12/02/2026
السموم الفطرية.. الحرامي اللي بيسرق الوزن في السكات!
ممكن تكون جايب أحسن نوع علف، ومظبط تدفئة وتهوية، وبرضه تلاقي "تفاوت في الأوزان" أو فراخ "سردة" كتير؟ غالباً ده شغل السموم الفطرية.
السموم دي مش بس بتهري كبد الفرخة، دي كمان بتعمل "إحباط مناعي" يعني أي دواء أو تحصينة هتحطها، كأنك بترميهم في الأرض. والأسوأ إنها بتخلي الفرخة تاكل علف غالي بس ميبانش عليها (تحويل ضايع).
💡 وصايا "إيجيبت ميد" لمنع خطر السموم:
1️⃣ التخزين الصح: ابعد شكاير العلف عن الأرض (على طبالي خشب) وابعدها عن الحوائط، ولازم يكون فيه تهوية في المخزن عشان الرطوبة متعملش عفن.
2️⃣ نظافة العلافات: العلف المركون في أركان العلافات مع رطوبة الجو بيعمل "سموم"، لازم تنظيف العلافات بانتظام.
3️⃣ مضاد السموم (البيولوجي): متستناش لما تلاقي "تشريحياً" الكبد متدمر. استخدام مضاد سموم قوي بانتظام بيغسل جسم الفرخة أول بأول وبيحافظ على كفاءة الكبد والكلى.
صحة الكبد هي مفتاح الوزن المثالي.. احمي فراخك توصل لهدفك.
