https://www.facebook.com/359643004575988/

Dr Shaimaa Mahmoud دكتوره السعاده, Cairo (2026)

04/02/2026

حته كنافه صغيره اول يوم رمضان مش هتعمل حاجه؟!!

بتحط في طبقها قطعه صغيره من الكنافه في اول يوم رمضان وتقول لنفسها دي كفايه و الاسبوع الجاي هديكي قطعه كنافه تاني

عشان احقق التوازن و اعيش رمضان بدون حرمان

هي بتبقي شايفه انه انا كده محرمتش نفسي وما افرطتش في نفس الوقت علشان اقدر اظبط اكلي ويكون كله تحت السيطره

وتيجي على ثالث ولا رابع يوم من رمضان وتلاقي نفسها بتخلص صينيه الحلويات كلها و خطتها باظت

الحقيقه ان ده نوع من انواع الحرمان اللي بيزود الرغبه في الاكل و بيعلي معدل الشراهه

و ده اسمه الحرمان الكمي و هو نوع من ٦ انواع من الحرمان

بيخلوا علاقتك بالاكل تزداد سوء علي عكس المتوقع ان كميات اكلك تقل و اختياراتك في الاكل تتحسن للافضل جوده

و لكن للاسف ديه احد الاسباب اللي بتساعد في زياده الصراع مع اكلك

🌙 لايف " صيام بدون صراع مع الاكل في رمضان "

لو عاوزه تحضري اللايف اكتبي كومنت "رمضان" 🌙🌷

#رمضان

03/02/2026

هل انا بقصر في العبادات في رمضان بسبب الاكل ؟

في رمضان السفره بتكون مليانه خيرات كتير و بتلاقي نفسك محتاره اكل ايه ولا ايه ، و ده كله غير التحليه اللي بعد الاكل 🫣

فتلاقي نفسك قايمه من ع الاكل تقيله و مش قادره حتي تصلي التراويح

الاكل لحد الامتلاء هنا مؤشر لوجود احتياج نفسي غير مشبع

امتلاء المعده بيسببلك حاله من الثبات و الامان

ديه الطريقه اللي اتعلمتيها و اتقنتيها لسد احتياجاتك النفسيه

و طبعا لانه مابيتمش إشباع حقيقي .. بتفضل الرغبه موجوده و بتزيد و تفضلي بتلفي في دايره ما بين محاولات لاشباع احتياجك النفسي عن طريق الاكل
ثم فشل المحاوله و عدم سد الاحتياج
ثم محاوله من جديد و هكذا
دوووون إشباع حقيقي

و خلف المشهد جواكي صراع في علاقتك مع الاكل .. بيمنعك تعيشي مرتاحه و راضيه عن نفسك

فقررت اساعدك تدخلي رمضان السنه ديه بدون صراع مع الاكل و تعرفي ازاي تكوني حاضره و جسمك خفيف و نشيط و ذهنك صافي لاداء العبادات بسهوله

اكتبي كومنت " رمضان "
لحضور لايف ( صيام بدون صراع مع الاكل في رمضان )

#رمضان

25/01/2026

🫣 حاسه طاقتي منخفضه و جسمي تقيل و عاوزه أستعد لاستقبال شهر رمضان !!!

📌 لما لقيتي شهر رمضان خلاص بيقرب خوفتي ليضيع منك و يعدي و انتي معندكيش طاقه كفايه لاستقباله

و انتي عارفه إن رمضان فرصه بتيجي مره واحده بس في السنه

و بدأتي تفكري 👇

" ازاي ممكن اهتم بصحتي و نشاطي من قبل رمضان عشان اعرف اصلي التراويح و جسمي خفيف و نشيط و مكسلش !! "

⁉️ بس انتي مفيش مره حطيتي لنفسك خطه و التزمتي بيها و بتدوري علي طريقه تستعدي بيها لرمضان صحياً و نفسياَ بشكل يساعدك السنه ديه تلتزمي بخطتك !!

💎 عشان كده عملتلك
ويبينار " رمضان أهدى "

اللي هساعدك من خلاله تهدي رتم حياتك و تستقبلي شهر رمضان بهدوء و تعرفي تستمتعي بكل لحظه فيه من غير ما تحسي بالتقصير او التقل و من غير ما تحطي خطه تحبطك و يصعب عليكي تلتزمي بيها

ده هيساعدك 👇

✅️ تكوني أخف جسديا
✅️ اهدي نفسيا
✅️ أكثر تركيزا
✅️ اكثر استمتاعا بروحانيات الشهر الكريم
✅️ أكثر نشاط و حيويه
✅️ اكثر دافعيه لاداء العبادات بسهوله
✅️ أكثر راحه ل جسمك و اعصابك

سيبي كومنت "رمضان أهدي"

هبعتلك لينك الجروب ✨️

10/01/2026

غلطه كنت بعملها كانت معطله نزول وزني و كنت اتمني حد يعرفني ده من زمان !!

⚠️ كنت كل ما اقرأ في كتاب او احضر
محاضره بتتكلم عن تقبل صوره الجسد ،
و القي الكوتش بتكلمنا عن اهميه تقبل صوره الجسد بدون شرووط

كنت بتعصب جدا جوايا و اقول اكيد هما زياده ٣ كيلو ولا حاجه و مش فاهمين احنا بنمر بأيه🙄

⬅️ و كنت بقول لنفسي هبقي اصلح علاقتك بجسمك بعد ما تخسي و وزنك يبقى مقبول ع الاقل ، انما بالمنظر ده اقبله ازاي بس مش هقدر !! ، خصوصا اني شغاله في مجال المظهر فيه مهم جدا و ممكن العملا يقيموا شطاره الدكتور من وزنه 🙈

و ديه كانت احكام انا كنت حطاها علي نفسي لا تحترم ادميتي وما انزل الله بها من سلطان 🤔

⬅️ و ده كان بيوديني لرغبه مستعجله في التخلص من الوزن الزايد ..... وهنا تبدأ دوامه ال stress اللي كنت بحط نفسي فيها

🔄 هوب يعلى الكورتيزول "هرمون التوتر و الضغط النفسي"

🔄 هوب جهازي العصبي يستغيث و يحاول يدور علي اقرب مصدر يحقق التوازن و يديني متعه و يعلي هرمون السعاده "الدوبامين"

🔄 فأتعرض لنوبات جوع عاطفي مصحوبه بخيبه امل و احباط متكرر

🔄 و وزني يزيد اكتر

🔄 و اللي كنت عاوزاه ببعد عنه اكتر

🕊 لحد ما جه يوم و بدأت اسلم

ايوه والله بدأت بلحظه تسليم لله 😊

⬅️ انه اكيد اللي بيحصلي ده لحكمه طب ما اوقف جري شويه ورا رغبتي في خساره الوزن و اشوف ايه الحكمه من اللي بيحصلي

✨️ لحد ما بدأت اشتغل علي تقبل صوره الجسد بدون احكام

✨️ بدأت احب نفسي بدون شروط

✨️ و اكتشفت ان ده تحديدا اللي كان واقف بيني و بين وصولي للوزن الصحي و بدأ وزني ينزل بدون ضغط

👈 و ده اللي اشتغلت عليه مع نفسي و مع عملائي و بقدمهولك في رحله آرمونيا :

١- تغيير معني التقبل
لان كان التقبل عندي معناه وقف محاولات تصحيح الاوضاع يعني خلاص هقبل الوزن ده و اعيش فيه عمري كله

و الحقيقه كانت إن التقبل ده هو البوابه لتصحيح الاوضاع

٢- بناء علاقه فيها سلام و آمان مع جسمي بدون شروط

٣- تحويل الحوار الداخلي الهدام لحوار داخلي داعم يساعدني اكون مرتاحه في جسمي مش رابطه راحتي بوزن معين

٤- بناء خطه للتعامل مع الاكل و الحركه بشكل مرن تدريجي بدافع الحب و الاعتناء بنفسي و ليس التخلص من حاجه مش عجباني في جسمي

٥- تمارين عمليه تخلق خلقه تواصل و علاقه تراحم مع جسمي

💡 و كنتيجه للسيستم ده وزني بدأ ينزل بأنسجام من غير صراع

💎 لو شايفه نفسك تستحقي الراحه في علاقتك بجسمك و مستعده لرحله ممتعه هتقربك من نفسك اكتر و تحققلك الانسجام في رحلتك

مكانك معانا في آرمونيا

💬 اكتبي كومنت آرمونيا هبعتلك التفاصيل

08/01/2026

انتي مش مستعجله على نزول الوزن ... انتي عاوزه تحسي بالامان !!

⚠️ لو انتي في كل محاوله كنتي بتدوري علي دايت ينزل وزنك عشان تعجبي نفسك او مامتك او زوجك او صديقاتك .. فأنتي بتستخدمي جسمك في محاولات لاسترجاع احساسك بالامان سواء مع نفسك او في علاقاتك في الدواير القريبه

⬅️ و السبب ده لوحده كفيل يخليكي تختاري طريق غلط مش مناسب ليكي

فتضغطي علي جسمك اكتر بدل ما تسمعيه و تفهميه

و تفضلي بتتنقلي من ورقه دايت للتانيه و تدوري علي حقن مونجارو عشان تنجز معاكي و انتي في الاساس بتدور علي الامان في طريق كله توتر و ضغط

و ده بيبعدك اكتر عن انك توصلي لوزنك الطبيعي المناسب لجسمك

💡و الحل هنا مش انك تدوري علي اسرع ولا احدث دايت او حقن للتخسيس

✨️ لكن الحل الحقيقي انك تدوري علي الطريق المناسب ليكي اللي تصلحي فيه علاقتك بجسمك بطريقه آمنه و بشكل تدريجي يحترم جهازك العصبي ميوتروش

👈 و ده اللي بعمله معاكي في جزء مهم من رحله آرمونيا في موديول
Make Peace with Food and Body

- هتتعلمي ازاي تتقبلي هيئتك الخارجيه من غير شروط او احكام و تخلي جسمك يحس بالامان معاكي من خلال تمارين عمليه
- هتصلحي افكارك عن نفسك و عن جسمك و تبني ثقه حقيقيه مش مرتبطه بشكل جسمك
- هتعرفي تديري حوارك الداخلي اللي بيحسسك بالاحباط كل ما تبصي في المرايا
- هتبني صوره ذاتيه ايجابيه لجسمك
- هتعرفي ازاي تهدي استعجالك اللي معطلك و إزاي تاخدي خطوات فعاله تجاه وزنك الطبيعي بدون ضغط علي نفسيتك
- هتتعلمي تبني أمان داخلي حقيقي مع نفسك و في كل علاقاتك من غير ما تحملي جسمك فوق استطاعته

💎 لو شايفه نفسك في 2026
تستحقي تبني علاقه رحيمه مع جسمك و توصلي لوزنك الطبيعي بثقة !

💬 اكتبي كومنت آرمونيا هتوصلك تفاصيل الرحله كامله

05/01/2026

خدعوكي فقالوا السكر يزيد الوزن !!

الصوت اللي عالي جدا جواكي و طول اليوم كل ما تقربي من اكله يقولك احترسي فيها سكر .. هو ده حرفيا اللي مزود وزنك ❌️

تعالي اعرفك ازاي !!!

⚠️ الصوت ده بيخليكي تحاولي تسيطري علي نوعيات اكلك و تتجنبي الاكل اللي فيه سكر

⬅️ ومحاولتك للتجنب تولد حاله من الرغبه المُلحه ثم فقدان السيطره ثم نوبات الشراهه ثم الشعور بالذنب و تأنيب الضمير ثم محاوله بائسه اخري لتجنب السكر من جديد و يعاد السيناريو

📌 و هنا انتي كل ده متخيله ان السكر هو اللي زود وزنك وهو اللي سببلك شراهه

🧠 لكن الحقيقه إن افكارك هي السبب الحقيقي لزياده وزنك و شراهتك علي السكر

و الحل

✨️ التوقف عن عمل اي دايت ✖️
و بناء علاقه آمان مع الاكل
و إعاده التواصل بأشارات الجوع و الشبع اللي ربنا خلقهم بشكل فطري في جسمك

✨️ تدريب العقل و إعاده برمجه الدماغ علي مبدأ الحياديه الغذائيه و وقف الحرب الداخليه مع اكلك و بدأ معاهده سلام 🕊

الخطوتين دول life transformer

💡قادرين علي وقف نوبات الشراهه المتكرره و بالتالي تقليل المدخول الغذائي للجسم يعني عجز سعرات بدون حساب سعرات و نزول الوزن كنتيجه و ليس كهدف

💎 و ده جزء مهم في رحله آرمونيا بدربك عليه خطوه خطوه

💬 اكتبي كومنت آرمونيا لو عاوزه تعرفي تفاصيل اكتر و جاهزه تدخلي معانا الراوند الجديده لرحله آرمونيا

01/01/2026

💡اهم إنجازاتي 2025

💎 أطلقت براند آرمونيا لكل سيده بتحلم تعيش بأنسجام في علاقتها بجسمها و أكلها و ديه حاجه كنت بحلم بيها بقالي سنين في شغلي و الحمد لله ربنا يسرها لي .. لاني مؤمنه انك تستحقي بدايه جديده تفتحلك بوابه جديده لحياه اهدى و افضل

💎 حبيت نفسي اكتر و سامحتها علي لحظات ضعف و عجز بتمر بيها قصاد الاكل و قدمتلها الاحتواء و التفهم بدلا من الجلد

💎 شيلت من علي نفسي حمل ان كل حاجه تبقي perfect و قبلت انسانيتي أكتر و انسجمت مع محدوديتي اكتر و اكتر

💎 واجهت مشاعر خوف كنت بهرب منها بقالي كتير و ده قربني اكتر من حقيقتي

💎وقفت علاقات كانت بتستنزف طاقتي و اختارت سلامي النفسي و ركزت في حياتي اكتر

💎 عيشت مشاعر فقد حقيقيه و تعلمت التسليم لامر الله و الاعتراف بمحدوديتي في الحياه 🕊

💎 عرفت طعم جديد للصداقه لما بقت نفسي my best friend و ادركت اني افضل صديقه ليا علي الإطلاق

💎 استخدمت حاجات كتير اتعلمتها و ده من اعظم انجازات السنه اللي عدت لان تعلم بلا تطبيق لن ينفع ابدا

💎 بقيت اكافئ نفسي و اولادي علي السعي و الخطوات و فكيت التعلق بالنتايج لانها برا ايدي و المفاجأة ان ده خلي النتايج اسرع في كل حاجه كانت متعطله

💎و أخيراً بقي قبلت لحظات الالم و الوجع و الوحده و الاشتياق لفقيد لان ده جزء من رحلتي في الحياه و عدم قبولي له يزيد معاناتي لكن لن يغير من الامر شى 🕊

📌 و اخيرا الحياه مش خط مستقيم الحياه
Ups & Downs 🔃

🌿 نيتي لخطه للسنه الجديده بتتلخص في كلمتين

👈 ازود " تقبل " و " حب " اكتر

♦️الانسان مش بيعاني من الحياه
الانسان بيعاني من رفضه لكل حاجه علي نفس موجه توقعاته و رغباته

♦️لو التقبل زاد هستقيم الحياه و تقل المعاناه

و برضو مفيش حد متقبل كل حاجه طول الوقت

♦️كذالك الحب هزود حب لنفسي عشان احنا اتعلمتا ازاي نحب و نقدم للي حوالينا بس متعلمناش ده مع نفسنا و نفسي ليها حقوق عليا قررت ابصلها بعين الحب و التراحم

♦️و برضو محدش بيحب نفسه طول الوقت و بنفس الدرجه حب الذات زي الموجه بيزيد و يقل

✨️ بس النيه هي اللي بتخلينا نعرف نظبط البوصله و نوجه تركيزنا علي اللي عاوزينه اكتر في حياتنا ♥️💐

💬 شاركيني إنجاز و لو بسيط حققتيه في السنه اللي عدت
و إيه نيتك للسنه الجديده 🤍

31/12/2025

سبب اساسي محدش قالك عليه قبل كده مخلي وزنك مش بينزل
السبب هو رفضك لجسمك !!

⚠️ انا عشت سنين كتير مش حابه جسمي و مش قادره اشوفه في المرايا لاني

كنت شايفه انه حارمني من اني احس بالجمال و الاناقه و اختار لبسي علي مزاجي

و كنت زهقت من كتر ما بلبس لبس مفروض عليا بسبب المقاس لكن مش مناسب لذوقي

💡لحد ما اكتشفت السبب اللي مخليني بسعي لتغيير جسمي ..

كنت عاوزه احس بالثقه و التألق فكنت متعلقه بصوره جسد محفوره في ذهني و رافضه الصوره اللي جسمي عليها

✨️ لما بطلت اتشرط علي جسمي اني هقبله لما يبقي بشكل معين

👈و بدأت اشتغل علي ثقتي في نفسي من غير ما اعتمد علي جسمي انه يمنحني احساس الثقه ديه

💫بدأ الضغط النفسي اللي كنت بخس بيه بسبب وزني يقل

💫بدأت اعيش بجسمي مش اعيش عشان اخلص منه و اغيره

💫بدأت احرك جسمي بشكل حر مقيدوش بشكل حركه معين عشان بتحرق دهون اكتر مثلا

🪄 هنا بدأ وزني ينزل و انا مرتاحه لاول مره في حياتي من غير صراع داخلي

✅️ وقتها بس ادركت ان جسمي هو اللي كان محتاج يتطمن معايا و يحس مني بالثقه

✅️ و كان محتاج يتنفس حريه

📌جسمي لما اتطمن معدل حرقي زاد و ده ليه تفسير علمي مرتبط بعلم الاعصاب و الهرمونات

🚨 هرمون الكورتيزول اللي كان عالي من ضغطي علي نفسي كان مشغل اليه تخزين الدهون بكفاءه و جهازي العصبي كان علي وضع البقاء و ده الوضع اللي بيحصل فيه تخزين دهون كأننا داخلين علي مجاعه او ثبات في الوزن
Survival mode

لما هرمون الكورتيزول قل و جهازي العصبي اتنظم .. بيتم تعطيل وضع البقاء .. و تشتغل عمليه حرق الدهون بكفاءه 🤗

🎀 لما بطلت احط توقعات علي جسمي و بدأت انا اللي اطمنه .. كل شئ اختلف

👈 و عشان كده في موديول كامل في رحله آرمونيا بنشتغل فيها علي علاقتك بجسمك لانها كفيله تغرقك في دوامه لا تنتهي او تديكي حريه و راحه و استمتاع بالحياه لا ينتهي

💎 لو مستعده تشتغلي علي الاسباب الجذريه لزياده وزنك
فمكانك معانا في رحله آرمونيا

اكتبي كومنت آرمونيا هبعتلك التفاصيل 📩💚

29/12/2025

هو ده اللي انا كنت محتاجاه 💫
هو ده الشغل اللي بيغير بجد مش مجرد معلومات ✨️

ديه جمله قالتهالي عميلتي انهارده بعد ما خلصنا السيشن و حقيقي لمست قلبي 🫂

لان هو ده اللي نفسي يوصل الناس كلها

👈 بدأنا السيشن و جواها اسئله كتير و احباط متكرر متراكم جواها

و سؤال بيلح عليها
" انا استحق اوصل لوزن يسمحلي البس اللي يعجبني و استمتع بنعمه الجمال و الاناقه ... ليه يا جسمي مش مساعدني اوصل لده ؟؟

انا اشتغلت علي نفسي كتير اوي و تعبت كتير و مبهدلتكش معايا في حقن تخسيس ولا عمليات ولا اي طريق مؤذي
ليه مستحقش اني اخس و اشوف نفسي بصوره احبها 🥹 ؟؟؟؟"

👈 و هنا اشتغلت معاها بتقنيه للعلاج الشعوري عشان نحرر المشاعر المكبوته و نهدي العقل التحليلي و سيل الافكار اللي بتدور في دماغها و نطلع الاجابات من جواها

بعدها اشتغلنا علي العائق الحقيقي بينها و بين الجسم اللي الرشيق اللي بتتمناه

و العائق هنا كان " التعلق بهدف خساره الوزن "

👈 التعلق ده كان مانعها تركز علي إداره اللحظه الحاليه يعني مناعها تركز علي الخطوات اللي بتعملها و العادات اللي بتبنيها و ساحب تركيزها علي شئ خارج ايدها اللي هو الوزن

✅️ و اه الوزن خارج ايدها و زياده رغبتها في السيطره علي وزنها نتج عنه إفلات الامر من ايدها و احساسها بالعجز قدام وزنها

🪄 التعلق ده لما بيتفك بتحسي انك حره و حاضره و مركزه اكتر في اللي بتعمليه سواء اكل او حركه او نوم و غيره

💫 فنقلنا الهدف من التركيز علي خساره الوزن للتركيز علي اهداف يوميه بسيطه بنتعلمها مع بعض هينتج عنها خساره وزن بدون صرااااع

💡و لو رجعنا للقرأن هنلاقي ربنا بيعلما نركز علي السعي "اللي في ايدينا" و منركزش علي النتايج

لان التركيز ع النتايج بيمنع تحقيقها و بيضيع منك فرصه انك تعيش اللحظه الحاليه

🌷 و اخيرا ربطنا الهدف بالهويه عشان نثبته كجزء منها
عشان تقدر تشوف نفسها بصوره كويسه تساعدها تحقق اهدفها

💫 و خرجت عميلتي من الجلسه و كأن اتفتحلها بوابه جديده للحياه و فصل جديد من حياتها بيبدأ مفيهوش تعلق و صراع و احباط

✨️ فيه تركيز و فهم و حضور اعلى و حاله من الانسجام

📌 و ده جزء مهم بنشتغل عليه في رحله آرمونيا في إعاده السلام لعلاقتك بأكلك و جسمك

💗 لو شايفه نفسك في الرحله ديه و مستعده تبدأي 2026 بتغيير حقيقي مستدام يبدأ من عالمك الداخلي ثم يظهر علي وزنك و خفه جسمك

اكتبي كومنت آرمونيا هبعتلك التفاصيل 📩💚

27/12/2025

🪄 بحتفل بعميلتي خسرت ١٦ كيلو في ٩٠ يوم و بكره هتتم سنه محافظه علي الوزن اللي خسرته من غير ما تلجأ لورق دايت 🥳

و مش بس كده ، هي كمان بقت عارفه تحب نفسها ازاي و تثق فيها ازاي و تعاملها بطريقه رحيمه

💫 بدأت معايا كانت بتخاف تدخل نشويات في اكلها لانها عملت كيتو فتره طويله و خست بالفعل كتير

بس للاسف لما دخلت النشويات تاني حصلها نهم و مبقتش تقدر توقف فزادت اكتر من الوزن اللي كانت خسرته

👈 و ده خلاها كارهه الدايت و اول ما بدأت معايا قالتلي : "مش عاوزه اسمع سيره انظمه غذائيه خالص انا عانيت منها بما فيه الكفايه"

بس في نفس الوقت كانت بتخاف تاكل نشويات لحسن الكميه تفتح منها و متعرفش توقف ✋️

📌 اتعلمت معايا طريقتي الخاصه في تنظيم الوجبات بدون ورق دايت
"Armonia happy meals formula"

👈 و بدأت تحس بأمان مع اكل النشويات و كانت متفاجأه انها بتشبع من كميه قليله جدا و هي حاسه بالرضا من غير ما نحدد كميات و نفرضها علي الجسم
و رجعنا التواصل مع اشارات الجوع و الشبع و بدأت تتعلم ازاي متتجاهلش اشارات الجوع الحقيقي و ازاي توقف اكل اول ما تحس بأشارات الشبع
و ازاي تفرق بين

Fake hunger signal
Physical hunger signal

و طبعا ده قلل نوبات الجوع العاطفي اللي كانت بتجيلها كتير و لما يجيلها اشاره جوع وهمي تعرف تتعامل معاها بذكاء

👈 و ده اللي خلاها بعد سنه من خساره الوزن الزايد مرجعتش زادت تاني زي ما كان بيحصل معاها قبل كده
و كمان بقت مرتاحه في علاقتها بالأكل جدا مش طول الوقت بتفكر فيه ولا قلقانه منه

✅️ لو انتي كمان شايفه نفسك في 2026 محققه انجاز و تحول حقيقي في علاقتك بالاكل و بجسمك

✨️احجزي مكانك معانا في رحله آرمونيا

اكتبي كومنت آرمونيا هيوصلك التفاصيل 📩💚

Dr Shaimaa Mahmoud دكتوره السعاده

04/02/2026

03/02/2026

25/01/2026

10/01/2026

08/01/2026

05/01/2026

01/01/2026

31/12/2025

29/12/2025

27/12/2025

Address

Website

Alerts

Shortcuts

Share

Category