كلية الصيدلة ¥¥ الأرقي دائماً

16/11/2024

https://www.youtube.com/watch?v=kcGEKHwTP3g

دا اول فيديو في السلسلة ان شاء الله بيتكلم عن أنواع ال Diarrhea واسبابها والاعراض اللي بتفرق بين الانواع و طرق علاجها وكل الأدوية المتاحة تقريبا للعلاج مع صو...

16/11/2023

مهارات الصيدلي التي تؤهله لتقديم الرعاية الصحية للمريض في الصيدلية :
١ - الفهم القوي بأشكال الأمراض المختلفة.
٢ - المعرفة القوية بالأدوية بكل تفاصيلها.
٣ - مهارات التواصل القوية.
٤ - تنظيم العلاج.
٥ - حساب الجرعات الدقيقة للأدوية خصوصا للأطفال.
٦ - مهارات التخطيط العلاجي.
٧ - القدرة على تقييم الحالات المرضية.
٨ - المعرفة بطرق العلاج الغير دوائية.
٩ - المعرفة بالتحاليل والأشعة بقدر كافي.
١٠ - المعرفة بالتداخلات الدوائية.
١١ - المعرفة بالتداخلات بين الأدوية والغذاء.
١٢ - المعرفة بأمان الأدوية للحوامل والمرضعات.
١٣ - المعرفة بأمان الأدوية لأصحاب الأمراض المزمنة.
١٤ - المتابعة المستمرة لأحدث الأدوية والخطط العلاجية.
١٥ - القدرة على تعليم وتثقيف المرضى بالمرض والأدوية.
١٦ - توضيح كافة المعلومات اللازمة للروشتة الموصوفة للمريض والرد على أي استفسار للمريض.
١٧ - القدرة على وصف بعض الأدوية التي لا تحتاج الى روشتة.
١٨ - القدرة على توجيه المريض للطبيب المختص المناسب لحالته.
#صيدلي #توعية #تثقيف

14/11/2023

22/08/2022

03/11/2021

بسم الله
كلامي لعامة الشعب
اللي مش هيفهم الكلام ده هيفضل طول عمره مضحوك عليه وهيفضل دايخ بالأيام وسايب اشغاله علشان حاجة تافهة..
دلوقتي الطبيب للاسف اللي بيوصفلك بنادول الأزرق قد يكون من شهرة المنتج بيوصفه وقد يكون واخد فلوس علشان يقول عليه بالاسم ( وكلامي علي بعض الاطباء اللي حتي لو كلمتهم تقوله مش لاقيه.. يقولك لا دور هو يا بلاش)
لازم تفهموا يا ناس ان مش معني ان الحاجة مشهورة تبقي افضل حاجة ومش محتاج اضرب امثلة..
و خصوصا في الأدوية.. سوق الدواء المصري مليء بالمثائل.. بمعني ان في غالبية الدول خارج مصر بيبقي فيه منتجين فقط او ٣ علي الأكثر بنفس المادة الفعالة. يعني مثلا
مادة الباراسيتامول اللي هي في البنادول..
تلاقيها في ٣ شركات مختلفة او اتنين فقط..
احنا بقي في مصر ممكن تلاقي ٨ او ١٠ شركات وممكن أكتر بكتير بتنتج نفس المادة الفعالة( وشركات كبيرة ومحترمة وليها اسم كبير) وتديها اسم تجاري زي ما هتلاقي في الصورة المرفقة
ابيمول (نفس شركة بنادول لعلمك يعني)
ادول
ستوبادول
سيتال
بارامول
باراسيتامول (شركة المهن)
باراسيتامول (شركة النصر)
وكمان ، دوليبران
الوحيد اللي القرص منه يعادل قرصين من كل اللي فاتوا. ( فلازم نسأل الصيدلي علي الجرعة الصحيحة)
وممكن تلاقي منتجات تانية كمان لكن ده المتوفر حاليا.
طيب ليه بقي الناس كلها بتدور علي بنادول بالاسم وللأسف غالبية الشعب ثقافته محدودة (بلاش اوصف الوصف الحقيقي) للأسف واللي هم مش هيوصلوا للكلام ده اساسا.. بيبقي خد الكلمة من الطبيب او من الممرضة بتوجيهات من الطبيب انه هو البنادول ماينفعش اي حاجة غيره (خصوصا بعد أخذ اللقاح) ف من الصعب تقوله هتتعب نفسك علي الفاضي وتفهمه ان الشركة بتعمل دعاية كتير و زيارات للاطباء بمغريات كتير.. لحد هنا المشكلة مش كبيرة.. المشكلة الأكبر ان مخازن الأدوية بتحتكر المنتج ده وتاخد كل الكميات تقريبا من شركات التوزيع الكبيرة.. ويساوموا بقي الصيدلي اللي مش لاقيها في شركات التوزيع اللي المفروض كل حاجة متوفرة عندهم (لا ده فيه منهم اللي بيساوم الصيادلة اصلا بطرق قذرة شبه المخازن) بعد تعطيش السوق منه.. ها هتاخد البنادول بخصم زيرو وهتطلب معاه طلبية كبير بألافات علشان نتكرم ونديلك علبتين ولا ٣ بنادول الأزرق.. وهكذا في باقي النواقص مش بس البنادول
الكلام صادم بس ده جزء من الحقيقة كمان..
ف هل تتخيل ان الصيدلي هيشرح كل ده لكل واحد بيسأل علي البنادول اللي هو اصلا بيسأل وهو علي باب الصيدلية علشان يتقاله مفيش ف يلحق يجري يسأل في أماكن تانية كتير (ما هو غلبان ومضحوك عليه) .. الغالب مش هيستناك تفهمه.. والصيدلي مش هيجيب منتج ما بيكسبش فيه جنيه.. ماهو فاتح بيت وفيه عمالة وفيه مصاريف كهرباء ومياه وبلاوي كتير وراه.. لما يفتحها ويبيع فيها الأدوية زي ما بتيجي من المحتكرين.. هيشحت طبعا بعد ما يفلس
هفهمكم حاجة بسيطة..
هل كل الأدوية بكل سهولة ليها أدوية مماثلة ليها وعادي يخش الصيدلية.. ف الصيدلي يصرفله المتوافر.. اه للغالبية العظمي اه خصوصا لو دواء ابسط من البساطة زي الباراسيتمول مجرد خافض للحرارة ومسكن للألم البسيط .. ولكن فيه أدوية مهمة حتي لو نفس المادة الفعالة وبنفس التركيز ولكن شركة تانية.. لازم نرجع للطبيب فيها علشان يعدل الجرعة زي أدوية الغدة الدرقية مثلا..
بس لااااازم تبقي متأكد ان اللي واقف في الصيدلية ده صيدلي مش بياع ( واحد مش صيدلي ولكن واقف بالخبرة يبيع دواء كأنه بيبع في سوبرماركت) ده أخطر عليك من أي حاجة..
الكلام كتير جدا وصعب يتقال كله..
اعرف الصيدلي اللي جمبك واجعل ثقتك فيه.. لأنه هو اللي هيفهمك الكلام ده كله....
ورسالة صغيرة للأطباء المحترمين عرف مريضك بالكلام ده احتراما لعقله ووقته او علي الاقل قوله الاسم العلمي وهو يجيب المتوفر منه.. (وشوفت اطباء كده علي فكرة) ...
وشير الكلام ده لأن لازم اكبر عدد من الناس اللي دايخة علي ادوية بسيطة يوصلها الكلام ده وفي دقيقتين يجيب دواء بدل ما يلف اليوم كله ويسيب اشغاله وبيته علشان حاجة فيه زيها تيبيكال وكمان احسن في الفاعلية متوفر في كل مكان..

اللهم اني قد بلغت اللهم فاشهد

30/09/2021

https://www.facebook.com/103494467658597/posts/574837373857635/

25/10/2020

علاقة فيتامين ب ٦ بالترجيع الشديد في الحمل : 👇👌.........
كتير جدا من الأطباء بيغفل نقطة مهمة جدا وهي ان الحامل (من اول حملها) جنينها بيستهلك كمية كبيرة جدا من ال ( Pyridoxal Phosphate) اللي هو فيتامين ب ٦ النشط لانه ببساطة بيدخل في غالبية العمليات الحيوية للجنين خصوصا اول ٣ شهور ، ف بينقص جدا عند الأم وبالتالي لازم يتعوض.
الغذاء الكويس من الخضروات وغيره ممكن يعوضوه علشان كده فيه سيدات مابتحتاجهوش ولكن دول قليلين ، الغالبية غذائها فترة الحمل بيبقي قليل وبالتالي لازم نعوض الفيتامين بالحقن المستمر فترة كافية..
علامة نقص الفيتامين ده بيبقي الميل للقيئ الشديد والترجيع.. للأسف كتير من الأطباء بيوصفوا مضادات الترجيع اللي في الغالب بيبقي حقن برضه علفكرة فشكشكة بشكشكة ناخد المفيد للطفل والأم..
أرجوكم اسألوا أطبائكم علي فيتامين ب ٦ اذا زاد الترجيع عندكم خصوصا في اول ٣ شهور.

#الترجيع #أثناء #الحمل

28/06/2020

مهم جدا :
🌸 مريض الصدفية.
🌸 مريض الروماتويد.
🌸 مريض الذئبة الحمراء.
🌸 والامراض المشابهة المعروفة بأمراض المناعة الذاتية
ممنوع اعطائهم اي دواء يرفع من مناعة الجسم ولو بنسبة بسيطة مثل :
Vitamin C (500-2000mg)
Immulant (Echinacea extract)
Immunvita (Echinacea extract)
Sanso Immune (vit C + Echinacea + zinc)
Immuno-Mash (vit C+zinc)
واي منتج آخر يحتوي علي نفس المكونات السابقة.
نرجو المعلومة تصل الي اكثر عدد من الناس حتي يَحذروا ويُحذروا اقربائهم.
دمتم بصحة وسلامة ان شاء الله.

13/06/2020

بصوا بقي انا اتكلمت كتير في الموضوع ده بس للاسف ما بيوصلش لعدد كبير من الناس ويوميا الاقي ناس بتغلط نفس الغلط ده.
من أكبر الاخطاء الفادحة في مصر
" احتقان في الزور يعني اجري اخد مضاد حيوي ايا كان نوعه"
والله انتم عايشين أكبر وهم و مابتتعالجوش صح نهائي.. وللاسف أطباء وصيادلة برضه بيغلطوا نفس الغلط ده..
(هسيب لينك في الآخر للمختصين بالمجال الطبي ازاي تفرق بين الحالة دي وغيرها)
مش معني انك حسيت بشوية ألم في الحلق او احتقان في اللوز يبقي معناه انك تاخد مضاد حيوي..
٨٠ ٪ من الحالات بتبقي عدوي فيروسية مش بكتيرية يعني المضاد الحيوي مالوش اي لازمة كعلاج بل بالعكس مابناخدش منه الا آثار جانبية اللي منها اصلا تقليل جزء من المناعة...
اللي احنا اصلا محتاجينها للتغلب علي العدوي الفيروسية دي (ومابقولش كورونا بقول عدوي فيروسية عادية مش ناقصة قلق وتوتر)
كل اللي محتاجينه علاج للأعراض مع تقوية المناعة وشرب سوايل بكثرة وراحة بس كده.. والموضوع بياخد وقته حسب مناعتك من ٣ ايام ل اسبوع وهيروح لحاله.
ونصيحة من صيدلي شايف عك قدام عينه ليل نهار.. ماتاخدش اي معلومة طبية او وصفة علاج من حد غير مختص لأنك والله هتضر نفسك.. الدواء والعلاج مش أي حد يتكلم فيه..
ربنا يسترها علينا وعليكم جميعا.
نرحب بأي استفسار او سؤال علي رسائل الصفحة وان شاء الله نفيدكم باللي نقدر عليه دايما......
https://www.facebook.com/103494467658597/posts/103639747644069/

30/05/2020

بوست مهم جدا
لكل اللي يحس بشوية برد ف يتهوس ب كورونا.
اولا : دور البرد العادي يسببه أكتر من ٢٠٠ فيروس وكل فترة الفيروسات دي بتتطور وبتجدد من تكوينها.. ف كده تقدر تعتبر العدد بيزيد.. وكل فيروس له اعراضه اللي بتيجي معاه.. مثلا فيروس بيعمل احتقان زور شديد بس ومفيش اعراض تانية.. واحد تاني يعمل رشح واحتقان انف و احتقان زور و تكسير جسم و صداع.. وواحد تالت يجي معاه رشح خفيف ووجع في الجسم وصداع بس.. و هكذا كل فيروس ومعاه اعراض.. علشان كده تلاقي فترة دور البرد غالبية الناس بتشتكي من نفس الأعراض... مثلا من فترة قريبة كل اللي كان يشتكي كان يقول احتقان زور شديد ومفيش اي اعراض تانية.. وده ليه.. الفيروس الموجود في الجو الفترة دي بيتنقل للناس كلها عادي وبما انه نفس الفيروس ف هيظهر نفس الاعراض..
الناس كلها بتشتكي من فقدان حاسة الشم او التذوق او الاتنين معا.. بنفس الطريقة الفيروس المنتشر (الخاص ب دور البرد العادي) معاه العرض ده من ضمن الاعراض وكمان بعض عدوي الجهاز التنفسي بيجي معاها العرض ده وبيختفي تدريجي... ف مش مجرد الناس ما تشتكي من نفس الحاجة تبقي كورونا.. لازم يبقي فيه ثقافة ووعي اكتر من كده وخصوصا في ابداء الرأي في حاجة ماينفعش فيه آراء زي المرض والدواء اللي المفروض مايتكلمش فيهم الا أهل الاختصاص فقط.
القلق والتوتر والوسوسة باي حاجة الناس تتكلم فيها ده اجهاد للجسم واجهاد الجسم بيقلل من مناعته ضد الاوبئة والامراض.
خدوا بالكم ولما تحبوا تتأكدوا من معلومات طبية اسألوا أهل الاختصاص.
ثانيا : احنا في فترة تقلبات للجو وتغير فصول ف ده اصلا وقت لبعض الأمراض واشهرهم امراض الجهاز التنفسي اللي تصادف ان مرض الساعة دلوقتي هو مرض بالجهاز التنفسي برضه.. ف مش مجرد عرض هيثبت وجود كورونا.. ماهو ممكن تيجي امراض تانية كتير.. التهاب رئوي ، التهاب في الشعب الهوائية ، التهاب بالجيوب الانفية ،... الخ.
اعمل اللي عليك و و و بالسير علي الخطوات الصحيحة اللي فيه اماكن كتير جدا بتفهمهالك.
وربنا يسترها علينا وعليكم جميعا.

#كورونا

19/04/2020

😂😂😂
حقيقة واقعية 🤣