30/03/2020
اخر وصفة اخترعتها الاسبوع ده.. كفتة صحية جدا و مشبعة
١ ك لحم مفروم (جربتها بلحمة بلدي و احمة برازيلي مافرقتش)
نصف كوب زيت زيتون (ممكن ثلاث ارباع لو تحبوا)
كوب و ربع زيتون مخلي مقطع للقيمة الغذائية. استخدمت اسود و اخضر
٤ بيضات
٤ معالق كبيرة كاتشاب
٣ معالق كبيرة دبس رمان
ردة الشوفان (ممكن جدا تبدليها بدقيق كامل او برغل أو دقيق رز أو شوفان مطحون أو دقيق عدس)
للتتبيل استخدمت:
٣ معالق كبيرة او ٤ كزبرة ناشفة
معلقتين كبار توم مفروم امتنان
نص معلقة كبيرة فلفل اسود
نص معلقة صغيرة جوزة الطيب
نص معلقة صغيرة ٧ بهارات
ملح حسب ما تحبوا. انا حطيت معلقة و نص كبار او ٢ تقريبا
باضرب البيض و الزيت و النتبيلة على خفيف و باعجن اللحمة فيها بتبقا سايلة و مظروطة.. انزل بالزيتون و لما تتعجن كويس و تختلط بانزل شوية شوية بردة الشوفان (لو هنستخدم برغل لازم يكون ناشف عشان يشرب سوايل الكفتة و حطيه يادوب مشطوف) لحد ما تبقى يادوب متماسكة.
نسيبها نص ساعة على الاقل عشان تشرب التتبيلة و الدقسق او الشزفان يتخن فيها.
و باعملها كور و سهل تتشوح أو تتفرز او تتحط في air fryer
و بالهنا!
الصورة من NYT Cooking
