19/01/2026
ايه فكرة الصيام المتقطع؟
الصيام المتقطع عبارة عن نظام بيعتمد على الامتناع عن تناول أي شيء ماعدا المياه والشاي والقهوة والأعشاب بدون سكر
مدة الصيام في العادة بتكون 14 ساعة أو 16 ساعة وممكن تزيد على حسب قدرتك أو نشاطك اليومي
فترة الأكل مسموح فيها أي أكل صحي وفي حدود السعرات الحرارية اللي جسمك محتاجها مع عجز ٣٠٠ أو ٥٠٠ سعر
في فترة الصيام جسمك بيستغل الطاقة المخزنة بدل الاعتماد على الأكل.
بعد حوالي 10 ساعات الجسم يبدأ يحرق الدهون بدل الجلوكوز ودة هدفنا الأساسي ✌️
نقدر نقول من أهم فوايده
تقليل الشهية والحد من وجبة العشا خصوصاً في الشتاء
ودة لأن جسمك مع الوقت بيبدأ يتعود بالفعل فـ شراهتك لـ الأكل هتقل .
تحسين مقاومة الأنسولين وتظبيط الهرمونات ودة كله هيساعد في حرق الدهون بشكل أسرع وأفضل .
