حاجة اشبه بالحجاب).
وبيشرحله ان مشكلة الغضروف مشكلة ميكانيكية ماينفعش لها علاج ، لازم تقويم بالطرقعة او علمية جراحية.
رد فعلي (بصفتي جراح) اما شوفت الفيديو 👇👇

07/09/2024

حلقة هامة جدا عن مشكلة شائعة وهي "ضيق القناة العصبية القطنيه"
دكتور صالح البقري. استشاري جراحة العظام والعمودج الفقري , خبير الجراحات الميكرسكوبية للعمود الفقري, خبير علاج تشوهات العمود الفقري.
فروعنا في فيصل 01152333244
ومدينة نصر 01503399817

دكتور صالح البقري بيوصح في صورة عامة عن مشكلة شائعة وهي ضيناة الشوكية القطنيه , وكل التفاصيل هتكون في فيديوهات متتابعة ان شاء الله عشان نقدم لك اجابات لكل ال...

18/08/2024

عملت عمليات قبل كده ؟؟
دا سؤال ممكن يشخص الحالة من قبل الكشف او الاشعات .

11/08/2024

الفيديو ده مهم لكل من يعاني من واعوجاج بالعمود الفقري خصوصا لو اتقرر له عملية
#الجنف

في الحلقة دي , دكتور صالح البقري هيشرحلنا ازاي نقدر نحقق اعلى نسبة امان في حالات اصلاح اعوجاج العمود الفقري عشان نقدر نوصل بالمريض لبر الامان , هنعرف ان الاح...

11/08/2024

الف مبروك لصديقي الجميل مينا جميل ، نجح بتفوق في الثانوية العامة ، وأن شاء الله تدخل كلية الطب و تكون احسن دكتور في مصر كلها