29/10/2025
بلاش الحباية البني تبقى أول اختيارك لآلام البيريود أو للمغص ...
بلاش أصلاً تبقي في اختياراتك عموماً..
هي فعلاً قوية، بس خطورتها أكبر من قوتها!
شركتها المُصنّعة كاتبة بالبونط العريض كده:
> "يؤدي إلى نقص كرات الدم البيضاء"
مش حتى "قد يؤدي"!
المادة الفعالة اللي فيها اسمها 𝙈𝙚𝙩𝙖𝙢𝙞𝙯𝙤𝙡𝙚 𝙎𝙤𝙙𝙞𝙪𝙢 (𝘥𝘪𝘱𝘺𝘳𝘰𝘯𝘦)،
ودي مادة كانت زمان منتشرة في العالم كله،
لكن اتمنعت في دول زي أمريكا، إنجلترا، والسويد وغيرهم كتييير بسبب إنها ممكن تسبب حاجة اسمها 𝘼𝙜𝙧𝙖𝙣𝙪𝙡𝙤𝙘𝙮𝙩𝙤𝙨𝙞𝙨 —
يعني المناعة تقع فجأة، وعدد خلايا الدم البيضاء يوصل لمستوى خطر،
وساعتها أي دور بسيط ممكن يقلب بعدوى خطيرة جدًا.
وللأسف…
لسه المادة دي موجودة في مصر،
في كذا اسم تجاري، وأشهرهم "الحباية البني" اللي أغلب الناس بتاخدها للمغص من غير ما تفكر.
فيه بدائل أأمن وأكتر تخصص:
• لآلام البيريود : ممكن ناخد أي حاجه فيها Mefenamic acid
• للمغص أو الكركبة العادية : ممكن نستخدم أي حاجه Hyoscine أو mebeverine
كلهم فعالين ومش فيهم نفس الخطورة.
من الآخر ..
خليك واعي في اختياراتك.
مش عشان دوا ريّحك مرة يبقى تكرره على طول.
في حاجات بتديك راحة سريعة بس بتسيب وراها مشاكل تقيلة ممكن علي المدي البعيد.
