18/07/2025
لو عندك طفل عمره من 5 سنين فما فوق اعرفي انك :
√مينفعش تقللي منه قدام حد ولا تفضحي سره
√اتكلمي معاه كتير واسمعي رأيه ورغيه وبيفكر في إيه .. متسبيش حد يزنقه ف موقف بايخ ويهاجمه اقفي جنبه وادعميه واذكري مزاياه للي بيهاجمه 💖
√لو قاعدين وسط تجمع اعطيه مساحه يتكلم من غير ما حد يقاطعه واسمعوا كلامه باهتمام
√لو عملك مفاجأه وشد إيدك يوريكي المفاجاه اظهريله فرحتك ولمعة عينك هو منتظر يشوف فرحتك بس 💖
√نكته البايخه وهزاره التقيل اضحكي عليه .. متصديهوش وممكن تعملي ورق وتكتبي فيه كل نكته بايخه قالهالك وتكتبي تحتها عشان تعرف اني كنت مستحمله سخافتك وتوريهاله لما يكبر ذكري ليه 😂
√بلاش رفض وصد للعناق وانتي زعلانه منه او مشغوله بحاجه ( الحب مالوش وقت ،،، بالعكس ده وقته واحنا زعلانين من بعض 💖
√اوهبي وقت معين في اليوم للدعاء بصوت عالي وهو يأمن وراكي .. ومره ف مره علميه يدعي ربنا ويلجأ اليه ويستغفر لو عمل حاجه غلط .. ليس لنا سواه 💖
√متعامليهوش علي انه كبر وبقي مواطن بيتحاسب علي كل كلمه وفعل .. عامليه كصديق وحبيب وأخ .. بنعديله مش واقفين عالواحده ومستنين غلطه عشان نفرض عقاب 🙏
ـــــــــــــــــ
