عيادة دكتور عنتر محمد عباس_لطب الأطفال وحديثى الولادة_ الشرفا_برج الفاروق

20/11/2017

قواعد حديثي الولادة الأربعين:🚼🚼
منشن لصحبتك الحامل او اللي ولدت 💙🌼
١_رضعي طبيعي
٢_بلاش أعشاب
٣_بلاش بيبي درينك
٤_بلاش جلوكوز
٥_ڤيتامين "د" من أول يوم ٤ نقط ڤي دروب .
٦_تطعيم ڤيروس بي أول ٢٤ ساعة حتى في أيام الجمع و العطلات الرسمية .. في الوحدات الصحية و أقسام النساء في المستشفيات الحكومية
٧_ما تربطيش حاجة على السرة
٨_ممنوع الحفاضة تغطي السرار
٩_نظفي السرار بالكحول من ٤_٧ مرات يومياً .
١٠_رضعي طبيعي ..بس.
١١_بلاش بيبي درينك..اتمنع من وزارة الصحة
١٢_تحليل الكعب من اليوم الثالث للسابع يوم السبت و الثلاثاء في كل الوحدات الصحية..
١٣_حديث الولادة إنسان و بيحتاج النظافة ..و بيستحمى عادي
١٤_ممنوع بوس الطفل من الفم.
١٥_بلاش بوس أحسن ..بينقل أمراض.
١٦_تطعيم الدرن "حقنة الكتف" ..في أول شهر ما تتأخريش.
١٧_مفيش في السبوع غربلة ..الغربلة=نزيف في المخ .
١٨_تكحيل الطفل بالبصل ممنوع..عينه هتضيع.
١٩_نقط مطهرة للعين روتين في أول أسبوع.
٢٠_ورق مهم و هتحتاجيه شهور : كراسة التطعيمات..منحنيات النمو تشمل الوزن و الطول و محيط الرأس
٢١_ركزي مع وزن طفلك ساعة الولادة ..احفظيه، الطبيعي من ٢.٥د في المتوسط ٧٥٠ جم أول شهر.
٢٢_٦٠٪ من المواليد بيصفروا ..صفرا طبيعية حميدة ما تقلقيش.
٢٣_الصفرا عايزة رضاعة و متابعة أو حضانة و علاج ضوئي مش عايزة نيون و لا ڤيتامين.
٢٤_المولود إنسان ..إحساسه بالجو زينا..بلاش بطاطين في أغسطس ..هيفطس
٢٥_الزغطة و الخنفرة و الحزقة ظواهر طبيعية هتقل مع الوقت.
٢٦_ظواهر تقلقك : الطفل رافض الرضاعة أو مش قادر يرضع ، لونه بيزرق، نفسه فيه نهجان ، مدروخ و مش بيصحى.
٢٧_اهتمي بنفسك و صحتك عشان تقدري تهتمي بمولودك..كلي أكل صحي و متوازن ، بلاش أدوية من غير داعي، اشربي لبن ..كتير، و بلاش اكل حراق أو بيعمل انتفاخات .
٢٨_حديث الولادة بينام كتير بس متقطع..نومك هيتلخبط ..بترضعي و تغيري و تدلعي و تنيمي.
٢٩_حديث. الولادة بيسمع من و هو جنين ف اخر شهور الحمل..لو مفيش فزع أو خضة من الصوت العالي تقلقي .
٣٠_لازم طفلك يعمل براز في أول ٢٤ ساعة ..لو معملش استشيري الطبيب
٣١_أنماط الإخراج مختلفة عند حديثي الولادة..فيه طفل بعد كل رضعة يعمل براز و طفل يعمل مرة في اليوم .
٣٢_النوم على البطن ممنوع ..إلا بعد الرضاعة للتجشؤ و انتي صاحية .
٣٣_غيري الحفاض من ٣_٤ مرات يوميا و نشفي كويس. و ادهني زيت زيتون..هتحميه من التسلخات.
٣٤_لو بنت اتأكدي من وجود فتحة المهبل..لو ولد حسي الخصيتين و شوفي فتحة القضيب في مكانها و لا لأ..
٣٥_الأب:فينك ؟! ..واحشنا و الله
٣٦_أول ما فترة النفاس تخلص شوفي وسيلة منع حمل مناسبة ما تنسيش ..طفلك محتاج رعايتك قبل ما تعمليها تاني و صحتك هتروح
٣٧_طفلك بيعيط كتير ..عليكي تخمني السبب و مع الوقت هتفهميه.
جعان _رضعيه ،، شبعان و منفوخ _كرعيه،، عنده مغص دلكيه ،، عايز حد يشيله شيليه ..ما تسيبيش طفلك يعيط عشان ما يتعودش على الشيل..هو إنسان و عايز اهتمام و الاهتمام ما بيطلبش .
٣٨_السخونية و الكحة في حديثي الولادة مش طبيعية و مش حميدة ..لازم دكتور و تحاليل.
٣٩_حبي طفلك ..ولد أو بنت..أسمر أو ابيض ..سليم أو مريض ..ده قطعة من روحك ما تخليش حد أبدا يصنفه.
٤٠_مع نهاية الشهر الأول الطفل بيبدأ يبتسم لو لاعبتيه ..لو بيعيط و اتكلمتي معاه هيهدأ ..
اتعاملي معاه على إنه إنسان محتاج غذاء و حب و عناية

18/11/2017

24/08/2017

😔

يحتوي الشاي والقهوة على الكافايين
بالاضافة الى بعض المشروبات الاخرى كالمشروبات الغازية ،
أظهرت دراسة أجريت في سنة ٢٠٠٤ بأن الأطفال التي أعمارهم من ٦ الى ٩ سنوات يستهلكون يوميا مايقارب ال (٢٢) ملليغرام من الكافايين ، الاطفال حساسون كثيرا لمادة الكافايين وذلك بسبب عدم نضج الكبد والكلى على طرح هذه المادة من الجسم مما يؤدي الى تهيج هؤلاء الاطفال بالاضافة الى الارق .

تناول الكثير من المشروبات الحلوة والتي تحتوي على كميات فائضة من السكر قد تعرض الاطفال الى خطر السمنة بالاضافة الى تأثير الكافايين الضار.

تناول الكميات الزائدة من الشاي تؤدي الى نقص في امتصاص الحديد من أمعاء الطفل مما يؤدي الى نقص في كمية خضاب كريات الدم الحمراء وبالتالي الى فقر الدم.

وعلى العموم فأن الكافايين مضر لصحة الطفل وعلى الام وقاية طفلها من تناول كميات زائدة من هذه المشروبات.
شفت المعلومه علق بتم و شير وانصح بيه غيرك

21/08/2017

اللسان المربوط
بيعمل مشاكل صعوبه المص مع الرضاعه للطفل
قومي بصي علي فم طفلك
لو المنظر دا موجود
كل م تتعمل بدري بتكون افضل
بتأثر عليةالكلام في الكبر في بعض الحروف
لكنها مش خطيره
المطلوب ::::
حضرتك بتروحي لأقرب دكتور جراحه تستشيريه . و يفكه. بسيطه جدا ..
شوفت المعلومه. دوس لايك و شير و اكتب تم . و انصح بيها غيرك

08/08/2017

👍تستاهل
ترضعى اول ساعتين بعد الولادة وانت تعبانة
علشان لبن السرسوب مهم جدا لابنك والرضاعة مفيدة جدا ليكى.

👍تستاهل
تسهرى الليالى بالذات اول 3 شهور مش عارفة تنامى لانك بترضعى طبيعى ومش بتدى صناعى ومش عارفة تنظمى مواعيد الرضعات.

👍تستاهل
تزعلى مامتك وحماتك ومتحطيش كحل فى عين ابنك ولا تلفيه بلفة تخنق صدره ولاتحطى حزام على سرته.

👍تستاهل
انك ترضعيه فى وضع صح وتكريعه مرتين وتعملى تمارين البطن وتدليكه مش تستسهلى وتدى دواء للمغص وخلاص.

👍تستاهل
تمنعى التليفزيون قبل سنتين وساعة يوميا فقط لحد 5 سنين علشان ترحميه من التوحد وفرط الحركة والعنف الزايد.
وتوفرى كمان بدايل زى انك تلاعبيه وتنمى مهاراته.

👍تستاهل
ان تتعبى فى البيت شوية مقابل انه يقلع الحفاضة بدرى علشان تحافظى على خصوبة الاولاد وترحمى البنات من تسلخات الحفاض.

👍تستاهل
تحايلى وتدادى وتدخلى اكل من 6 شهور وتابعى وزنه وطوله بانتظام.

👍تستاهل
تدخلى اكل صحى وتمنعى الاكل بره البيت وتديله تطعيماته بانتظام.

👍تستاهل
تصبرى على السخونية من غير ما تدى مضاد حيوى ومتديش من غير كشف دكتور.

👍تستاهل
تصحيه كل يوم بضحكة وتنيميه بليل على قصة فيها فكرة.

👍تستاهل وتستهلى انت الجنة
الجنة تحت اقدام الامهات.

👍تستهلى البوست وكل الامهات تستاهل شير علشان تقراه.

10/07/2017

#تحذير
بسبب إزدياد درجات الحرارة خلال الايام القادمة بين 42 و 47 درجة مئوية وظهور سحب ركامية تسبب الكتمه في الجو وذلك على معظم المناطق
وهذه بعض التحذيرات والتنبيهات...
🔴 يجب إخلاء السيارات من:
1- المواد الغازية.
2-القداحات .
3-المشروبات الغازية.
4- العطورات وبطاريات الأجهزة بشكل عام.
5- يجب فتح نوافذ السيارة بشكل بسيط ( تنسيم ).
6- عدم ملئ خزان وقود السيارة بالكامل
7- تعبئة وقود السيارة في الفترة المسائية.
8- عدم السفر بالسيارة في الفترة الصباحية.
9- عدم تعبئة إطارات السيارات أكثر من اللازم وخصوصا في السفر
🔴 يجب الإنتباه من العقارب والثعابين فسوف تخرج من جحورها بشكل ملحوظ وقد تدخل المزارع والبيوت للبحث عن البراد.
🔴 الاكثار من شرب الماء والسوائل.
🔴 الحرص على عدم تشغيل سخانات الماء.
🔴 الحرص على عدم وضع إسطوانات الغاز في الشمس.
🔴 التأكد من عدم زيادة الأحمال على عدادات الكهرباء وعدم تشغيل المكيفات إلا في أماكن تواجد العائلة وخصوصاً في أوقات ذروة الحرارة .
🔴 البعد عن التعرض لأشعة الشمس مباشرة وخصوصاً خلال الفترة من الساعة ١٠ صباحاً وحتى الساعة ٣ ظهراً
🔵 وضع علب ماء في الشبابيك والاحواش والاسوار والمزارع والبلكونات. وذلك لري عطش الطيور والقطط وغيرها من الحيوانات....
🏁 وأخيراً
شارك بنشرهذه المعلومات فغيرك قد يقرأها لأول مرة ...

11/06/2017

قد يؤثر ما تتناوله الأم المرضع من بعض أنواع الطعام على طفلها بحيث قد يتأثر بعلامات منها النكد او علامات معويه كالاستفراغ .ومن أشهر هذه الأطعمة منتجات الألبان؛ الحمضيات؛ الشوكولاته والتوابل الحارة. وقد يحدث التأثير بسبب الكمية لا النوع فقط لذلك ممكن كمية بسيطة لا تؤثر.

04/06/2017

قد يؤثر ما تتناوله الأم المرضع من بعض أنواع الطعام على طفلها بحيث قد يتأثر بعلامات منها النكد او علامات معويه كالاستفراغ .ومن أشهر هذه الأطعمة منتجات الألبان؛ الحمضيات؛ الشوكولاته والتوابل الحارة. وقد يحدث التأثير بسبب الكمية لا النوع فقط لذلك ممكن كمية بسيطة لا تؤثر.

20/05/2017

تقبل الله منا و منكم الصيام و القيام و صالح الأعمال
اذا جربتى الصيام ووجدتى ان لبنك لا يتأثر و الطفل يشبع و نوزن الطفل كل اسبوع لو وزنه بيزيد خلاص توكلى على الله وكملى صيام🎎🎎
ازاى تصومى وفى نفس الوقت تحافظى على لبنك ؟؟
١. لو بترضعى طبيعى على صناعى خلى معظم رضعاتك الطبيعي من المغرب للسحور ،، والصناعى كلها وقت الصيام،، لوچيك يعنى 😉..
٢. لو طبيعى بس ،، يبقى نكتّر السوايل جداً ،، وخلى بالك يبقى متوزع بين الفطار والسحور.
٣. أكيد عارفه ان الكافيين والقهوة مدرة للبول وبتفقدك السوايل ،، والمشروبات الغازية بتعمل انتفاخ وعسر هضم ،، بلاشهم خالص ..!😂
٤. السوايل لازم متقلّش عن ٣ لتر يعنى من ٨-١٢ كوب متوزعين زى ما قلنا ،، خلى بالك قمر الدين والتمر هندى ،، الخروب والعرقسوس ،، بدايل ممتازة للمياة وفيها ألياف بتخلى الامتصاص ياخد فترة والترطيب مستمر طول اليوم.
٥. الفواكة والخضروات😉مهمه جدا البطيخ 🍉والعنب🍇 والخيار👌
٦. ملح لأ ، سكريات لأ 😥
طبعاً احنا مستنيين الشهر الكريم عشان الكنافة بالمانجه والقطايف والبسبوسة بالقشطة والنيوتيلا بلقمة القاضي 😊
٧. الراحة ثم الراحة ثم الراحة😀
المروحة او التكييف ،، بلاش حرّ ،،،
نريّح جسمنا ،، بلاش شُغل وإرهاق ،،
انتى بترضعي ،، ووظيفتك الأساسية الإرضاع والحفاظ على لبنك للبيبي أغلى حاجة ف حياتك ،، يا ريت نأجل شغل البيت والتعب ولإرهاق لبعد الفطار ،، !
٨. ڤيتامينات ولا لبن ؟؟؟ الاتنين 😱😂
كوب لبن او مشتقاته عالفطار -يا سلام لو بالتمر- وقطارة ڤيدروب يومياً ليكى ،، وشوربة عالفطار وبطيخ عالسحور ،، مش هتعتطشى ان شاء الله😁
اعلمى ان الله لم يشرع الصيام ليعذبك و لكنه عبادة جميل ان كانت تضرك او تضر ابنك فهذا ليس مقصود الله و لك رخصة الفطر و اطعام مسكين على قول ابن عباس و الشيخ الالبانى.
متى يجب على الفطر؟(ونحط تحت يجب ١٠٠ خط)
مؤشرات فى الأم:
1-ان يقل لبنك بشكل يؤثر على ابنك يوم عن يوم و لا يزيد بعد الافطار
2-الزغللة و الدوار😇
3-الدوخة 😇
4-هبوط الضغط و رغبة فى القىء وزيادة عدد ضربات القلب
5- فى حالة اى اعراض اخرى استشيرى طبيك فورا
و بعض الحالات المرضية لها احتياطات اخرى
مؤشرات فى الطفل:🐨🐨🐨🍼🍼
1-بكاء شديد😿😿
2-يترك الثدى و يبكى
3-نقص عدد الحفاضات المبتلة او حدوث امساك
4-يجب وزنه كل اسبوع فاذا نقص وزنه يجب عليك الفطر فورا😶
💃💃💃

15/05/2017

#الشعر
نمو الشعر للطفل يبدا من سن سنتين
يعني الواد مفيش شعر..البنت هيبقي شعرها خفيف مفيش الكلام ده كله بعد سنتين...

-افضل انواع زيوت العنايه
موستيلا- سانوسان - سيباميد
وكل طفل بيستجيب علي واحد فيهم اكتر من التاني (تغيرات فردية)☝️

-لو لقيت في راس الطفل جزء زي المية تحت فروة الراس ..متقلقش ..دا بسبب استخدام اداه فيها نوع من الضغط مع الولاده ووارد جدا وهتروح مع الوقت
#دمتم بصحة وعافية

13/05/2017

#التسنين
☝- :من سن ٦ شهور لسنه وشهرين مش بنقول اتاخر غير بعد ١٣شهر ومفيش اسنان لسه....اعراضه❗️؛ بتبدأ من ٤ شهور علي شكل حراره طفيفه مع بعض العصبيه وفقدان بسيط للشهيه ..علاجه❗️: قطنه بمياه بارده ونمشيها ع اللثة .😀😀😀
كمساج..
دمتم بصحة وعافية

12/05/2017

طفلك أقل من 3 شهور وبيعيط اكتر من الطبيعي بدون سبب واضح ده بنسميه مغص ( colic )

الطبيعي انه يعيط حتي ساعتين في اليوم

يعني بيعيط اكتر من 3 ساعات خلال اليوم لمدة اكتر من 3 ايام في الاسبوع وغالبا ده بيحصل فجأة وباليل وبيكون صوته عالي وكانه بيصرخ حتي لو الام بتحاول تريحه ، ممكن بردة تلاقي بطنه صلبة ( محجرة شوية ) او ايديه متيبسة او ضهره منحني .

عادة المغص ده بيروح لوحدة لما البيبي يكمل 3 او 4 شهور واحيانا قليلة يستمر بعد العمر ده شوية .

ايه الاسباب المنطقيه اللي ممكن تخليه بردة يعيط بصورة غير طبيعية وغير الكاليك colic :
لو عيان ، جعان ، سخن خدا ، بردان جدا ، جاله حساسية من اللبن الصناعي او من الاكل اللي الام بتاكله لو الام بترضعه طبيعي .

دمتم بصحة وعافية