Coach Marian nakhla for health lifestyle

03/12/2025

تعالوا نشوف الحديد بيقول ايه😊
#حديد #فيتامينات #صحة
Coach Marian nakhla
متاح متابعه اونلاين داخل و خارج مصر
التفاصيل خاص

27/11/2025

لا يعرف الكثيرون منا أن الصيام له فوائد كثيرة لأجسامنا ومنها فرصة للمصابين بالبدانة لإنقاص اوزانهم وذلك بتعود الجسم علي تقليل كميات الطعام وتحسين الانسولين في الجسم عند الانقطاع من اكل الحلويات وذلك يحمي من الإصابة من السكري.

تقول ماريان نخلة أخصائية التغذية،عضو ومحاضر بأكاديمية «نولدج» للتدريب والإستشارات؛ أن الأهم في هذا الأمر هو إعطاء هدنة للجهاز الهضمي، للتخلص من السموم وتحسين عملية الهضم.

وتضيف "نخلة" أن الهرمون المسئول عن الإحساس بالجوع؛ هو هرمون "الغيرلين" المحفز على الجوع، ويزداد إفراز هذا الهرمون في حالات الضغط النفسي، كما يجب ألا ننقطع عن الطعام لفترات طويلة لعدم حدوث ضرر مثل:

* انخفاض في ضغط الدم وخصوصا للاشخاص المصابين بمرض فقر الدم.
* تجويع الجسم لفترات يؤدي الي انخفاض عملية الأيض.
فعمليه تجويع الجسم لفترات طويلة تؤدي الي إفراز عصارة المعدة الحامضة التي تؤدي إلى غشاء المعدة والمريء، فتسبب الحرقان في المعدة.

لذا ينصح بالتالي:
تجنب المقليات والأكلات الحريفة.
تجنب الأكل بأوقات متأخرة وتقليل الكافيين والبعد عن الحلويات والملح.
يجب التركيزعلي الالياف والخضروات والفواكهه وشرب المياه بكميات كبيرة لتلاشي الإمساك اثناء الدايت في فتره الصيام.
يجب تطبيق هذه الإرشادات ايضا لكبار السن والاطفال والحوامل.
التركيز على الأسماك والتونة والمشروم والبطاطا حيث أنها أطعمة تحتوي على نسبة عالية من الألياف تجعل من الشخص يشعر بالإشباع لفترات معقولة.
ممارسه الرياضة يوميا ساعة على الاقل بعد الأكل بساعتين لتحفيز عملية الحرق.

https://www.dostor.org/2411723?fbclid=IwQ0xDSwOVqVQBHfj18AFBywNvsUp-4ILDBza7g6PoyJDSpmIsNGWEfcER5UZclnqBQOzedg

26/11/2025

💔💔
من البدايه الناس محتاجه تأهيل تبقي سويه تخلف و لا لا
علشان ولا تطلع جيل مريض او بنت مش عازفه حقوقها و بيتم تعنيفها و غرقانه في التعذيب
كفايه جيل مريض و غير سوي
خليكي واعيه بحقك كأنسانه
لا يتم تعنيفك باي شكل من الاشكال سواء جسدي او لفظي او معنوي
متسبيش حد يستغلك
متسبيش حد يهينك او يضربك او يخوفك
اختاري شريك حياه آمن عاوز يكون اب وزوج مش علاقه في السر

إلى ذكرى كل واحدة فقدت حياتها بسبب العنف المنزلي.
انتي عايشة في قلوب كل اللي بيحبوك.
خذلناك. حقك علينا ... ماقدرناش نحميك.
ذكراك هتفضل قوة بتدفعنا نحارب العنف بكل أشكاله،
علشان نخلّي العالم أمان أكتر لكل الستات.

25/11/2025

🎯 يلا نجهز للـ 40: خطة الطوارئ عشان نكون في التوب!

سن الـ 40 ده مش مجرد رقم، دي بداية جديدة محتاجة منك شوية تجهيزات وشغل جامد عشان تستقبلي أحلى سنين في حياتك وأنتِ في كامل قوتك! مستعدة تكوني في أحسن فورمة؟ دي خطة سريعة ومهمة جداً.

💡 7 خطوات لازم تعمليها قبل ما تكملي 40 سنة:

1. صحتك أولاً... ومفيش هزار! (التشيك أب الدوري)
• تحاليل كل سنة: اعملي "تشيك أب" كامل للدم والسكر والكوليسترول ووظائف الكلى والكبد. الوقاية خير من العلاج، بلاش تستني الأعراض تظهر.
• عضمك وعضلاتك: المشي لوحده مش كفاية. لازم تعملي تمارين مقاومة (شيل الأثقال الخفيفة أو تمارين وزن الجسم) عشان تحافظي على كتلة العضلات وعضمك يفضل قوي.
• النقطة اللي بجد أهم (لكل ست): الاطمئنان المبكر على الثدي. ضروري تروحي لدكتورة النسا أو مراكز الأشعة عشان تعملي الفحص الذاتي والفحص الدوري اللي تحدده الدكتورة (زي الماموجرام) بشكل منتظم. الاكتشاف المبكر لسرطان الثدي معناه إن نسبة الشفاء بتكون أعلى بكتير جداً!

2. إعادة ضبط أكلِك
• وداعاً للسكر المستخبي: راقبي كويس كمية السكر والكربوهيدرات اللي بتدخليها لجسمك. تأثيرها على طاقتك ووزنك بقى أقوى في السن ده.
• ركزي على البروتين والألياف: كلي بروتين كويس عشان تحافظي على عضلاتك، وألياف عشان معدتك تبقى مرتاحة. جسمك محتاج دلوقتي "وقود سوبر" عشان يشتغل صح.

3. استثمري في دماغك وراحتك
• دربي مخك: خصصي وقت تتعلمي فيه مهارة جديدة، أو تقري في مجال مختلف تماماً عن شغلك. العقل زي العضلة بالظبط، محتاج تمرين مستمر.
• نوم هادي: خلي نوم 7-8 ساعات ده أولوية ميتناقش فيها. قلة النوم بتعلي هرمون الكورتيزول (هرمون التوتر) وده بيبوظ كل حاجة، من مودك لحد وزنك.

4. حطي حدود قوية في علاقاتك
• صفي علاقاتك: ابعدي خالص عن الناس اللي بتسحب طاقتك السلبية (Vampires). الـ 40 دي سن "الجودة" مش "الكمية" في الأصحاب والمعارف.
• قولي "لأ" بكل وضوح: اتعلمي تقولي "لأ" للالتزامات اللي مش مهمة أو مش بتضيفلك حاجة. وقتك أغلى من كده.

5. مراجعة الخطة المالية
• الأمان للمستقبل: هل عاملة حسابك كويس للتقاعد أو الاستقلال المالي؟ راجعي استثماراتك وخطط الادخار بتاعتك.
• فلوس الطوارئ: لازم يكون معاكي مبلغ يغطي مصاريفك الأساسية لمدة 6 شهور على الأقل. عشان لو حصل أي مفاجأة تبقي مستعدة.

6. خطة "الشغف" للخمس سنين
• إيه اللي نفسك فيه بجد؟ اكتبي قائمة بأهم 5 حاجات عايزة تعمليها في الـ 5 سنين اللي جاية (سواء سفر، مشروع جديد، أو هدف شخصي).
• ابدأي دلوقتي: بلاش تأجلي الشغف ده. كل ما بدأتي بدري كل ما كان إحساسك بالإنجاز أحلى.

7. ارمي فوضة الماضي
• الفوضة اللي في البيت وعلى الموبايل: تخلصي من كل الحاجات اللي مبقتيش تستخدميها أو محتاجاها. نظفي ملفاتك، صورك، ورسايلك. مساحة فاضية في بيتك ودماغك = دماغ رايقة ومستعدة.

قولولنا في الكومنتات: إيه أهم خطوة عملتيها عشان تستعدي لسن الـ 40 أو إيه النصيحة اللي تحبي تضيفيها للقائمة دي؟

#الأربعين #نضج

23/11/2025

لكل سيده جميلة عدت ال٤٠ اعملي الخطوات دي لو عاوزه يومك هادي و تعيشي بصحه نفسيه و جسديه

*اصحي اشربي مياه دافيه و سيبي موبايلك خالص

*البسي لبس مريح و ميكب هادي و كوتشي مريح

*اسمعي موسيقي هاديه بتحبيها
او اغاني تديكي طاقه

*كلي اكل صحي من بعد ما تصحي بساعتين

*حطي To do list و خلصي حاجه حاجه عشان تحسي انك انجزتي

*اول ما تجيلك فكره تضايقك قولي لنفسك مفيش دليل و كل حاجه هتبقي كويسه

*امشي نص ساعه يوميا لو فيه مساحه لكده

*ابعدي عن الناس الشكايه البكايه و شوفي اخبار ايجابية

*حضري اكلك بنفسك و استمتعي بكل حاجه بتعمليها خلال يومك

*متنسيش تشربي مياه و تبدئي يوم يومك بهدوء

*متشربيش كافيين كتير عشان الكورتيزول يهدا لو حاسه بتوتر

*العبي اي رياضه زي تمارين المقاومه و استرتشات عشان تفكي جسمك

*قبل ما تنامي اعملي meditation هتتبسطي بيه اوي و مش هتبطليه

*اعملي كل دا كعاده يوميه لحد ما تلاقي نفسك بتعمليه بدون ضغط

Coach Marian nakhla 🙏🏻

18/11/2025

حب نفسك, شجع نفسك, افرح باللي في ايدك
عد كم نعمه ربنا اديهالك
لما تقع و لا يهمك قوم تاني
انسي اللي سابوك في نص الطريق, بكره ربنا يبعتلك اللي يمسك فيك لاخر العمر
انسي اللي موقفوش جنبك
عيش كل يوم كأنك اول مره تعيش،
متمشيش ورا افكارك اللي بتسوحك و ترجعك لورا ١٠٠ خطوه
تخنتي و جسمك باظ؟ و لا يهمك لسه فيه حل و امل
اختبر افكارك هي سلبيه و لا ايجابيه و ارمي السلبي منها
حبي شكلك و متحاوليش تبذلي مجهود رهيب عشان تغيريه و اللي علي مقاسك هيفضل
اصحي اشكر ربنا علي صحتك و بيتك و النفس اللي لسه بتتنفسه
مش لاقي نفسك و لسه هتبدأ من جديد؟ و لا يهمك it’s not too late
بصيت حواليك ملقتش حد غيرك؟
اشكر ربنا انه كشفهملك و اتعلم الدرس للي جاي
اتخذلت و اتظلمت من اقرب الناس؟ متزعلش نفسك ربنا شايف حروبك و هيدافع عنك
خسرت شغلك؟ متزعلش ابدا من جديد و ربنا هيراضيك
شجع نفسك لو مفيش حد يشجعك

الخلاصه اوعي تستلم مهما حصل
ابدأ رحله وعيك حتي لو بتقع كل شويه.. ارجع قوم تاني
عمرك دا مش هتعيشه مرتين
هي مره واحده بس!
يا تعيشه بجد ياما هتموت و انت عايش😊
يوم جديد بأمنيات جديده❤️

17/11/2025

⛔ جرثومة المعدة مش مجرد “بكتيريا”!

ناس كتير فاكرة إنها حاجة بسيطة… لكن الحقيقة إنها عدوى بتعيش جوا المعدة سنين وتعمل التهاب وتلخبط الهضم والحركة والراحة كلها.

الجرثومة مش بس وجع معدة…
دي بتعمل:

• التهاب في بطانة المعدة
• لخبطة في الهضم والشبع
• ارتجاع ومرارة
• انتفاخ وضغط على المعدة يوصل لدوخة أو خفقان بسيط
• شبع سريع جدًا
• غثيان خصوصًا الصبح

أعراض كتير بنحسها ومش بنربطها إنها من جرثومة المعدة!

💛 إزاي بتعيش جوا المعدة؟

المعدة حمضية جدًا… المفروض تموت فورًا.
لكن جرثومة المعدة “شغل مخها” بثلاث خطوات:

✔️ 1) تفرز إنزيم Urease

يقلل الحمض حواليها هي بس… فتعيش مرتاحة.

✔️ 2) تدفن نفسها في طبقة المخاط

فتبقى مستخبية من المضادات.

✔️ 3) تهاجم خلايا بطانة المعدة

وده اللي يسبب الالتهاب والوجع والمرارة.

😮‍💨 الأعراض اللي ناس كتير مش بتربطها بالجرثومة:

• شبع من أول معلقة
• مرارة بالفم
• انتفاخ حتى بعد أكل بسيط
• غثيان الصبح
• خفقان بسيط مع الأكل (من الانتفاخ)
• صداع
• خمول بعد الوجبات
• ألم أعلى البطن أو في الظهر من الخلف
• جوع مفاجئ بسبب لخبطة حركة المعدة

🎯 التشخيص الصح

❌ تحليل الدم = مش بيحدد العدوى النشطة
(يفضل إيجابي حتى بعد الشفاء)

✔️ تحليل براز (Antigen)
✔️ اختبار النفس Urea Breath Test
دول أدق اختبارات.

💊 العلاج الصح

العلاج مش “مضاد وخلاص”…
العلاج خطة كاملة:

1) مثبّط الحمض (Nexium / Pariet / Pantazol)

أهم خطوة في العلاج.

• قبل الفطار بـ 30 دقيقة
• ولو الحالة قوية → قبل العشا كمان

ده بيساعد الجدار يهدى والمضاد يوصل للجرثومة.

2) مضادين لمدة 14 يوم

✔️ Amoxicillin
يقلل مقاومة الجرثومة ويخليها ضعيفة.

✔️ Clarithromycin أو Metronidazole
ده اللي يقتلها فعلًا.

مرتين يوميًا لمدة 14 يوم بدون تفويت.

3) Sucralfate

لحماية وترميم بطانة المعدة بعد الالتهاب.

قبل الأكل بساعة أو بعده بساعتين
3 مرات يوميًا لمدة 10 أيام.

4) البروبيوتيك بعد الكورس

Florastor أو Align
مرتين يوميًا 10–14 يوم
علشان الهضم يرجع طبيعي بعد المضاد.

5) Gaviscon

بعد الأكل أو قبل النوم للتقليل من الارتجاع.

🥗 الأكل اللي يساعد على الشفاء:

• كوسة – جزر – بامية – سبانخ مطبوخة
• بطاطس مهروسة
• سمك أبيض
• فراخ مسلوقة
• تفاح أو موز أو كمثرى
• رز – مكرونة سادة
• زبادي لايت – جبنة قريش – رايب

هتريح معدتك وتقلل الالتهاب.

🔴 الأكل اللي يهيّج المعدة:

• ليمون – صلصة – مخلل – خل
• مقليات – شوكولاتة – دهون كتير
• قهوة – شاي تقيل – كاكاو
• فول – حمص – عدس – كرنب – بروكلي
• شطة – فلفل – بصل وثوم نيّ – شيبسي

🔍 علامات التحسن:

• المرارة راحت
• الانتفاخ قل
• الشبع السريع اختفى
• النفس بقى أهدى
• غثيان الصبح اختفى
• راحة في أعلى البطن

⚠️ إعادة التحليل:

بعد شهر كامل
وإيقاف المثبط 10 أيام قبل التحليل.

💛 الخلاصة:
جرثومة المعدة مش حاجة بسيطة…
هي عدوى ذكية بتعرف تعيش وتسبب التهاب طويل.
وعلاجها خطة كاملة:
نهدي الحمض → نكشفها → نقتلها → نرجّع الجدار يلتئم → نصلّح الهضم

متاح متابعه اونلاين من داخل و خارج مصر
Coach Marian Nakhla

13/11/2025

تعالوا منضيعش وقت و نبدا نخس شويه
اول حاجه تعملها انك تاخد القرار انهارده
هقولكم علي ١٤ نصيحه لو عملتوها هتخسوا من ٧ ل ١٠ كيلو في الشهر👌

١- اصحي اشكر ربنا و كن ممتن علي نعمه واحده كل يوم
و متسبش حد ينسيك ان ربنا محاوطك بنعم كتير ملهاش اول من اخر👏🏻

٢-اشرب مياه علي الريق من كوب الي ٢ كوب و ياريت يكون دافي عشان نحافظ علي الكبد بتاعنا👏🏻

٣- افطر و اتغدا برغيف سن طري او نص رغيف بلدي و ياريت لو تمنع الدقيق الابيض خالص👏🏻

٤-خد معلقه عسل ابيض علي الريق صغيره و لو ضغطك بيوطي يبقي اكتفي بالمياه و دوا الضغط🥹

٥-خلي فطارك بروتين زي البيض المسلوق و الجبنه الملح الخفيف و معاه كابوتشا او خس و متنساش المياه خلال اليوم و خليك فاكر ان اهم وجبه في اليوم الفطار👏🏻

٦-بدل العيش الابيض و الرز و المكرونه بعيش و رز بني قليل السعرات لو فيه امكانيه👏🏻

٧-امضغ الاكل براحتك و انت بتاكل لان بعد ٢٠ دقيقه معدتك بتدي اشاره لعقلك انها شبعت و كده تمام متدخليش اكل تاني بقي😀❤️

٨-خلي الغدا مشويات او مسلوق و شهر واحد بس وقف اي اكل مسبك و تقيل و مليان دهون ضاره و هتشوف الفرق👏🏻

٩-اشرب قهوه من مره لمرتين في اليوم بس خلي اخرك الساعه ٥ مساء عشان تعرف تنام كويس👏🏻

١٠-اتمشي في اليوم من ٣٠ د ل ٤٥ د و هتشوف الفرق الرهيب في نفسيتك و طاقتك👏🏻

١١-خلي وجباتك صغيره بس كتير😳
يعني تاكل كل ساعتين وجبه صغيره اوي او اسناكس و لو عاوز تعرف زي ايه سيب كومنت و هقولك زي ايه👏🏻

١٢-كل خضار و ورقيات و حبوب كامله و لو عندك القولون اشرب مياه و سوايل كتير ووقف اي حاجه فيها جلوتين👏🏻

١٣-وقف منتجات الالبان لو فيه اي لخبطه في الهرمونات او مناطق تهزين الدهون و العب رياضه في البيت زي تمارين الكارديو و المقاومه👏🏻

١٤-نام كويس .. نام كويس .. نام كويس مش هوصيك تنام كويس🙂 عشان نفسيتك و جسمك و حرقك👏🏻❤️

صباحكم لطيف زيكم❤️

29/10/2025

التخسيس مش مجرد ترند
دا عاده و لايف ستايل لازم تعيش بيه
مش كام يوم و ترجع تبوظ تاني
الصحه نعمه غاليه لازم نحافظ عليها
لو عاوزين تبدأو بنشجعكم تبدأو و نبدا مشوار صحه مع بعض

للحجز او الاستفسار يرجي التواصل علي
01013989181

متاح متابعه اونلاين من اي دوله خارج مصر
#تخسيس #صحة
#لايفستايل
#صحتك
#سمنة
#نحافة
Nutritionist MarianNakhla

29/10/2025

متاح متابعه اونلاين من جميع الدول

التفاصيل خاص

المتابعه لكل حالات السمنه و النحافه

الاطفال بدايه من ٧ سنين

الحوامل
للحجز او الاستفسار يرجي التواصل علي الخاص او علي
010 13989181

21/10/2025

تعبتي من محاولاتك الفاشلة لإنقاص الوزن؟
بتدوري عن حل علميا وفعال للوصول إلى وزن مثالي؟
مفيش داعي للقلق
في مركز Herba Life، هنفتح لك باباً جديداً نحو الصحة والرشاقة.
نقطة ومن أول الدايت
دلوقتي تقدري تتابعي معانا و تخسي اونلاين

بواسطة فريقنا المتخصص في التغذية، هنقدم لك خطة غذائية مصممة خصيصاً لاحتياجاتك الفردية وأسلوب حياتك.
سواء كنتي تعاني من السمنة أو ترغبي فقط في تحسين توازنك الغذائي، إحنا هنا علشان نوجهك خطوة بخطوة ناحية أهدافك.

🏋️‍♂️وكمان مع متابعة دورية ومواعيد تقييمية، نحرص على تحفيزك ودعمك طوال رحلتك في إنقاص الوزن.
بنؤمن بأن النجاح يبدأ بالتخطيط الجيد والمتابعة المستمرة.

للحجز و الاستفسار يرجي التواصل على
01013989181 📞

#بوتكس #فيلرر #ميثروثيرابي
#ديرما
#تخسيس #تغذية