10/08/2025
الكورتيزول هرمون طبيعى موجود فى الجسم له تأثير مضاد للالتهاب لكن زيادته بتسبب تخزين الدهون فى البطن وماية فى الجسم و ظهور اكزيما وخراريج وهشاشة عظام وضعف فى العضلات وارتفاع فى ضغط الدم
ارتفاع الكورتيزول بسبب الإكتئاب وقلة النوم وضعف الجهاز المناعى وانتفاخ القولون وسوء الهضم
ارتفاع الكورتيزول ممكن يكون سبب فى الإصابة بالأمراض المزمنة زى السكر والكوليسترول والزهايمر ، ارتفاعه المفاجىء ممكن يعلى نسبة السكر فى الدم
👈🏻طيب إيه السبب فى ارتفاع الكورتيزول ؟
✔️الإجهاد البدنى والنفسي والصدمات النفسية وبعض الأدوية
👈🏻ازاى أقلل الكورتيزول ؟
✔️ ابعد عن الضغوط الغير محتملة على قد ماتقدر .. أنا عارفه ان ده مش هيحصل بنسبة ١٠٠٪ لكن حاول
✔️اتعلم تحب نفسك وقابل الناس اللى بتحبهم وبيعطوك طاقة إيجابية
✔️الخروج فى الأماكن المفتوحة شىء غير مكلف و مبهج للنفس .. ملامسة القدمين على العشب (الأرض)، يمكن أن يكون له تأثير مهدئ ويقلل من هرمونات التوتر
✔️الأكل الصحى المتوازن شىء مهم جداً .. ابعد عن المصنعات قدر الإمكان لأنها بتكوّن سموم فى الجسم واعتمد على أكل البيت العادى والدهون الصحية
✔️تقليل الكافيين لأنها تعطل النوم وتزيد من مستويات الكورتيزول.
✔️تساعد بعض المكملات الغذائية مثل أوميجا 3 وفيتامين د في خفض الكورتيزول.
✔️يمكن أن تساعد التمارين الرياضية الجسم على معالجة الإجهاد بشكل أكثر كفاءة وخفض الكورتيزول بمرور الوقت خصوصاً من ٦: ١٠ صباحاً..
اختر الأنشطة المناسبة لإمكانياتك الجسدية سواء كان المشي أواليوجا.. والسباحة مفيدة للحد من التوتر وإدارة الكورتيزول.
✔️ضع جدول نوم ثابت اذهب إلى الفراش واستيقظ في نفس الوقت تقريبا كل يوم لتنظيم دورة النوم والاستيقاظ الطبيعية في جسمك.
✔️ابتعد عن شاشة الموبايل قبل النوم فمن الممكن أن يتداخل الضوء الأزرق المنبعث منها مع النوم.
✔️اتفرج على الأفلام والمسلسلات الكوميدية وابعد عن النكد
✔️قوّى إيمانك بربنا وسلّم بمشيئته
✔️ليه تتضايق وتزعل وتغضب 😅 اضحك دايماً وافرح والعب الضحك بيقلل من هرمونات التوتر ويطلق الإندورفين
✔️بيقولوا ان تربية الحيوانات الأليفة له تأثير مهدئ بس خد بالك انها مسؤلية قد تكون عبء انت مش قده .
✔️مش عيب إنك تلجأ لهيلث كوتش أو معالج نفسي تحكيله وتفضفض معاه
معاً للقضاء على النكد 💪🏻
