https://www.facebook.com/489046591150790/

هو مبسوط أنه خلقك بنت

Home
Egypt
Cairo
هو مبسوط أنه خلقك بنت

Contact information, map and directions, contact form, opening hours, services, ratings, photos, videos and announcements from هو مبسوط أنه خلقك بنت, Mental Health Service, Cairo.

صفحتنا بتساعدنا كبنات وستات اننا نعرف عن هوايتنا الانثويه الأصليه بحسب قلب الله لما خلق حواء
مش زى ما العالم بيحاول يعلمنا ..بفكرك دايما مهما كانت حالتك او اختيارك او قرارك
هيفضل... هو مبسوط انه خلقك بنت❤️

16/09/2025

مؤخرا كل ما بغرس فى الحياه وبكبر
اعظم حاجه بقيت بمتن لربنا بيها
هو لحظات السلام اللى بنخطفها من انياب الاحداث المرعبه اللى بتحصل يوميا
فى كل مره قلبى بيتسكن ويهدى ..واحس ان فوق الواقع
بعرف ان عندك المسيح عندك كل حاجه معندكش المسيح فانت فقير مرمى على طرقات العالم

21/07/2025

يسعد صباح اللى تايهه فى بريه الالم
واللى بدات اول سكتها ..فى نفق اخره صدى صوتها وبس
اللى انتهى من بحور لغتها كل الكلام..واتلاشى وفضلت بس ... علامات الاستفهام
يمكن بداتى الطريق وسقف طلباتك.. ب امتى هتخرجنى؟
وانتهى بيكى الواقع وانتى قمة ارتياحك تجاوبنى
على سؤال ..ليه؟
بس خلينى اقولك مهما اجتهد اللى حواليكى فى محاولاتهم للتفسير والاجابه انتى بتعملى ايه هنا..وليه؟
فانا جايه اقولك ..الاجابه عنده هو بس
اجابه تشبه رحلتك ..سكتك...وحكايتك معاه
اجابه تشبه تجربتك بتفردها ..
اجابه حامله جواها كل حسابات قصتك ومعطياته
كافيه للقلب والعقل
هيجاوب بتوقيته مش على ميعادك
هيحاوب يمكن فى اول سكتك بتشديده على ايدك تقول هنجتازها سوا
هيجاوب بحمل على الكتاف لما تتوحش عليكى ارض معركتك وتصعب الخطاوى وتخونك مقاومتك
هيجاوب بنفس جديد يخليكى قادره تستحملى مخاض الم ولادة انسانك الجديد
او يمكن يجاوب .. بصمته !!
علشان يسمعك احشائك المتجدده وهى بتعلن لاول مره وفى عز الم بريتها ..انه صالح وللابد رحمته
حتى وانت محتجب
هيجاوب بالف طريق يتفتح فى قلبك..وطريقه تطمنك
ويمكن بعد كل ده
هتخرجى من بريتك
وانتى مش فارقلك الاجابه على سؤال" ليه"
لان وقتها ..هتعرفى مش مهم دخلتها ليه
المهم اجتازتنى وعبرت بيا فيها ازاى
وقتها بس ...مكان بريتك ..وارض شقائك
هتفهمى
كان مكان تزينك كعروس للقا عريسك ❤️

02/07/2025

عارفه المحايلة الروحيه اللى يغلب عليها اداء الفنانه عفاف راضى فى مطلع اغنيتها
" امشى عنه روحى للدبه نانو"
واللى بيكون مدخلها
روحله هتخرج بحال متبدل ..بنفس متهلله..وبفرح غير مبرر
فتسال نفسك
طب وانسانيتى اللى خرجت كل اللى فى جيوبها واللى ظهرت بكامل هيئتها قدامك من ضعف ..وخزلان..واحباط ..ورفض
هتروح فين ولو كل اللى عندى واتسرسب من اعمق نقطه فى قلبى اترمى ولا كانها ذنب مخزى طرح فى غياهب النسيان
يبقى ليه اتوجد من الاساس !!
بس انا مصدقة ان عمرك ماكنت ساحر بحيل وخفه تشتت العقول وتغيب المشاعر المؤلمه ...ولا عمرك كنت مخدر لواقع جزء من حكايتى.ولا بتبدد بتعاويذ وطلاسم ضعفات انسانيتى وظلالها
لكن يقينى
ان فى نور وجهك يتجلى خوائى وعظيم عجزى لما يتحط فى نفس اللحظه مع ومضاتك المنطلقه من قلبك
لما تفضل ذاتى مطروحه منكسه وفى نفس المشهد تضئ معيتك
فلا تتمحى انا ولا يتحول المشهد لقوة خارقه اتجلت من العدم
لكن يظهر الكيان العظيم وهو
انسان بالنعمه مكتمل..
يظهر انسانى المغلوب...والله القائم الاتنين فى حكاية واحده حكايه بتقول ان الله ما بيفنيش الامى ولحظاتى اجترارى ليها
محتاجين نعرف ان فى حضوره مفيش اماته لانسانيتى ومشاعرها مفيش اخفاء لكن الاماته ل اللى ممكن تقودنى ليه المشاعر دى لو هو مظهرش فى المشهد جنب بشريتى وماتحتويه
"مكْتَئِبِينَ فِي كُلِّ شَيْءٍ، لكِنْ غَيْرَ مُتَضَايِقِينَ. مُتَحَيِّرِينَ، لكِنْ غَيْرَ يَائِسِينَ.
مُضْطَهَدِينَ، لكِنْ غَيْرَ مَتْرُوكِينَ. مَطْرُوحِينَ، لكِنْ غَيْرَ هَالِكِينَ"

07/06/2025

قبل ماتنامى
خلينى اقولك ان اعظم نجاه للانسان
انه ميكنوش غبى قدام الفرص
لو كنتى عيشتى فى بيت صعب
وسط اهل مؤلميين
فانتى لسه قدامك فرصه تختارى حياه. تانية ..
حياة...لكى تحى
لسه قدامك. فرصه تعملى حياة ..وتختارى شريك سكنها
ولانها حياة ..مش مجرد بيت
مينفعش تختاريها بره ايد اللى بيعرف يعملها
تعالى قدامه وحطى نفسك بملء مافيها
تعالى ليه واطلبى حياة بكون هو نسجها
اطلبى حياته..وقلبه فى بنى ادم
اطلبى حياة تكتمل فيها سكة شفاكى
اطلبى حياة ..
اطلبى شريك
يوم ما تيجى سيرة رحلة اوجاعك يكون هو اللى جه يشاور على..صلاح الله

02/06/2025

قبل ماتنامى
بفكرك
انه بيبارك ..حتى لو غرست رجلك فى ارض الفشل واتجذرت
بيعين...حتى لو اتورطتى وطال بعادك فى سكة توهانك
بيلم ورانا...حتى لو عكينا العمر بقرارات غبيه
بس خليكى فى دايرته
ولو كنتى براها طول اليوم...تعالى باتى فى ظله
تعالى باتى فى" بيتك "
تعالى احتمى ..باللى باقى منك

15/05/2025

عندما يشر ق النور لاول مره فى أرض مظلمة لسنين طويلة
فى الحقيقه ..لن يكون المشهد مبهجًا !!
غالبا ما تكون الارض غير نظيفه ومليئه بحطام ومزابل الماضى ..لان لم يعتن بها احدا
لان لااحد كان يراها !
فالله لا يرسل نوره لظلمتنا لكى يعيرنا ..او ايقاظ الشعور العميق بالعار
فالله نوره كنور الفجر ..يهمس بهدوء ان ما رايته ليس الحقيقه..واليوم بدايه شئ جديد سيحدث
فيارب
نورك قوى يؤلم عينى
استطيع ارى بوضوح جدا.. ربما اكثر مما استطيع الاحتمال
يارب ساعدنى اصدق ان نورك ليس ليشعرنى بالعار والخزى
لكن ليعطى الامل ةالرجاء لارضى المظلمه
ساعدنى اصدق ان نورك واشرقك لحياتى.
لم ياتى ليطرحنى فى صفوف غير المستحقين
ولكن لتعلن ان هنا سيكون موضع راحتك
آمين ❤️
من #كتاب
متأصلون فى محبة الله

09/05/2025

بتنازل يارب ..بتنازل يارب عن حلمى اللى قطع نفسى وشحتفنى.
بتنازل يارب عن حلمى اللى اوقات خلانى استخدمك علشانه واخدك سكه وطريقه لتحقيقه
بتنازل يارب عن حلمى اللى حطك ورايا بدل ماتكون قدامى وجنبى
بتنازل يارب عن حلمى.. اللى كان محور صلاتى وتكرار محاولاتى
بتنازل يارب عن حلمى.. اللى كل دقه ونبضه جوايا كانت ملهوفه عليه وشوفت قيمتى فيه وحياتى فى وجوده
بتنازل يارب عن حلمى...اللى مبتسمتش غير لما لمحت طيفه من بعيد و ربط سعادتى بخطوات قربه
بتنازل يارب عن حلمى ..اللى كان سبب ثورتى وفجر بركان غضبى وبمنتهى الجحود انكرت معروفك
بتنازل يارب عن حلمى.. اللى يمكن اتاخر وطال و خلى الملل والياس يلاقى سكناه فى قلبى ..بتنازل يارب عن كل حاجز بنيته بينى وبينك
وسميته .."حلم"
بتنازل. ..عن حاجات خدت منى سنين ووقت وطاقه ومشاعر ومجهود ..خدت منى "انت" .
بتنازل عن كل حلم حطنى فى سكه توهان ووهم وحرمنى من اللى ميتعوضش ...حضن "بابا"
بتنازل وبامتنان شديد بفرد ايدى وبعتق قبضتى وقررت اختارك

02/05/2025

لكل اللى داخله على منعطف تاريخى ف حياتها :D جواز ..سفر.. ولاده... شغل.. بدايه علاج .. موت شخص مؤثر ف حياتك ...
بشكل ما محدش هيفضل معاكى للحظات الاخيرة واللى حقيقى بنتواجه فيها بخوفنا ,واحساسنا بالضياع والوحده مهما حاولنا نخبى اوحاولوا اللى حوالينا يسندونا هيجى الوقت اللى.محدش بيفضل مش لازم لانهم خزلونى ..بس لازم تيجى اللحظات الاخير اللى مهما كانت الزحمه حواليكى لازم اوجهه لوحدى ..الكل هيوصلوكى لغايه الباب ويلفوا ويمشوا بعيد لانهم عندهم طريقهم اللى لازم يمشوه بس محدش هيمشى مشوارك معاكى محدش هيخرج معاكى للنقطه الفاصله ولبعد خط النهايه ..بس هتفضل اللحظات الاخيره للاوقات المهمه دى مش بتاعت حد ..غيره.هو هو اللى هيمشى معاكى مشوارك وسكتك هو اللى هياخد بايدك ويدخل بيكى اهم وقت ولحظات بتعدى عليكى هيفضل هو بطل مشهد لحظاتى الاخيره واحداثى المهمه كل مره

18/04/2025

ابنى عنده 8 سنين لاول مره يشوف مشاهد من فيلم The Passion وسمع كام معلومه عن تفاصيل الالام المسيح ..و بعد ما تشبع من اللى سمعه وشافه.
سالنى وليه كل ده ؟!
والسؤال هنا عن اجابه هوعرفها بس عقله لسه مش مستوعب ان ممكن يكون السبب الوحيد ..انه" حبنى"
يستاهل كل ده
والحقيقه لو عقله اللى لسه بيخطى فى المعرفه والاستبصار من حقه ميصدقش
فحتى عقولنا اللى بحكم السن والمجتمع والقانون والاعراف نضجت و بدات تحتكم لكل منطق وموضوعيه واللى برغم كل اللى عاشته فى عزه وغناه مازالت مش قادره تدرك الحقيقه دى لمنتهاها
ان فعلا احنا الهدف ..واحنا المبتغى
واللى لاجله اجتاز الام ..وحدود كل سقف وعى بشرى
لما العالم لغته تكون عدم استحقاق الغير ..والترك ..والتخلى
لما نعيش فى عالم العظمه تتجلى فى الانانيه وتمجيد الذات وحفظها من كل احتمالات الالم
يبقى الطبيعى انه ميدركش الاله المجروح بجروح الحب
اله اقر ان الالم للشجعان واعظم ملك ..هو "استردادنا"
فياصديقتى حتى لو العالم هيشوف قصتنا معاه اسطوره
وطيف من الخيال اتورثتها اجيال
فخليتى اقولك يتقال زى ما يتقال يكفى ان هيتذكر فى حكايتى اللى مهما كانت بائسه ومؤلمه
ان فى شخص حبنى ..حتى الموت

15/04/2025

النهارده كملنا 12 سنه معاكم هنا على صفحتنا
هو مبسوط أنه خلقك بنت فى البدايه لما قررت اعملها كان اللى بيحركنى هو ان عايز اوصل اللى اختبرته من تعاملات الله مع هويتى " كبنت" تحديدا. ..اوصل تعامله مع انسانيتى اولا وهويتى " كبنت" ثانيا
وفى كل مره كنت بمشى وبتتفتح عينى لارض جديده كنت بكل امانه باجى هنا واشجع اللى يمكن بيجتازوا زى فىسكه اكتشافهم لنفسهم
شكرا لكل مره اتبعتلى من خلالكم كلام مشجع وتشديد على الكتف ان اكمل ..شكرا لان عرفت ان سككنا مهما كانت فرديه بس محتاجين نتوانس بقلوب تشاركك جوعك وتفرح بشويه شبع
شكرا لكل بنت سمحتلى اشاركها اراضيها المقدسه وادخل لاراضيها الخشنه. المتالمه
شكرا لامانتك فى اختيارك سكة التعافى. مهنا كانت صحبه
شكرا لكل ثقه اتوضعت فينا اننا هنعرف نؤتمن على جروحكم..واتمنى اننا نكون كنا ادها
اتمنى يكون البوست فرصه لكل حد هنا يشاركنا ويشجعنا فى مسيرتنا
اتمنى تسيبولنا تشديده نعرف نكمل تاتى بيها
شكرا ليكم ..دايما
دمتم مبسوطين ودمتم فى المسيح
ودامت حقيقه ان
#هو #مبسوط #انه #خلقك #بنت..دايما معلنه ❤️

28/03/2025

ليل داخلى
واستعداد " لمشاهدة طيبه "
جملة كلاشيه لمذيعات التسعينات
ناس متجمعه على اولى حلقات مسلسل
" لام شمسيه " يبدا المسلسل وبمجهود لا يذكر قادر تقرا شعور واحد اترسم فى عيونهم مع اول مشهد
رعب ...ونبضات قلب بتسرع اكتر من الايام ولو ليها صوت هيبقى صلاة وحماية لعيالهم من نفس مصير " الطفل اللى فى المسلسل" ...
الا انتى ؟!!!
كنتى اه وسطيهم بس فى لحظه انفصلتى بالزمن وخرجتى براه فى رحلة للقاع واللى ادفن فى الاعماق وعشتى على انكاره سنين
فجاءه اترميتى فى مواجهه مؤلمه مع اللى كتمان السنين ومحاولات غلوشتها انه محصلش
الكل خايف على اعتبار ممكن" ما سيكون" لعيالهم
و انتى هنا جايه من اعتبار " ما كان" ما حصل
قصاد "مشهد " فضح ذاكرة جسمك ومحاولات كتمانه
و اتخيلتى بتواط مع وعيك المتألم اللى عاش لحظات رعب انه تمت السيطره عليه بالكامل بس ب " مشهد" اترسم قصاد عينيك داب الزمن واستحضرك بكامل االالم للحظة اللى داق فيها قلبك لاول مره الغصه والمراره وعجز انه ينسى انه اتسلب..واستذنب...
وان هنا كان اخر مره اتشاف فيها بنى ادم مش حطام
وبدل ما كنتى فاكره ان اللى فات بقى ذكرى ادراكتى انك انتى اللى بقيتى ذكرى لماضى مسجل على جدرانك
انتصارات هزيمتك
بس خلينى اقولك
ايوه قلبك طلع لسه هناك ..
بس مش اسيرته
ايوه لسه الماضى بيلوى دراعك باللى فات
بس بفكرك ان ملوش سلطان غير شويه هجمات
..يمكن مبصم ...بس ممتلكيش
بفكرك لسه " حره" لسه عارفه حروف كلمة " لا" ولسه عارفه تقوليها
لسه فيكى كل امكانيات الاستناره ..مبوظتيش ولا عرف شر زمان يطفيها
انتى هنا بوعيك اللى حتى لو مش مصدق..هو عارف ان لسه فى نجاة
فى اللى قادر يعيد معجزة خلقك من جديد ويقودك لسكك ولاده تانيه
فى شخص قادر ياخد حطامك ويرمم ثغرتك
فى شخص كان هناك وقت الالم
وهنا قادر يستدعى من العدم ..من تاتى ادم

Address

Cairo

Website

facebook.com

Alerts

Be the first to know and let us send you an email when هو مبسوط أنه خلقك بنت posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Cairo?