04/05/2026
علاج التغدد الرحمي بتكنولوجيا بتعيد بناء بيئة الرحم من تاني 🌱
الخلايا المتمردة اللي استخبت جوه عضلة الرحم، وبدأت تعمل التهاب مزمن بيخلي جدار الرحم دايما متشنج والبيئة الكيميائية فيه غير مرحبه للجنين.
في تقنيات خرجت لنا بره الصندوق و برا المتعارف عليه في علاج التغدد الرحمي ، التقنيات دي مش بس بتشيل المرض، دي بتصلح الأرض👌 (البطانة)
إحنا مش بس عايزين نشيل الوجع، إحنا عايزين نصلح جودة البطانة.
• 1️⃣. الهايفو (HIFU): من غير جراحة ولا غرزة، الموجات الصوتية بتدخل تدمر بؤر التغدد. ده بيقلل الضغط على بطانة الرحم فورا، وبيخليها ترجع تتنفس وتستعد لاستقبال الجنين.
2️⃣ . التردد الحراري (Radiofrequency Ablation - RFA)
دي تقنية تانية بتعتمد على الحرارة زى الهايفو، بس بطريقة مختلفة شوية. بندخل إبرة دقيقة جدا بتوجيه السونار لحد ما توصل لمركز كتلة التغدد.
الإبرة دي بتطلع موجات راديو بتولد حرارة عالية في محيط الإبرة فقط.
بتعمل كي داخلي لمنطقة التغدد، فبتدمر الأعصاب المسؤولة عن الألم وتدمر النسيج اللي بيسبب النزيف.
• 3️⃣ . الأشعة التداخلية (قسطرة الرحم): بنقطع الإمداد عن الخلايا المتعبة دي، فبتهدى البيئة الالتهابية (Inflammation) اللي كانت بتطرد أي جنين بيحاول يثبت.
النتيجة: الرحم بيرجع لمقاساته الطبيعية، والمنطقة الفاصلة (Junctional Zone) اللي كانت متضخمة بتبدأ ترق وتتحسن، ودي أهم خطوة لنجاح أي حمل.
الطرق التانيه محتاجة ذكاء و نفس طويل و انا بسميها الهدنة الطبية
هقولكم إزاي بنجهز الرحم لاستقبال الحلم؟
لو عندك اى سؤال اسألي في التعليقات 👇
