Lung Care Clinic - عيادة دكتوره ريهام حازم رأفت لأمراض الصدر والمناظير

22/09/2025

بوست مفتوح للأسئله الطبيه الصدريه
وحنختار منها لعمل فيديوهات قصيره تفيد كل الناس
#



#دكتور
#طبيب

22/09/2025

بوست مفتوح للأسئله الطبيه الصدريه
وحنختار منها لعمل فيديوهات قصيره تفيد كل الناس
مع تحياتى

18/09/2025

أحب أسمع تجربتك مع العيادة شرفتنا بالزيارة امتى ؟ وكانت التجربة جيدة بالنسبالك ولا لا ؟ ويا ترى اكتر حاجة لفتت نظرك أو لاقدر الله ضايقتك ؟ لو حابب توجه لنا نصيحة أو مقترح نكون سعداء إننا نسمعه ❤️
مع تحياتى

18/05/2025

#كورونا
كورونا راجع تاني؟! ولا إيه الحكاية؟🤔
خد بالك... في موجة جديدة من فيروس كورونا بدأت تضرب جنوب شرق آسيا وبالذات في هونغ كونغ وسنغافورة بسبب سلالة جديدة اسمها JN.1 والناس هناك بدأت تقلق جدًا!😷

⛔️ في هونغ كونغ لوحدها تم تسجيل أكتر من 15 ألف حالة إصابة بالسلالة الجديدة خلال أيام قليلة
⛔️ في سنغافورة الحالات بتزيد بسرعة والسلطات طالعة تحذر من موجة تفشي جديدة مع دخول الصيف

*طب إيه هي السلالة دي JN.1🤔⁉️

دي واحدة من السلالات المتفرعة من أوميكرون😷

بتنتشر بسرعة جدًا أكتر من السلالات اللي قبلها

*أعراضها لحد دلوقتي بتشبه دور البرد (كحة، عطس، إرهاق، سخونية) بس ممكن تبقى شديدة على كبار السن والأطفال أو الناس اللي عندهم مناعة ضعيفة

منظمة الصحة العالمية صنفتها إنها “تحت المراقبة” لكنها مش أخطر من باقي السلالات... بس سرعة الانتشار هي المشكلة

*والسؤال اللي يهمنا🤔🤔
هل في حالات في مصر؟
✅ لحد دلوقتي، مصر ما سجلتش أي حالات إصابة بالسلالة الجديدة JN.1 وده شيء يطمن... بس لازم ناخد احتياطنا لأن السفر رايح جاي، والفيروس مابيستأذنش

*نحمي نفسنا إزاي✅️👇👇👇

الكمامة في الأماكن الزحمة والمغلقة

اغسل إيدك كويس وبشكل منتظم

لو حاسس بأي أعراض مش عادية بلاش تستهون واكشف

حافظ على مسافة آمنة من الناس في الأماكن العامة

خليك دايمًا فاكر إن المناعة بتبدأ من النوم الكويس والأكل الصحي وشرب المية

معلومة مهمة👌💯
اللقاحات اللي موجودة حاليًا لسه بتحمي لحد كبير من الأعراض الشديدة حتى لو في تحورات

الفيروس لسه موجود... بس الوعي هو خط الدفاع الأول خليك واعي... وخلي غيرك كمان يعرف

01/04/2025

05/02/2025

٤
ضغط الدم القاتل الصامت
- راجل طيب جاي الطوارئ بـ سكتة دماغية..
قيسناله الضغط لقيناه 240/130..
عملنا أشعة مقطعية لقينا نزيف أد كده في مخه..
وعياله بيقولوا كان لسه راجع من الشغل وقاعدين بنتعشى سوا وفجأة وقع مننا.. ولما سألتهم هو 👈 مريض ضغط 👉
قالوا اه بس بقاله اسبوع ما اخدش العلاج.. وطبعاً دا اللي سبب له النزيف..

- والحقيقة إن نص المرضى اللي بييجوا الطوارئ، أو اللي محجوزين في الرعاية بيبقى سبب مصايبهم
👈 الضغط أو السكر 👉 ودا أنا بشوفه بعيني يومياً.. لو دخلت أي غرفة طوارئ أو أي وحدة رعاية هتلاقي نصها سكتات دماغية، جلطات قلب، غيبوبات سكر، فشل كلوي... وكلهم وراهم ضغط أو سكر أو الاتنين مع بعض..

- الضغط اسمه القاتل الصامت.. ودا اسم حقيقي جداً.. عشان المرض دا مالوش أي أعراض.. محدش بيشخصه إلا بالمتابعة الدورية أو بعد ما حاجه من مضاعفاته تحصل.. عشان كدا لازم أي حد فوق الـ 35 يقيس ضغطه مرة كل شهر على الأقل، عشان يتطمن إن ماعندوش ضغط..

- من فترة قريبة كان محجوز معانا شاب 37 سنة، كان جاي بوجع رهيب في صدره، ولما عملنا أشعة بالصبغة طلع عنده إنسلاخ في الأورطي.. ولما قيسنا الضغط لقيناه 220/100 وهو مايعرفش إنه عنده الضغط أساساً.. ويدوب قعد معانا في العناية يومين ومالحقش يدخل العمليات ومات..

- عشان كدا دايماً نقول إن كل الناس لازم
👈 يقيسوا الضغط بشكل دوري👉.. لما ضغطك يعلى مش لازم عينك تزغلل ولا تصدع.. أنت ممكن ضغطك يكون فوق الـ 200 وانت قاعد عادي خالص..

- الضغط مش مرض نادر.. آخر إحصائيات بتقول إن أكتر من 26% من المصريين عندهم الضغط.. يعني كل 4 بيقرأوا البوست دا دلوقتي فيهم 1 عنده الضغط.. ودا رقم مهول طبعاً..

- ولو حصل وطلع عندك الضغط هي حباية أو اتنين هتاخدهم يومياً هيظبطولك الدنيا ومش هيبقى عندك أي مشاكل.. لو طنشت هتبقى معرض لجلطات ونزيف ومصايب كتير..

- ونخلي بالنا إن مفيش حاجه اسمها كان عندي الضغط وخفيت.. الضغط مرض مزمن لو اتشخصت بيه يبقى لازم تفضل ماشي على العلاج على طول، ولو وقفته لأي سبب ضغطك هيعلى تاني..

- لازم مريض الضغط يتابع ضغطه مرة إسبوعياً على الأقل عشان لو مش متظبط على العلاج بتاعه يغيره.. مفيش حاجه اسمها باخد العلاج لما أحس بصداع أو لما بتعب بس.. مفيش حاجه اسمها بكسل أروح أجيب العلاج .. مفيش حاجه اسمها أنا ضغطي بقى كويس فـ هوقف العلاج..

اللهم بلغت..

مع تحياتى


01021006213 - 01100680080

24/12/2024

٣

حاله جاتلى بتشتكى من ضيق مستمر ف النفس وبيزيد اوى بالمجهود مع كحه ناشفه
الحاله بتتعالج دايما على انها ربو شعبى واتهرت بخاخات وعلاجات ومش بتتحسن
سمعت صدرها كويس وشفتلها نسبه الاكسجين مع المجهود وعملنا اشعه مقطعيه عاليه التقنيه وفعلا المريضه طلعت زى مشكيت فيها: تليف رئوى وبدأنا العلاجةالصحيح مع المتابعه

#الخلاصه
حالات كثير من التليفات الرئويه مش بتتشخص صح خصوصا لو متابعتش مع دكتور امراض صدريه ملم وعارف الحالات دى كويس .. التليف الرئوى لو اتعالج بدرى ممكن يتحسن عكس خالص لو اتساب لما يتطور ..
مهم اوى الحالات دى تتعالج صح وتتابع كويس مع الدكتور المعالج مش تاخذ علاج وتمشى وخلاص

مع تحياتى


01100680080 - 01021006213

18/12/2024

٢

مريضه جاتلى العياده مأزمه أزمه ربويه ومش قادره تاخذ نفسها مع العلم دى ثالث مره اشوفها ف فتره قصيره بالحاله دى مع انها على العلاج الصح بانتظام واضطريت احولها الطوارىء.. لما قعدنا نفضفض كثيييير بعدها قالت انها كرهت حياتها بجد من كثر لف ودوران جوزها عليها وعدم إحساسه بالمسؤوليه الكافيه تجاهها وتجاه اولاده وهى تعبت من التحمل ومهما بتحاول تتناقش باسلوب غير جارح معاه مفيش فايده .. بتقولى هى عايشه بس معاه علشان الاولاد اللى حتى دول مش متحمل مسؤوليتهم ولو فى ظروف تانيه كانت خلعته ..

#الخلاصه
الحقيقه الجزء النفسى سبب كبير جدا فى ان الازمات الربويه متستجيبش كفايه للعلاج ومهم جدا حل جزرى لاى مشكله نفسيه للمرضى دول لانها تعتبر محفز قوى جدا ..
الحاله النفسيه مش بس بتأثر علي المريض من ناحيه مرضه لأ دى ممكن تجيبله أمراض تانيه كثير زى الضغط والسكر والقلب والجلطات بأنواعها ومشاكل المعده والقولون غير الاكراض النفسيه زى الاكتئاب وغير التأثير على الرضاعه لو بترضع وغير تأثيرها على العلاقات مع الاولاد والمقربين لو محدش فهم هى بتمر بإيه ..

#نصيحه
ياريت نراعى بعض ونحب بعض ونعرف ان الحياه الزوجيه مقدسه ولازم تبنى على الامانه والصدق والموده والرحمه والاحترام والثقه ومعرفه كل طرف بمسؤولياته وواجباته كويس قبل ميطلبها من الطرف الآخر ..
الاولاد ملهاش ذنب تعيش حياه كلها ضغوط بسبب ان اهاليهم مش عارفه تقدر المسؤوليه تجاههم ولا معيشينهم ف جو اسرى بيتوتى محترم ..
مش شطاره اللف والدوران واللى بيعمل كده فاكر ان الطرف الاخر مش فاهمه كويس وعارف انه بيلف ويدور ويخبى ويكذب.. الحياه دى عمرها مبتكمل !!
الأب لو مكانش قدوه حسنه لولاده يبقى الأحسن ميبقاش ف حياتهم بدل ميطلعوا زيه !
اخيرا للاهالى ياريت تربوا رجاله صح !








مع تحياتى #



01100680080 - 01021006213

07/07/2024

أو :
برامج وأجهزه مصممه خصيصًا لمساعدة الأفراد الذين يعانون من أمراض الجهاز التنفسي المزمنة زي:
- مرض الانسداد الرئوي الُمزمن
- مرض التمدد الشعبى
- أمراض العضلات شامله عضلات التنفس
- مرض التليف الرئوى
- متلازمه ما بعد كورونا والمشاكل المصحوبه بها
- مرض حساسيه الصدر
- الاشخاص المدخنين حتى قبل ظهور مرض السده الرئويه ..

برامج إعادة التأهيل الرئوي تعمل على تحسين وظائف الرئة وتقليل الأعراض وتحسين طرق المعيشه والتعايش مع المرض

من خلال:
- تمارين التنفس
- تثقيف المريض وتزويده بالمعلومات المهمة عن تقنيات التمارين الخاصة بحالته
- الإرشادات الغذائية و عمل نظام غذائي صحي يحافظ على صحتك
- الدعم النفسي لمعالجة القلق والاكتئاب المصاحبين لأمراض الرئة
- تعديل نمط الحياة عن طريق تثقيف المريض حول مخاطر التدخين والعوامل البيئية المؤثرة على صحة الجهاز التنفسي
- المتابعه الجيده للمرضى وامكانيه عمل جميع الجلسات بالمنزل لراحه مرضانا

#احجز جلستك دلوقتى واستعيد حياتك الطبيعية مرة تانية👌🏻
على واتس اب رقم
01100680080
أو كلمنا على
01100680080 - 01021006213

مع تحياتنا




#اطباء #كورونا #مستشفى #صدريه

26/02/2024

🏥
1- تشخيص وعلاج كل أمراض الصدر🤒 (الكحه والنهجان والألم والسده الرئويه والحساسية الصدريه والتمدد الشعبى وجلطات الرئه والارتشاح البلورى والانسكاب البلورى وتليف الرئه وإرتفاع ضغط الشريان الرئوى وسرطان الرئه والدرن والالتهاب الرئوى وأمراض الصدر المناعية ..وغيرهم)
2- وظائف تنفس (قبل وبعد البخاخ) ووظائف عضلات
3- بذل بلورى (تشخيصى وعلاجى)
4- قياس نسبه الاكسجين بالدم (مجانا)
5- جلسات إعاده التأهيل الصدرى (كورس كامل شامل: 2 جلسه بالعياده وجلسه خارجيه أسبوعيه لمده شهرين مع تنظيم التغذيه) .. جلسات ازاله البلغم من الصدر وتقويه لعضلات الصدر وجلسات نيبوليزر
6- مساعده فى الإقلاع عن التدخين
7- سونار على الصدر للتشخيص والبذل
8- تنظيم عمل منظار شعبى أو منظار تجويف صدرى أو تركيب أنبوبة صدريه أو اخذ عينه بالسونار خارج العياده فى مكان مجهز بالكامل
9- استشاره مجانيه خلال اسبوعين من الكشف مع توعيه كامله بالمرض والعلاج
10- إمكانيه الحجز فى مستشفي اذا استدعى حجز المريض مع متابعته متابعة كاملة وعمل اللازم.
11- استشارات عن بعد اونلاين
12- كشف منزلى عند الحاجه
13- كشف مستعجل عند الحاجه فى غير مواعيد العياده
________________________________
- مدينه نصر: 8ش المهدى بن بركه الحى السابع مدينه نصر بجوار محكمه مدينه نصر

#الصفحه تقدم استشارات مجانية ومعلومات ومقالات وفيديوهات تثقيفيه لك وأسرتك.. ..................................... 01100680080
على يو تيوب
Www.youtube.com/

02/02/2024

توفي مؤخرا طفل عمره 11 سنه ، أخوه اللى كان نايم معاه فى الاوضة بيقول . في وقت متأخر بالليل قام ليتقيأ ( يستفرغ ) ، وقال ان أخوه مسك نفسه بإيده وراح الحمام
بعد القيء ، اشتكى من صعوبة في التنفس
الدكتور قال إنه احتفظ بالقيء حتى وصل إلى الحمام حتى لا يتقيء على السرير أو السجادة ، وهذا ما جعل القيء ينتقل مباشرة إلى الجهاز التنفسي وسد المجاري التنفسية
اترك الأطفال يتقيأون في المكان الذي يريدونه ، ثم يذهبون إلى الحمام . يجب ألا نجبرهم على الإمساك بالقيء حتى يذهبون إلى الحمام .
من الممكن غسل السجاد أو السرير ، لكن لا يمكننا إرجاع طفل إلى الحياة
"ساهم في وصول الرسالة إلى الآباء والامهات لعلنا نكون سببا في إنقاذ حياة احدهم"
مع تحياتى






0110 068 0080- 01021006213