EgDoctors

14/10/2024

14/10/2024

Why didn't you do anything?

05/02/2021

-لماذا يكتئب الاطباء ؟!..
حجم الأطباء و الطبيبات اللى اعرفهم مكتئبين يعدى ال 70 % من زمايلى مع اختلاف ظروفهم الإجتماعية ( مسافر - جوا مصر - متجوز - استشاري - اخصائى).

1- النجاح أهم من المتعة :
فى ثانويه عامه مباراة مهمه بين الاهلى و الزمالك قبل الامتحان بيوم .. تقريبا معظم الاطباء مش هيتفرجو على الماتش لان فى امتحان مهم .. فاستطاع ان يلغى متعته مقابل نجاحه...
فى حين ان معظم زمايلنا من الكليات التانيه بيتفرج على الماتش حتى لو مش هيراجع الماده.
القصه دى بتصاحب الاطباء حتى فى جوازتهم .. ممكن ميتجوزش البنت اللى بيحبها ( المتعه ) .. مقابل انه يتجوز جوازه صالونات احسن ( نجاح) .. اتعود على كدا.. ممكن يسافر عشان يدخل فلوس اكتر ( نجاح ) مقابل يسيب اهله و اصحابه ( متعه).
و المتعه سر من اسرار الاقبال على الحياة..
2- الطموح :
الطموح حاجه جميله و بنحاول نخلى الناس كلها عندها طموح.. بس كل شئ يزيد عن حده ينقلب لضده احيانا. .
3- المقارنة :
الدكتور من و هو فى المدرسه متعود على المقارنه و المنافسه ( مين هيطلع الاول على الفصل ) . .و المقارنه مهلكه نفسيا. .
4- ذو العقل يشقى فى الحياة بعقله :
زى ما قال الشاعر .. معظم الاطباء مستوى الذكاء بتاعهم كويس و بالتالى مجرد ما يفكر فى الحياه بيكتئب اكتر..
5- البيئه المحيطه :
صاحب جميل الروح تصبك عدوى جماله .. تخيل العكس بقى ان حضرتك شغلك كله عباره عن ناس عماله تتاوه و دموع و صريخ و تحمل خبر وفاة لاهل مريض..
6- النبطشيات On call :
عايز تقتل اى انسان معنويا و نفسيا طول عمره و تلغبطله نومه مدى الحياه .. اديله سنتين تلاته يشتغل بعد الساعه 12 بليل..
7- القرارات المصيريه : الطبيب كل يوم بياخد قرار كل حاله مريض عباره عن سؤال عايز اجابه .. مش بيشتغل زى استاذ ( ابراهيم ختامه ) وظيفته بس انه معاه الختم بتاع الجمهوريه بيمضى للناس..
8- الدارسه طويلة الأمد :
فكرة انك تبقى عندك 40 سنه و لسه بتذاكر و بتروح الامتحان خايف .. مقابل ان كل الناس خلصت دراسه عندها 22 سنه مرعبه .. و بعدين لما 40 سنه تاخد الاجازه الكبيره .. هتروح فين ( الملاهى مثلا )!.
9 - العزله عن المجتمع :
عدد ساعات شغل طويله بتخليك معظم اليوم لاما فى العياده لاما شايل نبطشيه 24 ساعه و من اسباب السعاده فى الحياه الارتباط بالاهل و كذلك فهم الناس.
تلاقى الدكاتره اكتر ناس كمان بينضحك عليهم من اى صنايعى او صاحب مهنه .. و دا بيدايقهم جدا لان بيحس انه ذكى و مع ذلك بيضحك عليه كتير..
10- طبيب العائله المقصر :
غالبا اكتر واحد العيله بتساله عن كل حاجه حتى لو قولتلهم ان حضرتك تخصص جوده او مكافحة عدوى .. انت فاهم فى كل حاجه و لازم تيجى معانا عند كل دكتور و تبقى فاهم .. و غالبا هتطلع مقصر بردو فى الاخر..
طيب و الحل..
فى حاجات فى ايديك.. و حاجات لا -
بس اهم حاجه..
1- حاول تستمع فى حياتك متاجلش المتعه.
2- مش كل حاجه نجاح بعض الفشل ممتع.
3- لازم تعرف توقف نفسك امتى والا هتفضل تجري طول حياتك ,,,حدد هدف مادى توصله .. او هدف زمنى.
4- متقارنش نفسك بحد.
5- الأهم: جدد نيتك دائما لله .. الطب ممكن يكون ابتلاء فعلا بس فى نفس الوقت نعمه من الله بتاخد عليها ثواب كتير ...بس جدد نيتك دائما.

18/10/2018

Dissection of the heart ❤

09/01/2018

السلام عليكم..
كنت حطيت بوست من تلات شهور عن أني اتشكيت من عيان HCV HIV أثناء جراحة
وكنت منتظر أتأكد أنها عدت على خير علشان أكتب البوست دا
وانهارده ولله الحمد والمنه اتأكدت وعملت ال confirmatory test ل hiv وطلع سلبي الحمد لله 🙂

عاوز اتكلم في نطاق الايدز أو ال HIV بس بحكم الرعب ال عيشته التلات شهور ال فاتوا من أني أكون أخدت العدوى..
حد حرفيا ميت من الرعب.. نفسيا مضطرب جدا.. مش بقرب من ولادي الا بحساب.. فكرة الموت والوصم مسيطرة عليا بشكل أثر على شغلي وامتحاناتي كنت بحلل كل اسبوع تقريبا..

متخيلين واحد بيقول يا رب c بس بلاش hiv

أكاد أكون قرأت كل الابحاث ال اتعملت على ال hiv testingو ال needle stick injury

أول خطوه بعد الشكة وأنا بصرف العلاج الوقأئي post exposure prophylaxis بعد ماعرفت ان العيان عنده ايدز بعد ماحللتله كان عدى حوالي 42 ساعه
عرفت أن في قولين ان العلاج يتاخد في خلال 48 ساعه أو 72 ساعه والاصح 72 لكن قررت اني أسعى اني أجيبه فورا

توجهت للمصل واللقاح الساعه 7 تقريبا قالوا مش عندنا روحت حميات امبابة قالوا تيجي الصبح.. قلتلهم هيكون الوقت عدى قالوا مالناش فيه ( وهنا لازم نطلع بنقطة أن محدش هينفعك ولا انت فارق مع وزارتك) بطريقة ما عرفت أجيب جرعة عن طريق صحفي حبيبي وجابهالي في ربع ساعه بالمناسبه بعلاقاته بناس ماسكين ملف ال hiv في مصر

روحت تاني يوم الحميات عشان اصرف العلاج وارجع العلبه ال أخدتها لصاحبها.. وكانت الصدمة بالنسبالي.. عشرات كانوا بيصرفوا علاج الايدز في مجرد دقايق وقفت فيهم.. ناس شكلهم وهيئتهم لا يعطيك أي انطباع أنهم مرضى منهم شباب 16 سنه تقريبا او أقل.. لا في سرية في اعطاء العلاج ولا في احترام لادمية الناس.. نظرات الوصم في عين كل العاملين.. ودا بالمناسبة كان في وجود رئيس برنامج الايدز في مصر..
هتقولي عرفت منين.. هقولك أن بعد ما عرفتهم بنفسي الصيدلانيه خلتني اقف في نفس الطابور ورفضت تديني العلاج الوقائي من الداخل رغم تأكيدي انها اصابة عمل.. ودا طبعا بعد ما كانت رافضه أصلا تديني العلاج لولا توصية د وليد رئيس البرنامج بعد ما الصحفي صديقي ال كان معايا كلمه.. فوقفت ف الطابور واتنظرلي نفس نظرة الوصم..
كنت مقرر اني لو اضطررت اقف في الطابور دا تاني لو كنت أخدت العدوى فالموت أهون بكتير والله

وأخدت العلاج بعد ما كتبت اقرار اني اجيبلهم التحاليل ال لسا عاملها وال بتقول اني negative في نفس يوم الشكة..

خلونا بقا نتكلم عن ال يهمنا ك أطباء
ال hiv بقا very common فعلا
يمكن بقيت بشوفه اكتر من b
لكن فرص العدوى من الشكة لا تتعدى ال تلاته ف الالف

وفي سؤال اتسألته من صديقي ال كان معايا.. ايه الفرق بين hiv و hbv
فعلا مفيش فرق.. بالعكس ال b اخطر في انتقاله والاتنين كذلك بيتنقلوا بالجنس والحقن
عشان كدا أرجوكم بلاش نظرة الوصم لمريض ال hiv عشان بيخبي واحنا مابناخدش احتياطاتنا وبنلبس ف حيطه بعد كدا

حافظ على اجرائاتك الوقائية
لو ماخدتش تطعيم b فانت بترتكب جريمة في حق نفسك وأهلك

البس تلات جوانتيات جوا العمليه

اطلب تحاليل فيروسات لكل الحالات لو تقدر

ماتبصش لعيان ايدز او سي او بي نظرة وصم في ناس كتيره منهم ملهمش ذنب أنا كنت ممكن أبقى منهم اتعاملوا بس بحذر
..
نفترض بعد الشر اتشكيت
بشكل عام
Off فورا
اغسل ايدك بماء وصابون تحت ماء جارية شوية وليكن خمس دقايق
ماتعصرش... ماتعصرش.. ماتعصرش
لو ماتعرفش العيان ايجابي لاي فيروس ولا لاء

اسحب عينه وابعتها تتحلل فورا..
عشان لو ايجابي تاخد علاج وقائي

فرصة نقل العدوى ف ال hiv تقترب من الصفر ف الميه (.0.3%)
ومن بعد ال post exposure prophylaxis النسبة بتقل مفيش غير اصابة واحده في امريكا من اواخر التسعينات نتيجة needlestick
العلاج الوقائي موجود في حميات امبابة بس هيقرفوك على ماتاخده حرفيا..

Hiv testing
Antibodies by elisa is highly sensitive
At 1 month and confirmatory at 3 monthes
If negative اطمن وطلع حاجة لله
If positive بعد الشر
Do western blot to confirm

___
Hcv
فرصة العدوى 3%
مالوش علاج وقائي
تحلل antibodies عند 1 - 3 - 6 شهر
او pcr من بعد شهر من الشكة
_____
Hbv 30% فرصة العدوى بشكة الابرة
واتقي ربنا في نفسك وخد التطعيم ارجوك..
ومش هقولك ان في hbv ig ممكن تاخدها ف خلال يوم تقريبا لانك مش مضطر لدا
بكرة تروح تاخد التطعيم أبوس ايدك
______

النقاط المهمة..
-مرضى الايدز كتير جدا
-وزارتك مش هتحميك وهتذلك عشان تديك العلاج
- حلل للعيانين ماقبل العمليات فيروسات ان استطعت دائما
- لا توصم مريض ايدز حتى وان كان مدمن أو ش*ذ.. انت طبيب
- أمن نفسك عشان محدش هينفعك لو اخدت عدوى
-ارجوك خد تطعيم b

شاكر لكل الناس ال كلمتني بعد البوست ال كنت حطيته..
وربنا يحفظنا ويحفظكم من كل سوء
___________
Dr Ahmed Abdul-Halim

11/12/2017

الموت المفاجئ للشباب (المنظور الطبى)

- هوا فى كام واحد من زمايلنا اللى فى سننا كده او اكبر بكام سنه مات السنه دى؟
- مش فاكر و الله ... انا كل شويه اعدى على بوست ان حد زميلنا مات فجاه او دخل نام ما صحيش
- طب تفتكر ايه ممكن يكون سبب ده طبيا؟ مش دى حاجه تستحق الدراسه يعنى؟ انا ما شفتش حد بيتكلم فى الاسباب الطبيه للموضوع ده و محاولة تحذير الشباب من اى اسباب محتمله 🤔🤔
- يا عم دراسة ايه؟ الاعمار بيد الله .. انت هتكفر .. استغفر الله العظيم 😏😏
- حبيبى و نعم بالله .. بس احنا المفروض ناخد بالاسباب .. امال احنا بنشتغل ايه؟ 🤔

بص يا سيدى .. الحاله اللى بتحصل فى المعظم اسمها توقف/موت القلب المفاجئ Sudden cardiac arrest/death
و ده بيحصل فيه ان القلب بيتوقف فجاه ... طب ليه؟

الموضوع ده جذب اهتمام الامريكان من التمانينات و نشروا ابحاث فى New England Journal of Medicine عن اسبابه المحتمله و ايه الاعراض اللى ممكن تنذر بحدوثه ... و كمان واحده من اكبر الدراسات فى امراض القلب The Framingham Study فى التاريخ تناولت الموضوع ده ايضا

الاسباب المحتمله لتوقف القلب المفاجئ تنقسم لخمس حاجات
- مشكلة فى الشرايين التاجيه اما وراثيه و اما مكتسبه Coronary artery disease
- مشكله فى عضلة القلب ذات نفسها و اكثرهم شيوعا تضخم عضلة القلب Hypertrophic cardiomyopathy
- مشكلة فى صمامات القلب و اكثرهم شيوعا ضيق الصمام الاورطى Aortic stenosis و ارتخاء الصمام المترالى Mitral prolapse (الارتخاء غير ارتجاع الصمام المترالى Mitral regurgitation و اللى يعتبر تشخيص مساء استخدامه فى الوسط الطبى المصرى)
- مشاكل التوصيل الكهربى فى عضلة القلب Arrhythmia
- و فى طبعا 20% من الحالات مش معروف سببها idiopathic و عند التشريح بيلاقوا القلب سليم تمام

طبعا المجهود الشديد و الانفعال الشديد فى وجود احد هذه العوامل بيضاعف الخطوره و عشان كده موضوع توقف القلب المفاجئ اكثر شيوعا فى الرياضيين و من امثلتها طبعا محمد عبدالوهاب لاعب الاهلى الله يرحمه 🤲

ايطاليا من انجح الدول اللى درست المشكله دى و نجحوا فى تقليل نسبة الموت المفاجئ بين الشباب بنسبه كبيره جدا باتباع برنامج بيتكون من خطوات كتير اهمها:

1 - تشجيع الكشف على القلب بين الشباب و خصوصا الرياضيين ... طب اى حد هنعمله رسم قلب و ايكو ؟ قالك لا .... بس فى ناس لو عندهم بعض العوامل يفضل يعملوه زى

- عنده احد الشباب فى العيله مات فجاه Family history of SCD
- بيشتكى بالم فى الصدر عباره عن تقل من وقت للتانى Preliminary symptoms (فى الم بيقولى عليه معظم الشباب بيكون عباره عن نغزه كده بتيجى كل فين و فين و بتقعد ثوانى و تروح) لا ده مش تبعنا يا معلم
- و لو بيلعب رياضه بتتطلب مجهود عنيف عموما Intense sports activity
فى حالة اكتشاف ايا من الامراض السابق ذكرها لا بد من علاجها على الفور

2 - و الحاجه التانيه هيا Genetic screening و ده ممكن يكون صعب فى مصر بس لو اى حد حصل فى عيلته الموضوع ده .. يفضل ياخد باله من الفحص ده قبل الجواز و متابعة القلب عند المواليد الجداد

3 - طبعا فى عادات بتزود احتمالية الموضوع ده زى الناس اللى بتسرف فى شرب القهوه و الكحول بمشتقاته Debated و الناس اللى علطول فى توتر زى الاطباء كده (حفظ الله الجميع)

4 - فى النهايه الاعمار فعلا بيد الله بس ربنا امرنا ناخد بالاسباب .... و التوعيه بموضوع زى ده ممكن ينقذ حياة شاب او شباب كتير

فى اول كومنت هتلاقى بيبر بتشرح الخطوات اللى ايطاليا بالتفصيل. و كمان هتلاقى المراجع لكل الكلام اللى فالبوست ده 👇👇

و صدق تعالى "فالله خير حافظا و هو ارحم الراحمين" صدق الله العظيم ❤️❤️
________________
Dr Abdelrahman Abushouk

01/12/2017

طب خلينا نخش في الموضوع بسرعة عشان انت في الحقيقة لازم تتصرف بسرعة .

شكة الإبرة .. جيت في يوم بتدي حقنة لحد واتشكيت منها أيه اللي ممكن يحصل وتتصرف إزاي .

ببساطة انت دلوقتي خايف من 3 فيروسات :

1- فيروس نقص المناعة المكتسبة
واللي بيسبب مرض الأيدز HIV
2- هو فيروس الإلتهاب الكبدي الوبائي سي HCV
3- هو فيروس الإلتهاب الكبدي الوبائي بي HBV

بس كل واحد وليه خصائص وليه طريقة في التعامل ومهم بردو تعرف إحتمالية إنتقال كل واحد فيهم من شكة الأبرة عشان تكون مقدر الموضوع صح .

1 - الفيروس المسبب للأيدز نسبة إنتقاله من السرنجة الملوثة = 3. % تلاتة من عشرة في المية يعني لو جبت ألف واحد وشكيتهم بابرة ملوثة بالفيروس المسبب للأيدز 3 منهم بس هيتصابوا و 997 واحد مش هيتصابوا
2 - فيروس سي نسبة إنتقاله من السرنجة الملوثة = 3% تلاتة في المية يعني لو جبت 100 واحد وشكيتهم بسرنجة ملوثة بفيروس سي 3 بس اللي هيتصابوا و97 واحد مش هيتصابوا
3- فيروس بي نسبة إنتقاله من شكة الأبرة 33% يعني لو جبت 3 أشخاص وشكيتهم بأبرة ملوثة بفيروس بي واحد هيصاب واتنين لأ ودي نسبة خطيرة جداا وهي اللي تستاهل التدخل السريع والفوري .

في نفس اللحظة هتعمل أيه ؟
هتغسل مكان الشكة بماء وصابون كويس جداااا

في نفس يوم الشكة هعمل أيه ؟
فيروس بي هو اللي إحتمالية الإصابة بيه أعلى وبتبدأ بسرعة وليه مصل لازم تاخده بعد التعرض للشكة .. المفروض على حسب حالتك المناعية تجاة الفيروس هي اللي هتحدد محتاج تاخد المصل ولا لأ وده بتعرفه بتحليل الأجسام المضادة (( anti Hbs )) اللي بيقول هل انت متطعم ولا لأ أو حتى اصبت بالمرض قبل كدة بس الحمد لله جسمك قاومه وقضى عليه وكون ضده مناعة ولا لأ .. ولكن في النهاية تقدر تاخد التطعيم على طول ومفيش منه أي ضرر سواء كان عندك مناعة سابقة أو لأ بس خد التطعيم في أقرب وقت ممكن ياريت في خلال أول 48 ساعة .

بعد 3 شهور من الشكة هعمل أيه ؟
فيروس نقص المناعة المكتسبة اللي بيسبب الأيدز نسبة إنتقاله نادرة جداا ولكن فخامة إسمه تكفي إننا نتابعه غصب عننا , الجسم بيكون أجسام مضادة ضد هذا الفيروس بعد 3 شهور فأنت هتروح المعمل بعد 3 شهور من الشكة وتعمل تحليل أجسام مضادة ضد الفيروس المسبب للأيدز ولو طلعت سالبة فالحمد لله , طلعت موجبة هتتابع مع الدكتور . الفيروس ده ليه مصل هو كمان بيتاخد بعد التعرض للشكة ولكن ده بيتم بعد فحص للحالة إذا كان في شوية دم دخلوا أو كانت الابرة كبيرة وغاصت جوة أوي ساعتها بيتم تحديد إذا كنت محتاج تاخد المصل ولا لأ وبالتالي إستشارة الطبيب المختص ضرورية .

بعد 6 شهور من الشكة هعمل أيه ؟
فيروس سي إحتمالية الأصابة بيه قليلة من شكة الأبرة لأنه بيحتاج كمية دم كبيرة عشان يسبب الإصابة ولكن إحنا هنكون في الأمان وهنتابعه عشان نعرف إحنا من النسبة القليلة دي ولا لأ كل اللي هتعمله إنك بعد 6 شهور (( ويستحسن بعد 3 شهور ثم 6 شهور )) من الشكة لأن كل ما تكتشفه بدري كان أفضل هتروح تعمل تحليل أجسام مضادة ضد فيروس سي عشان تشوف اتكونت ولا لأ , لو لأ فخلاص الحمد لله انت من ال 97 الناجين لو اتكونت ده معناه إن الفيروس دخل جسمك قبل كدة والمناعة عملت ضده أجسام مضادة بس منعرفش هل دخلت زمان والجسم قضى على الفيروس ولا هل لسة داخلة من 6 شهور ودي بداية المقاومة والفيروس لسة موجود .. عشان نعرف هنعمل تحليل اسمه PCR عشان نعرف من خلاله هل الفيروس بذات نفسه موجود في الدم حاليا ولا لأ .. طب ليه معملش ال PCR على طول ؟ لأنه غالي فيستحسن تعمل الاجسام المضادة الرخيص الاول ولو طلع موجب ده مش دليل على الاصابة , ده دليل على إحتمالية الإصابة وطبعا لو نتيجة ال PCR طلعت سالبة فانت الحمد لله سليم ولو طلعت موجبة فأنت كدة هتحتاج تتابع مع دكتور أمراض كبد .

طب لو حصل والدم جه على ايدي بس من غير اي جروح .. يبقى تغسل ايدك بسرعة عشان ريحة الدم على الايد وحشة =D بس متقلقش مفيش حاجة هتعرف تخش =D

Needle stick injury can transmits HIV HCV HBV
the incidece of infection from needle stick injury with
HIV is .3% HCV 3% HBV 33%

Managment :
wash with watert and soap
you should take PEP for Hep B as soon as possible
do anti-body analysis for HIV after 3 months and for HCV after 6 months.

05/11/2017

كيف تجمع بين المتناقضات ؟! O.o...
لو سمحت يا دكتور أسامة ( البرنس )
خير يا محمد ( امتياز )..
ازاى الواحد يبقى ( fever ) ،،،
و فى نفس الوقت ( سقعان و بيرتعش) ؟ O.o..
الأستاذ :
أولا لازم تبقى عارف حاجة
جسمك درجة حرارته 37 .. ليه ؟
لأن ال thermostat مظبوطة علي 37 ...
مع ال infection ،،
الbrain بـيـرفــع درجة حرارة ال thermostat ل 39 مثلا .. كمحاولة منه للقضاء على ال infection ...
فى اللحظة دى ،،
ال thermostat عند 39
درجة حرارة جسمك 37
يعني درجة حرارة جسمك أقل من ال thermostat
المخ ياخد كلامه من ال thermostat
درجة حرارة جسمك طبيعية لكن أقل من ال thermostat .. وبالتالي تحس بالبرد ...
محمد :
طيب وايه تفسير الرعشة ؟ O.o.
الجسم لما يلاقى درجـة حـرارتة اقل مـن ال thermostat ..
يبدأ يعمل heat gain
علشان يـوصـــل لل 39
اللى هى الـ Set point الجديدة
ازاى ؟..
عن طريق contraction و relaxation للmuscles ،
واللى بيفسر الرعشة :)..
يا رب تكون فهمت يا محمد :D
مــْـــش صعبة
_________

05/11/2017

أنت اكبر من مجرد تقييم كُتبَ على ورقْ ..
( مقال رائع لطالب طب ليبي )..

أنا محمد طالب في كلية الطب البشري... أواجه يوميا الكثير من الصعوبات أستيقظ على تمام الساعه الخامسة فجرا أصلي الفجر لأجد والدتي أكملت صلاتها وتقوم بإعداد خبز التنور كعادتها أجلس بجوارها خارج المنزل حتى تنتهي ليصحى والدي وأخوتي ونجتمع للإفطار..
كنت دائما ما أصل إلى الحرم الجامعي متأخرا.. بسبب المسافة البعيدة فأنا نسيت أخباركم باني أقطن في ضواحي مدينة بنغازي في قرية صغيرة تبعد 150 كيلومتر.. أصل دائما في منتصف الدرس أو نهايته..
وكان معظم يومي يتلاشى في الطرقات.. كنت أجاهد للنجاح وللحصول على مقبول وكنت سعيدا بهذا التقدير رغم الظروف لأن ّ ما أقاسيه صعب جدا كما اني لست شابا قابل للحشو والحفظ كرجل ألي..

أنا أحب أن أفهم وأتفهم وأستوعب الجسم البشري..
اها كنا مجموعه صغيرة أتكلم عن دفعتي كنا فقط 8 أشخاص .. ثاني دفعه تلتحق بكلية الطب البشري وكان يكفينا فخرا أننا ندرس بها...
تخرجت.. تحصل كل من زملائي السبع على درجة الإمتياز.. أما أنا كعادتي نجحت بمقبول.. وقت إعلان النتيجة كنت في غرفة التشريح مع البروفسور الهندي راما.. كنت مولع بتشريح الجسم البشري حتى بعد إنقضاء السنة الثانية من الطب كنت دائما أقضي جلّ وقتي هناك وتعلمت الكثير

تحصل زملائي على إيفاد للخارج لدولة كندا..
وبسبب تقديري المتدني تم استثنائي من هذا القرار..
رجعت الى قريتي وكل هموم الدنيا تتبّعتني إلى هناك.. قصصت ماحدث لأبي وأمي.. هاتفني صديقي سالم يعزيني في ما أصابني وأخبرني أنهم يكملون اجراءات الإيفاد المقرر في نهاية الشهر..
ضمّتني أمي و أبتسمت وقالت لي سيجعل الله لك مخرجا...
أستيقظت على ضحكات أخواتي البنات وهنّ يصيحن إحداهن أعدت لي قائمة من الطلبات والاخرى تستحلفني أن أدعو ها يوما إلي ّ ...
لم أفهم حتى دخل والدي وبيديه مبلغ كبير من المال باع أرضنا لكي ألتحق بزملائي لإكمال دراستي بالخارج
أدمعت عيناي.. وتذكرت كلمات والدتي وصار الحمل على عاتقي أكبر.. فقد تخلّى أبي عن أرضه لأجلي...

ذهبنا لكندا.. وتخصصت أنا وثلاثة من زملائي في قسم الجراحة العامة..
كان زملائي متفوقين عليّ..
حتى ذات يوم كنت أنا الطبيب المناوب أنا ومجموعه من الدكاترة الكنديين و إثنان من زملائي الليبيين المتفوقين..
جاءت حالة مصابة بانفصال بالعمود الفقري وإصابات متفرقه جرّاء حادث أليم..

أعتذر كل الفريق الطبّي عن التدخل الجراحي بسبب سوء حالة المريض..

شيئا ما دفعني للمحاولة أنا درست التشريح جيدا وافهمه أكثر بكثير من غيري اجتاحتني نوبه من الإيمان بذاتي وقررت أنه عليّا فعل شئ ما...
ذهبت إلى أقارب المصاب وشرحت لهم الوضع كاملا.. اخبرتهم أن الفريق الطبي رفض الجراحة وأن المريض سيموت متأثرا بجراحه العميقة ولكن أن سمحو لي سأقوم بكل ما استطيع لجعله يتمسك بالحياة ومساعدته وتطبيبه..
وافقت زوجة المصاب وقالت احتاج الى كل ذرة أمل ساعده أرجوك... دخلت به للعمليات مع إستنكار لعدد كبير من الدكاترة.. أستمرت العملية 28 ساعة.. قمت بها بوصل الاعصاب وتركيب دعامة للعمود الفقري وايقاف النزيف الداخلي..
انتهيت وها أنا أقف أمام مريضي الذي تبشّر الأجهزة بأن وضعه مستقر..
خرجت لأهله أخبرهم بأن مجموع عملياتي قد نجحت..

والآن انتظر رحمة الله ليستيقظ وأرى مقدار الضرر بسبب الحادث..

بعد مرور أسبوعين المريض بحاله ممتازة ذهنيا و جسديا.. ويتابع جلسات العلاج الطبيعي و التسخين ويمشي خطوات ثابته بمساعدة العكازات.. وحالته في تحسن..
كل أطباء القسم في ذهول.. تم تكريمي وتشريفي بوضع أسمي وصورتي على شاشه افضل دكتور لهذا الشهر..
اصبحت ذو ثقه اكبر.. وشخصية أفضل.

(لا تدع المسمّيات تُحجّمك.. أنت اكبر من مجرد تقييم كُتبَ على ورقْ)

05/11/2017

لقد واجهنا هذا السؤال مرات عديدة من قبل، من منا لم يطرحه على نفسه! في كل مرة كنا نشاهد فيلما قديمًا كانت"الداية" تفاجؤنا فيه وهي تهرع نحو غرفة المرأة التي تلد، وهي تصرخ بجدية وصرامة جنرال حربي في وجوه الموجودين:
"حلة مية سخنة أوام"
لتترك جميع الحاضرات كل ما في أيديهن ويهرعن نحو المطبخ، ثم تعود إحداهن وفي يدها "حلة مية" يتصاعد منها البخار!

وكبرنا جميعًا دون أن نفهم السبب.. لماذا "المية السخنة" تحديدًا؟، هل هناك سرٌ ما ولا يجوز أن نعرفه؟ هل يتم "سلق العيل" مثلًا؟ هل يولد الأطفال بــ "بفرو" أو"غطاء كثيف من "الريش"، ولابد من سلخه أو نتفه كاملًا قبل أن يراه الجميع!
كل هذه كانت أسئلة فقط، بلا أجوبة حقيقية، لأننا لم نجرؤ أبدًا على السؤال، ولم نحدد حتى من يمكنه أن يجيب، كأنه سر خطير ويستحق أن يُحاط بأكبر قدرٍ من المهابة..

مع الوقت كبرنا، وأصبحت الكثيرات أمهات، وخضن عملية الولادة نفسها، دون أن يجدن أجوبة على هذا السر. "هما وقتها بيكونوا في إيه ولا إيه!!.

ربما جاءت الفرصة الآن لنفهم السر، لتنكسر أسطورة "يااموو السعد يااموو السعد" الخالدة، و الإجابة فعلًا بسيطة جدًا، ولا تعدو بالنسبة للـ "الدايات" ـ المخضرمات أكثر من حقائق عابرة لا تقف إحداهن عندها لحظة..

السبب الأول:
يعمل الماء الدافئ على صنع حالة ارتخاء جيدة للعضلات، وبالتالي فإن استخدام منشفة مبللة منه تؤدي إلى ارتخاء عضلات الحوض والمنطقة السفلية لتسهيل خروج الجنين ..

السبب الثاني:
الماء الساخن مُطهر جيد في حد ذاته، على الأقل تساعد درجة الحرارة على قتل البكتيريا بصورة ما، وبالتالي إزالة ما تبقى بعد نزول "المشيمة"، إضافة إلى تعقيم الأدوات التي تستخدمها أو يستخدمها الطبيب نفسها ..

السبب الثالث:
لا بأس به لتنظيف ما علق بجسد الجنين بعد الولادة مباشرة، إن هذا يناسب درجة الحرارة التي قدم منها للتو، ولن يسبب الخلل في درجة الحرارة أي ضرر للجنين..

السبب الرابع (الأهم):
لنفترض ـ وهو ما يحدث فعليًا ـ أن الجنين يولد بالرأس ..
ما يحدث هنا أن التغيُّر المباشر في درجة حرارة البيئة التي ينتقل خلالها الجنين أثناء الولادة (من داخل الرحم إلى حرارة الغرفة) ينتج عنه تنبيهًا واضحًا لـ "مركز التوازن الحراري HRC" في جسم المولود، كما أن الحبل السريّ نفسه شديد الحساسية لذلك الأمر (لاحظ أن الحبل السري محاط بغشاء جيلاتيني، وغير مغطى بالجلد أصلا، مما يجعله شديد التأثر بالتغير في درجة الحرارة المحيطة)، فتبدأ أوعيته الدموية في الانقباض لحظيًا ، ثم يتوقف إمداد المولود بالأوكسجين من خلاله.. وما يحدث بعدها أن المولود يصرخ صرخة الميلاد الخالدة، والتي تعمل على أثرها رئته الخاصة، فيبدأ التنفس الطبيعي ..

لكن ماذا يحدث لو .. نزل الجنين بقدميه، أو بأي وضع غير طبيعي كوضع (Breech presentation)؟، وهو شائع بالطبع ..

لاحظوا أننا نتحدث عن عصر "الدايات" أي قبل معرفة السونار حتى، كما أن تقنية "الولادة القيصرية" كانت ضربًا من الخيال، ويتم التعامل معها بأسلوب (ياضنايا يابتي هيشقوا بطنك) .. برغم أن كثير من أساتذة النساء والتوليد يستخدمون تقنية الماء الساخن في غرف العمليات للآن ..

ما يحدث في هذه الحالة أن "مركز التوازن الحراري HRC" في جسم المولود يلاحظ التغير في درجة الحرارة، وينقبض الحبل السري من تلقاء نفسه ، فـتبدأ الرئة في العمل مباشرة، بينما الرأس عالق في منطقة الحوض .. هذه كارثة حقيقية لمن يفهم الأمر أو يتخيله! .. ولو بدأت الرئة في العمل لعانى الجنين من الاختناق (غرقًا) ..
التصرف السليم هنا، أن "الداية" تحيط جسد الجنين بمنشفة مبللة بالماء الدافئ، لتحفظ له ذات الحالة التي كان فيها بداخل الرحم، لاحظوا أن السائل الأمينوسي الذي كان يسبح فيه بداخل رحم الأم دافئ، وبالتالي يتم إنقاذ الطفل لحين نزول الرأس...
ها.. اتفك اللغز!
__________

28/10/2017

》الميكروب الحلزونى H-pylori
طبعا اكتر من 50% من الشعب المصرى مصاب بيه بسبب الطعام والشراب الملوث :(
هى نوع من البكتريا تسمى بالجرثومة الحلزونية ..
وتقدر تحمى نفسها داخل المعده عن طريق افراز مادة من النشادر تحيط بجدارها الخلوى وبالتالى تعادل العصارة الهاضمة الحمضية للمعدة .. بجانب انها بتخترق الخلايا المبطنة للمعده لحماية نفسها من العصارة الهاضمة وبسبب الاختراق ده بتؤدى إلى تقرحات بالمعده .

● اسبابها :
الطعام والمياه والخضروات الملوثة
وكمان بتنتقل من الشخص المصاب للاشخاص الغير مصابة عن طريق لعاب وبراز المريض والطعام والشراب الملوث بفضلات الشخص المصاب .

● أعراضها :
آلام شديدة في المعدة
حموضة مستمرة
غثيان وقئ
ظهور رائحة كريهة بالفم
خمول وارهاق
نقص في الوزن وفقدان شهية
ممكن يحصل قىء دموي وطبعا تلون البراز بلون داكن وتحوله للون الأسود .

● مضاعفات الاصابة :
بعض المضاعفات من الإصابة علي المدى البعيد ومن هذة المضاعفات الإصابة بالقرح المعدية وقرح بالأثني عشر وقد تصل إلي حد الإصابة بسرطان المعدة .

● التشخيص المعملى تحاليل الميكروب ؟؟

1 – تحليل دم H-Pylori Ab .
فيه يتم إختبار وجود أجسام مضادة للميكروب بدم المريض أم لا و التي يستمر وجودها في دم المريض لأكثر من عام منذ إصابته بالميكروب .

2 – تحليل براز H-pylori Ag in stool
و يتم فيه إختبار وجود أجسام الميكروب في براز المريض .

3 – Endoscopy H-pylori
أخذ عينة من معدة الشخص المصاب بالمنظار وتحليلها وعمل مزرعة بكتيرية لها .
4 – Urea breath test
يتم فيه قياس نسبة ثاني أكسيد الكربون في هواء الزفير وعند زيادة نسبته يدل ذلك علي وجود نسبة كبيرة من اليوريا بمعدة المريض الشئ الذي يؤكد أصابته .
___________

28/10/2017

ليه كده يا محمد 8-)
نفسى اشوفك برنس O.o..
لو سمحت يا دكتور فرغلى ( الأستاذ ) 👤
خير يا محمد ( النايب ) 💃..
رجل 45 سنة 👮
نهجان مع المجهود
تورم فى القدمين..
الأستاذ 👤: هل الlung اا free اا ؟
أيوة .. بس مش.عارف ..حضرتك بتسأل ليه ؟
علشان نستبعد وجود
LT side HF..
طيب ,,,
عملت أى تحاليل للحالة ؟
اه .. الalbumin فى ال blood قليل ..
فبالتالى شكيت فى وجود Nephrotic syndrome !!..
الأستاذ :
لقيت albumin فى الurine ؟ 🔦
لأ ... يبقى تشخيص ال Nephrotic غلط . O.o..
خلاص يبقي
ممكن يكون السبب Cirrhosis ؟ 🔍..

هل وجدت
أى أعراض cutaneous
او اي شي يوحي بوجود Cirrhosis ؟
لأ .. يبقى غالبا تشخيص الCirrhosis غلط . O.o..
طيب .. محمد
هات الحالة أبص عليها ؟..
👤اتعالجت من أى حاجة يا حاج ؟
ايوة يا دكتور
من 15 سنة
Non-hodgkin lymphoma
اتعالجت ب irradiation على الchest 👌 .
طلع العيان.صيدلي :D..
الأستاذ :-
شايف يا محمد ال💡
Jugular
venous
distension
اللي بيزداد مع الispiration ؟!😏😒..
معذرة دكتورنا .. مش رابطها بصراحه !!! 😄😄.
الحالة يا بني ,,,,
Constictive pericarditis ..
ازاى حضرتك وصلت للتشخيص ؟! .
بص يا بني ,,,
📝
راجل اتعالج ب irradiation على الchest ,
جاى ب تورم فى القدمين و JVD ,
يزداد مع الispiration
تبقى
Constictive pericarditis..
طيب
ليه بيحصل مع الirradiation ؟! 8-)
الاجابه ببساطه
الirradiation
يزيد 3 أضعاف
حدوث ال cardiac death..
نتيجة
myocardial infarction,
heart failure,
(( constrictive pericarditis))
cardiomyopathy,
valvular heart disease
____________