https://www.facebook.com/345313106574323/

Ahmed Ramadan _ أحمد رمضان, المقطم, Cairo (2026)

11/01/2024

‏اللهم بلغنا سماع التراويح ودعوات المصلين ودموع الخاشعين وختم القرآن اللهم بلغنا شهر رمضان نحن ومن نحب في أحسن حال يارب العالمين

04/06/2023

(سوي نفسيا)

دي من أهم الحاجات اللي وانتوا داخلين مشروع الجواز لازم تصمموا انها تكون موجودة في شريك حياتكم....أهم من الفلوس والشقة ...الخ.

بلاش الناس متقلبين المزاج بشكل مرضي ..ولا العصبيين بزيادة....... ولا المتسلطين بزيادة ... ولا اللي عندهم درجات عميقة من الاكتئاب ولفترات طويلة...... ولا الناس اللي بيتلذذوا بأنهم يقللوا من اللي قدامهم ... كل الحاجات دي وغيرها مؤشرات لوجود اضطرابات نفسية

احيانا مش بنقدر نكتشف ده الا بعد الجواز ... لكن احيانا كتير بيبقى ده واضح جدا اثناء فترة الخطوبة .. والتغافل عن أي علامة من علامات عدم الإتزان النفسي الشديدة الوضوح في فترة الخطوبة .... بتدفع تمنه بعد الجواز.

لان وارد جدا انك ماتعرفش تتعامل مع المشكلة دي ..... وممكن تفقد ثقتك في نفسك.... وممكن تتحول انت كمان لإنسان (غير سوي)

في الغالب لما هتتأذي والحياة بينكم تبقى صعبة هاتفضل دايما تسأل نفسك (مين اللي عنده مشكلة ؟.... مين السبب في التعاسة؟....مين المفروض يتعالج؟)

كلنا عندنا مشاكل نفسية...وبدرجات مختلفة ... لكن مادام لسه بتختاروا .... خلوا بالكم ....قبل فوات الأوان.

عافانا الله وإياكم .... وشفى الله مرضانا .

02/06/2023

🖤🖤

02/06/2023

متلبسو كدا وسيبو البناطيل للرجاله.

17/05/2023

بوست طويل شوية معلش إستحملوني ....

بص هقولك علي حاجة ... ركز بقي كده وحياة أبوك إنت و هي .... أنا عارف و حاسس باللي إنت فيه

عارف إنك خلاص جبت أخرك و معدتش فيك نفس تحارب ... عارف إنك بتفكر في الإستسلام عشان معدش باين منطق ولا رجا من ورا الحرب اللي إنت فيها و صامد فيها عناد دي ....

عارف إنك بتفكر في الإنسحاب الشيك ... و مجهز كذا عذر محترم تقنع بيه الناس إنك علي فكرة كان في إيدك تكسب بس إنت اللي قررت تنسحب ....

و عارف إن الحرب مش عادلة ... و إنك مظلوم فيها ...

و عارف إن غيرك إنت شايفه بياخد خطوات و بيتقدم و إنت شايف إنك أحسن منه و انك أحق بالنجاح ده منه ...

و عارف إنك بتسأل ربنا علي إستحياء كده و بتقوله ليه بيتعمل معايا كده ؟؟؟ أنا أه بغلط بس مبأذيش حد ... ليه أنا بتأذي و ليه الظروف معاندة معايا ؟؟؟؟

أنا عارف كل ده ... و حاسس باللي أنت عاوز تقوله ... و حاسس بخليط الغضب و الإحباط و الشعبطة في الأمل اللي جواك و مش مفهومين دول ....

بس نتكلم بصراحة ... ممكن نفضل نفضفض سوا من هنا للصبح ... و أطبطب عليك من هنا للصبح .... بس أخرتها إيه ؟؟؟

هصدمك ... علي قد ما إنت حاسس إن فيه مية سكة و إختيار صدقني هما إختيارين يتم ملهومش أخ .....

‏FIGHT OR FLIGHT

يا تحارب ... يا تنخ و تقعد أو تقعدي في البيت .... و علي حسب إختيارك هتشوف في عنين الناس اللي بتسمعك و متابعاك حاجة من إتنين .... يا إنبهار... يا شفقة ...

عاوز الناس تصقفلك و هما منبهرين بيك ؟؟؟؟ ولا عاوزهم يطبطبوا عليك و يمصمصوا شفايفهم و إنت صعبان عليهم ؟؟؟؟

مبقولكش متزعلش و متحبطش .... لا يا صاحبي بالليل و إنت لوحدك ... إزعل, إبكي , حس بالإحباط ... عضعض في البلاط .... بس تاني يوم الصبح .... تقوم تكمل حرب

و إبقي إزعل لما تروح بيتكم .... و تاني يوم قوم كمل حرب .... لحد ما يجي يوم الناس تشيلك علي إكتافها ....

يا إما محتفلين بيك و بإنتصارك .... يا إما في كفنك و إنت ميت بتحارب ...

لكن إياك تقبل تطلع من الدنيا دي منسحب أو مهزوم ....

و إعرف إن مفيش حاجة بتحصل عبث .... ولا جهد بيروح في الفراغ .... ليك رب إسمه الكريم ... و مش هيسيبك زعلان و مكسور علطول ... مسيره يعاملك بإسمه الكريم ....

و كالعادة ... طالما ربنا سخرني أكتب الكلمتين دول اللي مش عارف سببهم إيه ... و يسرلك تقراهم ... يبقي الكلام ده ليك ....

و خليك دايما فاكر إن في الأخر .... ربك هيراضي الكل ....

22/04/2023

احنا جيل اتربا علي مسلسلات وافلام الزمن الجميل
المسلسل والفيلم كان بيوصل رساله محترمه راقيه
لتعليم الناس الذواك والاحترام والحلال والحرام
والتربيه والآداب كان فيه حيأء

جعفر لا ينفع عمده ولا حتي غفير
ممكن أعرف فين الإنبهار والإعجاب بمسلسل بيحكي إن واحد بيحكم بين الناس والمفروض إنه حكيم وعاقل ، ولما بيحصل معاه مشكلة بيقف بالكلسون يتعارك في الشارع ويقول ألفاظ مشينه ، وبيسلف الناس بالربا يعني ربا فاحش ،

وقال إيه متجوز أربعة بأسلوب قذر جدا ،
حطم صورة الست خالص وخلاها مجرد رقم في جدول وللاسف محدش خد بالو من كده

واللي متجوزهم عاملين جدول وفرحانين بيه واللي عليها الدور تطلع له فوق في شقته بأسلوب متدني
"شغل جواري لا مؤاخذة" وكان الزوجه أصبحت مجرد إداة للتفريح والخدمه دون أي اعتبار لكرامتها
الغريبه أن الناس فرحانه بكده ..حابين الذل ده والاستعباد وبيرجعوا يدوروا علي حق المرأة والأسرة
،
لأ وإيه تهديده لو واحده غلطت معاه يطلقها ،
والقصة إن إبنه اتخطف وعايز يرجعه ؛

ماشوفناهوش مرة دخل جامع ولا مسك مصحف ويقرب من ربنا عشان يكرمه ويلاقي إبنه ويطلب من ربنا المدد

الإعلام عايز كده ، عايز يخلق لنا شئ من الخيال الخطأ ، ويرسخ في أذهاننا معتقدات سافلة ،
عايز يلغي حاجة إسمها الحلال والحرام والعملية تصبح بزرميط ؛
لازم نفهم وندرك جيدا إن الربا حرب مع ربنا ،
وإن الزواج له أسلوب محترم ، وإن الست ملكة في بيتها بتعدد أو من غير تعدد ،
وإن الحكم بين الناس له الهيبة والإحترام المتبادل وفي إطار الشرع والدين ،
أنصح نفسي وإياكم والقلوب الوفية بلاش
ننجرف مع القذارة والسفالة دي 👏🏽

01/04/2023

زمان كان اما يجى ضيف كنت تسمع أبوك ينادى ويقول السكه ياولاد

ولو الضيف أكل عندك وجه يقوم عشان يغسل إيده تلاقي حاله طوارئ فى البيت

الحريم تدخل المطبخ او اوضه وتسمع خبطه امك او اختك عالباب وهى بتقول الشاى ويدخل الضيف ويخرج من غير مايشوف أهل البيت

النهارده نشوف الست عامله بث مباشر من مطبخها وأوضه نومها والاغرب ان ممكن يكون جوزها الل بيصورها ومبسوط بالايكات والمشاهدات، زمان كان فى دين ونخوة مش قلة أدب وقله حياء.
#استوصوابالنساءخيرا

30/03/2023

إنسانه عنيده و التجارب الصعبة اللي عشتها والتحديات اللي وجهتها علي قد ما كسرتها لكن خلتها قويه جدًا، هي مش "قاسية" بالعكس دي جواها ضعف آلدنيآ وبتتأثر بأي حاجه لكن !! التجارب قوتها خلتها حد مش بيجي بالصوت العالي ولا بالأمر ولا بالمقايضة لو مش هتعملي كذا آنا كمان مش هعمل كذا !! النوع ده من "البنات"
لو روحها فيك' ولقيتك بتتعامل معاها بالطريقه دي هتعند معاك أكتر هترفض حتي وجودك في حياتها لأنها من كتر آلوجع والخذلان ، خلوها مبقتش تخاف خسارة حد لأنها طول ما هي حاسه إنها مش غلطانه ولا " مقتنعه " بالكلام اللي بتسمعه مش هتعمل حاجه تحت اي
تهديد هتخسرك انت نفسك لانها مش هتخسر نفسها ولا اي حاجه فيها تاني بقي عندها رفض تام لائ حد يتعامل معاها "بقسوة" واللي عايزها في حياته يتقبلها زي ما هي بكل حاجه فيها . يتقبل اي سوء هو شايفه في شخصيتها ، قبل اي حاجه حلوه شايفها و عايزها فيها .

19/03/2023

صاحبة الرسالة دي ف قلبي بس انا الارتباط عندي يسبقه سؤال بيت اهلك منين انا ولا مرة ارتبط ببنت إلا لما دخلت بيتها وطلبتها من أهلها وارتضيت مع أهلها ف الاتفاقيات بخلاف كده لاء مستحيل اقبل عليكي تخافي تتكلمي معايا و تخرجي معايا وانتي خايفه حد يسمعك او يشوفك مستحيل تكوني تعبانه وانا مش عارف اجيلك واقولك سلامتك ومعلش وخلاص لاء الارتباط بدون دخول البيوت وطلب ايدك رسمي ده آذي لكل بنت والله لو همسح سلم عشان اجيب دبله لكي اشرف عندي من كلمة معلش الظروف صعبه خليكي معايا وبعدين اجي اخطبك لاء الراجل يدخل البيوت من اوسع باب رافع راسه فخور بنفسه وبظروفه ولا يعيبه انه يترفض كل العيب انه يهين حبيبته خارج الأصول من ورا أهلها و يعيشها في رعب وذل وضعف بتحبها عايزها روح لها بيتها لو معكش حق الدبله امسح سلم وجمع جنيه ع جنيه ولا يعيبك اي حاجه إحنا رجاله راس مالنا كرامتنا..

09/02/2023

ما تلغوا الأفراح المصرية البشعة دي بكل تفاصيلها، وكفاية ترمي فلوسك في الأرض، وتزوجوا في هدوء واحفظوا عليكم دينكم - من بشاعة الاختلاط والفتنة والأغاني - وفلوسكم وعدوا اليوم في صمت، هتفرحوا وهنفرح لكم والله وهتتقوا ألف عين تبصلكم بصة حسد وبيتكم هيكون عمران بالخير بإذن الله، والسلام.

09/02/2023

البنت اللي موبايلها بيضيع وعليه صورها

اطلبي " نجمة شباك زيرو ستة شباك "
بعد ما تطلبي الكود دا هيظهر لك ١٥ رقم اكتبيهم في ورقة أو احفظيهم خارج الجهاز ، ولو لا قدر الله الموبيل ضاع أو اتسرق روحي شركة الاتصالات التابعة لك ، وبيتعطل الجهاز حتي لو حط شريحة تانية محدش هيقدر يفتحه ...
من ستر مسلما ستره الله يوم القيامة
♥

18/01/2023

هسامحك ، وهوِدك ، وهعاملك بالأصول والجدعنة ، وهشيلك وقت ضعفك ، وهتلاقيني جمبك وقت ما تحتاجني ، لكن لو دا هيعلمك الغرور فاللي بيتكبر على النعمة بتزول من وشه ، إلا كرامتي وراحتي لإن دول اللي مش هقدر أعوضهم مهما دورت ، فلو حُبك وجدعنتي معاك هيجبولي تعب قلب ، أو ذُل وإهانة لنفسي ، أو حتى وجودك هيتعبني وهحس إني بعافر في علاقتنا في الفاضي فبناقص خالص وأنا الكسبان

Ahmed Ramadan _ أحمد رمضان

11/01/2024

04/06/2023

02/06/2023

02/06/2023

17/05/2023

22/04/2023

01/04/2023

30/03/2023

19/03/2023

09/02/2023

09/02/2023

18/01/2023

Address

Telephone

Website

Alerts

Shortcuts

Share

Category