Nutritionist Walaa

Nutritionist Walaa 🥦💚

27/09/2025

متستخدمش "الأكل الصحي" ضدك !
أيوة، ممكن تكون بتخدع نفسك في كل مرة تقول: "أنا باكل أكل صحي" وتاكل أكتر من احتياجك.

لما تزود فاكهة زيادة (مع إنها مليانة سكر طبيعي).

لما تعتمد على بسكوت شوفان أو منتجات "دايت" مصنّعة لمجرد إن اسمها صحية

نوع الأكل مهم، بس الكمية أهم. حتى الأكل الصحي ممكن يزوّد وزنك لو معملتش حساب السعرات.

#دايت

04/09/2025

هل تعلم إنك مش محتاج تحرم نفسك عشان توصل للوزن والشكل اللي بتحلم بيه؟

كل اللي محتاج تعمله إنك تقلل حوالي ٣٠٠ سعر حراري يوميًا بس، و تمشي ساعة كل يوم.
ومع الوقت معدتك هتتأقلم، جسمك هيتعود ع الحركة، وحياتك هتبقى صحية من غير حرمان. و وزنك مش هيزيد تاني بسهولة لأنك خلاص اتعودت على النظام دة 👌
#مشي

26/08/2025

هل الشاي والقهوة والنسكافيه بيتحسبوا من المياه اللي نشربها يوميًا؟

أيوة ، كل المشروبات اللي فيها سوائل (شاي، قهوة، أعشاب، نسكافيه) بتدخل في حساب الترطيب.
لكن الكافيين مدر للبول بشكل خفيف، وبالتالي ما ينفعش نعتمد على القهوة والشاي كمصدر أساسي للسوائل.
الجسم محتاج مياه صافية عشان تعوض السوائل وتدعم الكلى والهضم.

الخلاصة: المشروبات دي تتحسب من إجمالي السوائل، لكن المياه تفضل الأساس.

26/08/2025

🟡 عارفين إن مشكلتنا في الدايت مش معلقة السكر في الشاي؟

✅ السكر الأبيض نفسه – رغم أضراره – مش ممنوع تمامًا إلا لو عندك مقاومة أنسولين أو مريض سكر.
👩‍⚕️ للشخص الطبيعي: مسموح من ٢ لـ٣ معالق يوميًا مع التزام بالأكل المتوازن والحركة.

🚫 المشكلة الحقيقية في الحلويات اللي مليانة سكريات + نشويات، وكمان الإفراط في الفاكهة.
وده السبب اللي بيخلينا نحس إن وزننا ثابت رغم إننا بنشرب المشروبات من غير سكر، وفي نفس الوقت بناكل قطعة كيك أو شوكولاتة تحمل ضعف الكمية.

✨ الحل: ركزي على إجمالي كمية السكر من كل المصادر مش من المشروبات بس.

#تغذية #دايت #خسسان #صحة

21/06/2025

هل السكر بيتخن فعلاً زي ما بيقولوا؟
ولو خدنا معلقتين بس في اليوم، هل هيكون ليهم نفس الضرر زي الكميات الكبيرة؟

الحقيقة إن معلقتين سكر في اليوم مش هيأثروا سلبيًا على الجسم، بس بشرط إننا نعرف نتحكم في نفسنا، ومندخلش أي مصادر تانية للسكر زي الحلويات أو العصاير أو المشروبات الجاهزة.

تعالوا نعرف ليه السكر بكمية كبيرة خطر على صحتنا على المدى البعيد:

١- بيرفع سكر الدم بسرعة، وده بيخلينا نجوع تاني بعد أكل الحلويات بوقت قصير جدًا.
٢- بيأثر على تركيزنا ونشاط المخ.
٣- بيزود تراكم الدهون خاصة في منطقة البطن، وده بيأثر على حساسية الإنسولين.
٤- ليه تأثير واضح على البشرة، وممكن يزود احتمالية ظهور حب الشباب.

يعني فعليًا، معلقتين مش هيعملوا حاجة
لكن التحدي الحقيقي هو إننا نتحكم في نفسنا

19/06/2025

القهوة تتشرب على الريق ولا بعد الأكل ؟

أفضل وقت لشرب القهوة هو بعد ما نصحى بساعة

لأن جسمنا في أول ساعة بعد ما بنصحى بينتج هرمون الكورتيزول بشكل عالي، والهرمون دة هو اللي بيدينا التركيز والنشاط .
لو شربنا القهوة هتقل فاعلية الكافيين، وجسمك ممكن يتعود عليه بدل ما ينتج الهرمون دة بنفسه .
عشان كدا نستنى ساعة بعد ما نصحى بعد كدا نشرب قهوتنا
ولو حد عنده مشاكل في جدار المعدة فـ يفضّل إنه يشربها بعد وجبة الفطار . ♥️

♥️
26/05/2025

♥️

Address

Cairo

Website

Alerts

Be the first to know and let us send you an email when Nutritionist Walaa posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category