كيتو كود "عن الكيتو دايت" Keto.code

27/07/2023

صباح الخير
انهاردة آخر خميس في الشهر ميعاد اللايف.
اعذروني اني مأعلنتش عنه قبل كدة بكذا يوم لانشغالي.
انهاردة أنا هرد على الادعاءات اللي ضد الكيتو.

طول الوقت بيطلع ناس يشتموا في الكيتو لدرجة ان أحدهم قال ان اللي بينصح العيان بالكيتو يبقى مجرم،بس برضه هيفضل فيه ناس شايفة ان الكيتو ضار وبيأذي جسمك.

عشان كدة الغرض من اللايف مش إقناع أي حد بالدايت ولكن غرضه مناقشة الادعاءات دي وتفنيدها عشان لو حضرتك متردد أو بتعمل كيتو وأنت خايف تطمئن ان الموضوع مش زي ما بيصوره دكتور فلان اللي على اليوتيوب ولا المهندس فلان اللي على التيك توك.

فلو حضرتك عندك سؤال ملح عن الكيتو وقلقان اكتبه في التعليقات.
وياريت لو لسة مشتركتش في قناة اليوتيوب بتاعتنا اشترك وفعل الجرس عشان تتابع الفيديوهات.
اللينك في أول تعليق.

10/07/2023

لو فيه حاجتين في الكيتو أوصيكم بيهم عشان تعملوا كيتو أمن وصحي وتقدروا تخسوا بمعدل معقول وتكملوا فيه كلايف استايل.

الأولي: نوع الخضروات الورقيةومتهملهاش في أي وجبة، أنا بحط طبق كبير فيه ورق سبانخ، نص افوكادو، كام قرن فلفل أخضر حراق، كام واحدة طماطم صغيرة ( شيري) ، على أي حاجة خضرا تانية موجدة في البيت.
متخفش من الكارب اللي في الخضروات الورقية ولا حتى في الطماطم طالما نية( لحد ما) لان معاه ألياف وفايدته عظيمة.
الثانية -متزودتش أي دهون عن اللي موجودة في البروتين نفسه، بمعني هعمل لحمة مش لازم احمرها في الزبدة عشان تبقى كيتو، هعمل سمك مش لازم أغرقه زيت زيتون عشان يبقى صحي.
الدهون الوحيدة اللي ممكن أضيفها غير اللي موجودة مع اللحمة هي الMCT
(medium chain triglycerides )
ودي بحطها على كوباية القهوة الصبح لما بحس اني جعان فقط وعندي شغل ومش هقدر أفطر.
الحاجات دي من خبرتي المتواضعة مع الكيتو في ال٦ سنين اللي فاتوا

29/06/2023

ايه هي عيوب الكيتو دايت؟ ليه بننصح الناس بعدم تناول التمر والعسل مع انهم من خيارات الطبيعة ؟ هل مريض السكر من النوع الأول ممكن يعمل كيتو ؟
دي الحلقة الرابعة من حواري مع الدكتور محمد عبدالحميد استشاري طب الاسرة بالمملكة العربية السعودية عن الكيتو.
وكما قال عمنا sam:
If you don’t ask, you don’t get.
ياريت لو عجبتكم اعمل اشتراك في القناة وفعلوا الجرس واعملوا شير للفيديو وابعتوا سألتكم هناك.
اللينك في أول تعليق عشان مارك القماص.

25/06/2023

ايه حكاية التوصيات الطبية ؟
ليه فيه أوقات بنلاقي التوصيات الطبية مش بتسمح بحاجات مع إنها مفيدة لنا؟
فيديو جديد على قناة اليوتيوب
اللينك في التعليقات.
لو عجبك الفيديو، ياريت تتفرج على الفيديوهات التانية وتعمل اشتراك في القناة وتفعل الاشتراك عشان نقدر نستمر بتشجيعكم

24/06/2023

لما اتكلمت في اللايف تعمدت متكلمش عن دواء
Rybelsus 3mg
ده دواء شبه الأوزمبك بس بيتاخد بالفم، الجرعة القصوى اللي بنديها هي 14mg بتعادل 0.5 mg من الأوزمبك.
رغم انهم نفس المادة الفعالة بس الأوزمبك بيجيب نتايج أفضل مع العيانين ، عشان كدة أنا واحد من الناس مش بكتبه كتير زي الابر ، الا لو المريض رافض ياخد الإبرة.
طب ليه أنا بقول الكلام ده؟
عشان انهاردة نزلت دراسة عن دواء تخسيس جديد من نفس العيلة المحترمة ولاد الأصول الGLp1 الدواء في المرحلة الثانية من البحث phase 2 (راجع اللايف)
الدواء اسمه
Orforglipron
بيتاخد بالفم مش ابر وفي الدراسة اللي قعدت حوالي ٣٦ أسبوع ( ٩ شهور)، متوسط نزول الوزن حوالي 14.7% ، يعني ري الأوزمبك وأكتر من السكسندا وبرشام كمان.

زي ما قولتكم الخير جاي .
.
لينك الدراسة ولينك اللايف في الكومنتات

23/06/2023

بمناسبة اللايف بتاع امبارح.
كل ما أقول ان المعلومات اللي في الفيديو غرضها التثقيف الطبي ولازم تستير الطبيب قبل استعمال أي دواء ، افتكر التمب ده.

22/06/2023

Loading
ان شاء الله اللايف هيبدأ بعد ١٠ دقائق
اللينك في أول تعليق

22/06/2023

صباح الخير عليكم
انهاردة بإذن الله الساعة ٦ مساء بتوقيت لندن هطلع لايف من قناة كيتو كود على اليوتيوب ( هحط اللينك في التعليقات)
هنتكلم عن أدوية التخسيس زي ما وعدتكم من كام سنة 😁😁.
هنقسم اللايف كتالي:
١- ليه الدكاترة بتثق في الأدوية اللي مصنعها شركات اسر ائلية ومش بتثق في المكملات الغذائية الطبيعية ١٠٠٪؜
٢- ليه فيه أدوية زي الميتفورمين والتروليستي والدباجلوفلوزين مش مصرح بيهم كأدوية للسمنة رغم إن الدراسات والتجارب الشخصية بثبت انهم بيخسسوا كويس.
٣- أدوية التخسيس ما ظهر منها وأختفى
٤- أدوية التخسيس ما ظهر منها ولسة مكمل معانا
٥- ليه الأوزمبك تحديدا والمونجاروا عاملين ضجة وهل يستاهلوا فعلًا تمنهم، وايه الفرق بينهم.

٦- أدوية التخسيس ما بطن منها وينتظر ظهوره قريبًا
٧- أسئلة الأعضاء.

لأي حد متهم يحضر اللايف ياريت يعمل اشتراك في قناة اليوتيوب ويفعل الاشعارات.
كمان لو حابب الماس تستفيد ياريت تشير البوست أو اللينك أو تشير اللايف على الجروبات اللي بتسمح بده عشان الناس تستفيد أكتر.
اللي عنده اسئلة تخص موضوع الحلقة ياريت يحطها في التعليقات.

لينك اللايف في أول كومنت

21/06/2023

إيه هو تأثير البلاسيبو وايه هو تأثير النسييو.
ياريت الرجالة متقوليش:نسيبو كدة وأمره لله، نسيبوه لوحده، أو تسألني هو مش نسيبوه ده يبقى أخوا مراته؟
صدقني أنا فكرت في كل الألش الممكن على الكلمة ومردتش أقولها عشان متزعلش، فمتزعلنيش منك بجا.
اللينك في أول كومنت

18/06/2023

انتظرونا ان شاء الله في لايف الخميس القادم الساعة ٦ بتوقيت لندن، ٨ مساء بتوقيت القاهرة.
الليف هيبقى من قناة كيتو كود على اليوتيوب.
فالمهتم ياريت يعمل subscribe ويفعل جرس الاشعارات .
اللينك في التعليقات.

18/06/2023

بتروح الماركت، تشوف أي حاجة مغلفة على رف في الماركت، متقدرش تقاوم الاغراء فتقوم مطلع الموبايل ومصورها وحاططها على الجروب و تكتب:
الحقوني… بسرعة …. مش قادر اتنفس، الحاجة دي معانا ولا لا ؟
مبدئيا كدة الحاجة دي غالبًا مش معانا، ولو حتي مكوناتها معانا، الجروب مش بيشجع المنتجات الغذائية المصنعة.
لو فعلًا عايز تخس وتاخد اللوكارب لايف استايل يبقى تاكل لحوم، أسماك، خضروات ورقية ، كبشة مكسرات ، أجبان، وكام حبة فراولة لما يهفك الغرام وابعد عن أي منتجات متصنعة ومحطوطة في علبة وعليها جدول القيمة الغذائية.

15/06/2023

أنا دائمًا بتسأل ليه الكيتو دايت؟
لما بدأت أكتب عن السمنة وأسبابها ، الناس حبت تعرف ايه النظام الغذائي اللي ماشي عليه وساعتها قولتلهم الكيتو.
في الحلقة الثالثة من حواري مع الدكتور محمد عبدالحميد استشاري طب الاسرة بالمملكة العربية السعودية وصاحب قناة دكتور العيلة على اليوتيوب ، هنتكلم في الحلقة دي عن مميزات الكيتو دايت.
ياريت لو عجبتك الحلقة تعمل اشتراك في القناة ولو معجبتكش برضه اعمل اشتراك في قناة اليوتيوب عشان أكيد حاجة هتعجبك😀😀
لينك الحلقة الجديك في التعليقات.

15/06/2023

لما أبقى في العيادة والمريض يسألني عن حاجة في الnutrition

10/06/2023

الحلقة الثانية من الحوار مع الدكتور محمد عبدالحميد استشاري طب الأسرة بالمملكة العربية السعودية.
اتكلمنا عن ازاي تبدأ الكيتو بشكل صحيح؟ أعمدة الكيتو الأربعة؟ تعويض الأملاح في الكيتو؟ وازاي تدخل في الصيام المتقطع.
الفيديو فيه التجربة الشخصية للدكتور محمد عبدالحميد مع الكيتو.
وكما قال مولانا Sam :
If you don’t ask , you don’t get.

لينك الحلقة في أول تعليق وياريت تعملوا اشتراك في قناة اليوتيوب وتفعلوا الإشعارات.

#التغذية #السكر #كيتو #الصباغ

Keto Code

08/06/2023

الناس القدامى في الجروب عارفين اني بعلق وأنا في الشغل، بتغدي، أي بريك، وبعدين مش ببص على التعليق تاني نظرًا لضيق الوقت.
فمثلًا لو عندك كذا سؤال يفضل تكتبهم مع بعض في بوست واحد، عشان أرد عليهم مرة واحدة ، لأني هرد على السؤال ومش هبص على السؤال اللي أنت سألته بعد كدة عشان برضه الوقت.
بإذن الله أنا هعمل لايف آخر خميس كل شهر( عشان محدش يقول اني بقلد كوكب الشرق ) ، فادوني اقتراحتكم عن موضوع الشهر للايف

05/06/2023

ماهو الكيتو دايت ولماذا تم تسميته بهذا الاسم؟ وكيف بدأ الكيتو
فيديو جديد على قناة كيتو كود على اليوتيوب

https://youtu.be/SYYz5IkYLLY

05/06/2023

ماهو الكيتو دايت وليه سموه كدة.
كيف بدأ الكيتو بمفهومه الحالي.
مقدمة قصيرة لحوار عن الكيتو دايت مع الدكتور محمد عبدالحميد استشاري طب الأسرة بالمملكة العربية السعودية
اللينك في أول تعليق

05/06/2023

حابب أعلن عن شوية حاجات برتب لهم بقالي فترة:

١- الفيديو هيكون وسيلة التواصل بينا وتقديم أي معلومات طبية هيبقى من خلاله ( سواء فيديوهات مطولة ، فيديوهات قصيرة reels أو لايف)
بصراحة اكتشفت في الآخر ان كتابة البوستات ملهاش أي قيمة، الأغلب مش بيحب يقرأ والفيسبوك ضيع كتير من مقالات أنا تعبت فيها وشايفها مهمة.

٢- هركز اهتمامي في اليوتيوب أكتر من الفيسبوك لأني لاحظت ان المتابعين على اليوتيوب وتك توك أكثر استجابة من الفيسبوك ، جايز عشان طبيعة المحتوى اللي بيتعرض ( صورة وصوت، أحسن من الكتابة) ، بس كمان أنا لاحظت اني لما بعدت عن الفيسبوك ، التفاعل قل وعدد الناس على الجروب قل عكس اليوتيوب اللي رقمه ثابت رغم إني حذفت الفيديوهات القديمة، وبناء عليه، لو حابب تعرف اللي هقدمه الفترة الجاية يبقى تعمل اشتراك في قناة اليوتيوب و تك توك ( هحط الروابط في التعليقات)، وعلى رأي عمنا Sam:
If you don't ask for it, you will not get it.
عشان كدة ياريت تعملوا اشتراك في قناة اليوتيوب.

٣-أنا ناوي أتوسع في القناة مش هتكون حكر على الكيتو بس ولكن هتكون متنوعة؛ هتكلم عن مرض السكري ، علاج السمنة، الغدد الصماء ، ولو فيه استجابة كويسة وتشجيع هعمل فيديوهات للأطباء.
مبدئيا هطلع لايف كل شهر هجاوب على الأسئلة، وهحط كل أسبوع فيديو طويل ( ٥ الي ١٠ دقائق) و هعمل ٢ فيديو قصير كل أسبوع باذن الله.

٤- في الخطة فيه تصميم ويب سايت هيبقى للمقالات المقروءة وكمان هيبقى للاستشارات الطبية،
ابتدينا شغل فيه وهعلن عنه لما يخلص.
٥- انهاردة هنزل أول فيديو من حوار ليا عن الكيتو مع دكتور محمد عبدالحميد ( استشاري طب الأسرة) واللي اتشرفت بالحوار معاه.
هنزل المقدمة انهاردة وبإذن الله هينزل أول جزء من
الحوار آخر الأسبوع.

محمد الصباغ