07/09/2025
نادرا ما بطلب من حالة اني اتصور معاها بس كان لازم الحقيقة
هبه حالة تأخر حمل شديدة التعقيد وقت ما جاتلي وعملنا الفحوصات خدنا قرار الحقن المجهري وكان لازم علي وجه السرعة علما بإن نسب نجاحه طبيا هتكون قليلة ومفيش حل تاني وغالبا هتبقي محاولة صعب تكرارها
اثناء المتابعة حصل ما كان متوقع والاستجابة كانت ضعيفة وكما هو متبع في الحالات المشابهه بنوعي المريضة ان قرار وقف التنشيط اصبح مطروح لمنع استكمال اجراء مجهد ماديا ونفسيا نسب نجاحه انكمشت لارقام ضئيلة جدا
زوج هبه وبرغم اني عارف مدي صعوبة توفير خطة العلاج وثقل تكلفة الإجراء عليه، سابلها الإختيار وقالي انا معاها في الي هي تختاره ايا كان
اختارت تكمل وقالتلي دي آخر محاولة هكملها والأمر لله
وكعادة الأمور علينا السعي ويبقي الأمر كله لله استكملنا ما بدأناه وانهارده كنا بنشوف النبض في اول حمل لهبه بعد نجاح عملية نسبة نجاحها كانت أقل من الي يسمح باستكمالها
{إذَا قَضَىٰ أَمْرًا فَإِنَّمَا يَقُولُ لَهُ كُن فَيَكُونُ}
