https://www.facebook.com/1847594572142837/

Dr.Karim Mater Pharmacies, 70 Ahmed Hassan El-Zayat . Nasr City, Cairo (2025)

14/11/2025

إحمى _ نفسك _ إحمى _عيلتك♥️
متوفر الآن مصل الأنفلونزا الرباعـــــــــــــــــــــىVaxiGrip TetRa لعــــــــــــــــام 2026/2025
سعداء بخدمــــه حضرتك ...... شكرا لتواصلك صيدليه دكتور كريم مطر ♥️
الواتس اب: 01020902005 💬

13/11/2025

تسلخات الأطفال موضوع بسيط في نظر ناس كتير…
بس الحقيقة إن في أمهات بتتعامل معاه غلط جدًا من أول خطوة!

فيه كريمات كتيييير أوي معروفه ومشهورة زي كيناكومب، مومنتا، بوليدرم، بروباميثون وغيرهم إنها "للتسلخات"،
بس اللي جوّاها مش دايمًا آمن على بشرة (طفل رضيع).
هتلاقي جزء كبير منهم ميكس تقيل فيه كورتيزون قوي مع مضاد حيوي مع مضاد فطري،
وفي المقابل فيه نوع تاني بسيط زي الكريمات اللي فيها Zinc oxide زي زنك اوليف أو زنكوديرم أو بيبي كريم ودول معمولين علشان الترطيب والحماية بس.
وده الفرق اللي ناس كتير مش واخدة بالها منه.

أول حاجه:
الكريمات اللي فيها الميكس ده (مضاد حيوي + مضاد فطري + كورتيزون)،
دي معمولة لحالات الالتهابات الجلدية المعقدة،
يعني لما يكون فيه عدوى باينة، إفرازات، أو التهاب جامد.

لكن لما نحطها على تسلخ حفاض بسيط،
يبقى إحنا كده بندّي الجلد دواء أقوى من اللازم،
وده بيضعف طبقة الجلد ويقلل مناعته الموضعية،
وفي المقابل بيهيّأ بيئة ممتازة للفطريات إنها تشتغل أكتر.

وعلشان كده بتلاقي الأم لما تستخدم النوع ده،
تحس إن الاحمرار خف والدنيا هديت،
وبعدها ترجع الحالة أسوأ من الأول!
وده طبيعي جدًا، لأن الكورتيزون بيهدي الالتهاب مؤقتًا،
لكن في المقابل بيسيب الجلد أضعف وأسهل للفطريات بعد كده.

أما النوع التاني:
الكريمات اللي بتعتمد على مواد زي Zinc oxide أو ممكن برضه Panthenol،
دي آمنة جدًا وبتتعامل مع التسلخات بمنطق “العناية والحماية”.
يعني بتعمل طبقة حاجز تحمي الجلد من البلل والاحتكاك،
وبتساعد الاحمرار البسيط يهدى من غير كورتيزون ولا مضاد حيوي.

بس النقطة الأهم هنا مش الكريم نفسه…
طريقة الاستخدام هي اللي بتفرق فعلًا!
يعني لما تيجي تغيّري لطفلك، لازم الأول تغسلي المنطقة كويس بمياه فاتره،
وتنشفّيها بلطف جدًا “بالطبطبة” مش بالفرك،
وتسيبي الجلد يتهوى شوية قبل ما تحطي أي كريم.
بعدها لو بتستخدمي كريم علاجي زي مضاد فطريات – حطيه الأول وسيبيه الجلد يشربه،
وبعدين حطي فوقه الكريم الحاجز اللي فيه الزنك أو البانثينول قبل ما تلبّسي الحفاضة.
الخطوات دي البسيطة بتفرّق جدًا في النتيجة،
وبتقلل الالتهاب وترجع الجلد لطبيعته أسرع بكتير.

ده معناه إيه يا أم يونس يا غالية؟
يعني مش أي احمرار = كورتيزون!
الكورتيزونات القوية (زي Triamcinolone أو Betamethasone) اللي موجوده في جزء كبير من كريمات التسلخات لما تتحط على جلد رضيع بشكل متكرر أو في منطقة الحفاض المقفولة،
ممكن تعمل:
🔸 ترقّق في الجلد
🔸 انتشار للفطريات
🔸 وامتصاص داخل الجسم ممكن يعمل مشاكل احنا في غني عنها

ومع الوقت الجلد بيبقى أضعف ومناعته بتقل،
وده بيسهّل إن الفطريات تشتغل أكتر حتى لو كانت بسيطة،
وعشان كده بنشوف إن كتير من تسلخات الحفاض اللي بتتكرر أو مش بتتحسن بالكريمات العادية بيكون فيها جزء فطري مش بكتيري.

في الحالة دي، نقدر نكتفي بكريم مضاد فطريات فقط مثلاً زي دكتارين أو ميكوناز مع كريم حاجز فيه زنك زي زنك اوليف مثلاً،
وده بيكفي أغلب الحالات الخفيفة.
لكن لو الالتهاب شكله جامد أو الطفل متضايق،
ساعتها ممكن نستخدم نوع فيه مضاد (فطريات + كورتيزون مائي خفيف) زي دكتاكورت.
وبرضه يكون تحت إشراف، ولفترة قصيرة جدًا.

ولو لقيتي التسلخات بدأت تطلع حبوب أو تنتشر لمساحات أكبر،
ده معناه إن في عدوى مش بسيطه،
مينفعش معاها نفضل نجرب في أي حاجه تقع قدامنا،
ولا زم الطبيب يشوف الحالة بنفسه علشان يحدد العلاج المناسب.

الخلاصة علشان ما تتوهيش يا أم يونس ❤️

✅ لو التسلّخ بسيط:
اغسلي ونشّفي بلُطَف،
وحطي الكريم الحاجز اللي فيه Zinc oxide أو Panthenol قبل الحفاضة.

✅ لو بدأ يظهر شكل فطري (احمرار في الطيات أو نقط بيضا):
استخدمي مضاد فطري زي دكتارين او دكتاكورت + كريم حاجز زي زنك اوليف.

❌ لو فيه التهاب جامد أو عدوى أو حبوب:
نروح نكشف ياماما… مستنيه إيه!!!؟

من الآخر:
مش كل تسلّخ حفاض محتاج كورتيزون،
ابدئي دايمًا بالنظافة، التهوية، والكريم الحاجز.
ولو الحالة مش بتتحسّن أو بتتكرر، شوفي الطبيب فورًا.

لأن في حالات كتير…
العلاج الغلط بيأذي أكتر من المشكلة نفسها. ❤️

10/11/2025

⛔⛔ ناس كتير من اللي عندها الدور بتاع اليومين دول بيجي لهم بلغم بس للاسف
عدم التعامل مع البلغم بطريقة صحيحة ممكن يخلي البكتيريا تتكاثر عليه،
وساعتها بدل ما الموضوع يبقى دور برد بسيط،
يتطور لـ التهاب رئوي أو تحتاج مضاد حيوي 😷

☁️
البلغم ده مادة لزجة وسميكة شوية، كلنا عندنا منها طبيعي.
بس لما يجيلك دور برد أو التهاب بيبقى اثقل وبيبقى في صعوبه ان الجسم يطرده

الفكرة إنك لازم تفكّه وتخليه خفيف علشان جسمك يعرف يطرده بسهولة 💪

💧 أول وأهم حاجة: السوائل!.
ليه؟ لأن البلغم عبارة عن مخاط ومية، فكل ما تزود المية في جسمك البلغم هيفك ويتحرك بسهولة.

لو ما شربتش مية كفاية، الجسم هيحاول يحتفظ بالمية للأعضاء المهمة (زي المخ والقلب)،
وساعتها الإفرازات تقل والبلغم يبقى أكثر سُمكًا 😬

> 🩵 نصيحة: اشرب سوائل دافية ، لأنها بتساعد تفك البلغم أسرع.

🫖 زي مثلا

🍋 1. الليمون الدافئ

بيساعد جدًا على فك البلغم وتنظيف الحلق.

خليك فاكر: الليمون الدافئ مش المغلي!
لو غليت الليمون، فيتامين C بيتكسر.
فاغلي المية الأول، وسيبها تهدى شوية (حوالي 70 درجة)، بعدين حط الليمون.

🌿 2. الجنزبيل (الزنجبيل)

فيه إنزيمات مضادة للالتهاب بتقلل احتقان الأغشية المخاطية.

لما تشربه، البلغم بيفك أسرع.

جرب تضيف عليه عصرتين ليمون بعد ما المية تبرد شوية… هيفرق جدًا 👌
( معاك كمان اليانسون والتيليو وورق الجوافه وورق اللبلاب)

🍲 3. الشوربه

بتقلل الالتهاب وبتساعد على خروج البلغم.

كمان شوربة الخضار أو اللحمة مفيدة جدًا لأنها سوائل دافية مليانة معادن..
في البيت، ممكن تغلي مية وتستنشق البخار (من غير ما تقرب وشك قوي).
ده بيساعد يفك البلغم جدًا.

🧂 غرغرة المية والملح

غرغرة بسيطة بـ ماء دافئ + ربع معلقة صغيرة ملح كل 4 ساعات:

بتقلل الاحتقان

بتكسر البلغم

وبتنضف الزور

بس خلي بالك
ما تزودش الملح علشان ما تلتهبش الأغشية.

وأخيرا بقي اللبان الدكر
انقع قبضه على لتر ميه دافيه وسيبها من بالليل للصبح واشرب كوبايه كل يوم قبل الاكل
حرفيا هتحس بسحر لانه مضاد قوي للالتهابات

💊 نيجى للأدوية

الكحة نوعين:
1️⃣ كحة جافة (من غير بلغم)
2️⃣ كحة ببلغم

⚠️ اوعى تاخد دواء "مضاد للكحة" وانت عندك بلغم!
لأن الكحة دي وسيلة الجسم إنه يطرد البلغم، ولو منعتها هتخليه يتراكم في صدرك.

💥 الحل: تاخد دواء "طارد للبلغم"

للكبار: في دوى اسمه أسيتايل سيستين (N-Acetyl Cysteine) بتركيز 600 مجم
بيتاخد مرتين في اليوم، وده بيساعد يسيّح البلغم بشكل ممتاز.
أول يومين ممكن تحس البلغم زاد شوية — ده طبيعي لأنه بيتفك وبيطلع.

فيه كمان أدوية تانية شوربه هتلاقيها طاردها ومذيبه للبلغم

🧒 الأطفال أقل من 6 سنين لازم يستشيروا الطبيب قبل أي دواء بلغم أو كحة.

🧫 إمتى تحتاج مضاد حيوي؟
لو البلغم بقى:

لونه أصفر أو أخضر

ومعاه سخونية أكتر من أسبوع

أو الوضع مش بيتحسن

يبقى لازم تروح للدكتور يحدد لك العلاج المناسب لحالتك

لو طبقت النصايح دي هتحس بفرق كبير جدًا 💪

08/11/2025

> كلنا تقريبًا اليومين دول عندنا نفس الشكوى:
"الكحة مش بتخلص!" 😷

بس خد بالك… مش كل كحة معناها إنك لسه مريض.
في نوع اسمه الكحة بعد العدوى (Post-viral cough)
بتحصل بعد ما البرد يخف، وتفضل الكحة شغالة بسبب إن الشعب الهوائية لسه ملتهبة وحساسة.

⏱️ ممكن تفضل من 2 لـ 4 أسابيع.

بس لو الكحة:

فيها بلغم غريب اللون (أصفر غامق أو أخضر)

أو معاها نهجان وصوت صفارة

أو دم

أو حرارتك مش بتخف

يبقى لازم تروح لدكتور فورًا.

💡 ونصيحة مهمة:

متاخدش مضاد حيوي من نفسك

اشرب مياه كتير

ابعد عن التراب والدخان
استخدم و مشروبات دافيو لتهدئة الحلق

أوقات الكحة مش مرض… دي إشارة من جسمك إنه لسه
بيحاول يطرد الباقي .

08/09/2025

We will always care about you.
Welcome to our family.
Branches:
📍Nasr City
📍Masr Elgedida 👌🤎Sooooon....
Whatsapp: +201020902005
☎

02/03/2025

"رمضان كريم...

في هذا الشهر المبارك، نهديكم أطيب التهاني وتقديرنا. نسأل الله أن يغمركم برحمته وبركاته ويعطيكم كامل الصحه والعافيه يارب العالمين، وأن يتقبل منكم الصيام والقيام.

صيدلية الدكتور كريم مطر

10/03/2024

تهنئ صيدليه د.كريم مطر عملائها الكرام والأمة الإسلامية بمناسبة شهر رمضان المبارك 🌙
رمضان كريم وكل عام وانتم بخير 😍

31/12/2023

I wish you all a very Happy New Year. May this year bring happiness, prosperity and endless blessings. May your dreams and wishes come true.

03/09/2023

🚨 مصل الإنفلونزا ٢٠٢٣- ٢٠٢٤
🌟 رباعي إنفلوفاك
Influvac Tetra 💫
🩺 Available Now
📍
💫 يتاخد من سن ٦ شهور .
💫 الجرعه: بيتاخد كامل لكل الاعمار
💫 من سن ٦ شهور لسن ٩ سنين لو لسة أول مرة ياخذ المصل يبقي هناخذ جرعه تانيه بعد شهر من الأولى
💫 من عمر ١٠ سنوات أو أكثر
جرعه مره واحده

⚠️ ممنوع للأطفال أقل من ٦ شهور واللي عنده حساسية شديدة من البيض
⚠️ لو فيه ارتفاع في الحراره أو دور برد شديد يفضل نأجل الجرعه الي ان يتم التعافي بإذن الله

0222731337
امكانيه ارسال استفسار وروشتات على الواتساب
1020902005

01023473416_01279152022

03/09/2023

وصل بعد طول انتظار 💥💣💣
بدي سبلاش ايفا ❤️
Eva body splash 🥰

بدي سبلاش مصري بينافس Bath&Body في الثبات وجمال الروايح!!💖💖

- ايڤا يا جماعه بتقدم عظمه بجد وسعره جميل 💕

احساس انتعاش وثقه مختلفه وتنوع خطير

روائح هتتوهمي ف جمالها وثباتها ❤️
متاح ال٣ روايح دول بجد أحلى من بعض 💕
والسعر مفاجأة♥️
استمتع معانا بأسرع خدمة توصيل من صيدلية د.كريم مطر
1020902005

01023473416 - 01279152022

0222731337

Dr.Karim Mater Pharmacies

14/11/2025

13/11/2025

10/11/2025

08/11/2025

08/09/2025

02/03/2025

10/03/2024

31/12/2023

03/09/2023

03/09/2023

Address

Telephone

Website

Alerts

Contact The Practice

Shortcuts

Share

Category