13/06/2023
🤔 ازاى اقدر اقيم نجاح الدايت بتاعى وبستفاد ولا لاء ؟
علشان نعرف الاجابة لازم نسأل نفسنا كام سؤال👇
الدايت بيشبعنى ولا الاكل مش كافى وبتشبع وقد اد ايه قبل ما تجوع تانى ؟
مركز ولا بفقد التركيز من قلة الاكل ؟
جسمى نشيط وعندك power اكتر ولا حاسس بخمول ومعنديش حيوية ؟
مودك متوازن ولا زهقان ودماغك بيفكر في المحشي والبشاميل 😁 ؟
المنطقة الي مضايقاك بدأت تنزل مقاسات ولا لاء ؟ ومنطقة البطن بتستجيب ولا لاء ؟
هل مركز في الميزان ولا مهتم بالمقاسات اكتر ؟
.......................................................................
طيب مبدئيا كدا احنا بنعمل دايت علشان صحيا نكون افضل وعلشان نتخلص من الدهون الزايادة الي بتفتح علينا باب الامراض وعلشان نغذى جسمنا ونديله احتياجاته ونهتم بيه ونحافظ دايما اننا نعيش حياتنا اد ما نقدر بصحة ونشاط فنستمتع بالحياه
لو الدايت الي بتعمله مش بيشبعك او بتجوع باستمرار يبقي الدايت الي بتعمله مش متوازن ومش مناسب لجسمك واقل كتير من احتياجاته او نوعية الاكل الي فيه الكوالتي بتاعها ضعيف فلازم يتغير 👌
الدايت الصح يعلى التركيز والذاكرة وينشط الجسم ويزيد الpower
لانه بيحسن اداء الاعضاء الحيوية في الجسم وبيعلى اداء المخ وبيحافظ على توازن الجسم
وبيعوض الجسم ب Vitamins, minerals and nutrients فلو مش مركز من قلة الاكل وجودته يبقى الدايت مش ناجح معاك ..
لو مودك مش متوازن وعندك craving suger بتشتهى الحلويات او الكارب يبقي الدايت دا مش لايق عليك ومش مناسب لجسمك
الدايت المظبوط بس هو الي بيقدر يأثر على المناطق العنيدة في جسمك خصوصا منطقة البطن
لو مقاساتك بتنزل ببطء حتى لو بتنزل على الميزان يبقي حضرتك مبتنزلش دهون لكن بتفقد ماية وعضلات اكتر
لازم تكون واعى ان الاهتمام بنزولك بالمقاسات دا دليل على انك بتفقد دهون والدايت بتاعك مظبوط وانت كدا ماشي في رحلتك على التراك الصحيح👌
