صيدلية د/ محمد عبد الفتاح

07/11/2025

١) هل بطء نزول الوزن☹️🙁 أو ثباته بعد عمليات السمنه دي حاجه طبيعيه ؟
الإجابة المباشرة هي نعم 👍👍

٢) ما هو معدل نزول الوزن بعد عمليات السمنة؟🧐🧐🤔🤔
طبعا مع الإلتزام بتعليمات ما بعد العملية

-أول 3 شهور: يفقد المريض حوالي 30% من الوزن الزائد😊
-أول 6 شهور: يفقد حوالي 50% من الوزن الزائد😃
-بعد سنة: يفقد حوالي 70% من الوزن الزائد😂😂

٣) أسباب بطء نزول الوزن 👎👎🤷🤦🤦
- تكيف الجسم
- عدم الالتزام بالنظام الغذائي
- قلة النشاط البدني

٤) نصائح لتفادي بطء نزول الوزن :
- اشرب ميه كثير💧💦💧💦
- نظام غذائي متزن غني بالأطعمة الكاملة، مثل: الخضروات، والفاكهة، والحبوب الكاملة، والبروتين، والألياف الغذائية.🌿🍉🍑🥝🥦🥒🍏🍓🍒🍅🥕🥬
- قسم النظام الغذائي على ثلاث وجبات كلهم فيهم بروتين🥩🍗
- تجنب الاكل الجاهز والمعلبات والسكريات والمشروبات الغازيه والقهوه والصودا🌭🍔🍟🥯🥫🍰👎👎🫣🫣
- امضغ الاكل كويس قبل البلع
- العب رياضه 🏃🏃🏋️🏋️🏊🏊 بانتظام بعد شهر ونصف او شهرين من العمليه


للاستفسار 01007567558

07/11/2025

إبني بيكح بقاله فترة...! أعمله أشعة ولا لأ؟

السؤال ده بنسمعه كتير..

- مش كل كحة أو سخونية تستدعي إننا نعمل أشعة للطفل.
لكن في حالات لازم نلجأ للتصوير الطبي 🩻

طيب إيه هى الحالات اللي بنطلب فيها الأشعة؟

١. كحة مستمرة أكتر من 10 أيام ومفيش تحسن 🗓️

٢. لو بعد الكشف بالسماعة شكينا في إلتهاب رئوي أو مياه على الرئة 🌫️

٣. لو الطفل عنده حرارة متكررة من غير سبب واضح 🌡️

٤. لو صوت نفس الطفل غير طبيعي (زي الصفير أو الخشونة) 🫁

٥. لو حصل فشل في الاستجابة للعلاج 💊

📌 الأكاديمية الأمريكية لطب الأطفال بتوصي بالأشعة لما الكحة تطول أو تظهر أعراض تنفسية مش مفهومة.

⚡ نصيحة :

- ما تطلبش الأشعة بنفسك وسيب القرار للطبيب وده عشان ما تعرضش طفلك لإشعاع مش ضروري.

- التشخيص الصح = أول خطوة للعلاج المظبوط.

24/10/2025

بنفكر كل عملائنا الكرام
يوجد لدينا توصيل مجانا للمعصره و حدائق حلوان و الدفع
🔸كاش 🔸️فيزا 🔸إنستاباي

24/10/2025

🤧👶 الرشح عند الأطفال..❄️

تعال نفهمه ببساطة 👇

🔹 إيه هو الرشح؟
- الأنف بتفرز مخاط زيادة عن الطبيعي 😮‍💨
وده بيحصل لما الجسم بيحاول يطرد فيروس أو ميكروب دخل الجهاز التنفسي 🦠

🔹أهم أسبابه :

١. نزلة برد 🤒 أو أنفلونزا 😷

٢. حساسية فى الأنف من تراب أو دخان 🚬 أو ريحة قوية 🌸

٣. تغيّر مفاجئ بين السخن والبرد 🌡️

٤. المروحة أو المكيف لما يضربوا فى وش الطفل 🌀

٥. أحيانًا التهاب جيوب أنفية.

🔹 الأعراض اللى ممكن تلاحظها :

👃 أنف الطفل سايلة.
🤧 عطس متكرر.
😪 انسداد أنف وصعوبة فى التنفس.
🍼 الطفل الرضيع ممكن يتعب فى الرضاعة.
🌡️ حرارة بسيطة أوقات.

🔹 العلاج بيكون حسب السبب:

- لو نزلة برد → راحة، سوائل كتير 💧، نقط محلول ملحي 👃

- لو حساسية → نبعده عن السبب، ودكتور ممكن يكتب بخاخ أو مضاد حساسية 💊

- لو التهاب بكتيري → الطبيب يقرر لو محتاج مضاد حيوي ⚕️

🚫 ما تديش أدوية من نفسك.
🚫 ولا تستخدم بخاخات من غير استشارة.

🔹 طرق الوقاية:
🧼 غسل الإيدين دايمًا.
🚫 ابعدطفلك عن اللى عندهم برد.
🌬️ حافظ على تهوية كويسة فى المكان اللى بيقعد فيه.
🧣 متخليش تيار الهوا يضرب فى وشه مباشرة.
🧥 دفّيه كويس فى البرد.

🔹 نصيحة من القلب ❤️
- حط شوية فازلين حوالين الأنف عشان تحمي الجلد من الالتهاب 💧
ولو الرشح طول أو لونه بقى أخضر غامق وله ريحة 👃😖
روح للطبيب فورًا 👨‍⚕️

24/10/2025

1️⃣ نزلات البرد 🤧

لما الجو يبتدى يقلب؟ ودرجة الحرارة بتطلع وتنزل؟ 😷
يبقى موسم البرد بدأ فعلاً وهتبدأ تزيد معاه نزلات البرد.

- عاوزك تعرف إن نزلات البرد من أكثر الأمراض انتشاراً في الخريف والشتا

- بيسببها أكتر من 200 نوع فيروس وأشهرهم الراينوفيروس (Rhinovirus) طبقاً لتقارير منظمة الصحة العالمية (WHO)

👃 الأعراض الشائعة لنزلات البرد:

- عطس متكرر.

- انسداد أو رشح في الأنف.

- كحة خفيفة.

- وجع في الزور.

- تعب عام.

- أحياناً سخونية بسيطة.

🧠 ولازم تعرف إن البرد مرض فيروسي يعني المضاد الحيوي مالوش فايدة لأن المضاد الحيوي بيشتغل على البكتيريا بس مش الفيروسات.

💡

تعمل إيه لما يجيلك نزلة برد؟

١. اشرب سوائل دافية كتير (شوربة - ينسون - زنجبيل)

٢. خُد فيتامين C وZinc بانتظام لدعم المناعة.

٣. اغسل إيدك بالمياه والصابون كل شوية.

٤. استخدم مناديل لما تعطس.

٥. ارتاح كويس ونَام وقت كفاية.

٦. استخدم محلول ملحي للأنف لو مسدود.

🧬
بحسب دراسة من جامعة "Harvard Health" :-
بتقول إن الناس اللي بتنام أقل من 6 ساعات في اليوم
بتكون أكثر عرضة للإصابة بنزلات البرد بنسبة أعلى 4 مرات من غيرهم.

💪 وأخيراً :
المناعة القوية هي خط الدفاع الأول ضد أي فيروس.



#الخريف

#المناعة

#الزنك

24/10/2025

🔷غسول تترا جلو🔷
يعمل الغسول بفضل تركيبته على تقليل التصبغات والبقع الداكنة، مع الحفاظ على ترطيب البشرة ونضارتها حيث يحتوى على الترانيكساميك اسيد.

17/10/2025

إفرازات الجيوب الأنفية.. لونها بيكشف سرها! 🤔🩸

- عمرك لاحظت إن إفرازات أنفك كتير بيتغير لونها؟ وده مش صدفة!

- كل لون له معنى وممكن يقولك إيه اللي بيحصل جوه جيوبك الأنفية. 🧐

🔹لون شفاف:
وده الطبيعي وبيدل دايما على إن الأغشية المخاطية شغالة كويس.
المخاط الشفاف ده بيحمي الأنف من الغبار والجراثيم.

⚪ أبيض وسميك:
وده بيظهر في بداية نزلة البرد أو مع الحساسية لأن الاحتقان بيقلل تدفق المخاط فبيكون أثقل.

🟡 أصفر:
يعني جسمك بدأ يحارب عدوى.
والخلايا المناعية زي "النيتروفيلز" بتفرز مادة بتدي اللون ده.

🟢 أخضر:
وده غالبًا بيدل على عدوى بكتيرية في الجيوب الأنفية.
لو اللون استمر أكتر من 10 أيام أو مصحوب بسخونية أو ألم في الوجه لازم تراجع الطبيب.

🔴 فيه دم:
الدم مش دايمًا خطر.
لأن أغلب الحالات سببها جفاف الأنف أو التهابات بسيطة أو ضعف في الشعيرات الدموية.
لكن لو متكرر أو مصحوب بكتل أو صداع شديد فضروري فحص طبي.

💧 نصائح مهمة:

- اشرب مياه كتير عشان المخاط يفضل سائل وسهل الخروج.

- استخدم بخاخ محلول ملحي لتنظيف الأنف.

- تجنب التدخين والمهيجات الهوائية.

- استنشق بخار مياه دافية يوميًا لفتح الجيوب الأنفية.

- خليك في مكان رطب متجدد التهوية.

🩺 منظمة الصحة العالمية بتقول إن 10 إلى 15٪ من الناس بيعانوا من إلتهابات مزمنة في الجيوب الأنفية وأغلبهم بسبب الحساسية أو العدوى المتكررة.

شاركنا في الكومنتات… إيه أكتر لون لاحظته عندك مؤخرًا؟ ⬇️

17/10/2025

17/10/2025

🫁 هل حساسية الصدر بتروح لما الطفل يكبر؟ 🤔

السؤال اللى بيتكرر من كل أم وأب عندهم طفل عنده حساسية ..

"يا دكتور :
ابني عنده حساسية صدر.. هى هتروح لما يوصل ٦ سنين؟"

- الإجابة العلمية :

مش واحدة لكل الأطفال يعنى الأبحاث بتقول إن حوالي نص الأطفال المصابين بالربو أو حساسية الصدر بيخفوا أو الأعراض بتقل بشكل واضح لما يوصلوا سن المدرسة.

وده مثبت في دراسات منشورة في مجلات طبية زي The Journal of Allergy and Clinical Immunology وLancet Respiratory Medicine.

📊 والإحصائيات بتقول:

- حوالي ٥٠٪ من الأطفال اللي عندهم حساسية صدر خفيفة بتتحسن حالتهم أو تختفي عند سن ٦–٧ سنين.

- لكن ٤٠–٥٠٪ ممكن تستمر معاهم الأعراض بدرجات مختلفة لمرحلة المراهقة أو البلوغ.

🔬طيب إيه اللي بيحدد إذا كانت الحساسية هتروح أو لأ؟

أولا:
✅ الحساسية ممكن تتحسن أو تختفي لو:

١. الحساسية بتحصل بس مع نزلات البرد (viral-induced wheeze).

٢. مفيش تاريخ عائلي للربو أو الحساسية.

٣. الطفل معندوش حساسية أنف أو جلد.

٤. البيئة خالية من التدخين والروايح النفاذة زى البخور والعطور القوية.

❌ وممكن الحساسية تستمر عند بعض الأطفال لو:

١. أحد الوالدين عنده ربو أو حساسية.

٢. الطفل عنده حساسية أنف مزمنة أو أكزيما.

٣. بيتعرض لتلوث أو تدخين بشكل متكرر.

٤. الأعراض بتحصل حتى من غير برد.

🧠 والسبب العلمي لده إن الجهاز التنفسي عند الطفل بيكبر والممرات الهوائية بتتسع مع العمر. وده بيقلل تهيج الشعب الهوائية.
لكن لو فيه استعداد وراثي أو عوامل مهيجة مستمرة بتفضل الحساسية نشطة.

📌كمان معظم الدراسات بتوصي بـ:

- تجنب التدخين السلبي نهائيًا.

- استخدام العلاج الوقائي بالبخاخات حسب تعليمات الطبيب.

- متابعة الحالة دوريًا كل ٦ شهور.

- الاهتمام بعلاج حساسية الأنف لأنها بتزود نوبات الصدر بنسبة تصل إلى ٧٠٪ حسب أبحاث NIH.

💬 والخلاصة:
- حوالي نص الأطفال اللى عندهم حساسية بيتحسنوا فعلًا بعد سن ٦ سنين لكن النصف التاني محتاج متابعة وعلاج منتظم عشان الحساسية متتحولش لربو مزمن.

★ هل ابنك بيجيله الأزمة بعد البرد ولا من غير سبب واضح؟
السؤال ده يحدد الاتجاه بدقة.










#عيادةالمعصرة