
15/05/2025
بعيدا عن الإعلان اللي واخد الموضوع هزار وهدفه أنه يوصل بأي طريقة للناس ..
اللي فكرني بالاعلان دا هو تكرار هذة الشكوى وأثرها علي الأشخاص..
موضوع أن حد يعملنا حساب دا بقابله أوقات كتير أوي في العيادة و أد ايه دا بيكون مؤذي و مستمر ..
اللي ما شبعش حب واهتمام وهو صغير، بيكبر يدور عليهم في كل حاجة.. حتى في أبسط التفاصيل.
زي ما الطفل محتاج أكل وشرب، محتاج كمان حضن، كلمة طيبة، واهتمام و أنه يتشاف..
اللي اتحرم من ده، بيعيش طول عمره يدور عليه، ويمكن يفتكره في طبق شوفان أو في رسالة من شخص بيهتم بيه.
احتياج الطفولة مش رفاهية، ده أساس.
وعدم الإشباع مش بيعدي، بيكمل معانا في شكل وجع ساكت.
#حب #اهتمام #احتياج #احترام