28/04/2025
Qare iyo Moosaa Qaad karoon
Ka qaal yaroo Kana Quud macaan
Qiyaamana laysu qabsamaa
Abwaan Abshir Bacadle (Allah u naxariisto).
Sheeko nadhaxmartay aniga iyo Nin Indonesian ah oo aan ku kulanay magaalada Madina Almunawara kadibna safar isla galnay ilaa magaalada Makkah.
Intii safarka aan ku gudajirnay Isbarasho iyo wada sheekeysi baa nadhaxmaray, waxaan ka sheekeysanynay dalalkeena, dhaqanka iyo cuntooyinka iwm.
Intii aan sheekada wadnay waxaan uheystay nin iga yar da’ ahaan ama ugu badnaan aan isla egnahay.
Waxaan usoo taagay buskud yar aan watay iyo timir si aan iskula barakeeysano.
Buskudkii wuu iska diiday balse timirtii ayuu iga aqbalay, asagana wuxuu iisoo bixiyay 1 xaba oo miraha Seytuunka aan unaqaano (Guava).
Da’da in lees weydiiyo ayaa lasoo gaaray 😊
Waaba nin 40ka dhamaadkiisa kujiro 😳
Halkaas markey mareyso ayaan ku dhahay, Libaaxow waa maxey sirta badankiin aad ugu muuqataan dad yaryar oo aysan da’da idiinkaga muuqan?
Jawaabtiisi:
1. Qudaarta ayaan aad u cunaa
2. Dhul buuro iyo geedo badan ayaa kunoolnahay, sidaas darteed aad baan usoconaa ama u almiiteynaa.
3. Sokorta iyo Macmacaanka badan macuno
4. Hilibka kuma badni (si qaas ah buu iskaga hadlaayey) balse Kaluunka ayaa aad u cunaa, wuxuu iigu daray hilibka in qaali yahay oo aysan awoodin badankood.
Casharka aan ka baraneyno halkaan waa ahmiyada ay leedahay in aan;
•Macaanka qaas ahaan Sokorta iska deyno.
•Qudaartane aan joogto u cuno.
Hadaba, Qudaarta Faaidooyin badan ayaa laga helaa ee noloshaada si maalinle ah u cun Qudaar kala duwan wixii aad helikartid.
Saxankaan ayaa isoo xasuusiyay ee اتفضل aan isla barakeeysano soo dhawow.
✍️Dr. Adnan Abdallah
