مراكز الدكتور محمد هيكل للقلب و الأوعية الدموية ودوالي الساقين

Home
Egypt
Cairo
مراكز الدكتور محمد هيكل للقلب و الأوعية الدموية ودوالي الساقين

دكتوراه ومدرس القلب والأوعية الدموية
استشاري القسطرة التداخلية و الموجات فوق الصوتية القلبية.
عضو المجلس الإستشاري لجمعية هبوط القلب
(1)

فحص طبي دقيق
رسم قلب عادي
رسم قلب بالمجهود
(موجات فوق صوتيه علي القلب ) للكبار ( موجات فوق صوتيه علي القلب) للاطفال وحديثي الولاده .
مراقب ضربات القلب (هولتر )
(موجات فوق صوتيه علي القلب) بالمجهود الدوائي
دوبلر ملون على أوردة و شرايين الجسم
اختبار المنضدة المائلة
فحص مراقبة الضغط ٢٤ ساعة
علاج دوالي الساقين بالحقن التصلبي
علاج دوالي الساقين عن طريق قسطرة الليزر
سحب جميع التحاليل الطبية في المركز بالتعاون مع معمل سيجمالاب

19/05/2026

رددوا دائما ادعية الشفاء 🌸🤍
"بسم الله بسم الله بسم الله
أعوذ بالله و قدرته من ما شر ما اجد و أحاذر
اللهم يا واسع العطاء و يا منزل الشفاء و يا رافع البلاء و يا مجيب الدعاء
اللهم رب الناس اذهب البأس اشف انت الشافي لا شفاء إلا شفاءك شفاءا لا يغادر سقما
اللهم عافني في بدني اللهم عافني في سمعي اللهم عافني في بصري "

اللهم استخدمنا في شفاء مرضاك وسخرنا لمساعدة كل شخص يتألم ووفقنا لانهاء معاناة كل شخص يعاني ♥️

ونحمدك يا الله على ان خلقت لكل داء دواء
شكرا يارب على العلاج والعلم والطب
اللهم علمنا ما ينفعنا ، وانفعنا بما علمتنا ، واهدنا دائما للصراط المستقيم ♥️

27/04/2026

ربنا نجاها من الموت مرتين
المرة دي هحكي لكم عن حالة من أغرب الحالات المرضية و أكثرها ندرة في أمراض القلب.

جت لي سيدة في الثلاثينات من عمرها بتشتكي بقالها ٦ سنوات من آلام شديدة في الصدر تزداد عند بذل مجهود أو بعد الأكل أو مع التوتر و القلق.
كشفت عند كل التخصصات تقريباً :- قلب - صدر - جهاز هضمي - مخ و أعصاب - نفسية .. و الكل أجمع إنها سليمة و بتدلع بس عشان تشوف غلاوتها عند جوزها !
لدرجة إنها لجأت للمشايخ و الدجالين بعد ما يئست من الطب و الأطباء.
جت لي من شهر بعد ما نصحها أحد اقربائها بالتوجه لي.

سمعت شكوتها بدقة و شوفت كل الأوراق اللي معاها بالتفصيل و فحصتها إكلينيكيا ً و عملت لها رسم قلب و إيكو.
فعلاً الفحص سليم تماماً و لكن الشكوى من حيث الوصف و الأعراض تتطابق تماما ً مع أعراض الذبحة الصدرية و الأزمة القلبية.
طلبت منها رسم قلب بالمجهود ..

وهنا كانت النقطة الفاصلة في حالة المريضة دي ..ورغم بساطة فحص القلب بالمجهود إلا إن مفيش دكتور طلبه منها قبل كده لإنهم كانوا بيحكموا على حالة القلب من خلال رسم القلب العادي و الإيكو فقط و ده مش كفاية إطلاقا ً بس طبعاً نظراً لصغر سنها مشاكل القلب كانت مستبعدة.

رسم القلب بالمجهود إيجابي بعنف .. و معنى كلمة إيجابي يعني هناك إحتمال مؤكد بوجود ضيق في الشرايين التاجية للقلب.

من الطبيعي و المنطقي اما يكون رسم القلب بالمجهود إيجابي إن الخطوة التالية هي قسطرة استكشافية للشرايين التاجية مع احتمال تركيب دعامات.
ولكن فكرت للحظات ..
المريضة سنها لا يتجاوز ٣٣ سنة .. لا تعاني من ضغط و لا سكر و لا تعاني من السمنة و لا يوجد تاريخ عائلي عندها لأمراض القلب كما أن تحليل الكوليسترول داخل معدلاته الطبيعية جداً و لا تدخن أو تتعاطى أي مواد مخدرة.

سألت نفسي .. هل من المنطقي أن مريضة بهذا الوصف حدث لها انسداد أو ضيق في الشريان التاجي نتيجة حدوث تصلب في الشرايين و ترسب الكوليسترول الضار داخل جدران الشرايين التاجية ؟
الإجابة المنطقية قطعاً لا .. إذن ما هو السبب الذي يجعل سيدة في أوائل الثلاثينات من عمرها و ليس لديها عامل واحد من عوامل الخطورة يحدث لها انسداد في الشريان التاجي؟!

قفز ذهني إلى وجود عيب خلقي في الشرايين التاجية ولدت به هذه السيدة و ظل هذا العيب لا يسبب لها أعراض واضحة إلى أن بدأت في الشكوى منذ ٦سنوات.

كثير من العيوب الخلقية في الشرايين التاجية يصعب جداً تصويرها عن طريق القسطرة الاستكشافية فضلاً عن أن تصوير الشرايين التاجية في حالة يشتبه فيها وجود عيب خلقي في هذا الشرايين يحمل الكثير من الخطورة لأن الترتيب التشريحي للشرايين يكون غير طبيعي و ربما مع دخول القسطرة للشريان التاجي تحدث إصابة للشريان قد تودي بحياة المريض في الحال.
قررت ألا أطلب من المريضة قسطرة استكشافية للشرايين التاجية و طلبت بدلا منها أشعة مقطعية متعددة الشرائح بالصبغة على الشرايين التاجية حتى يتم تصوير الشرايين دون التدخل في جسمها بالقسطرة.
عملت المريضة الأشعة المقطعية .. و فعلاً وجدت عندها ما كنت أخشاه.
المريضة تعاني من عيب خلقي في مسار الشريان التاجي الأيسر الرئيسي الذي اتخذ مسارا خطيرا بين الشريان الأورطي و الشريان الرئوي ما أدى إلى وجود ضيق شديد في هذا الشريان نتيجة انضاغطه بين الشريان الأورطي و الرئوي.

خطورة هذه المشكلة تتمثل في نقطتين
الأولى :-
أنها قد تؤدي إلى حدوث وفاة مفاجئة للمريض وهذا لم يحدث و لله الحمد.
الثانية :- ه
و أن تصوير هذه المشكلة عن طريق القسطرة قد يؤدي إلى وفاة المريض في الحال داخل غرفة القسطرة.

إذن ما هو علاج هذه الحالة ؟
العلاج الوحيد هو إجراء جراحة قلب مفتوح سريعة و عاجلة لهذه المريضة.
النهاردة جت لي المريضة بعد ما عملت العملية من أسبوعين و بقت بفضل الله زي الفل.

وربنا نجاها من الموت مرتين :-
مرة نجت من الموت بسبب العيب الخلقي اللي عندها
ومرة نجت من الموت اما قررت إنها ما تعملش قسطرة وتعمل بدل منها اشعة مقطعية.

02/04/2026

تخيل إيه هي أكتر شكوى مرضى اضطرابات العصب الحائر و الجهاز العصبي اللاإرادي بيكونوا مجمعين عليها ؟

• هل الدوخة و الهبوط و الإغماء؟
• هل انخفاض الضغط و الخفقان ؟
• هل ارتجاع المريء و الانتفاخ و الإمساك أو الإسهال ؟
• هل الإحساس بتخشيبة الجسم و ألم العضلات ؟
• هل اضطرابات النوم و الأرق الشديد ؟
• هل الإجهاد العام و عدم القدرة على عمل أي مجهود ؟
• هل ضيق التنفس و آلام الصدر ؟
• هل طنين الأذن و آلام الفك و صعوبة البلع ؟
• هل الصداع المزمن و الإحساس بضبابية الرؤية و تشوش التفكير و النسيان المتكرر و عدم التركيز؟
• هل التوتر الشديد و الخوف الغير مبرر و الرعشة الداخلية ؟
• هل اضطرابات التبول و عدم التحكم في البول ؟
• هل فقدان الوزن و انعدام الشغف و العزلة و الاكتئاب ؟

في الحقيقة و لا شكوى من اللي فاتوا المرضى دول بيكونوا مجمعين عليها.

أومال إيه هي الشكوى اللي كلهم مجمعين عليها لدرجة إنهم بيستخدموا نفس الحروف و الكلمات في وصف الشكوى دي ؟

الشكوى دي هي (( مفيش حد مصدقني))

و ده راجع لسبب مهم جدا ً وهو إن المريض راح لكل التخصصات و عمل كل التحاليل و الأشعات و المناظير و كلها سليمة ؛ و في النهاية المريض يتقال له إنت بتدلع أو بتبالغ أو الأطباء يعتبروه مريض نفسي أو ملبوس أو محسود.

المفارقة الأغرب إن بيجي لي مرضى كتير عندهم كل الأعراض اللي فوق دي و داخوا عند كل التخصصات على مدى سنين و في الأخر يطلب منهم أحد الأطباء اختبار المنضدة المائلة و يتشخصوا عصب حائر ؛ و مع ذلك الطبيب يقول للمريض : الموضوع بسيط و تافه و محتاج بس تعديل نمط حياة و تعايش معاه عادي و ما تحطش الموضوع في دماغك لانه ما يعملش كل الاعراض دي .. إنت بس اللي بتبالغ أو مضغوط نفسياً.

هل من المنطقي إن المريض يضيع سنوات طويلة من عمره و يخسر شغله و فلوسه و أحيانا ً أسرته كمان و يعيش في نكد و إحباط و تعب و معاناة.. و في الاخر يبقى تشخيص حالته (( إنت بتبالغ))!؟!؟

الشاهد …
إيماني بالمعاناة الحقيقية التي يعيشها مرضى اضطرابات العصب الحائر و الجهاز العصبي اللاإرادي و قناعتي اليقينية بكل كلمة و كل شكوى من شكاوى المرضى دول هي اللي خلتني أبحث و أتعمق و أنقب في جذور المرض و أحاول أفهم تفاصيله و التغيرات الكيميائية العصبية اللي بتطرأ على المرضى دول و أسعى للاجتهاد بقدر الإمكان في تخفيف معاناتهم و انتشالهم من دوامة التخبط و التوهان.

و الله الموفق و المستعان.

01/04/2026

الضحك غذاء القلب ❤️
فوائد الضحك للقلب 😃 ❤️
المرضى المصابين بأمراض القلب بيضحكو أقل بنسبة 40% مقارنةً بالنّاس الأصحاء من نفس العمر ، ودا معناه أنّ الضحك له تأثير إيجابي على صحة القلب 😃♥
ومن فوائد الضّحك للقلب ما يلي:

1- بيساعد على توسيع االشّرايين ويزيد مرونتها ودا بيحسّن من تدفق الدّم بداخلها

2- تأثير الضحك مماثلاََ لتأثير الأدوية المخفضّة للكولسترول لكن الضحك العفوي بيكون تاثيره فوري 😃

3- بيساعد على خفض هرمونات التوتر والهرمونات دي بتسبب انقباض اوعية الدم

4- بيزود عدد الاجسام المضادة ودا معناه بيزود المناعه ويحافظ اكتر على القلب

5- له تاثير الالعاب الرياضية على القلب لكن تأثير الضّحك على معدل ضربات القلب أسرع بكثير من تأثير ممارسة التّمارين الرّياضيّة

وضحكونا معاكم 😅😂😘

ربنا يديم علينا الضحك ♥

26/03/2026

- #علاج اضطرابات ايه يا دكتور ؟ وليك الثواب ❤️
= حاضر، بس الأول تعالى نفهم المرض دا بشرح مبسط اد ما نقدر

فاكرين لعبة شد الحبل بتاعة زمان !؟

شخصين أو مجموعتين بيشدوا الحبل قصاد بعض و الطرف الأقوى هو اللي بيجذب الحبل ناحيته لحد ما الطرف التاني قوته تضعف جدا ً و يعجز عن المقاومة و يصبح الطرف الأقوى هو المسيطر تماماً.

الجهاز العصبي اللاإرادي في جسم الإنسان بيقوم على نفس الفكرة.

الجهاز العصبي اللاإرادي له طرفين دايماً في حالة شد و جذب طول الوقت ( الجهاز العصبي الودي و الجهاز العصبي الجار ودي اللي منه العصب الحائر).

لو الإنسان في حالة العمل و المجهود و النشاط البدني و الذهني و العصبي ؛ الجهاز العصبي الودي هو اللي بيكون شادد الحبل ناحيته في الوقت ده و بيكون هو الطرف الأقوى و المسيطر.

لو الإنسان في حالة الهدوء و الاسترخاء و النوم و الأكل و دخول الحمام ؛ الجهاز العصبي الجار ودي هو اللي بيكون شادد الحبل ناحيته في الوقت ده و بيكون هو الطرف الأقوى و المسيطر.

كل ده طبيعي و زي الفل

أومال إمته يحصل خلل أو اضطراب في الجهاز العصبي اللاإرادي ؟

الإجابة ببساطة شديدة ..
لما أحد الطرفين يشتغل في وقت مش بتاعه.

بمعنى مثلاً إن الشخص يجي يقوم من النوم عشان يروح شغله و يمارس نشاطه اليومي يلاقي العصب الجار ودي هو اللي مسيطر عليه و ده بيحصل إما نتيجة فرط نشاط في العصب الجار ودي أو فرط خمول في العصب الودي أو كلاهما معاً.

و بتالي الشخص هيعاني من خمول شديد و إرهاق عام وعدم قدرة على عمل أي مجهود و ضيق في التنفس و آلم في الجسم و هبوط في الضغط و إغماء متكرر و إسهال أحيانا

و كذلك لو الشخص داخل ينام أو ياكل أو يعمل حمام و كان العصب الودي هو المتحكم و المسيطر عليه في الوقت ده إما نتيجة فرط نشاط في العصب الودي أو فرط خمول في العصب الجار ودي أو كلاهما معاً.

بيكون عنده أرق شديد و فقدان في الشهية و إمساك مزمن عنيف و حالة من النشاط الذهني و التوتر العصبي و القلق و التشوش الذهني و العصبية المفرطة.

كفاية تعقيد في الكلام لحد كده ؟؟!!

لا طبعا خد هنا رايح فين ؟؟

خد التقيلة بقى ..

أحياناً المريض الواحد بيكون عنده فرط نشاط أو فرط خمول في الجهاز العصبي الودي و الجار ودي في نفس الوقت ،، يعني الاتنين فيهم نشاط أو الاتنين فيهم خمول.

و دي من أغلس و أعقد الحالات اللي ممكن تقابلنا في شغلنا لإنها بتحتاج فريق طبي كامل من تخصصات عديدة مش بس دكتور القلب.

أنا ليه بشرح لكم التفاصيل المعقدة دي ؟

عشان مسألة علاج اضطرابات العصب الحائر و الجهاز العصبي اللاإرادي أمر مش بسيط عشان أكتبه في كومنت أو رسالة لمريض .. الموضوع معقد جداً و محتاج معرفة تفاصيل كتيرة أوي و عمل فحوصات و تحاليل و اختبار المنضدة المائلة و الهولتر و أحياناً فريق طبي متكامل من تخصصات مختلفة.

19/03/2026

غدا اول ايام عيدالفطر المبارك

05/03/2026

⚠️ انتبه دي مش مجرد شكوى لمشاعر مبالغ فيها 😳
لو تعرف حد دايماً بيقولك : ((أنا حاسس إني خايف رغم إن مفيش حاجة مخوفاني … أو حاسس إني جسمي بيترعش من جوة رغم إني مش بردان )) ؛ اعمله منشن في البوست ده عشان يتابع صفحتنا و يشوف البوست الجاي اللي بحكي فيه قصة (( أحمد )) اللي بقالو سنين بيشتكي من الشكوى دي و ما حدش فاهم شكوته.

03/03/2026

أعزائي المرضى …

أقرأ جميع رسائلكم و أتابعها بعناية و لاحظت من تعليقات متكررة إن مرضى كتير بيتصلوا على تليفونات المراكز و في صعوبة في التواصل و حجز موعد

أنا حابب أنوه للآتي:-

١- تليفونات المراكز سواء الاتصال أو الواتساب تستقبل عشرات و ربما مئات المكالمات و الرسائل يومياً.

٢- فريق العمل بالمراكز يبذل أقصى ما في وسعه من أجل راحتكم و خدمتكم رغم العبء الثقيل على مدى الـ ٢٤ ساعة.

٣- قمنا بتطوير خدمة الحجز أونلاين من خلال موقعنا على جوجل

Www.Haykalheartcenter.com

و كل المطلوب من حضرتك دخول الموقع و كتابة الاسم و التليفون و تحديد الفرع الذي ترغب في الكشف به ؛ و سوف يقوم فريق المراكز بالتواصل مع حضرتك في أقرب وقت.

نتمنى لحضراتكم دوام الصحة و العافية و نسعى دوماً لتحقيق مستوى متميز من الخدمة الطبية.

02/03/2026

من المفارقات المضحكة …

جالي مريض بيشتكي من كل أعراض اضطرابات العصب الحائر و الجهاز العصبي اللاإرادي: دوخة - هبوط - إغماء - قيء - خفقان - ألم بالصدر - ضيق في التنفس - ألم في البطن - شد في الرقبة - إمساك مزمن- قلة التركيز - كثرة النسيان - ألم في الفك- ضبابية في الرؤية - طنين في الأذن

المريض ده تقريبا ً صرف ما يزيد على ٢٠٠ ألف جنيه ما بين الدكاترة و الإشاعات و التحاليل و المناظير و حتى طب الأعشاب و التغذية.

المهم …

راح مؤخراً عند أحد الأطباء قال له :- إنت سليم وما عندكش أي مشكلة … روح لشيخ كويس ممكن يكون معمول لك عمل أو سحر أو محسود.

المريض سمع كلام الدكتور و شاف شيخ كويس راح له و شرح له كل شكوته.

الشيخ قال له : بص يا ابني .. اللي عندك ده لا هو مس و لا سحر و لا حسد.

قاله أومال ده إيه ؟

قاله دي كلها أعراض .

😅😅

الجدير بالذكر إني لما عملت له اختبار المنضدة المائلة طلع عنده العصب الحائر فعلاً.

😁😁

بركاتك يا مولانا

27/02/2026

بعد ما يتابع منشورات دكتور محمد هيكل عنه 😂
العصب الحائر: انا عملت كل دا ؟! 😳

العصب الحائر باختصار هو عامل زي كابل عمومي لما بيبوظ بيبوظ كل أجهزة البيت 🤝😅

25/02/2026

محمد …
شاب محترم خلوق .. فجأة من ٧ سنين بدأ يشتكي من مشاكل رهيبة في الجهاز الهضمي لدرجة إنه عمل مناظير كتير و أشاعات و تحاليل و خد أدوية ينوء بحملها العصبة أولي القوة.

و بسبب الدوخة و عدم الاتزان و الهبوط و الإجهاد العام و عدم القدرة على عمل أي مجهود.

محمد خسر شغله و خسر حياته الشخصية بسبب المشاكل الصحية اللي عنده.

محمد لجأ للشيوخ و في منهم قاله إنه ملبوس لدرجة إنهم هروه ضرب عشان يخرجوا منه العفريت اللي لابسه.

محمد انعزل تماما ً في بيته و انفصل بشكل كامل عن المجتمع عشان يهرب من نظرات الحزن و الشفقة اللي في عيون الناس بسبب مرضه.

أهل محمد ذات نفسهم وصلوا لمرحلة إنهم مابقوش مصدقين محمد بعد ما كل الأطباء و حتى الشيوخ قالوا لهم : محمد معندوش حاجة.

لحد ما في يوم و أثناء ما محمد كان منهار من البكاء بسبب مشكلته اللي ماحدش لاقي لها حل ……

تعالوا نسمع القصة كاملة من محمد

Address

جامعة الدول العربية ، 36 سليمان أباظة ، المهندسين , برج الرحمة , الدور ٣
Cairo

Telephone

01272800036

Website

http://www.haykalheartcenter.com/

Alerts

Be the first to know and let us send you an email when مراكز الدكتور محمد هيكل للقلب و الأوعية الدموية ودوالي الساقين posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Cairo?