المستشفي البيطري بالعباسية

08/07/2025

عملاؤنا الأعزاء اهم حاجة اننا نبقى متابعين لاليفنا وعارفين سلوكياته وايه الطبيعى بتاعه وامتى ناخد بالنا ان فى حاجة غريبة تلفت انتباهنا وده دور مهم فى رعايتهم ودى حالة كلبة صاحبها انتبه ان فى حاجة غريبة على الانسة الصغنونة وطبعا ماستناش عليها وبالفحص وبعد ماعملنا اللازم كله واتاكدنا من وجود حصوتين فى المثانة وهنشوف حجمهم وخلو شكل المثانة بقى ازاى علشان نقدر اد ايه الكائنات الرقيقة دى ممكن تتألم وللأسف مايقدروش يعبروا عن المهم أو وجعهم طبعا أطباء قسم الجراحة بالمستشفى الممتازين د محمود بالفعل شخص الحالة يوم السبت ود حلمى رئيس قسم الجراحة قام بإجراء العملية وتم إزالة الحصوتين والحمد لله الحاله تعافت وبقيت صحتها جيده .

08/07/2025

عملاء المستشفى البيطرى بالعباسية الاعزاء بعد التحية ..... نحب ابلاغكم بتوافر اصناف جديدة بأسعار تنافسيه وهي أدوية الحشرات وشامبو الحشرات وتطعيم الفطريات للقطط والكلاب ده بجانب الأدوية الأخرى المتوفرة و وايضا توفير قسطرة القطط ودى من أهم الاحتياجات طبعا لحالات احتباس البول وايضا اختبار البارفو للكشف عن الإصابة بمرض البارفو وايضا إجراء المسحات المهبلية وفحص الجلد والأذن للقطط والكلاب و عن توافر تطعيم السعار بالرخصه المعدنيه و تطعيم الثنائي والسباعي والثماني للكلاب وتطعيم الرباعي للقطط.

21/05/2025

21/05/2025

عملاؤنا الأعزاء مربى الكلاب والقطط
كل عام وحضراتكم بخير نحب نفكر حضراتكم أن مع دخول فصل الصيف والحر لازم نهتم اكتر باليفنا الجميل ونحب ناكد على حضراتكم اهتمامنا احنا كمان بصحة وسلامة اليفكم وعلشان كده حرصنا على نوفر كل الخدمات اللي ممكن تحتاجوها لاليفكم وبناكد على حضراتكم
توفر رخص عام ٢٠٢٥ بتطعيم السعار وبناكد على ضرورة الترخيص للكلاب👌👌👌👌👌👌وده علشان نامن نفسنا وطبعا مش هننسى باقى التطعيمات للقطط والكلاب.

03/05/2025

متطلبات استخراج رخصه ٢٠٢٥
١- بطاقه صاحب الحاله
٢- بطاقه تطعيمات الكلب ( ان وجدت)
٣- إحضار الكلب المراد تطعيمه
٤- العمر لايقل عن ٦ اشهر فما فوق

03/05/2025

عملاؤنا الأعزاء كل عام وحضراتكم بخير يسعدنا إبلاغ حضراتكم انه تم توفر رخص الكلاب لعام ٢٠٢٥ ونسعد باستقبال حضراتكم بالمستشفى البيطرى بالعباسيه الحكومى على مدار أيام الأسبوع
سعر الرخصة و تطعيم السعار:142.80

يشرفنا استقبال حضراتكم واليفكم حرصا على صحته وسلامته

11/02/2025

عملاء المستشفى البيطرى الأعزاء وبالأخص مربى القطط وبما اننا فى فترة البرد واللى زى ماحضراتكم شايفين واصلة لمنتهاها وكلنا متكتكييين🥶🥶🥶🥶🥶 اكتر حاجة ممكن نلاحظها على القطط وبالأخص الذكور منها عرض مهم جدا وهو احتباس البول وده عرض مهم جدا متكرر ماينفعش تتجاهله ابدا ومش معنى كده ان مش نشوفه فى الإناث لا طبعا بس بنسبة أقل طبعا طيب أسبابه كتيرة منها مرضى سواء بسبب بكتيري أو فيروسى أو صفة تشريحية مثلا ضيق مجرى البول أو بسبب نوع التغذية والسبب الأشهر طبعا الاحساس البرودة وقلة شرب الماء طبعا والإكثار من الاكل الجافاو الوجبات الغنيه بالبروتين قليلة الالياف.
طب والحل ايه؟ نحاول بقدر الإمكان نوفر تدفئة ومصدر للماء ونحافظ على نسبة الماء فى جسم القط وتدخل سريع طبعا.
ودى حالة قط عنده ٧ سنين جه يعانى من احتباس بول وتم تركيب قسطرة فى قسم الجراحة فى المستشفى وبناكد على بحضراتكم أن مع برودة الجو دى من اكتى الأعراض اللى لازم ناخد بالنا منها لصحة وسلامة اليفكم.

11/02/2025

اهلا بحضراتكم وياريت نكون خفاف عليكم ونتمنى نوصل لمرحلة ان بحضراتكم تنتظروا بوستاتنا. 😄😄😄😄😄
كان السؤال التانى اللى حابين ونجاوب عليه هو اعقم قطتى ولا لا؟ هنعرض بحضراتكم صور لقطة كانت تعانى من التهاب رحمى ونشوف قد ايه القطة بتبقى بتعانى من تعب والم حتى صاحبها مش بيبقى شايفه.
وبالفعل تمت عملية التعقيم والاستئصال عندنا فى المستشفى فى قسم الجراحة.
دى صور لرحم قطة عندها إصابة فى الرحم طب سبب الإصابة ايه؟ ان صاحبها مش حابب انها تتزاوج وده لأسباب احنا نشوفها عادية هو جاب قطة واحدة مش ذكر وأنثى اللى هو ده الطبيعى وكمان مش هقدر على رعاية الكيتين وهو مكتفى بقطة واحده فى البيت ظاهريا ده بالنسبالنا سبب بسيط ولكنه بالنسبة للقط مؤذى وضد الطبيعة الغريزة وله آثار سلبية جدا وممكن تكون نتيجته الصور اللى شايفينهادى فلو مش هنوفر لها فرصة التزاوج يبقى نعقم رحمة بيها وحماية لها من عواقب كتيرة مضرة لها.

21/01/2025

اعزائي مربي ومحبي القطط..
ممكن نتكلم بشكل عام كده وبسيط عن اكتر حاجات ممكن تدور فى دماغ صاحب القطة ويحب يسالنا كدكاترة عليها🤔🤔🤔🤔🤔
فحبينا نجاوب على حاجات تساعد حضراتكم:
س: ايه أهمية تطعيم الرباعى؟
س: واعقم قطتى ولا لا؟
طيب خلينا نجاوب عن سؤال انا شايفه انه مهم ولازم صاحب كل قط يبقى عارف إجابته.
ايه هو التطعيم الرباعى؟
وايه أهميته؟
بس هبدا الإجابة وهرد بسؤال مش ملاحظين كمية الحالات وان قطط كتير تعبانة خلال الفترة دى ومن مدة قبلها وأعتقد ممكن تزيد شوية يمكن لحد شهر فبراير كمان.
ده بسبب ان كتير مش بيطعم الرباعى اعتقادا منه أن القط مش بيخرج فهيتصاب ازاى؟ وده كان من أهم أسباب انتشار وزيادة الحالات
والأمراض القاتلة التي قد تصاب بها القطط إن لم تطعم به هي: 1. أمراض الجهاز التنفسي (مرض الهربس): وهو فيروس يصيب القطط
2. مرض كالسي: والذي يصيب الجهاز التنفسي كذلك. 3. سرطان الدم (لوكيميا القطط): وهو مرض قاتل للقطط
4. البانليكوبينيا (طاعون القطط): وهو مرض شديد العدوى، يحدث بسبب
الإصابة بفيروس بارفو
طيب ايه هو بقي تطعيم الرباعى؟تطعيم القطط الرباعي:
وهو تطعيم أساسي، سمي بالتطعيم الرباعي لأنه يحمى القطط من أربعة أمراض فيروسية قاتلة، لذلك يعتبر تطعيما مهما، وإهماله يؤدي إلى العديد
من المشاكل الصحية خلال مراحل حياة القط والتي قد تصل الي فقدان القط الحياة .
وكده نبقي عرفنا نبذه بسيطة عن أهمية التطعيم الرباعى👌ويارب نكون قدرنا نوضح ولو حاجة بسيطة تعرفنا قد ايه لازم ومهم نطعم قطنا.
ونحب نطمن عملائنا الكرام بأن التطعيم متوفر بقسم التحصينات بالمستشفي فيلا ماتستناش لما قطك يتعب وسارع بتطعيمه.
مع تحيات اطباء قسم الباطنه

08/12/2024

عملاؤنا الكرام تم توفر اختبار كاشف الاصابه بفيروس البارفو للجراوي و كاشف الاصابه بطاعون القطط

04/12/2024

يعلن قسم الجراحه بالمستشفي عن استئناف إجراء العمليات الجراحيه المختلفه ( ماعدا الكسور ) لكافة الحيوانات

29/11/2024

تتقدم اسرة المستشفي من اداره و اطباء و اداريين و معاونين بأسمى آيات الحب والتقدير الي د.هشام على زهره Hesham Zahra و الاستاذه ثناء تاج الدين بالتهنئه بمناسبة بلوغكم سن الستين وخروجكم على المعاش بعد سنوات طويلة من العمل الدؤوب والعطاء المستمر. لقد كنتما مثالاً يُحتذى به في الإخلاص والتفاني، وتركْتَما بصمةً لا تُنسى في مسيرتكما المهنية.

هذا اليوم ليس نهاية الطريق، بل هو بداية مرحلة جديدة مليئة بالفرص لتحقيق أحلامكم الشخصية وقضاء أوقات ممتعة مع من تحبون. نأمل أن تكون هذه الفترة مليئة بالراحة والفرح والإنجازات التي تسعد بها نفسكم وأسرتكم.

نحن فخورون بكما وندعو الله أن يوفقكما في كل خطوة تخطوها. كل عام وأنتما بخير وصحة وسعادة.