Rasha Gomaa - رشا جمعة

18/09/2025

20/08/2025

تفتكروا ليه بعضنا بيكرر اختيار نفس نمط العلاقات في حياتنا حتى لو مؤذية ؟! وإزاي نقدر نخرج من الدايرة دي ؟!

هو ده الموضوع اللي هتكلم فيه بإذن الله بكرة

تفتكروا ليه بقى ؟!

تتشرف أكاديمية إدراك التدريب والاستشارات
بدعوة الدكتوره / رشا جمعة
حفل تخرج الماجستير والدكتوراه المهنية
والمشاركة الفعالة فى الملتقى الدولى السادس
بمركز التعليم المدني بالقاهرة

19/08/2025

ليس كل انسحاب خسارة أحيانًا هو إنقاذ.

#رسايل

18/08/2025

أقوى أشكال القوة أن تملك قلبًا لا يكسر الآخرين حتى لو كُسر.

#رسايل

16/08/2025

أقرب طريق إلى الشفاء هو الاعتراف بوجعك.

#رسايل

15/08/2025

القلب الذي يعرف الله لا يخاف فقدان أحد ، كلنا راحلون.

#رسايل

15/08/2025

هو إنتِ فعلًا جاية تدوري على حل ولا علشان حاجة تانية؟ 🤔💬

⬅️مش كل اللي بيحجز جلسة بيكون قصده يعرف نفسه أكتر أو يلاقي حلول.

🚨وده مش حكم على حد إحنا كلنا بنعدي بمراحل مختلفة وأحيانًا بيكون جوا كل واحدة فينا سبب هي نفسها مش واعية له.

⬅️ممكن تقابلي في الجلسات:-

* اللي جاية بقلب مفتوح مستعدة تواجه وتسمع وتشتغل على نفسها حتى لو كان الطريق صعب ولكنها عارفة أنها في النهاية هتفهم عن نفسها أكتر و تقدر تتعامل في المواقف المختلفة بالطريقة المناسبة لها.

* اللي بتحب دور الضحية بتحكي وتعيد نفس الحكاية ومش مستعدة تاخد خطوة للتغيير لأن الدور ده مديها إحساس بالاهتمام وخايفة تخرج براه لإنه بقى منطقة أمان بالنسبة لها.

* اللي جاية علشان عايزة تقول إنها بتروح لمعالج كجزء من صورة قدام الناس.

* اللي جاية تدور على مبررات مش حلول لكن حجج تريح ضميرها عن قرارات هي واخداها بالفعل.

* اللي بتدور على تأكيد لفكرتها عن نفسها حتى لو الفكرة مؤذية.

⬅️طب ممكن نعرف نفرق إزاي؟!

🚨وهنا النقطة المهمة اللي بتحاول حقيقي مش بس بتحضر الجلسة و لكنها بتاخد خطوات فعلية وبتجرب الواجبات أو التمارين اللي اتكلمنا عنها وبتراجع نفسها بين الجلسات وترجع لك بالنتايج وتناقشها معكِ إيه اللي قدرت تنفذه وإيه اللي محتاجين ندور على طريقة تانية لأن ده مش مناسب معها وده لأن الجلسة هي الشرارة ، النور اللي بيدلك على الطريق لكن الشغل الحقيقي بيحصل وإنتِ لوحدك وقت ما تختاري تطبقي وتكملي لإن دورك هو الأهم🤍

🌷والتعامل مع كل أنماط الشخصيات بيحتاج رحمة وتعاطف حقيقي من القلب من غير حكم ولكن بمعرفة إن دي بتكون طرق لحماية النفس وتلبية لاحتياجات معينة لو قدرنا نساعد إنها تتلبى بالطريقة المناسبة لها هتبقى أفضل لها و لأن أحيانًا كلمة أو لحظة صدق ممكن تنور جواها حاجة تغير حياتها كلها🌟

💌 رسالة لكِ قبل ما تحجزي جلسة اسألي نفسك أنا داخلة علشان أعرف عن نفسي وأتغير بجد؟ ولا علشان آخد دور أو مبرر؟

💗التغيير بيبدأ بعد الجلسة مش وقتها وده لإنه بيكبر جواكِ مع كل خطوة بتاخديها تجاه نفسك لإنك إنتِ الأساس 🤍


#أنتِ_الأساس