https://www.facebook.com/196972340175644/

حكيم باشا -Hakeem Basha, Cairo (2025)

10/07/2025

متبطل تقليب في الريلز يابني بقا شوية هي ملهاش آخر صدقني اللي أنت فيه ده اسمه *zombie scrolling*🧟 و تعالي بقا خلي حكيم باشا يقولك بقا ليه بنحب نعمل كده و ليه ده خطر 🤔

1- ليه بنحب نعمل كده؟
أسباب كتير منها إن النظام اللي الريلز دي بتقدمه و الفيديوهات الكتير المختلفة عن بعض في المواضيع دي بتعمل كنظام مكافأة متغير و دماغنا مصممة علشان تستجيب للنوع ده من الأنظمة اللي بتخليك عمال تقلب علي أمل الحصول علي شئ غير متوقع يحفز إصدار الدوبامين هرمون السعادة 😁

و في أوقات تانية بنلجأ للريلز أو النوع ده من الأنظمة للهروب من المشاعر السلبية و الدليل إنك دايما بتببر لللي حوليك إنك ماسك بس حاسس بالملل و مش لاقي حاجة تعملها و ممكن علشان أنت قاعد لوحدك

2- ماشي إيه المشكلة بقا ده أنا حتي بتفرج علي ريلز مفيدة كتير؟ 🤔

إجهاد العيون و الدماغ - المعروف بتعفن الدماغ - صعوبة بالتركيز و زود عليهم الشعور بالإنفصال العاطفي و غيرها من أعراض إدمان الهواتف

وبس كده متنساش تعمل شير للفيديو علشان أكبر عدد من الناس يستفادوا و قولنا في الكومنت إيه الموضوع اللي حابب نتكلم عنه المرة الجاية 💚

05/07/2025

وعلشان حكيم يهمه مزاجك بعد ما كلمك عن #المورفين ، انهاردة جايينلك بالطرق المختلفة اللي ازاي المورفين ممكن يتاخد بيها 🤔
وهل هذا ما تظنه في حكيم عزيزي القارئ ؟ ❌
هذه المعلومات للمعرفة البحتة فقط ، وعلشان حكيم عايزك تكون ملم بالموضوع فجاي يكمل ويقولك انهاردة إن المورفين له أشكال مختلفة أولهم :

1- #الحقن 💉 : وهو الشكل الأشهر من المورفين واللي بيستخدم تحديدا في حالات الألم الشديد ( في خالة فشل الأشكال الأخرى ).

2- الأقراص الفموية 💊 : واللي بتنقسم لأقراص ممتدة المفعول 1️⃣ وأقراص سريعة المفعول 2️⃣
أ- الأقراص سريعة المفعول : تستخدم للألم الحاد للأطفال ( من سن سنتين فأكثر ) وبعض الآلام المزمنة للبالغين.
ب- الأقراص ممتدة المفعول : تستخدم خصيصا لعلاج #الألم الشديد والمستمر اللي بيحتاج علاج أفيوني بشكل يومي.
تنبيه ⚠ : مينفعش الأفيون ممتد المفعول يستخدم في حالات الألم الحاد أو تبدأ بيه علاج أفيوني من الأساس ، لإنه بيستخدم على فترات طويلة وبالتالي آثاره الجانبية زي تثبيط النفس اللي اتقالت البوست اللي فات بتبقا أقوى وأكثر ظهورا 👌🏻

3- الأشكال الشرجية : وهي من الأشكال المتوفرة لجرعات المورفين بردو.

في بوستين خفاف حكيم حب يعرف عن واحدة من أهم النباتات وأنواع المخدرات في القرن الماضي واللي كانت أساس الأطقم الطبية في حروب كتيرة لتخفيف الآلام وتسكينها.
لو عجبك محتوى البوست متنساش تشيره علشان تفيد أكبر قدر من الناس بيه
دمتم سالمين 💚🤍

02/07/2025

استكمالًا لسلسلة المُسكنات حكيم باشا راجع يكلمك عن واحد من أهم وأقوى المسكنات المستخدمة في الوقت الحالي .. الأفـيــون اللي بنستخلص منه أقوى المسكنات للآلام الشديدة اللي أكيد سمعت عنهم .. بس تعرف #الأفيون بيأثر على الجسم إزاي ؟ وإيه الحالات الخاصة اللي بنستخدم فيها المسكنات المشتقة من الأفيون ؟🤔
حكيم باشا هيكلمك عنهم بالتفصيل

📌 الأفيون يا صديقي مادة طبيعية مستخرجة من نبات اسمه الخشخاش ( 𝑃𝑎𝑝𝑎𝑣𝑒𝑟 𝑠𝑜𝑚𝑛𝑖𝑓𝑒𝑟𝑢𝑚 ) وبيتم استخلاص منهم المورفين والكودايين عشان نستخدمهم في تسكين الألم .

• بيشتغل ازاي جوة الجسم؟ وايه تأثيره ؟
عن طريق ارتباطه بمستقبلات خاصة في الدماغ والنخاع الشوكي ( opioid receptors ) .. وده يسبب إن إشارات الألم تقل ويحصل تثبيط للجهاز العصبي ويتسكن الألم.

• طب وبيستخدم في ايه تحديدًا ؟!
بيستخدم تحديدًا في آلام ما بعد الجراحة أو آلام #السرطان .. والآلام المزمنة اللي مش بتستجيب للمسكنات التانية

🚨 ولكن الحذر من آثاره الجانبية :
زي الدوار والغثيان والنعاس .. وأثره على التنفس كمان لو اتاخد بجرعات عالية
وأخطرهم طبعا الاعتماد الجسدي والنفسي عليهم .. عشان كده لازم نحذر من #الإدمان ⚠️

👈🏻 الاعتماد ده أو الـ خطره إن الجسم بيعتاد على المورفين مثلا فبيحتاجه بجرعات أعلى وأعلى عشان يوصل لنفس التأثير .. بالتالي ده يوصل للإدمان .

خلاصة الموضوع إن الأفيون سلاح قوي بس ذو حدين .. مينفعش يستخدم إلا تحت إشراف طبي دقيق جدا تجنبا لأي خطر
ودي معلومة جديدة حكيم باشا يتمنى يكون فادك بيها 💊🌿

23/04/2025

خلال شهر رمضان حكيم باشا💊🌿 كنا سعداء جدا بمشاركتكم في " فوايز حكيم " .. والنهاردة هنعلن عن صاحب أسرع أكتر عدد إجابات صحيحة خلال الشهر .. الفائز معانا في المسابقة🎉 :

🏆 Mohamed El-kinany

وترقبوا معانا دايما فعاليات حكيم باشا في الأيام اللي جاية 👀💚

20/04/2025

ومن الحالات الطبية الأكثر شيوعا .. اللي بلغ عدد المصابين بيها أكتر من ربع مليون إنسان في العالم !! ما يعرف بـ " " أو بالأصح " ضعف رؤية الألوان " هسألك أنا المرة دي تعرف ليه عمى الألوان منتشر كده ؟ ويا ترى الذكور ولا الإناث اللي بيتصابوا بيه أكتر ؟ طب عمى الألوان أنواعه ايه ؟! 🤓
إجابتك هتبقى صح في حاجات كتير ولكن حكيم باشا💊🌿 هيديك الإجابة النموذجية وربما ساعد في تصحيح بعض المفاهيم

=> "عمى الألوان" أو وزي ما قولتلك الأصح نقول " ضعف رؤية الألوان " لأنه ببساطة عبارة عن حالة في العين بتخلي الشخص غير قادر على التمييز بين بعض الألوان ولكن فقدان القدرة الكاملة على رؤية الألوان ده شئ نادر جدا انك تلاقي حد بيشوف الدنيا أبيض وأسود بس .

📌طب والأسبــاب ؟ ليه بيحصل ؟🤔

• بشكل رئيسي بيكون وراثي بينتقل من الأباء للأبناء.
• بعض الحالات الطبية زي الجلوكوما والزهايمر .
• أو حتى بسبب إصابات بالعين أو العمليات والعلاج الإشعاعي .

📌 بس هي كذا نوع وأعراضها مختلفة، مثلا :

• عمى ألوان أحمر - أخضر : وده الأشهر في الحالة دي المصاب مش بيعرف يفرق بين درجات الأحمر أو الأخضر .
• عمى ألوان أزرق - أصفر : وده أقل شيوعا .
• وجميع الألوان في حالات نادرة : المصاب بيعرف يفرق بين درجات الرمادى بس .

⭐ الرجال ببكونوا أكثر إصابة بعمى الألوان، في الغالب الشخص مش بيعرف إنه عنده عمى الألوان غير لما يتعمله اختبارات أو يتعرض لمواقف معينة تعرفه.

📌 وأخيرا، هل في علاج ؟!
للأسف عمى الألوان الوراثي ملهوش علاج، لكن لو هو ناتج عن حالة صحية مثلا أو أي حاجة فعلاجها ممكن يؤدي للتحسن من عمى الألوان.

في النهاية نتمنى نكون قدرنا نوصل ليك المعلومة بالشكل الكامل والأصح، قولنا في التعليقات عن مواقف تعرفها أو اتعرضت لحد مصاب بعمى الألوان. 👀💚

18/04/2025

كان عدى عليك مصطلح "أغشية سحائية " في الجسم وقد ايه إلتهابها خطير ؟ ☣️ 💚

جه دور حكيم انه يعرفك عنها أكتر بحيث تكون مهمة اننا نعرف الناس عنه ونعرفهم بحيث نزود من وعينا الطبي لكل حاجة حوالينا ! 💚

“𝐌𝐞𝐧𝐢𝐧𝐠𝐢𝐭𝐢𝐬“

أغشية المخ والحبل الشوكي معروفين ب"السحايا" واللي أصلها في لغتنا العربية "السِحاء" او "السَحْو" واللي معناها الغطا أو الغلاف

التهاب الأغشية السحائية ممكن يكون نابع من عدوى بكتيرية او ڤيروسية ومن أشهر المسببات البكتيرية بكيتريا زي Neisseria meningitidis و streptococcus pneumoniae وده بيكون خطير لدرجة كبيرة عكس الالتهاب الناتج من عدوى ڤيروسية

⚠️ على الرغم من أن الڤيروسي أقل خطورة إلا إنه لسا مكتشفش له علاج فعال لحد فترتنا الحالية

وطبعا من اشهر الاعراض بما إننا بنتكلم في المخ والحبل الشوكي ف منطقي ان معظم الاعراض تكون متعلقة بآلام الجهاز العصبي والأعراض دي زي الصداع الشديد وتيبس الرقبة والحساسية الزيادة للضوء !

من تشخيصه هنقدر نعرف الحالة دي مصابة بmeningitis ولا لا عن طريق فحص للسائل الشوكي الدماغي او الcerebrospinal fluid (CSF) او تحليل معين للدم وبعض الحالات بنلجأ لاستخدام الرنين المغناطيسي

زي ما قلنا علاج الڤيروسي لسا مأثبتش بشكل صحيح ولكن البكتيري من اهم الطرق هو حقن وريدي لمضاد حيوي قوي وساعات يكون مستخدم مع كورتيزون

أخيرا يا صديقي خليك سبب في نشر معلومة تكون سبب في معرفة ناس وزيادة وعيهم عن الأمراض اللي حوالينا لعل وعسى تكون سبب في شفائهم .💚

11/04/2025

خير يا دكتور طمني حصل إيه
= مش عارف أقولك إيه بس الحالة ماتت إكلينكياً 😔
مشهد سينمائي معروف كلنا شفناه قبل كده بس يا تري تعرف يعني إيه هو الموت الإكلينيكي ؟

بص ياسيدي المصطلح ده بيعبر عن توقف الوظائف الحيوية الأساسية اللازمة للحياة و دي تعتبر حالة خطيرة جدا لو متمش تدخل طبي فوري هتوصل للموت الدائم طب إيه أسبابها؟ 🤔

الحقيقية في أكتر من سبب ممكن يوصل للحالة دي منها علي سبيل المثال السكتة الدماغية اللي لو كانت شديدة أو أثرت علي مناطق مهمة في الدماغ هتسبب الموت الإكلينيكي و هي عبارة عن نوعين و هما :
1- Ischemic stroke
أو الإقفارية و دي لو حصل إنسداد في الشراين
2- Hemorrhagic stroke
أو النزيفية و دي بتحصل لو حصل إنفجار في وعاء دموي في الدماغ لا قدر الله

طب و الأعراض؟
تختصر في كلمة FAST

F( Face ) ➡️ اطلب منه يحاول يبتسم

A (Arms ) ➡️ اطلب منه يحاول يرفع دراعاته

S(Speech)➡️ اطلب منه يكرر كلامك

T (Time )➡️ لو لقيته مش قادر يرفع دراعه و بيتلثم في الكلام لازم تعرف إن عامل الوقت مهم جدا

و طبعا الخطورة بتزيد بسبب التدخين و ارتفاع الضغط أو الكوليسترول أو السمنة

وبس كده متنساش تعمل شير علشان الفايدة توصل لأكبر عدد من الناس و قولنا في كومنت لو عندك أي موضوع عايزنا نتكلم عنه المره الجاية 💚

08/04/2025

الڨيب دي مش موضة.. ده فخ!

ايوة، فيه منه ريحة فراولة، مانجو، عنب.. بس اللي جواه سم بيدخل على جسمك واحدة واحدة.
طب خلينا نفهم هو إيه الڨيب وإيه اللي بيعمله في الجسم.
الڨيب هو جهاز بيحول سائل لنكهات وبخار فيه نيكوتين ومواد تانية زي:Propylene glycol/ Vegetable glycerin/ نكهات صناعية وأحيانًا مواد تانية زي THC أو فيتامين E acetate

كلنا عارفين إن النيكوتين مشاكله مبتخلصش زي إنه بيأثر على:
١- تطور المخ عند المراهقين
الذاكرة والانتباه.
٢- بيزود التوتر وممكن يسبب أعراض انسحاب لما بتوقفه.

طب يا حكيم ما فيه ڨيب من غير نيكوتين؟
تمام، بس المشكلة مش النيكوتين بس!

حتى الـVape اللي من غير نيكوتين فيه مواد تانية لما بتتحرق وتدخل الرئة بتسبب مشاكل خطيرة، زي:

Propylene glycol وVegetable glycerin: بيعملوا تهيج في الشعب الهوائية وبيأثروا على التنفس مع الوقت.

النكهات الصناعية: اتعملت للأكل مش للاستنشاق، ولما بتتحرق بتطلع مركّبات ممكن تبقى سامة للرئة.

Diacetyl: مادة موجودة في بعض النكهات ومثبت إنها بتسبب مرض اسمه "Popcorn Lung"، وده بيخلي التنفس صعب ومؤلم.

الڨيب مش وسيلة أمان ولا بديل علاجي، هو ببساطة نوع تاني من التدخين، بأضرار مختلفة بس موجودة💚

#الڨيب

29/03/2025

وبحلول عيد الفطر المبارك بعد بكرة إن شاء الله .. ومع ارتفاع درجات الحرارة دلوقتي جايين نقولك خلي بالك من الأمراض والعدوى اللي بدأت تنتشر تاني دلوقتي .. ومنها عدوى فيروسية شائعة ولكن انتشرت بين الأطفال والرضع خلاص الفترة دي بالذات والكلام كتر حواليها .. فيروس الهربس البسيط وتحديداً النوع الأول ( HSV1 ).
طب ليه النوع الأول بالذات ؟ واشمعنا بيصيب الأطفال ؟ وحيث كده نحميهم ازاي من الإصابة بالعدوى دي ؟!
وده واجب حكيم باشا💊🌿 طبعا إنه ينبهك قبل اما تزور قرايبك وتعيد عليهم .

بص يا سيدي .. فيروس #الهربس البسيط فيه منه نوعين :
📌 النوع الأول (HSV1) وده اللي بيسبب الهربس الفموي بشكل رئيسي
📌 النوع الثاني (HSV2) وده اللي بينتقل خلال العلاقة وبيسبب الهربس التناسلي.

• النوع الأول واللي جاي أكلمك عنه HSV1 # بينتقل ازاي ؟!
بينتقل من خلال اللعاب والرذاذ ولمس الفم أو الوجه ، ومشاركة الأدوات الشخصية زي شفرات الحلاقة ومرطب الشفاه، وتقبيــل الأطفــال والرُضَّـع طبعا، بينقلهم الفيروس بسهولة.

• طااب وأعراضه ؟!😷

شوف هو الأعراض في العادة مش بتظهر على طول وساعات بتبقى خفيفة، لكن مع الأطفال مش بيبقى الوضع سهل !!
في بادئ الأمر الشخص بيحس بوخز أو حرقان في الجلد حول الفم واحمرار وتورم وبتظهر البثور والتقرحات المؤلمة في الشفتين والحلق وبيكون ليها شكل مميز كده، وعلى الأغلب بيبقى في منه نوبات متكررة في أوقات متباعدة ممكن يظهر كل شوية كده وبيكون أقل حد من الأول

• طااب والعلاج ؟! 🦠
في العادي القرح ممكن تختفي من غير علاج خصوصا عند البالغين .. لكن العلاج بالأدوية المضادة للفيروسات بيخفف الأعراض طبعا ويسرع الشفاء إن شاء الله خصوصا عند الأطفال .. من أول المراهم والكريمات لحد الأقراص والحقن

⚠️ طريقة الوقاية وده أهم حاجة :

- نتجنب التقبيل خصوصا الأطفـال والرُضَّع
- اغسل إيدك قبل ما تشيل أي طفل أو تتعامل معاه
- نطهر الأدوات الشخصية للشخص أو الطفل المصاب ونفصلها عن باقي الأسرة
- ونتجنب مشاركة ادوات الطعام والعناية الصحية
- وتتجنب تحط ايدك قريب من الفم.
- وتجنب التعرض للشمس في ساعة الذروة

مش أشد الأمراض خطورا ولكن انتشر بزيادة ووجب التحذير والتنبيه .. ودائما خليك واعي مع حكيم باشا 💚
ومتنسوش تشاركونا تجاربكم مع الهربس لو اتعرضتوا ليه قبل كده

20/03/2025

عن أم المؤمنين عائشة رضي الله عنها قالت "كانَ النبيُّ صَلَّى اللهُ عليه وسلَّمَ إذَا دَخَلَ العَشْرُ شَدَّ مِئْزَرَهُ، وأَحْيَا لَيْلَهُ، وأَيْقَظَ أهْلَهُ"

خلاص رمضان قرب يخلص و دخلنا أخر عشرة أيام أعظام أيام السنة و اللي فيها ليلة القدر الليلة اللي ربنا قال عنها في القرآن خير من ألف شهر وقت عظيم أوعا تضيعه الله أعلم هيجي علينا تاني ولا لأ تذود من الطاعات و متخليش حاجة تشغلك و متنساش من صالح دعاءك 💚

#رمضان

18/03/2025

مستمرين معاكم في سلسلة الفوازير 🔥💚

وبالنسبة للفزورة اللي فاتت الإجابة كانت القولون العصبي بالتوفيق لكل اللي جاوب صح 💚

#فوازير

15/03/2025

مستمرين معاكم في سلسلة الفوازير 🔥💚

وبالنسبة للفزورة اللي فاتت الإجابة كانت القرفة والمقصود بنوع الحلويات هو السينابون بالتوفيق لكل اللي جاوب صح 💚

#فوازير

حكيم باشا -Hakeem Basha

10/07/2025

05/07/2025

02/07/2025

23/04/2025

20/04/2025

18/04/2025

11/04/2025

08/04/2025

29/03/2025

20/03/2025

18/03/2025

15/03/2025

Address

Website

Alerts

Shortcuts

Share

Category