أطباء مصر

03/09/2025

حتى لا يُهجر ❤️

02/09/2025

🤔😂

30/08/2025

يا مف*ج الكرب ويا مغيث الطرق الضيقة، ف*ج كربهم وانصرهم بنصرك يا رحيم.

28/08/2025

28/08/2025

لما أنزل أجيب كيس شيبسي و الاقي شحات داخل عليا و فاكرني هعمل زي البت الصغيرة :

28/08/2025

مرض السوشيال ميديا يجتاح الاطباء
بعد دكاترة التجميل ، دلوقت دكاترة النسا
!!!!!!

25/08/2025

ويطلع واحد يقولك
"هو كل دكتور يتضرب في الإستقبال عايز يسيب البلد ويمشي؟"

24/08/2025

فيه بنتين صحاب اسمهم "عائشة" و "لوجينا" قاعدين شاربين واكلين نايمين مع بعض في اوضة واحدة وسكن واحد مفيش اقرب من كدة.

عائشة كانت طالبة في مدارس ستيم العبور اللي هيا مدارس المتفوقين للعلوم والتكنولوجيا وكانت متفوقة وكانت بتحلم بكلية الطب واجتهدت لحد ما قدرت تحقق الدرجات اللازمة لتنسيق الطب، وفعلا قدمت اول ١٥ رغبة كليات طب بشري وبعدين صيدلة واتطمنت ونامت.

لوجينا صاحبتها اللي بايتة معاها صحيت الفجر وعايشة نايمة، وقررت تسرق البطاقة والرقم السري بتوع عائشة، وتخش تعدل رغبات التنسيق بتاعتها وتمسح رغبات طب خالص وتخلي الرغبة الاولى كلية علوم، تمسح حلمها خالص، وحطت الحاجة مكانها ونامت عادي كإن مفيش حاجة حصلت.

ابوها عرف من ادارة المدرسة بعد ما البنت صاحبتها فاقت وندمت واعترفت بغلطها وقالت لأبوها وأمها وبلغوا ادارة المدرسه ودى حاجه تحسب لهم - جري من بيته في شبين القناطر لجامعة القاهرة عشان يلحق يعدل الرغبة لطب تاني لكن الميعاد كان فات، والحلم كان هيضيع في لحظة صفار، لكن وزير التعليم العالي في النهاية اتدخل وحل المشكلة الحمد لله.

هتقولي البنت صاحبتها عملت كدة ليه؟ هل عائشة اذتها في حاجة؟ هقولك اذتها فعلا بنجاحها، اصل فيه ناس كدة لما تلاقيك بتنجح في حتة معينة فإنتا كدة بتأذيهم حتى لو معملتلهومش حاجة، لو بس شغال على نفسك ولا شايف شغلك، حقد على صفار على استحقاقية على جو اشمعنى هيا وانا لأ.

وعشان كدة بيأذوك، يأسفنوا عليك عند مديرك، يسرقوا شغلك، يكسروا مجاديفك، يتكلموا عليك وحش في ضهرك، ولو جتلهم فرصة يقلوا منك او يجيبوك الارض هيعملوا كدة بكل اريحية، والسبب؟ انك اذيتهم بإجتهادك ونجاحك بس.

انما قدامك وقدام الناس بيعملوا صحابك واقرب ناس ليك وضحك وهزار وتبقا مش قادر تفرقهم عن بعض من كتر ما بيحبوك، وانتا بتكون بتحبهم بصدق بس متعرفش ان نفوسهم مريضة، بتتفاجيء للاسف في المواقف اللي زي دي.

منقول

24/08/2025

🚨 اعتداء على طبيب امتياز داخل مستشفى السيد جلال 🚨

السلام عليكم
النهارده الصبح حصلت كارثة في طوارئ الجراحة في مستشفى السيد جلال:

مريض دخل المستشفى ومعاه مرافقين (بلطجيه) ، وواحد منهم اعتدى على زميلنا طبيب الامتياز في وشه.
زميلنا دلوقتي في غرفة العمليات بعد إصابة خطيرة.

الأمن اللي المفروض يحمي الأطباء والمرضى، واقف يتف*ج!
الأمن اللي بياخد فلوس عشان يدخل ٥ و٦ مرافقين مع كل عيان، هو نفسه اللي سمح للمعتدي يدخل المستشفى ويخليها مستباحة.

المصيبة الأكبر:
🔴 المستشفى عملت محضر “تلفيات” بس، لكن ملهاش أي محضر عن الاعتداء على الطبيب!!
يعني حق زميلنا كأنه مش موجود.

والكارثة اللي محدش يعرفها:
قبل ما يعتدي على زميلنا، المعتدي راح أوضة العظام يدور على مشرط وما رضيوش يدوله. راح أوضة الغرز وفضل يقلب لحد ما لقى مشرط مرمي في الزبالة وخده واعتدى بيه على زميلنا!
كل ده حصل والأمن واقف “لا أرى، لا أسمع، لا أتكلم”.

إحنا كأطباء امتياز مش لاقيين أي حماية:
• لا تأمين.
• لا مرتب يخلينا نتحمل الضرب والإهانة.
• ولا أي احترام لكوننا واقفين نخدم الناس.

إحنا مش هنقدر ننزل الاستقبال نشتغل من غير تأمين حقيقي.
لو الطبيب اللي بيخدم الناس بيتضرب ويتساب كده، مين هيعالج المريض بكرة؟

🟥 إحنا بنطالب:
1️⃣ وزارة الداخلية بالقبض الفوري على المعتدي.
2️⃣ إدارة المستشفى والجامعة بفتح تحقيق عاجل ومحاسبة أفراد الأمن اللي تسببوا في الكارثة.
3️⃣ توفير تأمين حقيقي للأطباء في الاستقبال عشان نقدر نشتغل.

زميلنا مش أول ضحية، لكن لازم يكون آخر واحد.
إحنا مش هنسيب حقه يضيع.

22/08/2025

مغنية شهيرة
جالها الم دخلت مستشفى خاص من اكبر مستشفيات مصر
اتشخصت التهاب حاد بالبنكرياس
اساتذة الجراحة في المستشفى دي قرروا علاج تحفظي رغم وجود كيس في البنكرياس .. وبالمناسبة دة انسب قرار جراحي وانا على دراية بمعظم اساتذة الجراحة في المستشفى دي وعلى مدى تمكنهم وشطارتهم

قامت الفنانة ربنا يشفيها مش واثقة في الدكاترة المصريين اللي كل يوم بيتضربوا وبيتشتموا بالاب والام

راحت المانيا

الدكاترة هناك قرروا يعملولها جراحة. عكس رأي الجراحين المصريين
طبعا معظم اللي حواليها وقتها قالوا الحمد لله جينا هنا كانوا الدكاترة المصريين هيأذوها

بعد العملية اتضح ان افضل علاج كان التحفظي فعلا

وهي حاليا للاسف دخلت عمليات مرتين وما زالت تعاني بسبب مشكلة واردة الحدوث حصلت في العملية
الغريبة ان المشكلة هي عدوى بكتيرية وخراج في الكيس اللي فتحوه الالمان

انا مش بسرد القصة دي شماتة ولا عشان اثبت ان الدكاترة المصريين جامدين واجمد من الالمان والكلام دة ابدا

اولا ربنا يشفيها يا رب ويرجعها لاهلها بسلامة

لكن نبص للموضوع بطريقة مقلوبة
يعني لو الدكاترة المصريين قرروا يعملوا جراحة مش تحفظي (نفس رأي الالمان)
وحصلت مضاعفة في الكيس خراج (زي اللي حصل مع الالمان)
والفنانة دخلت العمليات اكتر من مرة (زي اللي حصل في المانيا)

وقتها كانت المستشفى اتشمعت وحبسوا كل اطباء المهندسين على ذمة التحقيق 😂

الطب مهنة صعبة
والقرارات فيها توفيق من الله
والشافي هو وحده الله
وزي ما بيقولوا شفاء المريض من بخت الطبيب

لازم الكل يكون مدرك دة
ولازم الكل يكون مدرك ان مفيش طبيب نفسه يأذي مريض

فعلا زامر الحي لا يطرب
منقول

19/08/2025

إنا لله و إنا إليه راجعون
هذا الرجل كان أحد أكثر الناس وقارا وإحتراما ولا نزكى على الله أحدا..
ربنا يغفر له ويرحمه ويتقبله عنده فى الصالحين

08/08/2025

😂😂