05/02/2025
📢 🚨 معظم الناس معندهاش خلفية عن إسعاف شخص عضه كلب أو أي حيوان... طب تعمل إيه لحد ما توصله المستشفى؟ 🤔
===========
💉 🚑 (عــــضة الكــــلب) 👹🐶
✅ أول خطوة: تطهير الجرح
🩸 اغسل الجرح كويس جدًا علشان تزيل أي آثار للعاب الحيوان:
🔹 الأفضل: محلول ملح + بيتادين + محلول ملح تاني لو متاح.
🔹 لو مش متاح: اغسل الجرح بمياه جارية وصابون كويس جدًا لمدة لا تقل عن 15 دقيقة.
===========
❌🚫 ممنووووووع منعًا باتًا
⛔ تخييط الجرح نهائيًا سواء منك أو من أي حد تاني، وحتى لما يروح المستشفى مش هيتخيط ❌
❓ ليه؟ لأن الجرح بيكون ملوث جدًا ولو اتقفل، ممكن يتكون صديد أو يحصل عدوى خطيرة.
===========
🏥 العلاج في المستشفى: لازم تقول للطبيب إنها عضة كلب!
🔹 هيتصرف فورًا ويديه (مصل داء الكلب - Rabies Vaccine) 🦠🩸
📌 جرعات اللقاح (Rabies Vaccine - Verorab, Rabipur, Indirab, RABAVERT):
📅 اليوم الأول – اليوم 3 – اليوم 7 – اليوم 14 – اليوم 28
📌 ولو العضة في (الوجه – الرقبة – الصدر):
🔹 بياخد مصل إضافي داخل وحول مكان العضة (نص الحقنة في الجرح والنص التاني عضل).
📌 مصل الجلوبيولين المناعي (Rabies Immunoglobulin - RIG):
🔹 بيتحقن في الحالات الخطيرة مباشرة في الجرح، وجرعته بتكون حسب وزن المريض (20 وحدة لكل كجم من وزن الجسم في البشرى و40 وحدة لكل كجم في المستخرج من الخيول).
📌 كمان هياخد تطعيم التيتانوس (Tetanus Vaccine - مثل Tetanus Toxoid أو Td أو Tdap) حسب حالته وسنه، وبعد اختبار حساسية الأول.
===========
🔥 دورك إيه بقى؟
✅ تنظف الجرح بس زي ما قلنا.
✅ تروح المستشفى فورًا.
✅ تعرف الطبيب إن ده كان "عضة كلب" علشان يتصرف بسرعة.
===========
📢 معلومة بتساوي حياة! 🩺❤️
📚 المصادر:
1. WHO - World Health Organization: Rabies Post-Exposure Prophylaxis Guidelines
2. CDC - Centers for Disease Control and Prevention: Rabies Treatment Protocols
3. موقع منظمة الصحة العالمية (WHO) حول داء الكلب
