كاريتاس مصر - مركز سيتي للتدريب والدراسات في الإعاقة SETI Caritas

12/08/2025

فرصة للحضانات للمشاركة في مسابقة تنظمها وزارة التضامن الاجتماعي بالتعاون مع هيئة التعاون الدولي الياباني (JICA)
لدعم ممارسات الدمج الشامل في بيئة الحضانة، بما يحقق التكافؤ والمشاركة لجميع الأطفال
إذا كانت حضانتك تابعة لجمعية أهلية في إحدى تلك المحافظات: الإسكندرية، السويس، الاسماعيلية، بورسعيد، الفيوم، أسوان، القليوبية، كفر الشيخ، الجيزة
بادر بملء الاستمارة وتنفيذ النشاط الدامج وفق المعايير الموضحة وإرسال الصور كما هو موضح في الإعلان

Access Google Forms with a personal Google account or Google Workspace account (for business use).

07/08/2025

الاجازة السنوية للمركز

04/08/2025

في إطار حرص مركز سيتي التابع لكاريتاس مصر على دعم حقوق الأشخاص ذوي الإعاقة ودمجهم في المجتمع، ومساندة الشباب ذوي الإعاقة على التعبير عن رأيهم وتكوين مجموعات المناصرة الذاتية وتفعيل مشاركتهم في المجتمع بما في ذلك المشاركة السياسية،نظم مركز سيتي من خلال مجموعة إرادة للمناصرة الذاتية — والتي تضم عددًا من الجمعيات والمؤسسات المعنية بهذا المجال — لقاءً عبر منصة زووم، لتأكيد حق الأشخاص ذوي الإعاقة في المشاركة في انتخابات مجلس الشيوخ المقبلة.
تضمن اللقاء عرض فيديو توعوي من إنتاج المجلس القومي لشؤون الإعاقة، يوضح التسهيلات المقدمة لضمان مشاركة فعالة وسهلة في العملية الانتخابية.
وقد اختُتم اللقاء بتوصية أساسية، وهي: تفعيل هاشتاج
تأكيدًا على أن المشاركة حق للجميع.

https://www.facebook.com/share/v/1AyTihD1KN/

23/07/2025

ابنك بيحب يشخبط ويفنن؟ يبقى عنده موهبة مستنية تتشكل!
للأطفال هتبدأ فى #فصلة من أول جمعة في أغسطس.
فرصة مثالية لتنمية الخيال والإبداع وخلق مساحة آمنة ودامجة لأطفالنا من او غيرهم.

في الورشة دي، هيقدر طفلك:
▪️يعبّر عن نفسه بإيده
▪️يطوّر مهارات التركيز والتنسيق
▪️يكوّن صداقات جديدة
▪️يحس إنه مميز ومقبول زي ما هو

ورشة مش بس فن… دي تجربة شاملة للاندماج والثقة بالنفس!

السن: من ٦ لـ ١٠ سنين
كل جمعة من ١٠ لـ ١٢ صباحًا
📍 العنوان: ٨ شارع عبد السلام إبراهيم، محمد فريد، مصر الجديدة، القاهرة
📞 للحجز أو الاستفسار: 01272151052

مستنينكوا تكلمونا عشان تعرفوا تفاصيل أكثر.


#ابداع #فن #دمج #ورش

فصلة مساحة فنية دامجة يديرها مركز سيتي كاريتاس مصر بدعم من مؤسسة دروسوس

23/07/2025

21/07/2025

لسّه محتار إزاي تقدم على منحة ساويرس للتفوق، للطلاب من ذوي الإعاقة؟
مش متأكد من الشروط، أو إيه التخصصات المتاحة، أو إيه اللي بتغطيه المنحة؟

الجلسة التعريفية التانية هتجاوب على كل أسئلتك!
هتتعرف على خطوات التقديم، المميزات، وشروط القبول في جامعة الجلالة.

التاريخ: 22 يوليو 2025
التوقيت: 01:00 مساءً
الجلسة مجانية ومفتوحة لكل الطلاب المهتمين.

سجّل الآن:
https://forms.gle/555MntKJbJPfrHBFA

18/07/2025

"ابنك مش قاصد يغلط ...هو بيحاول يتكلم بتصرفاته "

لقاؤنا ليس عاديا ، بل خطوة نحو تربية أعمق وفهم أوسع لسلوك ابنائنا .

تعالى واحضر معانا لقاء لأولياء الأمور عن نظرة إيجابية لفهم تصرفات ابنك وذلك يوم الجمعة الموافق 25/7/2025

هذا اللقاء ينظمه مركز سيتى للتدريب والدراسات فى الإعاقة – كاريتاس مصر (فرع مصر الجديدة ٨ شارع الشهيد عبد السلام ابراهيم ) من الساعة 9.30صباحاً إلى الساعة 1.30 ظهراً.

هنتكلم فى اللقاء عن:

إدارة السلوك بالاحتواء و الحزم ؟

الفرق بين الايجابية و القسوة و الدلع في التربية ؟

فهم السلوك ...لماذا يتصرف ابناؤنا بهذه الطريقة ؟

التعامل الذكي مع سلوك الاطفال (ابنائنا) بدون صراخ ولا عقاب ؟

كل دي أسئلة هنجاوب عليها سويا في لقاءنا التربوي التفاعلي بانتظاركم لوضع بداية جديدة لنظرة إيجابية أعمق لتصرفات ابنائنا .

يسعدنا مشاركتكم معنا

ملحوظة: " اللقاء مجانا ولأولياء الأمور فقط وبدون اصطحاب الأطفال "

الإستفسار، يرجى الاتصال بالمركز.

تليفون: 22417456– 22417455– 22417454- 22417453 /02 يومياً من الساعة 9
وحتى الساعة 2 ماعدا السبت والأحد من كل أسبوع
https://forms.gle/Zj2LNGjvQdsyFrqC9

16/07/2025

كلنا نقدر نخلق بإيدينا حاجة حلوة... حتى لو البداية بسيطة!
من أول أغسطس، هتبدأ ورشة جديدة معانا فى #فصلة وهى
الورشة دي مفتوحة لكل الناس، سواء كانوا من أو من غيرهم، لأن الإبداع مالوش حدود، والفن بيجمعنا مهما اختلفنا.

لو عندك طفل أو شاب من سن 6 سنين وطالع، فالمكان مستنيكم تكتشفوا مواهبكم، وتتعلّموا إزاي تعبّروا عن نفسكم بإيديكوا ومن خلال الفن.

ليه الورشة دي مهمة؟
علشان كل شخص يستحق فرصة يعبر عن نفسه بطريقته.
#الخزف مش بس فن، ده وسيلة بنبني بيها الثقة، بنحس بالإنجاز، وبنعيش لحظة الدمج الحقيقي.

المعاد: الجمعة 1 أغسطس
الساعة: من 10 صباحًا لـ 4 العصر
العنوان: ٨ شارع عبد السلام إبراهيم، محمد فريد، مصر الجديدة، القاهرة
📞 للتواصل: 01272151052

عايز تكون جزء من التجربة دي؟
انضم لينا وشارك في صناعة مساحة فنية دامجة ومُلهمة.

📩 ابعتلنا في رسالة لو حابب تعرف أكتر


#ابداع #فن #دمج #ورش

فصلة مساحة فنية دامجة يديرها مركز سيتي كاريتاس مصر بدعم من مؤسسة دروسوس

16/07/2025

لو بتحب تدق على الطبلة، تعالى خلّي الإيقاع وسيلتك في التعبير!

ورشة الإيقاع في فصلة هتخليك تكتشف إن الطبل مش بس صوت…
ده تعبير، تركيز، وتواصل بينك وبين اللي حواليك.

ليه لازم تجرب ؟

- هتساعدك تعبر عن مشاعرك بطريقة ممتعة
- هتعزز تركيزك وانتباهك
- هتخليك تتفاعل بثقة وسط المجموعة

وفين؟
في #فصلة – المساحة الفنية الوحيدة اللي مش بس بتعلم فن…
دي مساحة آمنة، دامجة لمختلف القدرات ومليانة حب، بتخلق بيئة آمنة ومشجعة لكل شاب يكون على طبيعته بما فيهم الشباب اللي ممكن يبقى عندهم صعوبات أو إعاقة.

الورشة متاحة من سن ١٦ سنة فيما فوق
📅 كل جمعة من أول أغسطس
⏰ من ١٢:٣٠ لـ ٢ الضهر
📍 العنوان: ٨ شارع عبد السلام إبراهيم، محمد فريد، مصر الجديدة
📞 للحجز أو التفاصيل: 01272151052

📩 كلمنا او ابعتلنا رسالة ،احجز مكانك... ورينا فنك
وحس بدورك في صناعة مجتمع أكثر شمولًا، وانت مبسوط

#فن #دمج #ورش

فصلة مساحة فنية دامجة يديرها مركز سيتي كاريتاس مصر بدعم من مؤسسة دروسوس