28/09/2025
س1. أنا هعمل جلسة ليزر والشعر كله هيقع، صح؟
ج1. مش صح، الليزر وظيفته يضعف الخلايا المسئولة عن نمو الشعر لحد ما الشعر يبطل يطلع مع انتهاء الجلسات. هو مش "بيزيل" الشعر بالمفهوم التقليدي، هو بيمنع نمو الشعر من الأساس.
س2. أيوا يعني مش بيحرق الشعر؟
ج2. لأ مش وظيفته يحرق الشعر. لو حصل والشعر اتحرق ف ده حدث عشوائي ومش هدف الجلسة خالص.
س3. يعني أنا هعمل جلسة، هيحصل إيه؟
ج3. بنشوف نتيجة تراكمية مع كل جلسة ان الشعر يطلع أبطأ من الأول لحد ما نوصل للنتيجة النهائية بعد انتهاء الجلسات.
س4. إيه النتيجة النهائية؟ ان الشعر كله مش هيطلع تاني للأبد وخلاص، صح؟
ج4. مش صح، النتيجة النهائية ان 70-95% من الشعر يبطل يطلع، وبنحافظ على النتيجة النهائية دي اننا نعمل جلسات متابعة.
س5. يعني كام جلسة الكورس لحد ما نوصل النتيجة النهائية دي؟
ج5. في معظم الحالات الجسم بيحتاج من 6-8 جلسات ما عدا الوجه بيوصل ل 12 جلسة لأن الشعر الدقيق للوجه استجابته لليزر بطيئة. الجلسة بتكون كل 3-4 أسابيع، وبعد النتيجة النهائية بنعمل جلسات المتابعة على فترات أطول.
س6. والمتابعة دي إيه؟
ج6. بنكرر الجلسة كل 3-9 شهور عشان نحافظ على نتيجة الليزر.
س7. طاب مين ممنوع من الليزر؟
ج7. حالات طبية نادرة الممنوعة من الليزر. الأورام الجلدية، الصرع، العدوى الجلدية النشطة، الأمراض المناعية، وعلاجات معينة زي الأيزوتريتينوين.
س8. أنا متشخصة باضطراب هرمونات، الليزر ينفع لي؟
ج8. الليزر علاج أساسي في حالة زيادة الشعر الناتجة عن اضطراب الهرمونات، جنباً إلى جنب مع علاج المشكلة الهرمونية.
س9. في حاجة محتاجة أعملها قبل الجلسة؟
ج9. بنعمل شيفينج بشفرة أو كريم إزالة قبل الجلسة بيومين فقط.
س10. بس أنا سمعت ان الليزر خطير/بيجيب مش عارف إيه؟
ج10. الليزر إجراء علاجي بيستخدم من حوالي 40 سنة على مستوى العالم لإزالة الشعر ومعترف بيه من وزارة الصحة والدواء الأمريكية
FDA approval for permanent hair reduction
فهو مش حاجة جديدة أو تحت التجربة. الموضوع آمن وبسيط ويا ريت نستقي معلوماتنا الطبية من مصادر طبية محترمة.
س11. يعني الليزر مناسب ليا؟
ج11. الليزر مناسب لأي شخص معندوش الأمراض السابق ذكرها، ومناسب من سن 14 سنة (بعد بداية الدورة بسنة) وملوش حد أقصى للسن. نقطة مهمة ان الليزر مناسب فقط للشعر الأسود والبني، الشعر الأبيض مفهوش الصبغة اللي بتمتص الليزر وتستجيب ليه.
س12. عندي سؤال مش موجود هنا؟
ج12. كلمينا على أرقام العيادة أو على الصفحة مباشرةً وهنجاوب كل أسئلتك.
Primavera Center for Skin & Hair Care
01289800011 - 01016442255 - 01115309309
