19/10/2025
5 سنين صمت… وانتهوا بكلمة ماما 💙
دخلت الأم وهي بتقول بحزن:
هو عنده 5 سنين ولسه ما قالش ولا كلمة…
أنا فقدت الأمل يا رحاب
ابتسمت وقلت لها:
“طول ما في نَفَس… في أمل 💙”
بدأنا بخطة تخاطب واضحة ومتكاملة:
1- تهيئة حسية لتنظيم جسمه ومشاعره قبل أي تمرين.
2- تحفيز التواصل البصري والانتباه المشترك (من خلال الألعاب واللمس الحسي).
3- تمارين فموية (OPT) لتقوية عضلات الفم واللسان والشفاه.
4- استخدام بطاقات أبراكسيا لتحفيز أول مقطع صوتي.
5- تعزيز استجابة الطفل بالأغاني والأنشطة الحركية.
كل خطوة كانت بتتبني على اللي قبلها…
وفي يوم عادي جدًا، فجأة صاحبي قال “ماما” بصوت ضعيف،
لكن وقعها كان أقوى من أي إنجاز 🎉
الدموع نزلت… مش بس من الأم، مننا كلنا في الجلسة.
مش لأننا سمعنا كلمة،
لكن لأننا سمعنا “أمل بيتولد من جديد”.💙
💡 نصحني انا گ رحاب متخصصه بقول لكل ام و اب:
ما فيش حاجة اسمها “اتأخر خلاص”.
فيه خطة، فيه التزام، وفيه تدريب…
وكل جلسة بتقرّبنا خطوة من الحلم اللي كان مستحيل.
🩵 متسمعيش كلام حد يقولك “خلاص فات الوقت” أو “مفيش فايدة”.
متضعفيش!
ابدئي من تاني، وأعيدي بناء قدرات طفلك خطوة بخطوة.
ابنك محتاجك، ومحتاج تشوفيه بعين الأمل مش بعين الخوف.
اسمعيها مني كأخصائية شغلي كله مع أمهات زيك👇
يلا بينا نعيد الحلم من أوله،
نبدأ الرحلة من تاني،
وأنا رحاب لسه عندي أمل في كل أم شجاعة 💙
رحلة طفلك لسه ما خلصتش… يمكن لسه هتبدأ النهاردة.
شارك المنشور لنشر الوعي بنا 🤝
________________________________
📢 تنويه مهم:
لجميع الأخصائيين الجدد في مجال التربية الخاصة 👩🏫
يرجى عدم نسخ أي محتوى من صفحة “التوحد مع رحاب” دون إذن.
يمكنكم فقط عمل مشاركة (Share) حفاظًا على أدب المهنة ومصداقيتكم أمام متابعيكم.
وأي نسخ متكرر هيتم الإشارة بالحسابات المخالفة داخل جروبات التربية الخاصة.
احترم تعب غيرك… علشان غيرك يحترمك 🌿
السماح اذا في اي تقصير
دمتم فاهمين و أولادكم مستوعبين و مستمتعين♥️
تحياتي لكم جميعا د / رحاب جمعة.
#ثبات
