20/02/2021
💢💢الحل مع الشعر الهايش والمتقصف والناشف ::
الشعر محتاج يتعامل معاملة خاصة زي الاطفال بالظبط وعناية كاملة مستمرة
💟غسل الشعر بشامبو خالي من السلفات وده بقى في انواع كتير منه
💟مرتين اسبوعيا فقط وما نغسلش الشعر يوميا ومايتغسلش كل شوية عشان ماندمرش الغلاف المحيط بالشعراية واللي بيادي للتقصف
💟حمام الكريم بعد الشامبو مرة اسبوعيا او مرتين ويوضع حمام الكريم على الشعر ونتجنب وضعه على الفروة .
💟البلسم ممكن يحل محل حمام الكريم ودورهم انهم يرطبوا ويغلفوا غلاف الشعراية المتقطع والمتكسر.
💟حمام الزيت كويس جدا لترطيب الشعر وتغليفها بالغلاف الحامي من التقصف وممكن مرة اسبوعيا او كل اسبوعين وممكن تستخدموا الزيوت الطبيعية من عند العطار ويتعمل بيهم كلهم عادي ويتم شطفه بالشامبو طبعا.
💟الشعر لايتم التعامل معاه وهوة مبلول.الشعراية بتبقى ضعيفة وقتها .يتسرح وهوة (نصف ناشف ونص مبلول) بحيث مايقعش بغزارة ويتم تهويته بالتاكيد فترة من الوقت
