28/09/2025
الحمد و الشكر لله علي نعم ربنا سبحانه و تعالي،
خلص ال SEA Congress و وورش العمل التابعة ليه
المؤتمر السنة دي شهد تطور كبير عن النسخة الاولي…
حضور عدد كبير من الأطباء من الخارج اللي تناولوا مواضيع حديثة جدا زي ال vnotes ، استخدام المناظير الرحمية في rpoc باستخدام hystroscopic shaver, , استخدام ال الذكاء الاصطناعي في كل مراحل الحقن المجهري، الأكزوزوم و العلاج التجددي في تأخر الانجاب ، استخدام تقنيات جراحية و غير جراحية في الطب التجميل النسائي الوظيفي، و غيرها من المواضيع الشيقة جدا
شهد ايضا عمليات جراحية مبتدعة Innovative New Va**na Technique جهد مشترك بين تخصص الجراحة و امراض النساء و التوليد من مصر ، و ابدع استاذنا و عميد القصر العيني السابق ا.د فتحي خضير في شرح تحضير ال exosomos من الدهون و استخداماتها المختلفة و نجاحه في علاج حالة مستعصية ، غير طبعا محاضرات متميزة في مجال الحقن المجهري، المناظير، طب التجميل النسائي الوظيفي، التسويق الطبي ، بطانة الرحم المهاجرة و الذكاء الاصطناعي.
و شهد ايضا جلسة مبتكرة تماما اشتراك اطباء امراض الذكورة مع اطباء امراض النساء و التوليد و اطباء امراض النفسية و شهدت مناقشات غنية جدا و ساهم فيها استاذنا ا.د حسام بدراوي و الدكتورة ا.د ليلي السودا من ألمانيا اللي خلوا المناقشة ساخنة جدا
حاولت قدر المستطاع ان اختار مواضيع كتير لم تطرح من قبل و الحقيقة كنت سعيد جدا و انا شايف الحضور قاعدين من اول المؤتمر الي آخره، بيشوفوا حاجات جديدة و مبتكرة من اطباء من تخصصات مختلفة
بحب اشكر نقابة الأطباء علي تشريفها متمثلة في ا.د اسامة عبد الحي نقيب الاطباء ، ا.د جمال عميرة ، و ا.د خالد امين الأمين العام المساعد لنقابة الاطباء
بحب اشكر ا.د عمر عبد العزيز الرئيس الشرفي للمؤتمر اللي دعمني بحاجات كتير جدا علشان نقدر نوصل بالمؤتمر للشكل المشرف ده و مسابنيش دقيقة في المؤتمر ، بحبك يا د عمر و الله
بحب اشكر ا.د ايمن العطار الرئيس الشرفي للمؤتمر اللي سافر من الولايات المتحدة الأمريكية الي مصر حتي يدعمني و يشارك الأطباء المصريين علمه المتميز في مجال الطب التجميل النسائي الوظيفي و الطب التجديدي
بشكر اخويا د محمود الألفي علي وقفتوا جنبي في نسختين المؤتمر رغم الشغاله بمؤتمر ESEGO ، و نقل خبراته و مساعدته المتميزة في الأمور الإدارية و اللوجستية و دعوة الحضور
بشكر كل ضيوفي من الخارج اللي خلوا المؤتمر ده في حتي تانية خالص، بشكر كل اساتذتي و زملائي اللي حضروا و رؤساء الجلسات ، متحرمش منكم ابدا
بشكر الشركة المنظمة شركة Bright علي تنظيمها الرائع متمثلة في صاحبة الشركة الأستاذة غادة اللي استحملت مني الكتير
بشكر برنامج دكتور هيلث علي رعايته الاعلامية للمؤتمر و عمل فكرة مبتدعة و هو عمل بودكاست لجميع الشركات الراعية و إعطاء الفرصة لعرض منتجاتهم عن طريق البودكاست اللي قدمه كل مذيعين البرنامج.
شكرا يا د هاني صاحب الفضل كله ، و د باسم ، و رئيسة تحرير البرنامج أستاذة علا اللي مسابتنيش دقيقة و د زينب و جميع مذيعين البرنامج د مريم ، د ايمي ، د علا ، د داليا ، مش عارف اشكركم ازاي
بشكر الفنانة القديرة سوسن بدر علي دعمها المستمر لي في جميع الأنشطة التي تتعلق بصحة المرأة
بشكر الملكة صفصف الفنانة المبدعة هالة صدقي اللي أضافت جو من البهجة و الشياكة، و الفنانة القديرة ليلي عز العرب اللي كانت مستمتعة جدا بالمحتوي العلمي ، رغم أنها مش طبيبة 😃
بشكر جميع الشركات الراعية للمؤتمر الداعم الرئيسي لنجاح المؤتمر و استمراريته
بشكر كل افراد عائلتي و زوجتي د سارة ابوالنجا اللي تحملتني في ضغط التحضيرات لهذا المؤتمر
بحبكم في الله
ا.د.م عمرو عباسي
استشاري امراض النساء و التوليد و الحقن المجهري بالمركز القومي للبحوث و رئيس المؤتمر
