صيدليات د/ هيثم عقل

صيدليات د/ هيثم عقل صفحة طبيه لتقديم معلومات واجابات عن استفسارات طبية

06/10/2024

تحذيرات والله على ما أقول شهيد

- لو اتجرحت بجرح كبير محتاج يتخيط لازم تجري بيه على اقرب مستشفى قبل ما يورم = عشان لو ورم مش هينفع يتخيط ودي مشكلة اكبر لانه هيفضل مفتوح لحد ما الورم يتعالج اول.

- لو جالك نزيف أنف أو حد قدامك حصله كده اوعى ترجع راسك لورا = لأنك ساعتها هترجع كل الدم اللي هينزل في المعدة ولكن تميل للأمام وأضغط ب صوابعك علي فتحتي الأنف

- في نزلات البرد أوعى تأخد مضاد حيوي عشان ملوش لازمة = هو فيروس هياخد يومين تلاتة ويروح عشان مش ناقصة نزود مقاومة الميكروب ولكن هنعالج الأعراض ( الهمدان والسخونية والصداع والرشح) بالمسكنات وشرب سوائل دافية كتير وبس

- أوعى تاخد مسكن لو حسيت بألم شديد في جنبك اليمين = خد مضادات للتقلصات لأنها ممكن تبقى إلتهاب في الزايدة وتنفجر من غير ما تحس.

- أوعى تاخد بروفينات وانت عندك حساسية على صدرك = لأنها ممكن تموتك وتقفل التنفس خد باراسيتامول أأمن.

- أوعى تاخد مضاد حيوي في إلتهاب المسالك قبل تحليل البول = لأنه لو كان الصديد فوق ال 100 ساعتها لازم تعمل مزرعة لان مش أي مضاد حيوي هيشتغل معاك.

- أوعى تاخد مسكنات كتير وانت عندك التهاب في المعدة الا لما تعالجه الاول= لأنها بتوقف المواد اللي بتحمي جدار المعدة وممكن تدخلك في قرحة شديدة.

02/03/2023

علامات الخطر في التطور عند الأطفال

دى علامات مهمة جدا لازم كل أم وكل دكتور يعرفها عشان يقدر يحدد الخلل فين ونلحقه بدري ومنعودش نقول عادى وطبيعي علي حاجة خطر

*من أكثر ما يقلق الأمهات الجدد التطور الحركي لأطفالهم؛ فتجدهن دائمى السؤال متى سيجلس طفلى؟؟؟ لماذا لم يمشِ ابنى بعد؟؟؟...
على الرغم من أن معظمهن لا يعرفن علامات تأخر النمو الحركى للأطفال....

*تعالوا معنا نبحر قليلاً في عالم النمو الحركي للأطفال ونعرف أهم العلامات الخطيرة لتأخر النمو الحركىّ..

* سن شهرين*

- عدم القدرة على إبقاء الرأس لأعلى بعد رفعه من يديه (وهو نائم على ظهره) >>>> تأخر الرأس.
- الشعور ب" ارتخاء" أو " تصلّب" الطفل زيادة عن الطبيعي.

(*سن ٤ شهور*)

- عدم القدرة علىٰ الإمساك بالألعاب.
_ عدم القدرة على تثبيت الرأس جيداً.
- لا يحاول رفع الأشياء إلى فمه.

(*سن ٦ أشهر*)

- عدم القدرة على الجلوس حتى بمساعدة الأم..!
- عدم القدرة على التقلب في الفراش.

(*سن ٧ أشهر*)

- لا يحاول أن يصل إلى الأشياء ( لعبة - طعام).
- إذا أعطيته شيئاً لا يستطيع إدخال الأشياء في فمه بدقة.
- لا يستطيع " التحميل" على رجليه ولو جزء ضئيل..!

(*سن ٩ أشهر*)

- لا يستطيع الجلوس بمفرده.

(*سن عشر أشهر*)

-يزحف بطريقة غير متناسقة .

(* سن ١٢ شهر*)

- لا يستطيع الزحف أصلاً.
-لا يستطيع الوقوف حتى مع المساعدة.

(*سن سنة ونصف*)

- لا يستطيع المشي..
- بعد عدة أشهر من المشي لا يستطيع المشي بثقة أو يمشي دائما على أطراف أصابعه.

(*سن ثلاث سنوات*)

- يقع بشكل متكرر أو لا يستطيع استخدام السلالم .
- لا يمكنه التعامل مع الأشياء الصغيرة ( تجميع المكعبات مثلا).

**سيدتي الفاضلة..
الآن...

١. طبقي هذه العلامات على عمر طفلك ،،

٢.اطمنى على العمر الحركي لأولادك.

٣. وإذا كان ابنك متأخراً في واحدة أو أكثر من هذه الحركات .... لا تترددي أبداً في استشارة الطبيب.. فربما تنطوي على مرض يحتاج إلى العلاج المبكر
منقول

04/11/2022

أدوية الكحة اهي👇...
⭐️أولاً: العيال المفاعيص الأصغر من سنتين...
-الكحة مرة واتنين فى اليوم طبيعى ومتحتاحش اى ادوية.. تنظيف انف كويس بس...
-كحة متكررة بندى ادوية بخلاصة الأعشاب زي إيفيبرونت أو أيفيروسبان شراب ٢.٥سم بالفم كل ٨ساعات وطبعا تنظيف الأنف أساسى.. لبوس كوفسيد للرضع ممتاز جدا بس ناقص شوية اليومين دول ممكن ندى لبوسة كل يوم بالليل من عمر ٥ شهر بيهدى الكحة بالليل...
🛑⚠️بس نخلى بالنا أى كحة شديدة أو سرعة تنفس أو نهجان أو نتة أو صوت مسموع علي الصدر.. لاااااازم كشف فورا.. وفي حالات بتحتاج حقن وجلسات حسب الحالة.

⭐️ثانياً: حبظلم وزقزوقة الأكبر من سنتين...
-كحة بسيطة .. نشرب سوائل دافية زي اليانسون والنعناع وشوربة الفراخ، وممكن ندى إيفيبرونت او ايفيروسبان او بيبيتون شراب ٥سم بالفم كل ٨ساعات...
-كحة متكررة ممكن ندى أوبلكس أو توسيكان أو برونكوفين ربع الوزن كل ٨ ساعات مثلا طفل ١٦كجم ياخد ٤سم وهكذا... لبوس كوفسيد أطفال او سيلجون مرة يوميا مساءا بيهدى الكحة بالليل... وطبعا تنظيف زغسيل الانف كويس جدا بيفرق كتير...
🛑⚠️ونخليييي بالنا... أى كحة شديدة أو مزمنة أو مصحوبة بنهجان او صوت فىةالصدر او ترجيع تحتاج للكشف والمتابعة..

⭐️ثالثا: حساسية الصدر..
الاساس الجلسات او بخاخات الصدر العلاجية زى فنتال او فنتولين... او الاشربة الموسعة للشعب الهوائية..
والاطفال اللى ماشين على علاج وقائى سواء بكاوى زى ويست اير او ستاتوكاست او ليلى بل او سينجيولير يستمروا مرة يوميا مساءا لمدة شهر اوواكتر حسب الحالة والجو...

طبعا دى حاجات مبدأية مش بديل لفحص وعلاج الطفل... لو فيه اى مشكلة نكشف طبعا...

يا رب اكون قدرت اساعد..
ولو محتاجين اى حاجة شرفونى فى عيادتى المنصورة- طلخا - شارع صلاح سالم الرئيسى أعلى توكيل we
01220422615
لو وصلت للتعليق اعمل لايك عشان يظهر للناس...


د.دكتوراة الأطفال وحديثى الولادة

02/11/2022

بسعر خرافي كمان

02/11/2022

​ بتنصحك بعدم شراء الأدوية من خلال الإعلانات التي يتم الترويج لها على وسائل التواصل الاجتماعي .. لأنه بيكون صعب على المواطن اكتشاف العبوات المغشوشة والمقلدة نظرا للتشابه الشديد في الشكل الظاهري لها مع المستحضر الأصلي. ​​

وعشان كده بنأكد على ضرورة شراء الأدوية من الصيدليات، لأنها المصدر الآمن لتوفير دواء ذو جودة وفاعلية ومأمونية عالية.​

​

فكرة جميله تتلزق جنب السرير او المكان اللي فيه العلاج عشان الناس اللي بتدي العلاج لكبار السن متتلخبطش فيه او عشان لو كذا...
05/10/2022

فكرة جميله تتلزق جنب السرير او المكان اللي فيه العلاج عشان الناس اللي بتدي العلاج لكبار السن متتلخبطش فيه او عشان لو كذا شخص بيتناوبوا علي المريض

11/09/2022

🛑 مصل الانفلوانزا 2022/2023. Influvac Tetra
👈تنبيه هام ..
بخصوص تطعيم الإنفلونزا هذا العام حيث يمثل تطعيم الإنفلونزا هذا العام أهمية قصوى(2023/2022)

حيث تحذر منظمة الصحة من تزامن الإصابة بالإنفلونزا مع إحتمالية الإصابة بفيروس كورونا

🛑 يعنى انا لو اخدت المصل ده مش هتجيلى انفلونزا؟
* المصل ضد الانفلونزا الفيروسية هيوفرلك 4 حاجات باذن الله :
1. حماية ٨٠٪ من الانفلونزا الفيروسية الموسمية.
2. بيقلل حدة الأعراض.
3. يقصر مدة الأعراض.
4. والأهم إنه بيمنع المضاعفات.
5-هيحمي الرئه بتاعتك جدا عشان متكونش ضعيفه وعرضه للاصابه بفيروس كور.و.نا المستجد نتيجه تكرار الاصابة بفيروس الانفلونزا .

🛑 طيب هو مين اللى لازم يأخذه ؟؟

كلنا بلا استئناء لازم نأخذه ، و خصوصا اننا محتاجين مناعة قوية علشان نحصن نفسنا
من اى دور انفلونزا ممكن يجيلنا
فيضعف مناعتنا و نكون عرضة لا قدر الله لاى فيروس تانى
بس لو حبيت اوجه كلامى لناس بعينها :
1. الاطفال ثم الاطفال ثم الاطفال
و خصوصا ان المدارس رجعت و احنا فى وقت صعب
2. مرضى حساسية الصدر
لإن دور الإنفلونزا والبرد من المثيرات اللي ممكن تدخله في ازمة تنفسية لا قدر الله.
3. مرضى الجيوب الانفية.
4. ذو المناعة الضعيفة ، اللى مع اى دور برد بيحصلهم مشاكل كتير.
5. كبار السن.
6. الحوامل بس يُفضل بعد الثلاثة اشهر الاولى.
7. المرضعات.

🛑 المفروض يتاخد إمتى ؟

يُفضل إعطاءه قبل دخول فصل الشتاء
عشان مفعوله يبدأ يظهر عند بداية موسم البرد
(بيستغرق من إسبوعين إلي ثلاثة أسابيع لظهور تأثيره)
يعني افضل توقيت
سبتمبر ولا يُنصح بإعطاءه أثناء أدوار البرد .

🛑 طيب ايه هى الجرعة ؟ وهل ينفع لكل الاعمار
ينفع لكل الاعمار فوق ال ٦ شهور
بياخذ المصل كله
بس بشرط ان الطفل لو كان اول مرة يأخذه فى حياته
لازم يكرر الجرعة بعد شهر

ثالثا 10 سنين فيما فوق
بياخذ المصل مرة واحدة فقط

رابعا المصل يُعطى فى عضلة الكتف بعمق
و ممكن تحت الجلد (في الذراع مثلا)
🛑 هل ليه اعراض الجانبية ؟
1. فى بعض الحالات وجع بسيط وإحمرار أو تورم مكان الحقنة
2. نادرا ما يسبب سخونة أو صداع وآلام بالجسم
3. وحالات نادرة جدا جدا يحدث حساسية أو طفح جلدى

🛑 و بالمناسبة مفيش اى تعارض بين تطعيم الانفلونزا الموسمى و اى تطعيمات
و خلى بالك لازم التطعيم يكون محفوظ فى الثلاجة علشان ميبوظش
يعنى تتأكد انه ساقع قبل ما تأخذيه من اى مصدر
----------------------------------
** اللقاح يؤجل و لكنه غير ممنوع لو كان الشخص عنده عدوى او درجة حرارته عالية
** اللقاح بيتاخد حقن عميق ف عضلة الكتف ، و يجوز انه يتحقن تحت الجلد
** يجب وضع فاصل زمني بين لقاح كورونا ومصل الانفلونزا من اسبوعين إلى ٣ اسابيع

___________________

مهم جدا لشكوي عند اطفال كتير
02/08/2022

مهم جدا لشكوي عند اطفال كتير

17/06/2022

الأيام الجاية صعبة جدا علينا وعلى اﻻطفال الجو فيها حر وارتفاع فى الرطوبه تصل الى معدﻻت 60% يعنى السوائل واﻻملاح فى اجسامنا هتتصفى من كثره العرق فرجاءا

* التهويه ونفتح المرواح او التكييف على درجة 26 والملابس للأطفال قطنيه طبقه واحده ولازم نفهم أن خطورة اللبس الكتير في الصيف زى خطورة اللبس العريان في الشتاء
الجو نار ومتعذبوش الأطفال

* الحموم ثم الحموم خلوا العيال يبلبطوا فى البانيو حموم بالنهار وقبل النوم مع إستعمال لوشن مرطب إذا أمكن
الحموم بيرطب حرارة الجسم ويخلى الجلد يتنفس كويس

* نحافظ على شرب الماء باستمرار شرب الماء البارد كتير

* بكرر وهكرر خدوا بالكم من الرضع ولازم تكتروا من إرضاع الطفل وان كان عمره اكبر من 6 شهور نشربه ماء وعصائر فريش معموله في البيت ومن غير سكر ومش لازم عصائر فيها مكسبات طعم زى تانج أو غيره
فى ثوانى ببدخلوا فى جفاف ومن بعده حمى الجفاف فى ثوانى ،
اعرضوا عليهم الرضاعه كل نص ساعه لو عطشان هياخد صدرك فورا

* الحر بيعمل تسلخات وبيخلى الاطفال يتهروا من تحت ، نفتح البامبرز ونهوى الجلد ربع ساعه علشان يتنفس والخلايا الميته تقع وندهن دهان زنك كريم بالتناوب مع الفازلين وفيه نوع فازلين مخصص للجلد الحساس وتسلخات الأطفال أو لوسيون مرطب
دكتور عمر عزت

03/04/2022

🌛اكثر الاخطاء الرمضانية🌜

الخطأ / شرب العصائر يومياً.
الصواب / مرتين بالاسبوع تكفي.
السبب/ لأنه عالي بالسكريات

الخطأ/ شرب الماء بكمية مفرطة وقت الفطور.
الصح/ كوب ماء كل ساعتين.
السبب/ لأن امتلاء المعدة بالسوائل أشد ضيقاً على النفس من امتلاءها بالطعام.

الخطأ/ ممارسة الرياضة مباشرة بعد الفطور وذلك لتجنب اللوعة.
الصح/ ممارسة الرياضة بعد ساعتين، لتسهيل الهضم.
السبب/ لأن الدم بالجسم يكون متمركز بالمعدة.

الخطأ/ القضاء على الاكل بأقل من ٥دقائق.
الصح/ مضغ الطعام ببطء.
السبب/ المضغ البطيئ يساعد على هضم الطعام جيداً، ويساعد في التحكم بالوزن.

الخطأ/ أن تتناول الحلويات مباشرة في الفطور.
الصح/ تناول الحلويات بعد ساعتين من تناول الفطور.
السبب/ لتتجنب الدوخة والخمول،والاصابة بمرض السكري وتكون مستعداً للصلاة شهر العبادة.

الخطأ/ تناول طعام يحوي كميات من الصوديوم.
الصح/ تناول طعام يحوي كميات من البوتاسيوم.
السبب/ لأن الإكثار من البوتاسيوم يمنع العطش تماماً وأنت صائم، أما الصوديوم فيفعل العكس تماماً.

ملاحظات:
# الموز غني بالبوتاسيوم وطعمه لذيذ وهو من الأطعمة الصديقة للقلب.

# موزة واحدة على السحور، تقي العطش طوال فترة الصيام.

# قلل من الملح قدر المستطاع على السحور، وإذا لم تفعل فأبشر بالعطش الشديد خلال فترة الصيام.

# أفضل ٩ مصادر للبوتاسيوم وقت السحور:
- الموز. - الحليب. - التمر.
- الأفوكادو. - المشمش المجفف.
- الفستق. - القرع. - الفاصوليا.
- الكاكاو الداكن.

# أسوأ اختيارات السحور:
كباب - بيتزا -
معظم الوجبات السريعة - الأجبان

# أفضل اختيارات السحور:
تمر - حليب - المشمش المجفف -
خبز أسمر - موز - القرع

# شرب الماء وقت السحور مهم، ولكنه ليس بأهمية شربه طوال فترة الفطر.

# شرب كوب ماء كل ساعتين من الإفطار حتي يمنع الامساك.

الدكتوره/نورا الترهوني.
أخصائية تغديه علاجيه وتخسيس.

26/03/2022

تحذيرات والله على ما أقول شهيد
__________________________
* لما تكون طول اليوم بتشرب على الأقل 5 كوبايات شاى و 3 أو 4 فنجان قهوة
هتشتكى بعد كده من أملاح ع الكليه أو إرتفاع ف الضغط أو عدم تحكم ف البول
من فضلك اهدى على نفسك شوية
الكميه دى نصها بس هو اللى متاح
___________
لما تستخدمى أنواع Make up من تحت السلم ومش عارفة نوعها ولا أصلها ولا فصلها .. وتحطى منها كميات كبيره ياريت تيجي ع نفسك وتستشيرى علشان تعرفي هل نوع بشرتك تتقبل المكياج ولا لأ ..
ممكن تلاقى عندك حساسيه أو حبوب مزمنه مبتروحش أو تجاعيد أو اسمرار .. وساعتها متلموميش إلا نفسك
___________
لما نقول ونعيد ونزيد انه اصلا الفقره ال 4 و 5 ف فقرات الرقبه او تحت عند القطنية والعجزية فيهم مشاكل أصلا وعرضة للانزلاق ..
وتجى حضرتك وتشيل حجات تقيله بأسلوب غلط أو تمارس رياضه بأسلوب غلط لمجرد إنك شباب أو عندك باور وصحة ..
احب افهمك الانزلاق لو حصل هتكره اليوم اللى عمل فيه حاجه غلط وصلتك للحالة دى
من فضلك أهتم بالظهر جدا لأنه محور حياتك
___________
هل حضرتك تعرف !!
ان آلام الحموضه ف فم المعده تشبه آلام الذبحة الصدرية
وان آلام الزايدة مشابهة جدا لألم البيريود أو الام المغص الكلوى
وأن الجلطة ف المخ من صعوبتها وصدمتها ممكن متصدقهاش
وأن مريض السكر ممكن يخش ف جلطة ف القلب بدون ما يشتكى الا بشوية نهجان
وأن جلطات الساق ممكن توصل لجلطة بالرئة !!
وأن قرحة الفراش ممكن تكون سبب الوفاة
ليييه كل الكلام ده ؟؟!!
علشان متستهونش ابدا بشكوى المريض ونعرضه على أقرب طبيب وفورا ومش أقرب صيدلية
ف اللهم بلغت وانت الشاهد
_____________
أفهم مرضك وأفهم علاجه وأفهم تفاصيله ومتمشيش من عند الدكتور إلا وأنت عارف انت بتعانى من إيه وإيه التعليمات والارشادات .. ده حقك
الدكتور مش نبي مرسل .. ومعرض جدا للخطأ و معرض بردو للصواب ثم الخطأ
يعني تعرف ليه هتركب محلول وفيه إيه وليه تاخد الحقنه دي وريد، وليه دي عضل .. وليه الدوا ده قبل الأكل وليه ده بعده ..
أسأل واستشير وخد الرأى الأصح، مش اللي يريحيك أنت !!
_______________
حقنه البنسيلين طويل المفعول من غير اختبار حساسيه حتى لو دى المره العشرين ممكن تحصل صدمة ويغمى عليك .. ومعرض جدااا انك تموت ومتتلحقش ف خلي بالك
حقنه التيتانوس برغم انها متعديش ال 1 ونص سم وبرضه معملتلهاش اختبار الحسايه لا قدر الله ممكن تموت
ولو عندك حساسيه من دواء معين لازم تقول للدكتور عليه .. الغلطة هنا تمنها غالي وممكن لا قدر الله بسبب تافه زى ده تموت برضه من الحساسيه
ولو حضرتك كأب أو أم استهنت بمرض انيميا الفول ومتعرفش إنه ممكن الشم بس مجرد انه يشم ريحه الفول ممكن يخش ف اغماء وتكسير حاد لكرات الدم ولو فصيلته نادرة وملحقنهوش بسرعه بالدم معرض جدا إنه يموووت يبقى مصيبه
خلي بالك ان الحساسيه زى ما هى درعك وسيفك ممكن تكون خنجز سام ف ضهرك
______________دكتور عمر عزت

مهم لمرضي السكر فى رمضان كل عام وانتم بخير
24/03/2022

مهم لمرضي السكر فى رمضان كل عام وانتم بخير

Address

Cairo
17017

Telephone

+201116640666

Website

Alerts

Be the first to know and let us send you an email when صيدليات د/ هيثم عقل posts news and promotions. Your email address will not be used for any other purpose, and you can unsubscribe at any time.

Shortcuts

Share

Category