دكتور أمجد العجرودي, زهراء المعادى شارع الزهراء الرئيسى عمارة(المرشدى) بجوار فودافون مباشرة مدخل D الدور الخامس شقة 5, Cairo (2025)

03/09/2025

⬅️ اعراض الوسواس القهري
أعراض الوسواس القهري بتظهر على المريض لما يصاب بفكرة أو مجموعة من الأفكار أو التخيلات أو الصور بينتج عنها بعض أعراض القلق والتوتر للمريض وبيكون غير قادر للسيطرة عليها، وبتدفعه لعمل بعض التصرفات القهرية عشان يقدر يتخلص من الأفكار دي زي:
- الشخص المصاب بوسواس النظافة بيكون عنده أفكار قهرية وشك في نظافة اليدين أو الأغراض المحيطة فبيكون في صورة دايمة لغسل اليد عشان يتخلص من أفكار الشك دي.
- الشخص المصاب بوسواس الخوف من أذى المحيطين بنلاقيه دايمًا في عزلة أو بيتجنب التجمعات أو وجود أبناءه مع أشخاص تانية خوف من الأذى.
- وسواس الشك في غلق الابواب أو النور فيبدأ يتأكد أكثر من مرة عشان يقدر يتخلص من الأفكار اللي بتصيبه قبل الخروج من البيت.
- وسواس الخطأ في عد شيئ معين زي الفلوس مثلا فيبدأ يعد أو يحسب بطريقة ونمط معين.
- ومن الأعراض المشهورة عن الوسواس القهري هي الاكتئاب والعزلة عن المحيطين والتفكير بصورة كبيرة في أفكار قهرية بالإضافة إنها بتأثر على الحياة العملية والاجتماعية ده غير الوقت اللي بيضيع خلال اليوم بسبب التفكير في الأفكار دي بالرغم من إنه متأكد إنها مجرد فكرة غلط لكنه مش قادر يسيطر عليها.
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

02/09/2025

في مجموعة كبيرة جدًا من الأسباب او النظريات اللي بتكون عوامل مساعدة لظهور اضطراب الوسواس القهري :
- عوامل بيولوجية :
فيه أدلة كتير يتوضح إن الإصابة بالوسواس القهري بيكون ناتج عن تغيير في تركيز بعض المواد الكيميائية في المخ و ده بيفسر دور العلاج الدوائي المهم في الخطة العلاجية للوسواس القهري.
ده غير إن فيه أدلة تانية بتوضح إن الإصابة بالاضطراب ده بيكون في العادة مرتبط بعوامل جينية وراثية و ده ايضا بيفسر ان معدل الاصابة بالوسواس القهري بيزيد من 3 الى 5 اضعاف في حالة وجود تاريخ مرضي في العائلة.
- عوامل بيئية :
اضطراب الوسواس القهري بيختلف عن اضطراب الشخصية الوسواسية واللي فيه الشخص بيكون دائم البحث عن المثالية و الدقة و الترتيب في كل نواحي حياته و ده بيكون طبعا عامل مساعد للوسواس القهري لما يكون حرصه الدائم ده مضيع وقت كبير من حياته و مأثر على جوانب كبير من حياته العملية و الاجتماعية و غيرها.
ده غير ان ممكن يكون التعرض لضغوطات معينة سبب و عامل مساعد للاصابة بالوسواس القهري زي مثلا الحمل و الولادة او الاصابة بمرض او مثلا انتشار الاوبئة (و ده اللي لاحظناه كتير خلال فترة تفشي فيروس كورونا) , و غيرها من الضغوطات الحياتية المختلفة.
↩ علاج الوسواس القهري:
بتختلف طريقة علاج الوسواس القهري من مريض لآخر حسب تشخيص الطبيب للحالة وغالبا بتكون دمج بين الجلسات النفسية و العلاجات الدوائية.
الجلسات النفسية بيكون دورها ازاي نقلل القلق و التوتر الناتج عن الافكار الوسواسية و ازاي ممكن نسيطر على السلوكيات القهرية اللي بنعملها استجابة للافكار دي.
العلاجات الدوائية و دي دورها لا يقل اهمية عن الجلسات النفسية لان زي ما قلنا الوسواس القهري بيكون نتيجة خلل في تركيز بعض المواد الكيميائية في المخ غير ان ليها دور في تقليل القلق و التوتر و اضطراب المزاج اللي بيكون مصاحب للوسواس القهري.
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

01/09/2025

⬅️ مريض اضطرابات الهلع بيعاني من نوبات مفاجأة متكررة من الخوف المستمر الغير مبرر مع أعراض كتيرة ممكن زي :
- سرعة في ضربات القلب.
- عدم قدرة على التنفس.
- العرق و ارتفاع في ضغط الدم.
- اضطرابات في المعدة.
- تنميل، او رعشة في الجسم ،و ممكن وجع في أماكن مختلفة في الجسم .
- عدم اتزان، و عدم قدرة على السيطرة على النفس.
- احساس مستمر بأن فيه خطر قادم.
↩ كل اللي فات بيحصل في صورة نوبات مدتها متفاوتة من دقائق و ممكن تصل لساعة او اكتر.ممكن النوبات تيجي بدون اي مقدمات و ممكن تيجي نتيجة مثيرات بسيطة, ومش لازم كل الاعراض دي تكون موجودة في كل مريض او في كل نوبة.
↩ المريض ده بيبقى عايش في خوف دائم من غير سبب , مستني الموت في اي وقت (و في حالات كتير بتحاول الانتحار فعلا).النوبات دي ممكن تخليه منعزل عن الناس و بتأثر جدا على الحياة العملية و الأجتماعية لأنه بيبقى خايف على طول و منتظر في اي وقت ان النوبة تجيله و بالتالي ممكن يأهمل في شغله و ينعزل عن الناس.
↩ النوبات دي في بعض الأوقات من شدتها ,المريض بيلجأ لدكاترة الباطنة والقلب ظناً منهم انها نوبة قلبية ولكن في النهاية بيعرفوا ان السبب في الأساس نفسي و ده طبعا بعد ما بيكونوا صرفوا على تحاليل واشعات كتير جدا لاثبات ده.
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

31/08/2025

⬅️ ايه هي أعراض مرض اضطراب الشخصية الحدية ؟
في مجموعة كبيرة من الأعراض المصاحبة لاضطراب الشخصية الحدية ومن ضمنها:
- الاندفاعية الشديدة و اللي ممكن تخليه يعمل سلوكيات كتير غلط زي تعاطي المواد المخدرة او السلوكيات المتهورة او حتى اقامة علاقات جنسية و غيرها من التصرفات الاندفاعية المضرة الغير المتوقعة.
- مريض اضطراب الشخصية الحدية بيكون في حالة دائمة من التقلبات المزاجية العنيفة وبيكون مضطرب بين انا مبسوط و سعيد و اوقات انا مكتئب و مضايق و اوقات انا مش حاسس بأي حاجة خالص.
- نوبات الغضب الشديدة الغير متوقعة في اغلب الاوقات واللي ممكن في بعضها من شدتها انه يأذي نفسه او حد من اللي حواليه.
- افكار متكررة عن اذى النفس او الانتحار وفي اوقات كتير ممكن يبقى فيه فعلا محاولات انتحار.
- اضطراب شديد في علاقاته سواء الشخصية او العاطفية او الاجتماعية وبيكون فيها تقلبات شديدة ما بين الرضا و الولاء التام و بين السخط و انعدام قيمة العلاقة.
- اضطراب شديد ايضا في نظرته لنفسه ما بين مثلا انا ناجح و كويس و بين انا فاشل في كل حاجة.
- بيكون المريض في حالة رعب وخوف قوي من فكرة الهجر او انهاء العلاقات او انه يكون وحيد عموما و ده بيخليه ممكن يعمل أي حاجة عشان يتجنب الاحساس ده.

⬅️ علاج اضطراب الشخصية الحدية
و ده بيكون عن طريق اللجوء لطبيب نفسي مختص لبدء الرحلة العلاجية واللي بتكون عبارة عن جلسات نفسية واللي مع المتابعة والالتزام بيكون ليها تأثير كبير و ده بالاضافة الى بعض العلاجات الدوائية اللي بيكون ليها دور في تضبيط حالة المزاج والسيطرة على الاندفاعية والعصبية الشديدة المصاحبة لاضطراب الشخصية الحدية.
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

30/08/2025

⬅️ إيه هي أهمية الصحة النفسية على الإنسان؟
- بتحقق الاستقرار الذاتي للفرد فينعم وقتها بحياة هادية من غير توتر أو انفعالات.
- الصحة النفسية الجيدة بتحقق أفراد أسوياء يجيدوا التعامل مع الحياة والضغوطات بشكل عقلاني.
- تساعد الإنسان على تفتح آفاقه وبيكون أكثر قدرة على فهم ذاته وفهم المحيطين بيه.
- الصحة النفسية بتجعل الشخص متوافق بشكل أكبر مع المجتمع لإن في الغالب بتكون سلوكياته سليمة وبيكون محبوب من المحيطين بيه.
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

28/08/2025

⬅️ يعني ايه نوبة هوس؟
يعني فيه فترة (على الاقل اسبوع ) بيكون فيها المريض مزاجه مضطرب او عصبي او زي ما بنقول حلو بزيادة اوي و ده بيكون على عكس عادة او طبيعة المريض بدرجة كبيرة بتأثر على حياة المريض الاجتماعية و العملية .
↩️مش بس كده , بيكون فيه على الاقل تلاته من الاعراض الاتية:
- نشاط زايد عن اللزوم يعني ممكن يعمل حجات كتير عادي بدون تعب.
- قلة الرغبة في النوم يعني ممكن ينام وقت قليل خالص و يبقى فايق جدا بعدها عادي.
- مصاريف زايدة في حجات ملهاش لازمة على عكس العادة.
- كلام زايد جدا بالاضافة الى تشتت الافكار و ممكن يتكلم في مواضيع كتير في وقت واحد.
- ثقة كبيرة في النفس و طموح زايد عن اللازم و الاشتراك في انشطة كتيرة على عكس العادة.
- الاقدام على سلوكيات خطيرة جدا بدون خوف زي مثلا تعاطي المواد المخدرة اللي بدورها بتزود من خطورة النوبة.
- نشاط جنسي زايد وعصبية و اندفاعية شديدة.
↩️ و فيه كتير من المرضى بتكون النوبة مصحوبة بأعراض ذهانية زي :
- الضلالات الفكرية: زي ضلالات العظمة (انا احسن من اي حد , انا المهدي المنتظر, انا حد مهم اوي في البلد ……الخ)
- ضلالات الاضطهاد و الشكوك (الناس بتتكلم عليا ,الناس مضطهداني……الخ)
و انواع تانية من الضلالات.
- الهلاوس و دي ممكن تكون سمعية او بصرية او غيرها.
⬅️ علاج نوبة الهوس؟
من الاضطرابات العقلية اللي في كثير من الاوقات بتحتاج الحجز في احد المستشفيات النفسية لان المريض بيكون غالبا خطر على نفسه و على المحيطين مع صعوبة السيطرة عليه والتحكم في علاجه خارج المستشفى.
العلاج بيكون عبارة عن علاجات دوائية و في بعض الحلات بتحتاج لجلسات تنظيم ايقاع المخ (المعروفة اجتماعيا بجلسات الكهرباء)
و ده بالاضافة للجلسات النفسية اللي بيكون الهدف الاساسي منها هو توعية المريض بالمرض و التأكيد على الالتزام بالعلاج والتعليمات الطبية.
الالتزام بالعلاج والمتابعة المستمرة بتضمن العودة للحياة بصورة طبيعية جدا, ببساطة شديدة و بقراءة التاريخ هنلاقي مشاهير كتير جدا تعرضوا لنوبات الهوس و مع ذلك حققوا نجاحات كتير في حياتهم.
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

27/08/2025

في نسبة كبيرة جدًا من الأشخاص اللي عايشين حوالينا بيعانوا من الاضطراب الوجداني ثنائي القطب واللي بيعتبر واحد من الاضطرابات العقلية اللي بتأثر بشكل سلبي كبير جدًا على الحياة اليومية واللي بنشوفه كتير جدا سواء في شغلنا في العيادة او في المستشفيات و المصحات النفسية.
⬅️ ايه هو الاضطراب الوجداني ثنائي القطب؟
هو عبارة عن اضطراب عقلي نتيجة اختلال في تركيز بعض المواد الكيميائية في المخ وبيكون نتيجته مجموعة من التغيرات الغير عادية للمريض بالمقارنة بمستوى طاقته و نشاطه و مزاجه وتركيزه في السابق، الى جانب تأثيره على قدرته للقيام بمهامه اليومية العادية.
⬅️ في نوعين من الاضطراب الوجداني :
- النوع الاول بيكون عبارة عن نوبة هوس واحدة على الاقل (مع حدوث او عدم حدوث نوبة اكتئاب).
- النوع التاني بيكون عبارة عن نوبة اكتئاب جسيم واحدة على الاقل (مu حدوث او عدم حدوث نوبة هوس بسيطة).
عشان كده اسمه ثنائي القطب (قطب هوس و قطب اكتئاب).
كل نوبة (سواء الهوس او الاكتئاب) ليها الاعراض الخاصة بيها واللي لازم تكون موجودة لفترة معينة ,و كل نوبة منهم محتاجة بوست منفصل لشرح اعراض كل نوبة و كيفية تشخيصها.
⬅️ ازاي ممكن اعالج الاضطراب الوجداني؟
اول حاجة في العلاج هي التوجه لطبيب نفسي مختص للوصول للتشخيص المناسب لان ببساطة كل نوع من الاضطراب الوجداني ليه علاج مختلف عن التاني.
في بعض الحالات و خصوصا في بداية العلاج بيكون الحجز في المستشفى هو الخيار الامثل لان المريض غالبا بيكون مش مقتنع بالمرض نفسه و بالتالي بيكون رافض فكرة العلاج من الاساس.
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

26/08/2025

لا مش هخرج ..
عايز اقعد لوحدى ..
مبحبش التجمعات..
بخاف اتكلم فاغلط ..
مبحبش اتعامل مع ناس جديده ..
بتوتر و بخاف لما بتعامل مع حد جديد ..
انتو ليه مركزين معايا بتوتروني ..
بخاف حد يحتقرنى او يتريق عليا . .
كل دا بيحصلك بسبب الرهاب الاجتماعي و بياثر على حياتك و دراستك وبتتجنب النشاطات الاجتماعيه و المشكله ان لما بيحصل اي موقف من دول معاك بتدخل في دايره من السلبيه و كل مايجي يحصل اي موقف جديد تفكر عنه بسلبيه و تتوقع ان هيحصل حاجه وحشه او هتغلط و تدخل في انفنت لوب ( infinite loop )
فتعتزل الناس و تخاف و المشكله تكبر اكتر و بيبقي مرض فعلا و ممكن يوصلك لامراض تانيه زى العزله و الاكتئاب و التوتر المزمن.
طيب اعمل ايه ؟
لازم تبدأ تواجه مشكلتك و يبقا عندك ثقة في نفسك و ممكن تلجأ لطبيب نفسي عشان تبدأ تعرف خطة العلاج و ازاى تقدر تعدي دا و ترجع تستمتع بحياتك و تجرب حاجات يتخاف تجربها ...
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

25/08/2025

تروح لدكتور نفسي ليه انت مجنون ؟
صلح علاقتك بربنا ومش هتبقى مكتئب.

عايز تروح لدكتور نفسي ليه ما انت عايش حياتك و احنا مش حارمينك من حاجه.

بس انا علطول متوتر انا مش شايف معنى للحياه انا مش قادر اتعامل مع حد
بس انا مش مجنون مش بشد في شعرى انا عارف انا مين
انا تعبت مش عايز اعيش …

- انت مش مجنون...
اغلب الي بيروحو للدكتور النفسي مش مجانين في امراض كتير زي الاكتئاب و القلق و الوساوس و اضطراب ما بعد الصدمة و غيره
كل دى امراض ممكن تبوظ حياتك لو معالجتهاش ما تترددش انك تطلب الدعم لما تحتاجه و افتكر ان المرض نفسي زى اى مرض تاني عضوى.
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

24/08/2025

انا دايما حزين اتعودت على كدا تقريبا لدرجه ان لما بيحصل حاجه تفرحني بستغرب و بخاف فببقي حزين تاني ..
مبقتش بهتم بنفسي ولا شكلي ..
اتعودت على الوحدة ..
لما ببقي مع ناس بفضل قاعد ساكت مبتكلمش معاهم ..
بتخاف من الموت ؟
شايف ان الموت نهاية طبيعيه للحياه مش بدايق منه عادي بالعكس بحبه …
هو انا كدا عندي اكتئاب ؟
لا يا صديقي الاكتئاب مرض بيبقى ليه اعراض كتير و لفترات معينه عشان نقدر نقول انك مريض اكتئاب ...
انت شخصية اكتئابية ... يعني ببساطه انت بس اتعودت تكون متضايق وحزين.
حاول تشوف الدنيا بشكل تاني و شوف الايجابيات في كل حاجه بتحصلك …
و لو محتاج استشارة او مساعدة من طبيبك النفسي متتأخرش لأن حياتك تستحق انك تعيشها و تشوفها بشكل أفضل من كده.
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

23/08/2025

لماذا يدمن البعض؟ ⚠️❌
🤔 هل تعلم أن الإدمان لا يقتصر على المحْدرات فقط؟ قد يكون إدمان الإنترنت، القمار، أو حتى التسوق!
🔹 الأسباب تتنوع بين ضغوط نفسية، تأثير الأصدقاء، مشاكل عائلية، أو حتى اضطرابات نفسية غير معالجة.
💬 ما رأيك؟ هل البيئة أم الشخصية هي السبب الأكبر للإدمان؟ 👇
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

21/08/2025

كيف تواجه مشاعر الخوف بقوة؟
🔷 لا تسمح لعقلك بتخيل الأسوأ: لتتخطى الخوف الذي يعتريك، عليك التفكير في المخرجات الإيجابية من ذلك الموقف المخيف.
🔷 واجه مخاوفك: لا تهرب مما يخيفك، فالمواجهة تعلمك كيف تتأقلم مع ما يخيفك بشكل تدريجي.
🔷 تنفس بعمق: يساعدك ذلك على الاسترخاء بغض النظر عما يدور في عقلك.
🔷 فكر بشكل منطقي: حاول أن تقود دماغك نحو التفكير بطريقة تحليلية بدلاً من التفكير بشكل عاطفي.
🔷 عبّر عن مخاوفك وتحدث عنها: التحدث عما يخيفك يخفف عنك كثيراً، ويساعدك في إيجاد الحلول المناسبة.
عيادة د. أمجد العجرودى
العنوان: زهراء المعادى شارع الزهراء الرئيسى عمارة(المرشدى) فوق محل السرايا بجوار فودافون مباشرة مدخل D الدور الخامس شقة 5
للحجز: 01067857669

دكتور أمجد العجرودي

03/09/2025

02/09/2025

01/09/2025

31/08/2025

30/08/2025

28/08/2025

27/08/2025

26/08/2025

25/08/2025

24/08/2025

23/08/2025

21/08/2025

Address

Telephone

Website

Alerts

Contact The Practice

Shortcuts

Share

Category