23/09/2025
تعرف ايه عن مرض الزهايمر؟؟🧠
الزهايمر هو سبب شائع لمرض الخرف او dementia⛔
مرض الزهايمر بيصيب خلايا المخ عن طريق ترسب غير طبيعي لبروتين يسمي اميلويد (amyloid )بروتين
في خلايا المخ مما يؤدي الي تأثر خلايا الدماغ و ظهور اعراض المرض..😵💫
ايه هي الحاجات اللي ممكن تزود احتمالية ظهور المرض؟؟
1- التقدم في العمر ( تزيد الاحتمالية بعد سن 65 سنة) مع وجود عوامل اخري
2-وجود عامل وراثي
3-اصابات الرأس الخطيرة ممكن تزود الخطورة🌀
4-عوامل اخري مهمة ممكن تزود الاحتمالية و هي (ارتفاع الضغط المزمن , ارتفاع الكولستيرول, السكر التدخين , السمنة , قلة الحركة , و اتباع الانظمة الغذائية غير الصحية )⛔🍟
و ده لان العوامل دي ممكن تأثر بالسلب علي الاوعية الدموية بالتالي يتأثر المخ..
ايه هي اعراضه: ⁉️
1- نسيان الاحداث القريبة 🕑
2- صعوبة في ايجاد الكلمات المناسبة 💭
3- فقدان الاحساس بالوقت او اللخبطة في الاماكن ↔️
4- المعاناه في تنفيذ الافعال المعتاد فعله
5- تغيرات في المزاج كالقلق و الاكتئاب 😩
مع تقدم المرض و عدم العلاج يزداد نسيان الاحداث او فقدان الذاكرة للاحداث القريبة و من الممكن يحدث تغير بالتصرفات كالعصبية 🤬
ايه هي طرق العلاج ؟؟
علاج دوائي لتقليل الاعرض و علاجات غير دوائية مثل العلاج المعرفي و التأهيل الوظيفي 💊🧪
نعمل ايه لو عند وجود المرض او عشان ميحصلش؟ ❓
اتباع نظام غذائي صحي مثل دايت البحر المتوسط او الداش دايت
( تناول الخضار و الفاكهة 🥑🍉🍑🍅 و الحبوب الكاملة , الاسماك الدهنية 🐟 لاحتوائها علي الاوميجا ٣, زيت الزيتون و المكسرات , التقليل من اللحوم الحمراء و الامتناع عن اللحوم المصنعة و السكريات ) 🧁🍰
تناول قدر كافي من السعرات لتجنب نقصان الوزن بإستشارة اخصائي التغذية العلاجية..✅
الاهتمام بتناول البروتين و الاهتمام بتناول المياه لتجنب الجفاف 🍶
ايه المعادن و الفيتامينات المهمة؟؟
الحفاظ علي مستويات طبيعية من فيتامين د
فيتامين ب 12 و الفوليك اسيد عند وجود نقص 💊
اوميجا 3
ممارسة الرياضة بإنتظام 🏊 في لتحسين الدورة الدموية
الاقلاع عن التدخين 🚭
إعداد د ايمان كرم
تحت إشراف رئيس وحدة التغذية العلاجية د دينا حفنى
