Safe space مساحة أمان

07/04/2025

عارف يعني إيه اضطراب ثنائي القطب؟
مش مجرد “مزاج بيتقلب” أو “شخصية متقلبة” زي ما الناس بتقول…
ده مرض نفسي حقيقي، الشخص فيه بيعدي بفترات من النشاط والطاقة المفرطة (اسمها نوبة هوس)، وفترات تانية بيحس فيها باكتئاب شديد.

يعني ممكن تلاقيه في يوم فرحان بطريقة مش طبيعية، ومش بينام، وبيتكلم بسرعة…
وبعدها بأيام تلاقيه مش قادر يقوم من السرير، حزين من غير سبب، وحاسس إن مفيش أمل في أي حاجة.

الاضطراب ده مش ضعف، ومش دلع.
ده محتاج علاج، ودعم، وتفهم.

بمناسبة إن أبريل هو شهر التوعية باضطراب ثنائي القطب،
خلينا نكون ألطف، نفهم أكتر، وندعم بعض بدل ما نحكم على بعض.

07/04/2025

مش كل اللي مزاجه متقلب “متنكد” أو “دلوعة”…
فيه ناس بتعاني من اضطراب ثنائي القطب،
يوم فوق السحاب ويوم تحت الأرض.

مش اختيارهم… ده مرض نفسي محتاج فهم ودعم.
أبريل = شهر التوعية بالاضطراب ده.
افهم، ماتحكمش.

21/03/2025

رسالة لكل أم
إنتِ كفاية، وإنتِ بتعملي اللي تقدري عليه، ومفيش حاجة اسمها أم مثالية.
حبي نفسك زي ما بتحبي ولادك، وافتكري إنك قبل ما تكوني أم، إنتِ إنسانة ليها مشاعر وأحلام واحتياجات. الأمومة رحلة، فاستمتعي بيها بدل ما تشغلي بالك بالمثالية اللي مش موجودة أصلاً!

#الأمومة

14/03/2025

العطاء ليه أشكال كتير، ممكن يكون بكلمة طيبة، بمساعدة حد محتاج، أو حتى بابتسامة تريح قلب حد. رمضان بيعلمنا إن العطاء مش مجرد فلوس بنطلعها، لكنه إحساس بالغير، رحمة، ومشاركة.

زي ما بنصوم عن الأكل والشرب، كمان نقدر نصوم عن الأذى، عن الكلمة الجارحة، عن التجاهل، عن التقصير في حق اللي حوالينا.
لأن الصيام مش بس عن الامتناع، لكنه عن الامتلاء… الامتلاء بالخير، بالرحمة، وبالعطاء.

كل واحد فينا يقدر يكون سبب في سعادة حد تاني، بصدقة، بكلمة، بدعوة من القلب.
فكر النهارده إنت تقدر تعطي إيه؟ ولو حتى دعوة بظهر الغيب ❤

07/03/2025

الصبر مش بس إنك تستنى الحاجة اللي نفسك فيها، الصبر الحقيقي إنك تفضل هادي ومتزن وانت مستني.

إنك متتكسّرش من التأخير، ومتستسلمش للإحباط.
أوقات كتير بنكون عايزين الحاجة دلوقتي حالًا…. ولو متحققتش نحس إن الدنيا ضدنا، بس الحقيقة إن كل حاجة بتيجي في وقتها المناسب، وقت ما نكون مستعدين لها فعلًا.
الصبر قوة مش ضعف…
الصبر إنك تفهم إن مش كل حاجة لازم تحصل بسرعة، وإن في حاجات محتاجة وقت عشان تتشكل صح وتكون زي ما تستاهل.
فمتخليش العجلة تسرق منك متعة الرحلة، ومتخليش التأخير يحبطك.
كل خطوة بتاخدها وانت صابر، بتبني فيك حاجة قوية،حاجة تخليك لما توصل تقول:
‘أنا كنت مستعد ومستاهل ده فعلاً’.”

07/03/2025

ازاي تسامح نفسك لو قصّرت في العبادة؟

ساعات بنحس بتأنيب الضمير لو قصّرنا في الصلاة، الذكر، أو أي عبادة.. وده طبيعي، لأن قلبك لسه حيّ وبتحس بالتقصير. بس بدل ما تفضّل تحاسب نفسك بقسوة، حاول تاخد الموضوع من ناحية نفسية وروحانية أكتر:

1️⃣ افهم إنك بشر – كلنا بنمرّ بفترات فتور، حتى الصحابة نفسهم كان عندهم لحظات ضعف، وده مش معناه إنك وحش أو بعيد عن ربنا، بالعكس، ده دليل إن عندك ضمير صاحي.

2️⃣ بدل جلد الذات، جرّب اللطف مع نفسك – بدل ما تقول “أنا وحش، أنا فاشل”، قول “أنا بمرّ بفترة صعبة، وهحاول أرجع تاني بهدوء”. الرحمة بالنفس هي مفتاح الرجوع لربنا بقلب صافي.

3️⃣ ابدأ بخطوات صغيرة – لو حاسس إنك بعيد، مش لازم تقفز فجأة لكل العبادات مرة واحدة، خدها وحدة وحدة.. حتى لو بدأت بدعاء صغير أو ركعتين قيام بالليل، ده هيحركك للأفضل.

4️⃣ افصل بين الذنب وبين قيمتك كإنسان – تقصيرك مش بيعبر عن حقيقتك، أنت لسه شخص ربنا بيحب إنه يسمع صوته، ولو جيت له خطوة، هيجي لك مهرول.

5️⃣ استبدل تأنيب الضمير بالتحفيز – بدل ما تفضل تأنّب نفسك، استغل الشعور ده كدافع تخلي عندك خطة بسيطة ترجع بيها للعبادة بحب مش بضغط نفسي.

ربنا رحيم وكريم، ولو هو مستعد يسامحك، يبقى ليه انت مش قادر تسامح نفسك؟


#مروةمحمدحسن
#مساحةًآمان_للصحةالنفسية

07/03/2025

الصيام والأمراض النفسية: راحة للجسم والروح 🌿✨

كتير مننا لما بيسمع عن فوايد الصيام، بيركز على الناحية الجسدية، زي تنقية الجسم من السموم وإنقاص الوزن، لكن هل فكرت قبل كده إن الصيام ممكن يكون علاج نفسي كمان؟ 🤔

الصيام بيساعد في تحسين الحالة المزاجية وتقليل التوتر والقلق، وده لإنه بيساعد الجسم يفرز هرمونات السعادة زي الإندورفين، اللي بيخلينا نحس بالراحة والسكينة. كمان بيعلمنا الصبر والتحكم في النفس، وده بيساعد في تقليل العصبية والانفعالات الزايدة.

في دراسات بتقول إن الصيام ممكن يكون مفيد للي بيعانوا من الاكتئاب الخفيف والمتوسط، لإنه بيساعد في تنظيم المواد الكيميائية في المخ، وبيحسن النوم وراحة البال.

طبعًا، لو حد بيعاني من مرض نفسي مزمن أو بياخد أدوية، لازم يستشير دكتوره قبل ما يصوم، لإن في حالات بتحتاج متابعة خاصة.

في النهاية، الصيام مش بس عبادة، ده كمان رحلة علاجية للنفس والجسد، فأستفيد من الشهر الكريم في تصفية ذهنك وقلبك، وخد وقتك في التأمل والدعاء. 💙


#مروةمحمدحسن
#مساحةآمان

07/03/2025

23/11/2024

Negative emotions make negative thoughts reappear.

15/09/2024

مهما كانت الظروف، تذكري أنكِ قوية ولديكِ قيمة...
لا تدعي أي شخص يجعلكِ تشعرين بأنكِ أقل من ذلك...
لا يمكن لأي علاقة أن تلغي حقيقة أنكِ تستحقين الحب والاحترام والدعم...

03/06/2023

من بعض الكلمات اللي بتكون فيه راحة وطمأنينة وونس
هي" وانا كمان "
في اللحظة دي هتكتشف إن كفاحك هو كمان كفاح شخص تاني ، وأنك مش لوحدك ، وأن الآخرين ساروا على نفس الطريق ....
هننسج مع بعض رحلة جديدة من (خيوط) أنفسنا
نسأل الله فيها الخير والبركة والنفع ..

رشحوها للي حواليكم اللي شايفين انها ممكن تساعدهم
* هنستقبل رجال ونساء من سن ١٨ سنة إلى سن ٦٠ سنة
- مجموعة اونلاين داخل مصر وخارجها.
- مجموعة في العيادة بدمياط الجديدة.
للحجز 📱
010 10468084

22/03/2023

من القلب أرسل إليكم تهنئة ملؤها الحب والدعاء لكم بقبول الطاعات والأجر الكبير .. رمضان كريم للغالين طيبي القلوب.