01/05/2026
⚽🔴 أنا أهلاوي و نفسي الزمالك يكسب الدوري جدًا السنة دي.
الزمالك قدر يجمع فريق محترم، فرقة متجمعة كويس، وراجل شغال معاهم كويس وبتواضع وبهدوء ومن غير لقطة.
مكسب الزمالك السنة دي للي بطوله يصب في مصلحة كل الأهلاوية.
📢 هو إثبات واضح وصريح إن السنين الطويلة من المظلومية والدعاية إن الأهلي بيكسب بالحكام و ان سيد عبد الحفيظ بيرهب الحكام و ان الأهلي بيجيب لاعيبه بميزانيات غير منطقية، كلها كانت مبررات و حجج لتبرير الفشل والتخبط الإداري والتراجع لمدد طويلة.
🏆 النهارده الزمالك بأقل الإمكانيات، بعقود بقيمة أقل، و بقيد موقوف وبمدرب مصري محدود الخبرة، بيقدر يقدم موسم استثنائي، وإن شاء الله يكسب الدوري والكونفدرالية والسوبر.
ده حق ربنا و ميزعلش
مكسب الزمالك في السنة دي هو في الآخر مكسب للأهلي، وانتصار لفكرة إن الكورة مش فلوس بس.
💰 وفي نفس الوقت، الأهلي بفرقة المليارات بيخرج بموسم صفري، وده يثبت إن الكورة مش بس مليارات وميزانيات، الكورة محتاجة عوامل كتير جدًا ما كانتش موجودة عند الزمالك في السنين اللي فاتت، عشان كده ما كانش بيكسب.
📌الدرس المستفاد
اشتغل بجد و ضمير هتوصل..
اتحجج و اتهم الآخرين و اطعن في شغلهم ..هتفضل فاشل ..يا فاشل ..يافاشل 😂😂
