07/05/2023
من المنتدى الثاني لجمعية EASHTN براس البر
نصايح من المؤتمر ⬇️
١- صحة الطفل بتتأثر بتغذية الأم بداية من ٣ شهور قبل الحمل عشان كده مهم الام تهتم بتغذيتها من قبل كمان ما يحصل الحمل
٢- مابين كل ٤ أطفال في مصر في طفل بيعاني من السمنة وده بسبب سلوكيات الأكل الغير سليمة والتغيير بيبدأ من الأب والأم
٣- زياده الوزن في سن المراهقة بيزود احتماليه السمنة عند البلوغ بنسبه ٧٠٪
٤- لو الام او الاب بيعانوا من السمنه في احتمالية ٨٠٪ ان اطفالهم تعاني من السمنه
٥- وجود الخضروات والفواكه في النظام الغذائي مش بس عشان زياده الشبع كمان لانها بتمنع حالة oxidative stress اللي بسببه بيحصل مقاومة الانسولين ويقلل جودة النوم ويقلل كفاءة الحرق
٦- مينفعش ناخد مكملات غذائية بدون تحليل ومن غير استشارة طبيب لان الافراط في مكملات فيتامين A &E ممكن يؤدي لمشاكل صحية زي سرطان الرئة , سرطان البروستاتا , السكته القلبيه
٧- ٢٠٪ من الاشخاص بعد عملية التكميم بتعاني من مضاعفات زي النقص الحاد في العناصر الغذائية واضطرابات نفسيه و مشاكل في الجهاز الهضمي زي ارتجاع المرئ بنسبة ٤٧٪ و انخفاض في سكر الدم و ال dumping
٨- ٢٠-٣٠٪ بيفشلوا في نزول الوزن بعد عمليه التكميم " الاساس في نزول الوزن تغيير السلوك الغذائي "
٩- عشان نتجنب hypoglycemia & dumping بعد عملية التكميم < ناكل وجبات صغيرة من ٥-٦وجبات في اليوم - شرب الماء من ٦-٨ اكواب في اليوم - نقلل السكريات البسيطه - نتجنب شرب القهوة - نبدأ الوجبة بالبروتين - الفرق بين الوجبات من ٣-٤ ساعات - نتجنب
السكريات البسيطه
١٠- المكملات الغذائية المهمة بعد عملية التكميم multivitamin -B12 - calcium - vitD - Iron ferrous sulphate
١١- عشان نقدر نحافظ على وزننا اللي هنوصله بعد نزول الوزن لازم يكون النظام الغذائي مرن ومتنوع - اكتساب عادات غذائية صحية - تغيير السلوك الغذائي الغلط
١٢- المنتجات البديلة للأكل الطبيعي زي البودرز والبارز مش احسن حاجه اعتمد عليها في رحلة نزول الوزن لانها مش هتساعدني اغير سلوكيات الاكل وممكن تسببلي شراهة في الاكل ومش هتساعدني امارس حياتي
الاجتماعية بشكل طبيعي في التجمعات
١٣- الرياضة عالية الشدة مش مناسبة لنزول الدهون وافضل رياضة لحرق الدهون هي تمارين متوسطة الشده
