05/07/2025
{قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِّمَّا يَجْمَعُونَ}
السيدة زينب .. لندن
دي جزء كبير من وحدة متكامله كانت مسؤوله عن طواريء النسا ليوم كامل في مستشفي احمد ماهر التعليمي بالسيدة زينب رجاله تتقال بالدهب .. كنت جي من الجلاء للنسا والولادة و ربنا كرمني اقابل أستاذتنا د احلام السعيد رئيستنا واللي ليها أيادي بيضاء علي الجميع روحت وقتها مسالك ٦ شهور اتعلمت فيهم حاجات كانت مهمه جدا في حياتي واد ايه المسالك دي بجد مدرسه اتقابلت فيها مع د محمد سعيد اللي حببني في المسالك و أنا حببته في النسا فا ساب المسالك و اخد نسا في الجلاء للنسا والولادة 😆 ..
وصلت الوحدة الجميله دي وحدة اد احلام السعيد عشان أتقابل مع اجمل صحبه وأجمل ناس د عمرو جهاد اللي كان بيعلمني و بيشغلني معاه برافيت و كانت بصراحه ايده سخيه جدا و اتعلمت منه حاجات كتير وكان دايما ورانا برزانه و عقل وحكمه غريبه .. و اخويا د ابراهيم حسنين اللي كان طول عمره فنان و انيق و ليه نظره في الحياه غير مسبوقه بجد تحب تشوف حاجات كتير من خلال تصوره وتفكيره ..انسان وفي جدا لشغله وتفكيره في الحالات و طريقة الشغل فريدة من نوعها بجد ابراهيم حسنين نموذج للشخص اللي يعتمد عليه ود محمد مغاوري الشيك الأنيق الراسي اللي مشرف احمد ماهر كلها في انجلترا و المتألقه دايما علما و عملا د ميريهام الحلواني بس هيه مش معانا في الصوره لكن ركن ركين في الوحده وجديرة بالتألق في كورسات كثيره للزماله البريطانيه ….
زكريات الفرن و القهوة اللي قصاد احمد ماهر اللي مافيش حد معداش عليها كانت جميله ايام وذكريات ورشة عمل عظيمه تحت قيادة د احلام و استشارين جمال جدا رحمة الله علي من فارق الحياة منهم وبارك الله فيمن يقودون المسيره الي الان و سبحان المولي الوحدة تقريبا بالكامل تتجمع و تشتغل في لندن و تقود وحدات عمل و تبقي دكاتره تقال شايلين مستشفيات ومن القهوة و الفرن الي مطاعم لندن تلمنا و نتغدي احلي غدوة وكان قدر سيدات انجلترا و اوروبا ان ينتقوا لهم افضل الاطباء من مصر وكافة البلاد ليكونوا مسؤولين عن صحتهم ..
الزمن قاسي جدا و طويل ولكن تبقي الأرواح و الذكريات و العمل والمسيره الطويله .. فرحان جدا اني كل ما اروح لندن بتقابل بتيم احمد ماهر و الجلاء جيل عظيم جدا أتعلم واخد اكبر شهادات في العالم وبيقود مسيرة الصحه في مستشفيات إنجلترا .. وبعدها اطلع علي الامارات عشان اقابل المصريين بردو اللي في كل مكان مشرفين مصر .
بحبكوا جميعا في الله و كان يوم جميل جدا وبارك الله فيكم وفي أسركم
ملحوظه : معانا في الصورة د يزيد من الأردن يعمل في انجلترا و بيحب المصريين جدا 💚
الزماله البريطانيه للنساء والتوليد
البورد الأوروبي للنساء و التوليد
ماجيستير طب الجنين جامعة برشلونه
استشاري النساء و التوليد
