Diet and Wellness, online, Cairo (2025)

21/09/2025

ليه تحليل السكر في الصيدلية مش كفاية لمتابعة السكري؟

تعالى نتخيل كرات الدم الحمراء زي قمصان بيضاء جديدة.

لما السكر يعلى في الدم لفترة طويلة ف السكر بيتلزق بالهيموغلوبين و(يبقع القميص).

كل ما السكر يزيد ... كل ما القمصان تبقى مبقّعة أكتر.

وده اللي بيسموه السكر التراكمي أو الهيموغلوبين السكري (HbA1c).

طب اي الفرق بين التحليلين 🤔؟

تحليل شكة الصباع في الصيدلية: صورة سريعة للسكر دلوقتي بس.

تحليل السكر التراكمي HbA1c: بيوريك الفيلم كامل ويكشفلك معدل السكر على مدار 3 شهور.

حد عندك مثال مبسط اكتر

تخيل عندك 100 قميص أبيض:

لو 5 قمصان بس مبقّعين ... طبيعي

لو 10 قمصان أو أكتر مبقعين ... يبقى السكر عالي ومحتاج متابعة.

عشان كده لو عايز تعرف فعلاً هل سكر دمك ثابت ولا عالي معظم الوقت، تحليل HbA1c هو المفتاح الحقيقي.

تابعونا عشان نعرفكم معلومات أكتر عن صحتك وعن الدايت ♥️

#مصر #صحة #دايت #وزن #حزن #سكري

20/09/2025

ليه بنجوع لما بنزعل؟

ممكن تكون جربت الشعور ده: موقف صعب، يوم مليان توتر أو حتى لحظة حزن وفجأة تلاقي نفسك بتدور على شوكولاتة أو كيس شيبسي أو أي أكلة.

ده مش جوع حقيقي .. ده اللي بنسميه "الجوع العاطفي."

إيه هو الجوع العاطفي؟

↲ الجوع العاطفي هو إحساس بالجوع ناتج عن مشاعر زي الزعل، القلق، الملل أو حتى الفرح.

↲ مش زي الجوع الجسدي اللي بييجي لما جسمك محتاج طاقة لا الجوع العاطفي غالبًا بييجي فجأة، وبيبقى محدد ناحية أكلات معينة زي السكريات أو الدهون.

إزاي الزعل والتوتر بيأثروا علينا؟

↲ لما نتوتر ف جسمنا بيفرز هرمونات زي الكورتيزول (هرمون الزعل) اللي بتزود رغبتنا في الأكل الغني بالسعرات.

↲ المشاعر السلبية زي الزعل والقلق ممكن تخلينا ندور على الأكل كوسيلة للراحة أو الهروب من الموقف.

طيب، ليه بنلجأ للأكل؟

1️⃣ الراحة السريعة:
الأكلات الحلوة والدسمة بتدي شعور مؤقت بالسعادة والراحة.

2️⃣ الهروب من الضغوطات:
لما نكون تحت ضغط كبير ف بنحاول نهرب من التفكير في المشاكل من خلال الأكل.

3️⃣ إننا نلهي نفسنا:
بنحاول نهرب من مشاعرنا الصعبة عن طريق الأكل.

طب إزاي نفرق بين الجوع العاطفي والجوع الحقيقي؟

▪️ الجوع الحقيقي:
بيزيد تدريجيًا، مش مرتبط بنوع معين من الأكل وبيشبعك لما تاكل.

▪️ الجوع العاطفي:
بييجي فجأة ومرتبط برغبة في أكل معين وبيسبب شعور بالذنب بعد ما تاكل.

طب إزاي نسيطر على الأكل العاطفي؟

➖ اسأل نفسك:
هل أنا فعلاً جعان؟ ولا بدور على حل لمشاعري؟

➖ دون مشاعرك:
جرب تكتب إيه اللي مضايقك بدل ما تلجأ للأكل.

➖ استبدل العادات:
لما تحس إنك عايز تاكل بدون جوع ف أعمل حاجة بتحبها زي المشي أو نتكلم حد.

➖ نظم أكلك:
حافظ على وجبات منتظمة عشان تقلل فرص الجوع العاطفي.

➖ اتكلم مع حد:
أوقات الكلام بيكون الحل بدل ما نلجأ للأكل.

الأكل العاطفي مش ضعف إرادة يا عزيزي

فهمك للمشكلة هو أول خطوة للحل ومش لازم تمنع نفسك لكن حاول تكون واعي بعلاقتك مع الأكل.

لو محتاج مساعدة عشان تتحكم في عادات أكلك ف إحنا هنا عشان نساعدك ♥️

إبعتلنا دلوقتي واشترك معانا في نظام غذائي مناسب ليك وللحالتك الصحية والاقتصادية ب 250ج

#حزن #دايت

18/09/2025

معلومات لازم تكون عارفها أثناء الدايت :

▪️مفيش حاجه أسمها انا جسمي مبيحرقش لأن جسمك بيحرق حتي وأنت نايم.

▪️مفيش فواكه ممنوعه في الدايت لان اي فاكهه بتعتمد على سعراتك الحرارية والعناصر الغذائية.

▪️مفيش مشروبات هتحرق الدهون ، حتي الشاي الاخضر ، هو مشروب مفيد في زيادة عملية التمثيل الغذائي بنسبة 2%

▪️شرب المياه عمره مابيعمل كرش ابداً

▪️لو أتمرنت وبطلت جسمك مش هيتحول لدهون لكن انت بتاكل بشكل اكبر من أحتياجاتك مع قلة نشاط هو ده الي بيزودك في الوزن

▪️ ضمن أسباب فشل انك متنزلش الوزن هو الاستعجال علي النتائج مع العشوائية في النظام الغذائي

▪️مفيش تمارين بتحرق منطقة معينه يعني لو لعبت الف عدة بطن مش هتحرق دهون البطن لكن ده بيزود من بناء العضلات في البطن الي بتزود من الحرق في جسمك مع التمارين والدايت

▪️الشوفان مش بيخسس ولا بيتخن كله حسب السعرات الي بتاخدها.

▪️الشئ الأساسي في الهرم الغذائي هو السعرارت الحرارية لازم تحسب سعرارتك الحرارية محتاج كام سعر حراري في اليوم وتاخد أحتياجك من السعرارت مع اخد الاحتياجات اليومية من العناصر الغذائية مثل الفيتامينات والمعادن.

بنقدملك متابعة شهرية ونظام غذائي وهيكون في ضمان نزول الوزن بشكل صحي ومتوازن من غير أعراض جانبية أو نقص في العناصر الغذائية.

16/09/2025

منشن صحبك فاتح الشهية 😂

16/09/2025

ازاي تبطلي تعتمدي على المُسكِنات كل يوم؟

ممكن تستغربي السؤال ده وتردي: "هو أنا عندي حل غير كده؟!"

خليني أوضحلك كأخصائي تغذية شفت سيدات كتير بيعانوا من نفس المشكلة:
مع أول ألم أو صداع، أول حاجة بتيجي في بالك اسم دواء مسكن. وبمرور الوقت، بيبقى الحل السريع ده عادة يومية.
لكن بعد شوية، تبدأي تسألي نفسك: "هو أنا ليه كل يوم محتاجة أخد مسكن؟"

هنا لازم أقولك الحقيقة: المسكن مش هو الحل.
المسكن بيوقف الألم مؤقتًا لكنه مش بيعالج السبب.

الحل الحقيقي يبدأ من التغذية العلاجية:
لما نفهم جسمك محتاج إيه ونظبط أكلك، هتقدري تقللي الالتهابات من الأساس، وتتحكمي في الأعراض اللي بتخليكي تدوري على المسكن كل يوم.

أمثلة بسيطة:
➖ تقليل الأطعمة المصنعة اللي تزود الالتهابات.
➖ زيادة مصادر الأوميجا 3 اللي بتدعم صحة المفاصل والجهاز العصبي.
➖ تنظيم الوجبات لتفادي الصداع الناتج عن انخفاض السكر.

الصحة مش في علبة دواء… الصحة في إنك تعالجي السبب مش العرض.

لو مستعدة تبدأي التغيير ده، اشتركي في المتابعة الشهرية للتغذية العلاجية معانا بــ 𝟐𝟓𝟎ج،
وهنكون معاك خطوة بخطوة نساعدك تتخلصي من الاعتماد على المسكنات، وتعيشي براحة أكبر من غير ما تعتمدي على المسكنات والأدوية 💊

✉️ اشتركي دلوقتي وهتلاقي الدعم اليومي اللي يفرق معاك.
Diet and Wellness: No Fat, No Illness.

15/09/2025

اسرار الدايت الصح

سر نجاح الدايت مش بس في الأكل لكنه في أسلوب حياتك كلها

سر نجاح أي دايت مش الحرمان، السر هو الالتزام بخطوات بسيطة لكن مستمرة 👇🏻

#مصر #صحة #دايت #وزن #حزن

14/09/2025

تكيسات المبايض بتقلل فرصة الحمل...طب إزاي ؟

↲ إيه هي تكيسات المبايض؟

تكيسات المبايض (PCOS) هي حالة بتأثر على المبيضين بسبب اضطراب في الهرمونات. في الحالة الطبيعية، المبيض بيحرر بويضة كل شهر أثناء التبويض لكن مع وجود التكيسات ف البويضة ممكن ما تتحررش بشكل طبيعي.

↲ ليه بتقلل فرصة الحمل؟

لأن تكيسات المبايض بتؤدي لعدم انتظام التبويض وده معناه إن البويضات ما بتنضجش أو تتحرر بشكل صحيح. ده غير إن زيادة هرمون الذكورة اللي ممكن يحصل مع التكيسات بيأثر على جودة البويضات.

↲ أعراض تكيسات المبايض:
1️⃣ عدم انتظام الدورة الشهرية

2️⃣ زيادة الوزن أو صعوبة فقدانه

3️⃣ زيادة الشعر في أماكن غير مرغوبة (زي الوش أو الجسم)

4️⃣ حب الشباب أو البشرة الدهنية

5️⃣ تساقط الشعر

6️⃣ الشعور بالإرهاق والتعب المستمر

7️⃣ آلام في منطقة الحوض

8️⃣ اضطرابات في المزاج مثل الاكتئاب أو القلق

↲ إيه الحل؟

العلاج بيعتمد على تغييرات في أسلوب الحياة والنظام الغذائي مع استشارة دكتور متخصص.
العلاج بيشمل:

▪️تنظيم الأكل: اتباع نظام غذائي صحي يركز على البروتين والخضار وتقليل من السكريات والكارب

▪️النشاط بدني: ممارسة التمارين الرياضية بانتظام لتحسين حساسية الأنسولين.

▪️الأدوية: ممكن الدكتور يوصي بأدوية لتحفيز التبويض أو تنظيم الهرمونات (لازم دكتور والأدوية تكون تحت إشراف طبي)

↲ اختبارات هتفيدك:

▪️تحليل هرمونات (LH، FSH، Testosterone)

▪️تحليل السكر التراكمي

لو حسيتي بأي من الأعراض دي، متأجليش زيارة الدكتور.
التشخيص بدري بيحسن من فرص الحمل وبيقلل من مضاعفات التكيسات.

ولأن التغذية العلاجية ليها عامل كبير جدًا في تحسين حالتك ف إحنا بنقدملك متابعة شهرية بتشمل نظام غذائي محسوب لجسمك، وأخصائية تغذية علاجية هتكون معاكي خطوة بخطوة لحد ما توصلي لحل يناسب حالتك الصحية.

#تغذية #تمارين #صحة

11/09/2025

مش بتعرف تاخد نفسك وأنت بتتكلم؟

هل عمرك لاحظت إنك بتنهج بسرعة؟ أو بتحس إنك مش قادر تكمل جملة بدون ما تقطعها وتاخد نفس؟

خليني أشرحلك ببساطة ليه ده بيحصل عند ناس كتير بيعانوا من السمنة:

↲ كل ما الوزن زاد .. كل ما الرئة قدرتها تقل!
يعني المساحة اللي المفروض الرئة تتمدد فيها وتاخد هوا… بتقل. وده بيقلل كمية الهواء اللي الجسم يقدر يستخدمه.

↲ المجرى الهوائي نفسه بيكون أضيق.

وده بيخلي التنفس أصعب بكتير، خصوصًا مع الكلام أو أي مجهود بسيط.

↲ حتى عضلات التنفس نفسها بتتأثر.
العضلات اللي حوالين الصدر والمجرى الهوائي بتشتغل بشكل غير طبيعي، كأنها بتقاوم طول الوقت علشان تساعدك تتنفس… وده بيخليك تحس بالإجهاد حتى من غير حركة حتى وانت نايم 💤

"أول حاجة حسّيت بيها بعد أسبوعين من الدايت… إني بقيت باخد نفسي طبيعي!"

دي جملة بنسمعها كتير من عملائنا بعد ما يبدأوا نظامهم الغذائي وده مش صدفة.

السمنة ( زيادة الدهون الحشوية ) مش بس بتأثر على تنفسك…
لا ده كمان على تركيزك، طاقتك، نومك، وصحتك النفسية.

ابدأ من دلوقتي بخطوة صغيرة:
قلل دهون الجسم، وصدقني هتحس بفرق حقيقي في تنفسك ومجهودك ونفسك حتى وانت بتتكلم 💪🏻

#دايت ゚ #دايت #وزن

07/09/2025

إزاي تحسن من صحة كبدك وتتجنب الكبد الدهني

هل سألت نفسك قبل كده…
يعني إيه كبد دهني؟ وليه دكاترة كتير بتخاف منه؟

ببساطة، الكبد الدهني هو تراكم الدهون على الكبد.
وده مش معناه إنك بتاكل دهون كتير، لا… أحيانًا السبب بيكون في السكر، قلة الحركة، السمنة أو مقاومة الإنسولين.

لكن الخبر الحلو؟
الكبد عضو ذكي جدًا… وبيقدر يتعافى لو ساعدته.

التوصيات التغذوية للكبد:

1️⃣. قلل السكريات والنشويات المكررة
↲ السكر الأبيض، العصاير الجاهزة، المخبوزات بالدقيق الأبيض، كل ده بيزود تخزين الدهون في الكبد
↲ بدّلهم بفاكهة طازة، شوفان، خبز أو عيش بلدي، رز بني

2️⃣. استخدم دهون صحية بدل من المشبعة
↲ السمن والزيوت النباتية المهدرجة بتتخزن على الكبد
↲ استخدم زيت زيتون (بارد) ، مكسرات نيّة، سمك مرتين في الأسبوع

3️⃣. زوّد أليافك وخضارك
↲ الخضار الورقي زي الجرجير، السبانخ، والبروكلي بيقلل الدهون ويحسّن الإنزيمات
↲ حاول نص طبقك يكون خضار في كل وجبة

4️⃣. اشرب مياه كفاية
↲ الكبد محتاج يرطّب نفسه علشان يفلتر الدهون
↲ اشرب على الأقل 8 أكواب يوميًا (لو مريض كلى، تسأل دكتورك)

5️⃣. ابعد عن السموم اليومية
↲ قلل من المسكنات اللي مش تحت إشراف طبيب

6️⃣. حافظ على وزنك
↲ كل كيلو زايد بيضغط على الكبد
↲ نزول 5–10٪ من وزنك يعمل فرق كبير في الدهون على الكبد.

7️⃣. إتحرك.. حتى لو مش بتلعب رياضة
↲ نص ساعة مشي يوميًا تحسّن حساسية الإنسولين وتقلل الدهون

8️⃣. نام كويس
↲ النوم الأقل من 6 ساعات بيزود مقاومة الإنسولين وتراكم الدهون

9️⃣. ابعد عن كل أكلة مش بتفيد جسمك
↲ الأكلات المصنعة، المحفوظة، والمليانة إضافات سكريات ودهون بتتعب الكبد
↲ خليك مع الأكل الطبيعي: مطبوخ في البيت، مكونات معروفة، بدون مواد حافظة
↲ كل أكلة نظيفة بتساعد كبدك يتنفس من جديد

أهم الأكلات اللي تنظّف الكبد وتقلل الدهون عليه:

▪️ الثوم ◄ ينشّط إنزيمات الكبد ويقلل الدهون
▪️ الكركم ◄ مضاد التهاب قوي بيساعد على تجديد الخلايا
▪️ البنجر (الشمندر) ◄ يحفّز تنظيف الكبد
▪️ البروكلي ◄ غني بمركبات تحسّن وظائف الكبد
▪️ الشوفان ◄ مليان ألياف بتقلل مقاومة الإنسولين
▪️ الشاي الأخضر ◄ مضاد أكسدة قوي بدون سكر
▪️ زيت الزيتون ◄ يحسّن إنزيمات الكبد ويقلل الدهون
▪️ الأفوكادو ◄ دهون صحية وفيتامين E
▪️ السمك الدهني (زي السالمون والسردين) – غني بأوميجا 3, 6
▪️ الخضار الورقي الأخضر ◄ ينقّي الجسم ويقلل الالتهاب

كمان متنساش البذور، لأنها بتدعم الكبد جدًا:

▪️ بذور الكتان ◄ غنية بأوميجا 3 ومركبات مضادة للالتهاب
▪️ بذور الشيا ◄ مليانة ألياف وبتساعد في توازن سكر الدم
▪️ بذور دوار الشمس ◄ مصدر قوي لفيتامين E
▪️ بذور اليقطين (القرع) ◄ فيها زنك وماغنسيوم بيدعموا الكبد

ضيف ملعقة صغيرة من أي نوع على الزبادي، الشوفان، أو السلطة كل يوم عشان هتفرق جدًا مع كبدك.

📢: ابدأ تدخلهم في أكلك واحدة واحدة… كبدك هيرتاح وهيشكرك

🔟. لازم ثم لازم تروح لدكتور وتتابع حالتك
↲كل جسم مختلف عن التاني وقد يكون في أمراض أو مشاكل تانيه في الجسم مع الكبد
↲ أي تعب في الكبد لازم يتابع مع طبيب مختص
↲ ممكن يطلب منك تحاليل إضافية أو أشعة زي FibroScan أو سونار على الكبد
↲ والمتابعة المستمرة أهم من أي وصفة أو دايت وخاصة في الحالات الخطيرة

كل تغيير صغير ليه تأثير كبير على صحتك

#صحة #كبد #دايت #تغذية #غذاء

07/09/2025

ليه بنقولك دايما اهتم بتهدئة أعصابك عشان تحسّن القولون؟

ممكن تستغرب السؤال ده وتقول: "هو القولون مش مشكلة في الهضم بس؟ إيه علاقة أعصابي بيه؟"

خليني أوضحلك وجهة نظري كأخصائي تغذية شاف حالات كتير جدًا من الناس اللي بيعانوا من القولون العصبي.

كتير من الناس بييجوا يشتكوا من انتفاخ، مغص، إمساك أو إسهال ويسألوا: "أكل إيه وماكلش إيه عشان أرتاح؟"
هو فعلًا التغذية ليها دور أساسي لكن بعد ما ناخد بالتفاصيل ونظبط الأكل ف تلاقي لسه في أيام الأعراض بتزيد بشكل واضح… والسبب؟ العصبية والتوتر.

ليه؟
لأن جهازك الهضمي مش شغال لوحده، هو مرتبط مباشرة بعقلك من خلال حاجة اسمها محور المخ–الأمعاء (Gut-Brain Axis).
يعني أي ضغط نفسي أو عصبية بتخلي المخ يبعت إشارات للأمعاء، فالحركة تزيد أو يحصل تشنجات وبالتالي الأعراض تتضاعف.
والعكس كمان صحيح لأن تعب القولون المستمر بيخليك أكتر توترا وده يدخلنا في حلقة مفرغة.

طب اي الحل؟
مش إنك تمنع أكلة معينة وخلاص. الحل إننا نشتغل على الجانب الغذائي والنفسي مع بعض.

من ناحية التغذية: نقلل أكلات مهيّجة زي الكافيين، البقوليات بكميات كبيرة، والأكل الدسم. ونزود الألياف القابلة للذوبان، الأطعمة الغنية بالمغنيسيوم، والمياه الكافية.

ومن ناحية الأعصاب: نعلّمك تمارين بسيطة للتنفس، المشي الخفيف، النوم الكافية لجسمك.

لما تجمع بين الاتنين هتكتشف إن التحكم في القولون مش مجرد ورقة أكل مكتوبة… هو أسلوب حياة متكامل:
أكل مناسب + أعصاب هادية.

عايز تعيش من غير ما تفضل دايمًا قلقان من مغص أو انتفاخ؟
ابدأ التغيير النهاردة، وهتلاقي نفسك مش بس بترتاح في بطنك لكن كمان أعصابك ومزاجك بيتغيروا للأحسن.

اشترك في متابعتنا الشهرية مع
Diet and Wellness
هنكون معاك خطوة بخطوة عشان نقفل الحلقة دي ونرجّع التوازن لجسمك وعقلك.

Diet and Wellness: No Fat, No Illness.

05/09/2025

ليه عملاء Diet & Wellness بيثقوا فينا؟

كتير من الناس بتسألنا: "إزاي أضمن إنكم مش هتنصبوا عليا؟"

والإجابة بسيطة جدًا: إحنا عمرنا ما هنضحّي باسمنا وسمعتنا عشان ٢٥٠ جنيه. السعر متاح ورمزي عشان نقدر نساعد أكبر عدد ممكن مش عشان نبيع أوهام.

وده السبب اللي بيخلينا نشارك معاك سكرينات من عملاء حقيقيين… ناس كان عندهم نفس القلق:

خايفين ياخدوا نظام كوبي بيست.

مش واثقين إن الأخصائي هيفهم حياتهم اليومية.

مترددين بسبب تجارب سابقة من غير متابعة.

لكن التجربة معاهم فرقت:

✅ تواصل خلال 24 ساعة من أول رسالة.

✅ نظام غذائي كامل خلال 48 ساعة، معمول مخصوص حسب وزنك وروتينك وأكلك المفضل.

✅ متابعة أسبوعية + دعم معنوي ونصايح عملية زي "تعمل إيه لو جعت بالليل".

أي سؤال أو مشكلة طول الشهر… هتلاقي رد فوري.

والأهم:
مش بنقبل كل الحالات. في أمراض زي السرطان وأمراض الكلى بنرفضها، لأننا مؤمنين إننا هنُسأل قدام ربنا قبل أي حد 🤷🏻‍♂️

الشفافية + الالتزام + النتائج = السبب الحقيقي إن عملائنا بيشاركوا تجارب نفتخر بيها بحمد وفضل من الله علينا ❤️

لو عايز تبدأ من غير قلق… ابعتلنا كلمة (بداية) وهنتواصل معاك خلال 24 ساعة.

05/09/2025

إزاي تتجنب أن الشرايين ماتتسدش؟

مش لازم توصل لجلطة عشان تهتم .. كفاية إنك تعرف اللي بيحصل جوا جسمك… وده اللي هشرحهولك ببساطة:

↲ في البداية الشريان بيكون سليم والدورة الدموية ماشية من غير أي مشاكل.

↲ بعد فترة من العادات الغلط، بتبدأ الدهون والكوليسترول يترسبوا على جدار الشريان.

↲ الجسم بيتعامل مع ده كأنه التهاب ويبدأ يتكون نسيج فوق الترسبات… بنسميه (اللويحة).

↲ المشكلة الحقيقية إن اللويحة دي ممكن تنفجر وساعتها الجسم يكوّن جلطة تسد الشريان تمامًا… وده سبب رئيسي للاسف في الجلطات القلبية والدماغية.

طيب ليه ده بيحصل؟
▪️ الإفراط في الأكل الغني بالدهون المشبعة (زي المقليات، اللحوم المصنعة، الزبدة).
▪️ قلة النشاط البدني.
▪️ ارتفاع ضغط الدم أو السكر من غير تحكم.
▪️ التدخين.
▪️ التوتر والضغوطات المستمرة.
▪️ نقص تناول الألياف والخضار.
▪️ تجاهل التحاليل الدورية.

طيب نعمل إيه؟ إيه الحل؟

↲ ركز على أكل الأطعمة المضادة للالتهاب زي:
▪️ الثوم، الكركم، الزنجبيل، والبصل
▪️ الأسماك الدهنية زي السلمون (غنية بالأوميجا ٣)
▪️ الخضار الورقي زي السبانخ والجرجير
▪️ الحبوب الكاملة بدل العيش الأبيض
▪️ المكسرات مش المُملحة
▪️ زيت الزيتون بدل الزيوت المهدرجة

↲ وقلل أو أمنع من:
▪️ اللحوم المصنعة
▪️ الحلويات والسكريات العالية
▪️ الدهون المهدرجة والزيوت المقلية
▪️ الاملاح الزائدة والمشروبات الغازية

↲ مارس رياضة ولو ٣٠ دقيقة مشي يوميًا

↲ اعمل تحليل دهون وسكر كل ٦ شهور عشان تطمن على نفسك

↲ واشرب ميه كفاية ونام كويس

صدقني… وقاية بسيطة النهاردة، أحسن من علاج مُكلف وخطر بكرة.

لو حاسس إنك محتاج خطة غذائية ب ٢٥٠ج ومتابعة شهرية تناسب صحتك ويومك وتقلل من خطر تصلب الشرايين، تواصل مع معانا دلوقتي، وخد أول خطوة صح 💪🏻

#صحة #معلومات #دايت #تغذية

Diet and Wellness

21/09/2025

20/09/2025

18/09/2025

16/09/2025

16/09/2025

15/09/2025

14/09/2025

11/09/2025

07/09/2025

07/09/2025

05/09/2025

05/09/2025

Address

Website

Alerts

Shortcuts

Share

Category