https://www.facebook.com/329927910207185/

أمنية أيمن ـ Omnia Ayman

Home
Egypt
Cairo
أمنية أيمن ـ Omnia Ayman

سكن | مساحة آمنة للقبول والتراحم والأمانة
🔸جلسات دعم نفسي فردية
🔹 علاج معرفي سلوكي (CBT)
01017039947📞

31/01/2026

الجلسة النفسية مش علشان تطلع منها مبسوط،الجلسة علشان تطلع منها محقق نتيجة لازم يكون فيه مجهود وألم وقلق ودموع 😑 لكن كل دي ملفات مسير وجعها يخف ومع الوقت بتحس بمتعه خطواتك ووصولك لصورة تستحق تعيش بيها و إحساس حقيقي بالهدوء والسكينة 🤍

#سكن

29/01/2026

لما أفكارك تسيطر عليك😔

الـ OCD مش بس حب ترتيب أو نظافة.
ده اضطراب بيخلي دماغك مليان أفكار مزعجة ومتكررة،
وتلاقي نفسك بتعمل حاجات معينة تحاول تهدي القلق، بس مش دايمًا تنجح.
يمكن أصعب ما فيه إنك تعرف إن الأفكار دي مش منطقية… ومع ذلك مش قادر توقفها.
لكن بفضل الله الأمل دايمًا موجود
الـ OCD بيتعالج بأساليب عملية تساعدك تتحكم في أفكارك بدل ما هي تتحكم فيك..

تابع...
#سكن

28/01/2026

تعرف إيه عن الاضطراب ده ؟💭👀

27/01/2026

يمكن أكتر حاجة محتاجاها دلوقتي
إنك تفهمي نفسك... مش تجلديها 🤍

26/01/2026

التعب مش نهاية التعب دليل إنك إنسان،
حاول، وحس، واتوجع… ولسه مكمل مش هيخلي الظروف تكسره ❤️‍🩹...

25/01/2026

الضغط النفسي مش بيغيّر شخصيتك،هو بس بيكبّر أسلوبك في التعامل.
👈 الهادي يكمّل كتمان
👈والمندفع يزيد اندفاع
أذكى تعامل؟
نطلع الضغط بدري
قبل ما يتحوّل لسلوك يوجعنا أو يوجع غيرنا.
الاتزان مهارة… بتتعلّم.

24/01/2026

🌙 قبل النوم
قبل ما تنامي…خدي بريك لنفسك شوية.
مش علشان تحاسبي نفسك،ولا تعيدي اللي حصل،
بس علشان تسمعيها.
اسألي نفسك بهدوء:
إيه أكتر إحساس مسيطر عليا دلوقتي او إيه أكتر حاجة زعلتني ؟
_سمي الشعور بدون إصدار أحكام
من غير تصليح،من غير لوم.
_خدي نفس عميق،وقولي: انا ملاحظة اني حاسة بـ( التعب ، الالم ، الخذلان ، الحزن......)
انا بسمح للشعور بالوجود بدون مقاومة
انا بعطي الشعور مساحته
و انا بسمح لنفسي بالأمان الداخلي العميق .

خليكي فاكرة دايمًا الشعور مش محتاج أكتر من عدم مقاومته علشان يتحرر .
افتكري دائما أن جهازك العصبي اللي اتعود علي وضع الطوارئ والخطر مش محتاج اكتر من لمسة هدوء وتقبل وفهم علشان يهدي .
والنوم من أكتر الحاجات اللي بتهدي اعصابك
النوم مش هروب، النوم منطقة راحة وأمان كل ما تطمني روحك كل ما نومك يبقي أهدى عقلك أهدى
أعصابك أهدى .
تصبحي على هدوء وسكينة.

23/01/2026

♥️♥️♥️

22/01/2026

**"بنلف في دواير والدنيا تلف بينا
دايمًا بننتهي لمطرح ما ابتدينا
طيور الفجر تايهة في عتمة المدينة
بتدور
بنلف في دواير، ندور على الأمان
ونلاقينا رجعنا تاني لنفس المكان"**
عمرك حسّيتي إنك بتلفي في حلقة مفرغة من القلق؟
الكلمات دي بتوصف مرضى القلق.
القلق حلقة مفرغة من المشاعر،مشاعر ما بتخلصش هي بس بتغير شكلها.
تفتكري إن أول ما المشكلة تتحل يبقى خلاص القلق راح،وفجأة تلاقي عقلك جاي لك بموضوع تاني تقلقي بسببه ويقولك:
يلا حلي الأزمة
يلا بسرعة
يلا الخطر قرب.........
مهما قولتي: مش هقلق، أنا تمام،ولا كأنك قولتي حاجة أصلًا.
لأنك عاملة زي المروحة اللي شغالة على أعلى سرعة من غير توقف .
علشان كده حل القلق
مش إنك تسكتيه لكن إنك تقفلي — أو على الأقل — تتعلمي تتعاملي مع زرار المروحة نفسه.
مش بالمسكّنات
مش بكلام تنمية بشرية
لكن إنك تكتشفي السبب
تعرفي مدى شدة المشاعر
تعرفي إرثك النفسي إيه
وتفهمي تأثير صدماتك.
إنك تشتغلي على نفسك مش تشتغليها ✌️😁
ولو مش قادرة تعملي ده لوحدك،ارجعي لمتخصص
يساعدك بالجينيـوجرام و SER-HST،علشان تعالجي إرثك النفسي وصدماتك.

21/01/2026

بطّلي تعانديها

عايزة تتقبّلي نفسك؟ ابدئي من هنا 👇
• بطّلي تقارني نفسك بحد
كل واحد ماشي في توقيت مختلف، وتأخّرك مش فشل.
• افصلي بين قيمتك وأخطائك
غلطك مش تعريفك، ده درس بتتعلّمي منه.
ربك غفور رحيم…
إنتِ مش أولى بالرحمة على نفسك؟
• اسألي نفسك: أنا محتاجة إيه دلوقتي؟
مش: المفروض أعمل إيه.
• اعترفي بتعبك من غير ما تجلدي نفسك
التقبّل مش استسلام التقبّل👈 نقطة بداية.
• خطوة صغيرة كل يوم
التقدّم مش قفزة، التقدّم استمرارية.

لما تتقبّلي نفسك
هتبطّلي تعانديها،وساعتها التقدّم هيبقى طبيعي مش مجهود

20/01/2026

حاسس إنك غرقان في أخطائك؟
حاسس إنك لوحدك في زحمة ذنوبك؟
وإنك شايل همّ العالم على قلبك، وكل ما تحاول تقوم، تلاقي ذنوبك وفشلك قاعدين بيضغطوا على قلبك؟

بص،الرحلة مش سهلة.
بس مفيش حد فوق الأرض معصوم من الغلط.
والخطوة الأولى للتعافي مش إنك تكون كامل، لكن إنك تبقى صادق مع نفسك.

ابدأ بخطوة صغيرة، واحدة بس: استغفار، توبة، دعوة من قلبك.

ربنا مش بيزهق منّك، ولا بيقولك "كفاية".
ده هو اللي قال:
"قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ".

ارحم نفسك شوية، وسيب مساحة للنور يدخل قلبك.
مش مهم عدد مرات السقوط، المهم قوة الرجوع "🤍"

19/01/2026

فيه فرق بين إنك تتقبلي وفرق بين إنك تتحملي..
التقبل
إنك تشوفي الواقع زي ما هو،وتختاري تتعاملي معاه بوعي
من غير ما تكسري نفسك.
التحمّل
إنك تفضّلي ساكته،وتكمّلي وإنتِ موجوعة،وتقولي:
مش مهم أنا.
"التقبّل بيحافظ عليكِ التحمّل بيستنزفك،حتى لو باين إنك قوية"

Address

Cairo

Website

facebook.com

Alerts

Be the first to know and let us send you an email when أمنية أيمن ـ Omnia Ayman posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to أمنية أيمن ـ Omnia Ayman:

Shortcuts

Want your practice to be the top-listed Clinic in Cairo?