28/04/2026
تأكد تماما ان سعييك ف اى حاجة ف الدنيا لازم باذن الله هتجني ثمارة!
دي سنة الله في الدنيا! ولاي حد ايان كان هو مين ولا جاي منين
!
💯💯✅💯💯
وانك لما تسعي ف حاجة فيها رضا ربنا سبحانه وتعالي او فيها نية خير واستثمار حلال وطيب ف دنيتك هتجني الثمار باذن الله ,,, ولكن الاجمل ان كمان بيكون فيها البركة والتوفيق من ربنا سبحانه وتعالي
💯🌟👏🏻💯✅
وتأكد تماما ان مفيش احلي من " النوايا الصافية " ال بنقول عليه بالبلدي
" السلكان " ,,, وانك تحب الخير لغيرك اكنه لنفسك بالظبط!
بيكون جميل جدا ف التعاملات وبيتردلك اضعاف! ومن اسباب الرزق والتوفيق!
👏🏻👏🏻👏🏻👏🏻👏🏻
احتفالية وعزومة انهاردة هي ع حس الكابتن العالمي ال مشرفنا
بطل العالم في سباحة الزعانف ,,, الكابتن ياسين فرحات!
ال شرفنا ورفع راسنا بكأس احسن سباح ف بطولة كأس مصر 2026!
🤩💯🏆
اول معرفتي لياسين كاستشاري تغذية الرياضيين المحترفين كانت من حوالي سنتين ونص والحمدلله دايما من بعدها اى بطولة بندخل نعمل اقوي شغل واقوي نتايج بمساعدة الكابتن المحترم الجميل المُخلص جدا جدا " الكابتن شاذلي " وبمساعدة كباتن الفتنس المحترمين ال اتعاملنا معاهم ع مدار السنتين ال فاتوا
🤲🏻
ولكن البطولة دي كانت مختلفة ,,, وحصل فيها موقفين بيأكدوا ع كلامي ف اول البوست ,,, سمي الله وهحكيهالك والله بنفس ال حصل بالظبط!
🔻🔻🔻
الموضوع بدأ يوم الجمعة لما روحت احضر لياسين سبق ال 50 م AP
والحمدلله كان وشي حلو ع ياسين وخطف الذهب
🥇
بعدها حصل اجتماع مع كابتن شاذلي وياسين عشان نراجع النقط ونشوف موقف الكاس ,,, خصوصا ان احنا معانا منافسة شرسة من شاب جميل ومعاه فريق عمل قوي جدا ربنا يبارك فيهم ,,, وكان عندنا 3 احتمالات و 3 سباقات المفروض نختار بينهم عشان نحط ميدالية ف واحد فيهم نخطف بيه الكأس
فضلنا نتكلم شوية وكان معانا ف الاجتماع كابتن " زيكا " ال هو ملوش علاقة بياسين كا تدريب او ارشاد! هو صديق لكابتن شاذلي ولياسين واتشرفت انه بقي صديق ليا مؤخرا ,,, ربنا يبارك فيه
🫶🏻
اتكلمنا شوية واتفقنا بنسبة 90% هنعمل اى ونشتغل ع اى كاولوية اولي وكا بلان B
قام ياسين اتحرك ع البيسين عشان يتمرن ومكنتش اخدت بالي ان كابتن زيكا قام دخل معاه!
❗️
كدا انت فهمت وعيشت اليوم والموقف معانا 😁مش هطول عليك بقي وهندخل ع الموقف الاول ع طول :-
🌟 قومت مع كابتن شاذلي عشان ندخل نشوف ياسين ف التمرين واحنا ماشين لاقينا ست الكل والدة ياسين كانت لسه نازلة من المدرجات سلمنا عليها وحكينا ليها ال بيحصل واننا بنفكر وبنرتب هنعمل اى عشان الكاس فلاقيت الست بكل ثقة وبكل هدوء الام الواثقة في الله ثم ف ابنها ما شاء الله تبارك الله وقالت بالنص
" بصوا يا كباتن انا بشهد لياسين ان ربنا يبارك فيه مقصرش وما بخلش باي مجهود ، وكل ال عنده عمله واجتهد فيه، وانا واثقة تماما ان ربنا هيرضيه ان شاء الله "
🌟🌟🌟🌟🌟
انا قسما بالله كنت شايل هم الموضوع وعمال متوتر شوية عشان السباقات معظمها مش ف خطتنا ومنها حاجات اصلا ياسين مش بينافس فيها! لكن بعد الجملة دي انا اتطمنت تماما وهديت تماما ,,, وحرفيا الكلام اتحط بالشكل الصح ف المكان الصح وف الوقت الصح ,,, والحمدلله حصل وربنا راضي ياسين وكرمنا وفرحنا بيه.
💯✅💯✅💯
الموقف الثاني :-
🌟واحنا بنختار السباقات ال نحاول نشتغل ع واحد منهم نخط فيه ميداليه! كنت انا بواقع خبرتي مع جسم ياسين ونقط قوتة وخبرة البطولات ال قبل كدا كانت رغبتي ونصيحتي انه يحط عينه ع سبق ال 100 م IM ال هو سبق ياسين اصلا مش بينافس فيه ومش معاه ادوات السبق اصلا! ولكن هو اكتر حاجة فيها احتمالية الفوز عالية " علميا ع الورق " واتفقنا مع الكباتن ان ياسين يبدأ يشتغل عليه واستلف الادوات من زمايله ال هم ارجل رجالة وببعتلهم احلي سلام من هنا
🫶🏻
فلما دخلت اشوف ياسين ف التمرين وعاوز اشجعه واقنعه اكتر بالسبق دا وان ان شاء الله فرصتنا الاكبر ف السبق دا ,,, لاقيت ال واقف بيكتشن وبيدي التعليمات والنصايح والاسرار هو كابتن
" زيكا " ! بكل حب وبكل نية صافية واقف بيعمل كل حاجة بكل اخلاص ودقة اكن بطل من فرقته هو ال هينزل يجب الكاس ‼️ ومن ساعتها ومكانة كابتن زيكا بقت عندي كبيرة اوي واتطمنت اكتر ان ان شاء الله الروح الحلوة دي اخرها فرحة حلوة
💯💯💯💯💯
والحمدلله قد كان 🤲🏻🤩💯 وكملنا الفرحة الحلوة انهاردة بشوية طواجن عكاوي وكبدة لزوم اعادة شحن مخازن الزنك وفيتامينات B ال خلصت مننا ف البطولة 😂
🫶🏻🫶🏻🫶🏻🫶🏻🫶🏻
احلي صحبة واحلي رجالة واحلي مواقف ان شاء الله تكون سبب ف نجاح رياضيين اكتر وزيادة الروح الرياضية ف المجال الرياضي
وان شاء الله باذن الله الجايات اكتر واحسن
وعاش العاش 🤩
Yassin Frahet Frahet Shazley Abo Elhassan Mostafa Zakarya
