27/09/2019
زي معودناكم مع فريق د/محمد البحراوي ان نقدم لكم النصائح و المعلومات المستمره قررنا نكون في ظهر كل ام جديده💪 عشان كده النهارده هنتكلم علي التسنين عند الاطفال👶 مبدأيا كده دايما بنربط الاسهال و الترجيع و ارتفاع درجه الحراره انه كده بيسنن فا عادي مش مهم و طبعا ده نسب خاطئ😒 الاعراض دي بس بتيجي في نفس توقيت التسنين لان الطفل بيكون ابتدا يحبي و يستكشف كل حاجه بيده و بفمه و اكيد مش كل حاجه هتبقي نظيفه🕵️♀️... تاني حاجه ان بيبدا تكوين المناعه الخاصه بالطفل لان من يوم متولد و هو معتمد علي مناعه الام النابعه من الحبل السري🥰 طيب ايه هي اعراض التسنين؟
١. سيلان للعاب.
٢.طفح علي الذقن حول الفم.
٣.عدم انتظام فى النوم.
٤.عصبية وبكاء مستمر.
٥.التهابات لثة واحمرارها.
٦. العض والمص المستمر.
ازاي اخفف الم طفلي؟
١. ممكن استخدام العضاضات بعد تبريدها و فيه انواع ممكن يتحط فيها نوع فاكهة زي فراوله، قطعه موز، برتقال....
٢. نضع شريحه خيار او موز في الفريزر لتهدئه احمرار اللثه.
٣. ممكن استخدام جيل موضعي لتخفيف الالم بعد استشاره الطبيب.
٤.اما في حاله ارتفاع الحراره الشديد ممكن استخدام المسكنات لكن بعد استشاره الطبيب.
