Dr/Mostafa Kotb pharmacies

12/08/2025

تحية خاصة لأحدث المتابعين لي! يسرننا انضمامك لأسرتنا Ola Hekal, Shaimaa Farhat, Walaa Altorkey, Somia Mostafa, Dalia Ahmed, Maha Mahmoud, Khaled Adnan, Mohamed Abojana

12/08/2025

❤️

12/08/2025

06/08/2025

تحية خاصة لأحدث المتابعين لنا! يسرنا ويشرفنا انضمامك! Mostafa Mohamed, Menaa A Ebrahim, Aly Ellool, اسماء جمال, فآطم عبدالناصر, Hadeer Adel, Mohamed Eslam, Om Selim, Badr Eka, مُــهــنـد أُســـامــة, Alaa Abdelnasser

04/08/2025

مستنيك الخميس الجاي علطول الساعة ٥ العصر
يوم مجاني وهدايا كتير ليكم كلكم
برعاية شركة بروجرس فارما عشان نتعرف مع بعض اكتر علي منتجات الجميلة مع بعض
العنوان ميتوهش وكلكم عارفينه اكيد
الفرع الاول : بلوك ١١ شارع اسكو العمومي أمام بوابة ٥ كريستال عصفور

04/08/2025

هااااااااااام للغاية
وعشان بقينا بنشوف حالات الحساسية صيف شتا .
بنقول الكلام دا
دكتور ،، بنتي يا دكتور ،، بنتي 😩
مالها يا ماما مالها 😁😁
كل شتا ،، وبالليل بالذات ،، تمسكها كحة يا حبة عيني متنيمهاش للصبح 😭😭
-وبتعملي إيه ؟
بوديها للدكاترة يدوها المضاد ولبوس موسع الشعب بتقعد يومين وتتحسن 😥
-طب وانتي زعلانة ليه؟
عشان مبتكملش اسبوع الا وتتعب تاني😩
-- ومحدش شخصها حساسية صدر😧!
لأ ، كلهم بيقولولي نزلات برد بتتكرر وبس! حساسية إيه كفى الله الشر! تف من بقك 😡
-- طيب تعالى بقا اعرفك ازاى بنشخص الحساسية !
شوفى بأه ،،
١. لو الكحة دى بتزيد بالليل أو لما تصحى من النوم أو مع اللعب والضحك والعياط والمجهود ،،
٢.ولو معاها نهجان (مش قادرة تاخد نفسها)
٣.أو تزييق صدر( صوت صفارة آخر النفس)
شايفه لو ٢ من التلاته دول لاحظتيهم على بنوتّك في دور البرد يبقى ده مش دور برد حرّتك😁
دى حساسية ! بشرط واحد 👌
اللي هوا إيه 😥
--التكرار ، مهما كان السن ، حتى لو من سن شهر ، مهما كان المدة - وان كانت غالباً فوق الأسبوع-!
-وبالنسبة لأنك كنت قاعد تصدع دماغنا وتقول "الثالوث الأشهر" و"الثالوث الأحول " 😂دلوقتى بقيت بتشخصها بالكحة والتكرار بس ! فين التاريخ العائلى بأه في الحساسية 😡 فين مبادئك يا أستاذ👿
-- انا معاكي ان الحساسية ليها عامل وراثى مهم جداً !! بس الأبحاث بتقول ان ٢٠٪ من حالات الحساسية ملقوش حد في العيلة عندة حساسية من اى نوع وبالتالى الأهم فعلاً الكحة والتكرار!
- بس انا بنتى بتتحسن جامد على لبوس المينوفيلين و ابر الكورتيزون و الايرونيل !
-- تمام ، انتى كده اكدتيلي ان عندها حساسية لان من شروطها ال Reversibility ،، يعنى لو مش بتتحسن على موسعات الشعب نفكر في تشخيص تاني زى استنشاق جسم غريب (سادد الشعب الهوائية وعامل صوت تزييق ونهجان وكحة) ، أو تمدد القصبات Bronchiectasis , الارتجاع GERD ، حساسية الأنف المصاحبة لحساسية الصدر - نظرية الحنفية والحوض الغرقان-!
-خلاص انا استسلمت وعاوزة ابدأ علاج !
اعمل إيه 😩!
*العلاج متقسم لجزئين ،
جزء وقائى لازم يستمر والطفل سليم تماماً ومبيكحش ، ودا الكورتيزون الاستنشاقى ، وآثاره الجانبية شبه منعدمة ، وفايدته انه بيقلل من حدوث الأزمات(قفل الصدر) ولو الأزمة جت بتبقى ضعيفة جداً ، اه هوا ده زتونة العلاج ، وهوا دا اللى كل أمهات مصر خايفين منه ، وهوا برضه اللى الدكاتره بيخافوا يكتبوه للأمهات😭

وجزء"طوارئ" وده جلسة الفاركولين موسع الشعب والجرعة (نص سم فاركولين+٢ سم محلول ملح) للأطفال تحت السنة ، و(١سم) فوق السنة،،أو بخاخة الڤنتولين وده ممكن يتكرر كل اما الطفل يكح بس لو الكحة طولت فوق الساعة نروح المستشفى فوراً !

جزء كمان وقائى وهوا أقراص أو أكياس "مونتولوكاست" ، ودي بتتحط على ٥ مل لبن او صوص تفاح بالليل ، اسماءها كتير سينجيولير وكلير اير وكاست ولي لي بل ، ودي بتُستخدَم كجزء من العلاج ، يعنى مش لوحدها ولا ليها "كورس" فترة الشتا زى ما هوا شائع ، انا عارف ياخويا بيجيبوا الكلام ده منين😂

الخلاصة بأه ان حضرتك تروحى للدكتور ، وهوا هيشخص الحساسية ، ويحدد درجتها Staging ، ونوع العلاج المناسب ، ويبدأ على بركة الله!👍

-أيوا بس يعنى هوا لازم الكورتيزون ، انا الدكتور كاتبلي أكياس سنجيولاير فترة الشتا كلها ، بس برضه بيكح وبيتعب 😥

-- أقل درجات علاج الحساسية في العالم دلوقتى هوا "كورتيزون الاستنشاقICS"كوقاية 👍 ،، واستنشاق الفاركولين أو ڤنتولين كطوارئ👍ومفيش أقل من كده ، و الكورتيزون ده ممكن يتعمل بطريقتين ، جلسات بالميكورت 0,5 (١سم+٢سم محلول ملح) مرة واحدة يومياً ، أو ببخاخات فلوكسيتايد أو سيريتايد ، والجرعات والتفاصيل عند الدكتور طبعاً!

- طيب امشي عالعلاج لغاية امتا😉مش عاوزاه يتعود عليها؟

مسمعش السؤال ده تانى لو سمحتى 😡الحساسية مرض مزمن ، يعنى احنا بنكتب العلاج يخلص تجيبي غيره ، والدكتور كل مرة هيسألك شوية أسئلة وعلى أساسها هيزود العلاج Step-up ،، أو يقلله Step-down ،، لغاية ما ربنا يأذن بالشفا من عنده ❤️

-بجد يا دكتور 😀 يعنى ممكن ابنى يخفّ تماماً !

-- الأبحاث بتقول ٦٠٪ من حالات الحساسية بتختفى عند ٦ سنوات ، والباقى بعد ١١ سنة ،، بس الحساسية اللى بتبدأ تظهر عند ٦ سنوات فما فوق هيا اللي بتسيب آثار بعد البلوغ ،، ولعلمك الابحاث بتقول برده ان العلاج بالكورتيزون بدرى بيقلل من حدوث "السدة الرئويةCOPD" عند الكبار كنتيجة لل"عكّ" في علاج الحساسية في الطفولة !

-أيوا بس انتا برضه مقلتليش ليه لما كنت بتابع معاك وابنى جاله رشح جامد رجع تعب تانى 😁!

--بصى يا مدام ، لو مش هتعالجى حساسية الأنف متكلمينيش في تحسن ، ولو بابا مش هيبطل سجاير ، وانتى تبطلي تشممى ابنك البيرفيوم والبخور ، وتنفضى البيت وهوا هايص في التراب ، برضه مسألينيش ليه مش بيتحسن ! كمان التعرض المباشر للهوا الساقع ممكن يكحرته خالص 😭

طيب وانا ايه اللي عرفني ان عنده حساسية أنف 😔

رشح ، خنفرة ، هرش أنف ، زكام، عطس متكرر ، كل ده أو واحده منه لو استمرت > أسبوعين ،، يبقى غالباً حساسية أنف ، والكحة ساعتها بتبقى عشان الرشح نزل على الشعب وقفلها ، وبنبدأ العلاج بأحدث توصيات جمعية جراحى الأنف والأذن الأمريكية ،، أدوية الرشح من الجيل الثانى زى زيرتك وكلاريتين وتلفاست زائد بخاخات الكورتيزون داخل الأنف ، وأفضلها بلا منازع Nasonex ، والجرعة بتبدأ بخة واحدة صباحاً وبنعمل Step-up لغاية maximum أربع بخات يومياً ، لغاية ما الرشح يقف تماماً !

-طيب ممكن تقولى ازاي افرق بين حساسية الأنف والصدر 😉؟!

"الفكرة ان طول ما الرشح شغال ، الصدر غرقان ،
والكحة شغالة ،، ومستحيل نفرق !
يبقى لازم نقفل الحنفية ونسلك الحوض في نفس الوقت "!

-إيه يا دكتور انتا كنت شغال سباك قبل ما تشتغل دكتور ولا إيه😂

لأ احنا بنحاول نقرب المسافة يا مودام مش أكتر !

"احنا هنعالج الاتنين سوا ، ولمايقف الرشح تماماً ،، نوقف علاج الصدر بالتدريج ،، لو رجعت الكحة تانى من غير رشح تبقى حساسية صدر ، لو مارجعتش تبقى كانت أنف بس ولما الحنفية اتقفلت الحوض نشف !"

ياااااااي يا دكتور اي المفردات البيئة دى 😁😒

*قولّى بأه اعمل ايه عشان الحساسية متزيدش على أطفالى في الشتا 😥😥

١. ابدأى كورتيزون استنشاق، مع سنجيولير بوصف طبيب.
٢. عالجى حساسية الأنف، والرشح بسرعه.
٣. استخدمى بخاخة الڤنتولين وجلسات البخار عند اللزوم-الكحة الشديدة- بلا خوف.
٤. اصبرى على العلاج شهرين على الأقل دى حساسية - مش خُرّاج بنفتحه😉
٥. الهدف - منع الصحيان بالليل من الكحة ، ممارسة النشاطات اليومية لطفلك بلا معوقات ،منع الكحة المستمرة ،، اما الكحة البسيطة ومع المجهود فمقبولة !
٦. أحدث أبحاث بتقول ان ازالة اللوز مع اللحمية Adenotonsellectomy ، بتقلل أزمات الحساسية بنسبة ٣٠٪ (٢٠١٤)!
٧. ابعدى طفلك تماماً عن الدخان ، التراب، العطور ، البخور ، وسادات الريش ، فرو الحيوانات الأليفة -القطط بالذات - الهواء الساقع ، الأسبرين ، !
٨. اعرفى كيفية التصرف في الحالات الحرجة ، واطلبي من دكتورك خطة طوارئ Action Plan
في الأوقات الحرجة لو مش عارفه توصلي تتصرفي ازاي!
٩. العلاج بالبخاخات والجلسات دقيق جداً ، مينفعش معاه عكّ ولا تصرف من دماغنا ، ولا توقيف علاج فجأة ، ولا دكتور مش بيعالج بيهم يعدّل على زميل ليه ، مهم جداً عشان منقعش في انتكاسات متكررة ونرجع م الأول تااااانى !
١٠. في حالة الانتكاسات ، والكحة اللي مش بتفصل رغم الجلسات ، خدوا النصيحة دى :

*سوايل دافية- لمون بالعسل(أقوى من كل مذيبات البلغم).
*جلسة بخار بماء دافئ.
* جلسة موسع شعب فاركولين أو أتروڤنت.
*تنفيذ خطة طوارئ طبيبك المعالج ، أو الذهاب لأقرب طوارئ مستشفى .

************************
ملحوظة: المقال مبنى على بروتوكولات GINA ،، أكبر مؤسسة لعلاج الحساسية في العالم
#الحساسية

31/07/2025

حساسية الجيوب الأنفية
#محتوى

30/07/2025

يسعدنا استقبال أي استفسار وأي طلبات علي رقم واتساب الخاص بنا

30/07/2025

وداعا الأستاذ لطفي لبيب 💔

29/07/2025

متوفر مجموعة الخاصة بعناية الأطفال والكبار
الآن في
الحق اسأل علي السعر واطلب قبل نفاذ الكمية
الكمية محدودة جدا

19/07/2025

متاح الآن في صيدليات دكتور مصطفي قطب

19/07/2025