19/01/2026
محمد 24 سنة
طبيب امتياز
جالنا المستشفى الأربع بالليل العام الماضي
أكسجيبه 35 !
مفيش أي تاريخ مرضي
كل اللي حصل دور برد من أسبوع
و خف لكن رجع تاني من تلات أيام
و زاد إنه كح دم ..
الأشعة المقطعية بينت إنه viral pneumonia
فاتحجز و طلعنا نتابع زميلنا الأصغر ..
محمد ..
لو سمحتوا ممكن تعرفوني فيا إيه
شوية pneumonia يا دكتور محمد
خير إن شاء الله ...
هو أكسجيني كام دلوقتي
كويس يا دكتور محمد 85
جو المستشفى مش جديد علينا
خير إن شاء الله ...
علطول كنت بتفرج على المرضى
المرة دي أنا المريض .. أول مرة أركب كانولا
معلش ألف سلامة عليك
إن شاء الله خير ..
هو أنا هروح امتى ؟!
ساعتين كده و أروح أكمل في البيت !
ممكن أشرب ريقي ناشف
مكلتش من تلات أيام 🧐🥲
أخته هو فيه ايه !
ده كان كويس هو دور برد
ده كان في شغله في المستشفى
هو دكتور زميلكم ثم بكت
و بنبرة حنونة غاية التألم و الحزن
و الدهشة ده محمد أخويا الصغير،
أنا أخته الكبيرة خلي بالك منه 🧐🥲 #
نزلنا شوية نتجول بين الحالات
و طلعنا 2 ص نطمن عليه
لقيناه أريست و رجع الحمد لله
لكن عملوا suction لكمية fresh blood
أول مرة أشوف الكمية دي 🥲
نزلنا تاني و طلعنا 4 ص
الدكتور قالت أريست تاني 3 ص
و تالت 4 ص و هيأريست رابع
و النزيف وصل لفمه و عينه
لما خلاص لم نعد نحتمل
خرجنا نصلي قيام فليس بمقدورنا
ناخد بالنا منه يا أخته 💔
فلجأنا لمن أرحم به من أمه
و رحناله الدكتور الحمد لله قالت استقر
صلينا الفجر و من شدة مشقة الليلة غلبنا النوم
لما صحينا في السكن شوفت دكتورة العناية
مقدرتش أسألها لساني مطاوعنيش ..
بس يلا نطمن على محمد يلا و احنا ماشيين
جزء كبير مدرك ما سنسمعه و بالفعل سمعناه
"البقاء لله من ساعة "💔
و جزء للآن مش مستوعب سرعة تفاقم الحالة !
إنا لله وإنا إليه راجعون
ربنا يرحمه ويغفر له ويصبر اهله
#منقول
