10/12/2025
هل التامي فلو لازم يتاخد لأي دور أنفلونزا؟
ومين أصلًا الفئة اللي ممكن تستفيد منه؟
ناس كتير بتسمع عن Tamiflu وبتفتكره علاج للبرد أو أي دور أنفلونزا، لكن الحقيقة إنه دواء مخصّص لحالات معينة فقط وبياشتغل بطريقة محددة.
🔹 إيه هو التامي فلو؟
التامي فلو دواء مضاد للفيروسات من نوع الإنفلونزا فقط، وبيشتغل على تقليل نشاط الفيروس وبالتالي يخفف الأعراض ويقلل مدة المرض لو اتاخد بدري.
🔹 إمتى يكون له فايدة؟
الدراسات بتوضح إن أفضل وقت لاستخدامه هو:
خلال أول 48 ساعة من ظهور الأعراض
في حالات الإنفلونزا المؤكدة أو المشتبه فيها خلال مواسم الانتشار
في الأشخاص الأكثر عرضة للمضاعفات (زي كبار السن – مرضى المناعة الضعيفة – الأطفال الصغيرين)
🔹 ومش لازم لكل الناس
معظم الحالات العادية بتخف بالراحة والسوايل وخافض حرارة، والتامي فلو مش ضروري فيها.
🔹 ليه مش بننصح باستخدامه بدون استشارة؟
لأن ليه جرعات محددة حسب السن والوزن والحالة
وقد يسبب أعراض جانبية محتاجة متابعة
وكمان مش بديل عن لقاح الإنفلونزا
🔹 إمتى ألجأ للصيدلي أو الطبيب؟
لو الأعراض شديدة
أو الحالة من الفئات المعرضة لمضاعفات
أو لو طفل صغير ظهرت عليه أعراض إنفلونزا قوية
للتواصل
https://wa.me/message/7I5QHFF4QSUNM1
