Healthy feed with Dr. hend saed

Healthy feed with Dr. hend saed Nutrionist Hend Saed
Certified Clinical Nutrition
&
Sport Nutrition

🙏🫣بعتذر لكل الناس اللي بتسأل عن حجوزات العيادة انا حاليا اجازة وعلشان كده عملتلكم عروض كتيييير علي الاون لاين كنوع من ان...
16/01/2026

🙏🫣بعتذر لكل الناس اللي بتسأل عن حجوزات العيادة
انا حاليا اجازة وعلشان كده عملتلكم عروض كتيييير علي الاون لاين كنوع من انواع اني بصالحكم 🤣🫣
بحبكم كلكم وعايزة اشوفكم بس نفسي في اجازة 🙏😍

✨ معلومة ع الماشي…مش كل أكل صحي لازم يكون معقّد أو غالي 🤍أحيانًا أبسط الاختيارات هي اللي بتفرق أكتر:🥚 بيضة + رغيف بلدي🥣 ...
16/01/2026

✨ معلومة ع الماشي…

مش كل أكل صحي لازم يكون معقّد أو غالي 🤍
أحيانًا أبسط الاختيارات هي اللي بتفرق أكتر:

🥚 بيضة + رغيف بلدي
🥣 زبادي + فاكهة
🥜 حفنة مكسرات
💧 كوباية مية في وقتها

الحاجات الصغيرة دي لو اتعملت بانتظام
بتفر@ق في الطاقة، التركيز، والمود 🌿

📢📢خليك فاكر:
الاستمرارية أهم من المثالية 👌
#عيشهابفرحة

😍شكرا لكل رسايلكم علي التيك توك والفيس بوك وسؤالكم عليا 🙏🙏أنا مش مختفية…أنا بس بدي كل حاجة وقتها 🤍دلوقتي وقت امتحانات بن...
11/01/2026

😍شكرا لكل رسايلكم علي التيك توك والفيس بوك وسؤالكم عليا 🙏🙏

أنا مش مختفية…
أنا بس بدي كل حاجة وقتها 🤍

دلوقتي وقت امتحانات بنتي،
ووقتي وتركيزي معاها أهم من أي حاجة تانية.
بس قلت أعدي عليكم بمعلومة على الماشي 👋

في فترة الامتحانات مش بس المذاكرة اللي بتفرق…
التغذية + النفسية = تركيز أحسن ونتيجة أحسن✨

🧠 أكلات بتزوّد التركيز أثناء الامتحانات:

🥚 البيض: بروتين وكولين مهمين للذاكرة
🥜 المكسرات (حفنة صغيرة): أوميجا 3 وطاقة للمخ
🍌 الموز: يحسن الانتباه ويقلل التوتر
🍓 الفراولة والتوت: مضادات أكسدة للمخ
🥛 الزبادي: بيوازن الجهاز العصبي
🍫 قطعة شوكولاتة دارك: تحفّز التركيز والمزاج

🤍 والنفسية مهمه جدا في الوقت ده؟

كلمة تشجيع، حضن، إحساس بالأمان
أهم من ألف درس إضافي.

📢احب اقولكم كمان ان من الحاجات اللي كانت مثيرة للشفقة بالنسبة لبنتي ان يوم عيد ميلادها كان اول يوم امتحانات عندها 🤣🤣 الحوار ده عايز بوست لوحده

😍😍ربنا يوفق كل ولادنا
ويطمن قلب كل أم وأب 🤲
وأرجعلكم قريب بإذن الله 🌸
د. هند سعيد

📢📢نبدأ ٢٠٢٦ بأول إنجاز ، ولسه الطريق مليان نجاحات🎓 الحمد لله… خطوة جديدة في الطريق الصحفخورة أشارككم إني حصلت رسميًا على...
05/01/2026

📢📢نبدأ ٢٠٢٦ بأول إنجاز ، ولسه الطريق مليان نجاحات
🎓 الحمد لله… خطوة جديدة في الطريق الصح
فخورة أشارككم إني حصلت رسميًا على
🫶شهادة مدرب معتمد من جامعة عين شمس 👩‍🎓✨

ديه مش مجرد شهادة ، دي تتويج لتعب ، سعي ، مذاكرة ، وتجارب كتير علّمتني أنا قبل ما إن شاء الله هعلم غيري ، كنت مستنية اللحظة ديه تحديدًا علشان أقولكم : اللي جاي مش عادي 🔥

✍️الفترة اللي فاتت كانت تجهيز وبناء على أسس علمية قوي،
مش اختفاء…علشان أقدّم ليكم عظمة محتوى عملي
هنكسر بيه الدنيا (بالعلم مش بالكلام) 😉💪

👈السنة دي علّمتني إن التعلم مهم اه ، لكن الأهم إنك تكمّل حتى وإنت تعبان وانك تعمل بالعلم اللي اتعلمته 😍 وإن ربنا دايمًا بيكافئ النية الصادقة والخطوات اللي بتتعمل من القلب 🤍

✍️اللي جاي مش لقب جديد وبس
اللي جاي مسؤولية أكبر، تأثير أعمق، ورسالة أوضح😍

💃🏻🥳انتظروا مفاجآت كتييييييييرة قريب جدًا…
وديه مجرد البداية بإذن الله ❤️










#الالتزام

01/01/2026

🥳🥳باي باي 2025 👋
مكانتش سنة عادية ، دي سنة كانت تقيلة على القلب والعقل والروح ، سنة مليانة مواقف صعبة ، اختبارات ما كانتش سهلة،ضغط، حيرة، قرارات ومواقف علّمتني إن القوة مش دايمًا في المقاومة…أحيانًا في الصبر، وأحيانًا في الانسحاب.

✍️2025 ورّتني الوحش بوضوح ، بس في نفس الوقت ربنا مسبنيش لحظة ، كل موقف كسرني شوية، كان بعده حاجة بترمّمني أكتر ، سنة علّمتني إن الرضا مش استسلام، الرضا طمأنينة ، وإن الخير ممكن ييجي بعد تعب طويل وفي وقت ما كنتش متوقعة فيه أي حاجة حلوة ، السنة دي كشفت وشوش كتير، ناس افتكرتها سند وطلعت درس، وناس ما كنتش حسباها طلعت نعمة في حياتي.
خسرت ناس؟ آه ، بس كسبت نفسي،وكسبت وعي، وكسبت ناس شبه قلبي، وجودهم لوحده كان جبر.

أهلًا 2026 🤍
بدخلها وأنا أهدى، أوعى،وأقرب لربنا أكتر، اللهم اجعلها سنة سهلة، لطيفة،وفيها رضا يملأ القلب، وإنجازات نطلع منها فخورين مش مرهقين ، سنة أبدأها وأنا واثقة إن رب الخير لا يأتي إلا بالخير ✨


25/12/2025

✍️«الرياضة مش بتعطّل الدراسة… اللي بيعطّلها هو سوء التنظيم»

من أكتر الجُمل اللي بسمعها:
“هنوقف التمرين شوية علشان المذاكرة”
وكأن الرياضة عدوّ التعليم 🤷‍♀️

الحقيقة العلمية بتقول العكس 👇
✔️ الرياضة بتحسّن التركيز
✔️ بتقوّي الذاكرة
✔️ بتقلّل التوتر والقلق
✔️ بتعلّم الطفل الانضباط وإدارة الوقت
وكل ده ينعكس بشكل مباشر على مستواه الدراسي 📈

👈لكن…خلّينا نكون صُرحا ✋ الرياضة مش طريق سهل، ومش مجرد ساعة تمرين وخلاص.

الطفل الرياضي محتاج:
🕒 تنظيم وقت
😴 نوم كفاية
🍽️ أكل مظبوط
🧠 دعم نفسي
📚 متابعة دراسية حقيقية

وده مجهود مش على الطفل لوحده
ده مجهود مشترك بين:
👦 اللاعب
👨‍👩‍👧 ولي الأمر
👨‍🏫 الكابتن
👩‍⚕️ والمتخصصين

وليّ الأمر هنا مش بس موصل ومسدّد اشتراك…
ده مدير مشروع اسمه مستقبل ابنه.

والطفل الرياضي اللي متربّي على التوازن بين التمرين والمذاكرة
بيطلع شخص مسؤول، منظم، بيعرف ينجح في أكتر من مسار في نفس الوقت 🌱
الخلاصة :مش يا دراسة يا رياضة
لكن دراسة + رياضة = طفل متوازن وناجح

لو حابب/ة أعرفك إزاي نعمل التوازن ده صح لطفلك…
سيب/يلي تعليق 💬 أو ابعت/يلي رسالة 📩 فورًا 🔥
#الالتزام #الرضا

20/12/2025

😍😍 من حق ولادنا علينا نديهم من وقتنا...
ومش أي وقت، وقت حضور مش وقت مرور .

🫶أوعوا تفتكروا إن الوقت اللي بنقضيه مع ولادنا وقت ضايع أو مفيهوش إنجازات ، على العكس تمامًا… وجودك مع ابنك وأنتِ حاضرة بذهنك وقلبك ده إنجاز في حد ذاته.

في الـ *Parent Coaching* بنقول دايمًا:
الطفل مش محتاج أب وأم كاملين
هو محتاج أب وأم حاضرين .

♥️حاضرين يسمعوا حاضرين يحسّوا حاضرين يطمنوا مش بس يوجّهوا ويصحّحوا ، اللعب سوا إنجاز ، الكلام العفوي إنجاز ، الضحك إنجاز ، حتى السكوت جنب بعض إنجاز.

✍️الوقت ده هو اللي بيبني الأمان وبيزرع الثقة وبيخلّي الطفل يحس: «أنا مهم… أنا متشاف».

📢فلو حاسّة إنك “ماعملتيش حاجة” وانك قعدتي شوية مع ابنك ، أحب أقولك: إنتي عملتي كتير قوي ❤️

👈👈سؤال ليكي :
آخر مرة قضيتي وقت حقيقي مع ابنك من غير موبايل كانت إمتى؟

19/12/2025

👈👈عربيتي بايظة؟ أيوة.
بركب مواصلات؟ حاليًا آه.

✍️بس البطولة قربت…والتمرين لازم نروح ومفيش وقت نغيب . والالتزام ملوش علاقة بوسيلة المواصلات.
واحنا في الرحلة بنعلم ولادنا ان الالتزام مهم والرضا أهم
وأنا في المترو حسّيت إن الرضا مش إن كل حاجة تبقى مثالية، الرضا إنك تكمل إنك متقفش إنك تعمل اللي عليك حتى لو الطريق مش أسهل حاجة. يمكن الموقف بسيط،
بس بالنسبالي ده جزء من **يوميات أم عندها بطل رياضي** بنتمرن على الرضا قبل ما بنتمرن على البطولات.

**الرضا مش استسلام…الرضا قوة هادية بتخلّيك تكمل.**

✨
لو أم وبتعدّي بتحديات وبتكمّلي عشان ابنك اكتبيلي ❤️ ولو شايفة إن الالتزام أهم من أي ظروف ، اعملي شير يمكن حد محتاج يسمع الرسالة دي النهارده.


#الرضا
#الالتزام


👈👈أنا مش من الناس اللي بتعمل أكتيفتي، ولا عمري كنت. وبصراحة؟كنت ناوية المرة دي كمان أتهرب ، كنت تعبانة، ومش ناقصة أقصّ و...
18/12/2025

👈👈أنا مش من الناس اللي بتعمل أكتيفتي، ولا عمري كنت. وبصراحة؟
كنت ناوية المرة دي كمان أتهرب ، كنت تعبانة، ومش ناقصة أقصّ وألوّن. فكرة الأكتيفتي نفسها كانت تقيلة عليّ.

بس بنتي قالت بهدوء:
*«ماما ده للمدرسة»*
فقلت: ماشي… نخلصه وخلاص، قعدنا من غير تحضير، من غير حماس.
قصّينا، لوّنا، وركّبنا الأرقام واحدة واحدة. ومع كل خطوة لقيت دماغي بتفصل شوية ، من غير ما آخد بالي بطلت أفكر في اللي مضايقني وبقيت مركزة في إيدي، في اللحظة، في الحاجة اللي قدامي.
✍️✍️وده طبيعي ، لما المخ يسيب التفكير ويدخل في شغل يدوي ، بيخرج من وضع التوتر لوضع التنفيذ، الكورتيزول يهدى والإحساس بالإنجاز—even لو بسيط—يرفع المزاج.

😍والقعدة مع بنتي؟ لحظة مشتركة، ضحكة، تركيز سوا. الأوكسيتوسين يعلى والجسم يفهم إن مفيش خطر… فيرتاح.
الأكتيفتي خلص، بس أنا لا.

📢الغريب إن الحاجة اللي كنت ناوية أهرب منها طلعت هي باب الراحة. فخلّيني أسألك سؤال بجد 👇 إيه آخر حاجة كنتِ مش طايقاها، وبعد ما عملتيها حسيتي إنك أحسن؟

احكيلي في الكومنتات💬 يمكن تجربتك تكون طبطبة لحد تاني النهارده 🤍
د. هند
Eating healthy, feeling fancy ✨
#الصحةالنفسية #إنجاز

02/12/2025

لو عندك طفل بيلعب رياضة… يبقى السلسلة دي ليكي 👇💛
علشان تقريبًا مفيش بيت في مصر مفيهوش طفل رياضي، قررت أشارككم يومياتي كـ أم ومعاها منظور أخصائية تغذية علاجية وتغذية رياضيين.

من غير تنظير، ومن غير ما كل حاجة تبقى perfect…
بس هنعيش اليوم الحقيقي زي ما هو، ومعاه نصايح بسيطة تساعدك تدعمي بطلِك في أكله، طاقته، نفسيته، واستعداده للتمرين والبطولات 🏆🔥

جاهزين نبدأ الرحلة؟ 💛👟
#الصحةالنفسية #إنجاز

ولسه مكملين 🫶💪🔥 #الصحةالنفسية #إنجاز
01/12/2025

ولسه مكملين 🫶💪🔥
#الصحةالنفسية #إنجاز

Address

القاهرة
Cairo
3753450

Opening Hours

Monday 9am - 10pm
Tuesday 9am - 10pm
Wednesday 9am - 10pm
Thursday 9am - 10pm
Friday 10am - 4am
Saturday 9am - 10pm
Sunday 9am - 10pm

Telephone

+201287410918

Website

Alerts

Be the first to know and let us send you an email when Healthy feed with Dr. hend saed posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Healthy feed with Dr. hend saed:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category