Nourhan Sabour Psychologist

13/04/2026

أكتر حاجة بتحزن الواحد لما بشوف أي حد مكتئب وتلاقيه مش مدى لنفسه أي أولوية للعلاج لحد ما يجيب أخره ويوصل لمرحلة اللامبالاة لدرجة عدم القدرة علي طلب المساعدة خلاص...

12/04/2026

للمساعدة اي حد بيمر بمشكلة او أزمة نفسية
الخط الساخن للأمانة العامة للصحة النفسية التابع لوزارة الصحة: 16328, هتكلمهم وهما هيرجعوا يكلموك خلال دقائق معدودة. الخط شغال ٢٤ ساعة.
خط مركز الأزهر العالمي للفتوي الإلكترونية والدعم النفسي 19906

08/04/2026

💥 من أجمل ما قرأت عن توضيح مفهوم التسامح والطيبة

👈 سيدنا يوسف سامح إخوته،
لكنه لم يدعهم للعيش معه في القصر،
أعطاهم أرضًا ليعيشوا منها في مصر.
فالذكاء العاطفي هو أن تسامح وتساعد
دون أن تعيد إلى مائدتك
من ألقاك يومًا في الجُب.

مش كل تسامح معناه نسيان،
ومش كل مساعدة معناها رجوع.
👈 يوسف عليه السلام علمنا درس عميق:
إن الرحمة لا تلغي الحكمة،
وإن الطيبة مش معناها إنك تكرر نفس الغلطة مرتين.

في فرق كبير بين إنك تشيل الكره من قلبك
وبين إنك تفتح بابك تاني
لنفس الشخص اللي كسره قبل كده.
القلب ممكن يسامح…
بس العقل لازم يفتكر.

💥 الذكاء العاطفي مش إنك تثبت إنك طيب على حساب نفسك،
ولا إنك تعيش دور الضحية باسم التسامح.
💥 الذكاء العاطفي إنك تساعد من مسافة،
وتعطي بحدود،
وتحمي نفسك بدون ما تحمل حقد.

يوسف ما انتقمش،
بس كمان ما سلّمش مفاتيح القصر
لناس أثبتت قبل كده
إنهم ممكن يرموا أقرب واحد ليهم في الجُب
علشان الغيرة.

وده درس لينا كلنا:
سامحي… علشان قلبك،
لكن اختاري مين يقرب… علشان سلامك.
اعملي خير،
بس ما تديش ظهرك تاني
للي طعن فيه مرة.

مش كل الناس اللي تقول “اتغيرت”
تستاهل فرصة جديدة،
ومش كل دمعة اعتذار
تمسح ذاكرة وجع.

التسامح قوة،
بس الحدود حكمة.
واللي يجمع الاتنين
ده إنسان ناضج… مش قاسي 💕

06/04/2026

حين يربط الإنسان قيمته برأي الأخرين يصبح تقييم الأخرين له هو المقياس الوحيد لقيمته ويعيش في سباق دائم لأنه لايملك مرجعيه داخلية ☹️

04/04/2026

ماذا تلاحظ في هذه الصورة؟

02/04/2026

تشرفوني 💕

01/04/2026

علشان تغير الشخص الاخر هتقعد تنتظر كتير جدا الأسهل تغير طريقة تفكيرك أنت لو بدأت بنفسك هتوفر علي نفسك كتيييير أوي 👍

30/03/2026

26/03/2026

💢 جاور من يشبهك
💢 وحاور من يحترمك
💢 وشاور من يحبك
💢 واياك وصحبة اللئيم
💢 فإن الحديث معه عقيم
💢 واتخذ من الطيبين خلان
💢 يجازوك الاحسان بالاحسان

20/03/2026

كُل عَام وَقُلُوبُكُم بِالخَيرِ تَزْهُو،
وَأَرْوَاحُكُم بِالفَرَحِ تَسْمُو.. 🌙🕊️
عِيدُكُم مُبَارَكٌ،
وَعَسَى أَيَّامُكُم كُلُّهَا أَعْيَادٌ مَلِيئَةٌ بِرِضَا الرَّحْمَنِ وَالسَّكَينَةِ..
طَابَتْ أَوْقَاتُكُمْ بِذِكْرِ اللَّهِ وَشُكْرِهِ. 🤍🌸

16/03/2026

ليه "الوجع" بيزيد في أول جلسات العلاج؟

💔(مرحلة تنظيف الجرح)

أغلبنا لما بيقرر يروح لمعالج نفسي، بيبقى جاي وهو "جايب آخره". شايل شيلة تقيلة بقاله سنين، وجاي وعشمه إنه بمجرد ما يحط رجله في العيادة، الضغط ده هيخف فوراً. لكن اللي بيحصل في البداية بيبقى صادم شوية..

بنبدأ نفتح ملفات قديمة، ونفتح في وجع كنا بنحاول ننساه، فبنحس إننا "تعبنا أكتر" مش ارتحنا!

ليه ده بيحصل؟ وهل ده معناه إن العلاج مش شغال؟

1. استراتيجية "تخدير الألم" vs "مواجهة الألم"

في علم النفس، إحنا بنفرق بين تسكين العرض وبين شفاء المرض. طول السنين اللي فاتت، أنت كنت بتستخدم ميكانيزمات دفاعية (Defense Mechanisms) عشان "تزق" الوجع بعيد، زي الكبت أو الهروب أو التناسي.

لما بنبدأ الجلسات، إحنا بنوقف "البنج" ده. فجأة بيبدأ عقلك يحس بالوجع اللي كان موجود أصلاً بس أنت كنت مخدره. ده بالظبط زي ما يكون عندك جرح "ملوث" وعليه قشرة من بره، عشان يلم صح، لازم المعالج يفتح القشرة دي وينضف التلوث.. اللحظة دي مؤلمة جداً، لكنها هي اللي بتضمن إن الجرح يتعافى.

2. نظرية "التعرض" (Exposure Theory)

عشان العقل يستوعب إن الصدمة انتهت، لازم يعيشها جوه بيئة آمنة (غرفة الجلسات). لو فضلت تهرب من مشاعرك، هتفضل تطاردك في أحلامك وفي علاقاتك. إحنا في الجلسات الأولى بنعمل "تعرض تدريجي"، بنخليك تبص للوحش اللي خايف منه في عينه، لحد ما تكتشف إنه مابقاش يخوف زي زمان.

❤️‍🩹العلاج النفسي هو رحلة "شجاعة". لو حسيت إنك تعبان في الأول، ده مش فشل، ده مؤشر إننا خبطنا على الباب الصح. إننا بدأنا نلمس "الخُراج" الحقيقي عشان نصفي السّم اللي فيه.

اصبر على وجع البدايات، عشان تقدر تدوق حرية النهايات.
Nourhan Sabour Psychologist